أدعوا لي بالصبر ....

ابي افهم شي



اهو يخونج و لا متزوج عليج و لا ايش؟؟؟


و ليش بالظبط تبون تتطلقون؟


بس لأنج قلتي لأهله انه يتأخر


اذا هذا عذرة فأسمحيلي ريلج ماعنده سالفة و عقلة على قده


بس اللي ابي افهمة هو السؤال اللي سألتج اياه في البداية

كاتب الرسالة الأصلية : الحياة الوردية
الله يسهل لج جميع امورج ... ويهدي زوجك لك

ولا تنسينا من الدعاء الخالص من القلب لنا اذا وفقكم الله وذهبتي للعمرة

:smile:

اسال الله العظيم ان يفرج كربتك................

الأخت نودو، عدت إلى المنتدى العزيز من جديد بعد أن قضيت وقت ممتع مع زوجي وأبني وعائلتي في الأردن، بصراحة الجو كان روعة بس مالحقنا على الثلج :confused:

كيف حالك أنت؟ إنشاء الله قضيت إجازة العيد سعيدة مع زوجك والله صلح الأحوال للأحسن، بشرينا بالأخبار الزينة,,,,,

أختي نودو

الله يخليكي حاولي تفرغي رسايلك من جديد :confused::confused::confused::confused::confused::confused::confused:

صباحي

الغالية .. نودو

ووووينك يا الغالية :rolleyes: ... ارجوووكي تطمنينا عليكي وعلى اخبارك؟؟

:smile:

الصبر الصبر الله يعينج بس هم للأسف أنا ماني قادرة أوقف بصفج 100% سامحيني بس انتي خليتي وقته بالبيت جحيم حنة و شك و أصلا بداية موضوعج انج تبين حركات تودي بداهية وتحقق لج طلبج هذي الداهية انتي وصلتيلها بأفعالج لو بيت الرجال مريح و سعيد ما فكر يطالع برا حتى لو هو أسوأ رجل بالعالم اذا لقى الراحة بيرتاح وماراح ينظر بره جنته وشكج فيه أصلا سهل عليه موضوع الخيانة لو ماكانت في باله اصلا أنتي ركبتيها براسه وقال اهي خربانة خربانة أي انسان اذا حسستيه انه محل ثقة بيكون قدها هذي طبيعة انسانية بس علشان بنتج وعلشان انتي في داخل نفسج انسانة وايد زينة بس خربت عليج الحنة و الشك اللي ماله معنى الله يفرجها عليج يا عمري و يخلي لج بنيتج و يرد لج زوجج و يحنن قلبه عليج آمين يا رب العالمين

الله معاج اختى نودو والله يهديه انشاءالله وطمنينا

الله يهدي سركم ويفرج كربكم

السلام عليكم ورحمة الله وبركاته


ااختي العزيزة نودو ........

اولا قبل كل شئ وما ابغيش اتزعلين من كلامي ؟؟؟ مثل ما اتعرفين ان احنا بمنتدى عام وبعض الالفاظ وبعض الكلمات ما تجوز لها النشر ؟؟؟
وحتى عن الاشياء الخاصة اللي بينج وبين زوجك المفروض انج تتحفظين عليها ؟؟؟ يا ريت انج عرفتي قصدي وما تزعلين مني ؟؟؟

انه اللي عرفته من كلامج ان انتي بحرينية ؟؟؟؟؟؟؟؟؟ صح
وان زوجك عنده مكتب لجلب العمالة الاجنبية ؟؟؟؟؟؟؟ صح

تدرين ليش سألتج هاذي الاسئله ؟؟؟؟؟؟؟

كل نعرف سوالف الخدم وبلاويهم ومصايبهم اللي اتشيب الرأس يجون البلاد عشان غايه بنفسهم بعضهم الشريف وبعضهم الخسيس ؟؟؟ وزوجك بحكم عمله يكون اكثر واحد يختلط بهاذي الاشكال ؟؟؟ ويتعرض لمصائدهم ؟؟؟ وحتى الرادع الديني يأثر وتربيته وأخلاقه فإذا كان يلعب من وراج وعنده علاقات اسمحي لي اقول عنه ان ما عنده اخلاق ولا عنده ايمان بالله ورسوله وما تربى صح ؟؟؟
ولانه يماشي رفاق سوء أكيد انه بيصير مثلهم وبيسوي سواياهم ؟؟؟

ومثل ما الكل ايلاحظ بأن الفساد بالبحرين زاد وزادت الفنادق وأماكن العربده والمراقص وأماكن الفحشاء والمنكر ؟؟؟ يعني المجال مفتوح قدام الشباب وما في رادع يردعهم ؟؟؟

ولان زوجك اهله يتسترون عليه ؟؟؟ وأنتي تسترين عليه ما راح يهد هالاشياء يعني البنات والعلاقات المحرمة والسكر والقمار ؟؟؟

ولانه لاقي من يغطي عليه ويشجعه بطريق غير مباشر ؟؟؟ من غير الممكن ان يترك هاذي الاشياء ؟؟؟

