أدعوا لي بالصبر ....

:up: :up: :up: :up: :up: :up: :up: :up: :up: :up:

موفقة حبيبتي.. يا ربي يخلي هدايته على ايدج

انا اقول انك تستمرين معاه وتشيلين فكرة الطلاق من راسك
لان الطلاق يهز عرش الرحمن
وغير كذا عليك بالصبر ثم الصبر لان الصبر مفتاح الفرج
واقرأي سورة البقرة اخر الليل وادعي ربك بأخر الليل لان الدعاء مستجاب بهالوقت...وان الله يبعده عن عيال الحرام وفي اثناء دعائك ايقني بأن الله راح يستجيب لدعائك وعليك ببدأ الدعاء بـ ياحي ياقيوم ثلاث مرات لانها سبب لقبول الدعاء
وحاولي تفرقيه عن عيال الحرام والسوء لان لو قدرتي على هالشئ
بيكون عندك اجر عظيم من الله سبحانة وتعالى
وانا راح ادعي لك
والله يفرج كربتك يارب

ونة

السلام عليكم ورحمة الله وبركاته

هلا اختي نودو..

يعجبني فيك اصرارك ولله الحمد..

واصلي يا اختي وحاولي تسيطري على لسانك شوي وبإذن الله راح يرجع لك زوجك أحسن من قبل..

حاولي تسلين نفسك بأشياء تحبينها لمن يكون هو بره..

يعني اي هواية حلوة تنسيك الهم .. زوري ربعك وصديقاتك بس لا تخبريهم عن مشاكلك لأن في فئة من الناس بدل ما تبني تهدم..

زوري أهلك وروحي للأموات يوم الخميس وراح ترتاحين.. راح تحسي براحة وتعرفي إن مصيرنا كلنا هذي الحفرة اللي تحت التراب..

وتوكلي على الله..

الله ما يخيبك..

نورس الوجود ، الكئيبة اخواتى الحبيبات الله يخليكم ومشكورين جدا جدا :shy: انا ابشركم قاعدة اتبع نصايحكم ومطنشه سهره وطلعاته بس يقهرنى لين يأتي بالليل يريد يبوسنى ويقول احبك واموت فيك ، شنو هذا الحب يا جماعة اللي يتركنى طول اليوم أحس صايرة مطنزة بين (------) اللي يعرفهم الله يزولهم بس ما باليد حيلة بالأمس جاء وقدم لي شيك قال هذا المبلغ لسفرتك تريدينى اضعه لك بحسابك او اسفرك فيه ، انا قلت له اريد اسافر ما اريدك تحطه لي بحسابي الحمدالله انا اعمل وعندى معاشي ، بس السفر اللي ما احصله ، وبعدين خرج وبالليل لين جاء الا يقول لي اش رايك تساعدينى بالبيت يعنى يقصد ادفع معاه نص الأجار قلت له ولا فلس بدفع ولا فلس ، الا يقول زين بسفرك وتساعدينى بالأجار انا قلت له انت ملزوم تسفرنى وتدفع الأجار وانا منى ومن نفسي اذا اريد ادفع لبيتى اي شي محد يغصبنى على شي ، الا يقول يعنى هذا علشان ثمن سكوتك ، رديت عليه انت ما تريدنى اسكت على طلعاتك وسهرك وتأخيرك وتريدنى مبتسمة خلاص تحمل بدفع الأجار والألتزام بالإتفاقية ... احس يا بنات الدنيا ما تسوى شي غير ان الواحدة تعيش حياتها انا الحين مطنشته والله يا سبحان الله ماشاءالله ماشاءالله ماشاءالله (الله ماسح على قلبي اشلون اتجاه هذا الزوج ، يعنى لين اكون بالليل مثلاُ جالسة بروحى الطالع التلفزيزن مثلاُ الساعة 11 بالليل تجينى الأفكار والوساوس ان الحين اكيد معاها ويسوون كذا وكذا ، بس اتعوذ من ابليس واشغل روحى بشي واقول جهنم فيه ، هو الخسران ) ويارب الله يعطينى القوة والصبر والعقل والذكاء لكي انتصر بالنهاية بتفريق زوجي لأصحابه وال---- .
وبعدين لازم أكون جاسوسة شوي عليه غصباً علي هو اللي وصلنى لهالمرحلة بس طبعاً ما يدري، نفس ما قالت الأخت ما عندي أحد يجره لهذا الشي لللأسف هو يسمع كلام أصدقائه فقط حاولت أن اضع احد سنع ويخاف الله يجره لكنه يصد ما يريد هذه الشلة ، هو يريد شلة من نوعية ثانية ... والحمدالله انا ما افكر بالطلاق بحاول قدر المستطاع بطيبتى وافعالي انى اجره ناحيتى علشان البنت وعلشان انا ما اتشتت ، راح أحاول شوي شوي اول شي ان يشيل عنى الأجار وبعدين انشاءالله انا واثقة ان الله ما يضيع صبري وتعبي جيذي راح يعوضنى انشاءالله ، بس هذا طبعاً يعتمد عليه انشاءالله ما تيجي وحدة وتدخل بقلبه وتغيره علي وعلى ابنته بس الله لا يقول هاي بتكون اكبر مصيبة ما اقدر احلها اتمنى يكون يحبنى دائماً ويحب ابنته علشان يحط بيته بعينه دائماً قبل ما يفعل اي شي .....آه تعبت بصراحة احس انا قاعدة اكذب على روحي واقص على روحي.........
البارحة اقول له انا مستانسة علشان غداً الثلاثاء ، يسألنى ليش قلت له علشان يوم الأربعاء بطلع معاك يومى بيكون ، تخيلوا يا بنات انا من العمل للبيت هاي حياتى صرت ما احب اطلع وصرت ما احب الفوضى يعنى طول الإسبوع بالبيت ما اطلع الا معاه.:cry: :cry: :cry: مو حرام حسبي الله ونعم الوكيل ، لا تقولون روحي مع صديقاتك هو مانعني وما يرضى.