يعني الي يشجعه على هالشئ (( امه انتي عمله أصدقائه والبلد اللي عايش فيه ))


هاذي نقطه ؟؟؟؟؟؟؟؟

النقطه الثانيه ؟؟؟ اللي هي انتي ؟؟؟

انتي اول شئ رجعتي له ليش ؟؟؟؟

عشان يصرف عليش ؟؟؟ زين اللحين هو بعد ما يصرف عليش ؟؟ لانج انتي عودتينه على جذي من البدايه اهو مأخذش تشتغلين عشان تصرفين عليه واهوا ايخلي افلوسه حق سوالفه البطاليه ؟؟؟
وبعدين لو انتي تطلقتي اهوا ملزوم من المحكمة انه يعطيج نفقة ويحطش ببيت اتربين بنتش فيه وبعدين انتي الحمد لله مو محتاجه له تشتغلين وشايله روحش يعني لو تطلقتي منه انتي قادرة تعيشين بمعاشك ؟؟؟
يعني على سواياه بعد ما يصرف عليش ولا يدفع شئ حق البيت وحق بنته وحق زوجته اسمحي لي اقول لج انه مو رجال وقاعد يستغلش أبشع استغلال ؟؟؟

الشئ الثاني ؟؟؟
بنتش تقولين ما تبغينها تتربى بعيد عنه ؟؟؟ ليش اللحين هي اتشوفه ؟؟؟ ولا تقعد وياه ؟؟؟ اذا انتي ما اتشوفينه الا ساعه وحده يعني أكيد هي ما تشوفه موليه ؟؟؟ وحتى لو بتتربى بينكم شنو الفايده تتربى وسط نزاعكم وخلافاتكم ؟؟؟

الشئ الثالث ؟؟؟؟

ابي اعرف اشلون مستحمله اتعيشين ويا واحد خاين استغلالي ما عنده اخلاق ولا دين ؟؟؟
صدقيني اهو لان يعرفش اتحبينه وما تقدرين على ابعاده ؟؟؟ وما تقدرين تطلبين الطلاق منه ؟؟؟ قاعد ايدوس عليش يوم بعد يوم ؟؟؟
طلعي من القوقعه اللي حبسش فيها جددي علاقاتك مع صديقاتك اطلعي وياهم زوري اهلك ؟؟؟ لا تحبسين روحش عشانه ؟؟؟
انتي هدديه بالطلاق اذا ما اعتدل وهد سوالفه ؟؟؟

بعدين اشلون اتخلينه ايسافر ابروحه مع شلة السوء ؟؟؟؟ لدبي والفلبين وتايلاندا الى أكثر الاماكن اللي معروفه باللعب والعربده ؟؟؟؟

اسمحي لي اقولش انتي ما عندك شخصيه ويا زوجك ؟؟؟ وساكته عنه الى متى لما يجيه مرض من هالبلاوي وتبتلشين فيه (( الله لا يقوله ))







نصيحتي لج ياأختي العزيزه ؟؟؟؟ وصدقيني انه أعزج لله ؟؟؟ قريت قصتج بالليل وتميت طول الليل افكر في حالتج المأساويه وما قدرت ارد عليج الا الحين ؟؟؟
نصيحتي انج اتحاولين اتعدلين له احواله وترجعينه الى صوابه وتروحين وياه العمرة يمكن الله يهديه ؟؟؟
واذا ما اهتدى خبري اهلش واهله عنه وعن بلاويه وخذي أغراضش وتركي له البيت ؟؟؟؟ خلي الكل يدري عن سوالفه ؟؟؟
واذا ما تاب واهتدى وحاولتين وياه وحاله مثل ماهو طلبي منه الطلاق وافتكي منه عيشي في بيت اهلش معززه مكرمه احسن لج من هالانسان الفاشل ؟؟؟ وخليه يأخذ له وحده من البنات اللي يعرفهم ولا يأخذ له اي وحده اتناسبه واتكون من مستواه الاخلاقي ؟؟؟

وعيشي انتي بشرف وبطهارة بعيدا عن عربدته وفسقه ؟؟؟
والمحكمه بتحكم لج بالنفقه والمؤخر ومصروف البنت وحتى انه يأجر لج شقه اتعيشين فيها اتربين بنتج ؟؟؟؟؟

وخلي شخصيتك اقوى وياه ولا تستهينين بلي ايسويه ؟؟؟؟

ولا حول ولا قوة الا بالله العظيم ؟؟؟؟؟؟؟؟ والله يكفين شر الفحشاء والمنكر ؟؟؟

الله يعينش يا اختي على هالبلاء ؟؟؟؟ ويصبر قلبك ؟؟؟

اختي ايوت امحيلي بس نصايحك كلها مو في مكانها
الله يهديك و يهدينا معقوله تبين اتخربين بيت البنت بهالكلام اللي قلتيه

اسمحيلي بس هذا مو اسلوب للنصيحه انتي تبينها بهالكلام تكره زوجها ابو بنتها وتكره اهله

حرام هالكلام احن المفروض انهديها مو نشعللها زياده