عزيزتي nodoo :

الصراحة مو عارفة ايش أقولك :pain:


موضوعك وايد يحير :eek2:



وأعتقد ان الحل لنهاية مشكلتك في يد زوجك ...


وصدقيني قلبي وقلب الأخوات معك ..


الله يصبرك ..

عزيوتي نودو

معلش الفترة اللي فاتت كان عندي مشكله بالكومبيوتر

انا من راي الاخوات انك تطنشي و تفضلي ماشيه علي الخطه و الدعاء و الصلاة لحد ما ربنا يهديه
ان شاء الله

ولله شغلة الجاسوسه موتتني من الضحك , واخاف تركز على الحريم ويطبقونها على ازواجهم :D2 :D2 :D2 :D2 واعتقد اولهم انا :o:o:o

على العموم استمري في الي قلناه ومايحصل الا خير.

صباحي

الله يرسل فرجه عليك ان شاء الله ويريح قلبك وتعب السنين اللي مضت يارب ياحي ياقيوم
وتهدي كل المسلمين والمسلمات في كل مكان

السلام عليكم ورحمة الله وبركاته

صلى الله عليه وسلم

وينك يا نودو..

احنا ننظرك ..

إن شاء الله حصلت اشياء حلوة لك..

علي ها انا انتظر اطرش لكم يوم السبت عندنا الأجازة الله يعديها على خير من دون مشاكل ، انت على بالك اشوفه انا صيرة باردة جدأ جداً ما تتخيلين اشوفه باليوم يمكن ساعة او ساعتين والله العظيم ما اجذب عليكم ..
ييجى البيت الساعة الثالثة والنصف ساعات الرابعة يتغذى ويبدل ويطلع الى الليل الواحدة وانا تعبانة ما لي خلق اتكلم...... بالأمس ذهب لمكتب السفريات لكي يحجز لنا وهو يقول يالله هذا الشهر بسفرك بس انت تدفعين الأجار ، قلت ولا فلس ما ناوي تدفع تطلعنا من هذا المكان وودنا مكان ثاني وانا ولا فلس بعد اليوم ورايح ادفع لللأجار المهم الظهر شفته ساعة فقط ثم ذهب الى الواحدة وانا كنت محتررررررة وغضبانه عليه موت يعنى مادري البارحة كنت شاكة فيه ان مع وحدة ليش مادي .. يعنى البارحة بالذات تخيلته مع عشيقته يتعشى ووو وو آآآآآآآآآآآآآآآآآآه والله حتى لين رجع ما عطيته وجه ،أحس انى مطنزة جدام (-----) احس انهم مسوينى مهزلة ومطنزة انى كذه ، يعنى خاطري ليلة من ليالى الأسبوع يعمل لي مفاجأة ويدخل البيت من وقت يعنى صار عنده كأن مدرسة يطق الجرس بهالوقت لدخولة البيت والله حياتى صارت مالها معنى وطعم جنيت وما اريد اعمل مشاكل علشان ما اخسر السفرة ويدفع الأجار.. حسبي الله ونعم الوكيل .... شاقول انتظر الى يوم السبت لأن اعرف لازم بيعمل لي شي يعكر مزاجي.. ويذبحنى.... والله حتى صرت ما اشتهى اضحك بوجه او اشوف وجه لأن احس انا قاعدة اعطى واضحى بس بالمقابل ما احص شي ولا تضحية .. ويقهرنى ان يقول احبك اي حب هذا هو ما يعرف شنو حب خسارة علي وعلى شبابي والله العظيم فينى غصة تسمحون لي ابكي بصراخ عالي والله اذا تشوفونى اكسر خاطركم..........................
باعطيك اخباري حبيبتى يوم السبت اتمنى ما يكون فيه مشاكل.

أختي العزيزة هل انتي من البحرين؟ يمكن نكون ربع و تقدين تفضفضين لي و افضفض لش.

الله يكونفي عونك حبيبتي

عزيزتي نودو
شوفي الخاص




عندي فكره يمكن تساعد في حل قضيتك

ليش حبيبتي ماتروحين الحج ويه زوجش
وتقعدون بعد ماتحجون كم يوم عند النبي (المدينه)


يمكن الله يهديه

أنا مع راي الاخت أحلى شهد :up:

اقنعيه وروحوا الحج ... لعل الله يغيره للأفضل :smile:

آآآآآآه يانودو لو كنت عايشه في البحرين :angry: :think:

السلام عليكم ورحمة الله وبركاته

الصلاة على رسول الله..

وينك يانودو طمنيننا عليك..

نودو راسليني الله يخليكي.

وووينك اختي نودو

طمنينا عليكي .. انا احااااتيج

أتمنى انصلح حالكم

:smile:

كاتب الرسالة الأصلية : الكئيبة
وووينك اختي نودو

طمنينا عليكي .. انا احااااتيج

أتمنى انصلح حالكم

:smile: