هام للبنات المصريات..الجزء الثاني ...

أمولة
:clap::clap::clap:
نسيت أقوللك ان فكرتك هايلة لكن أنا قاهرية وهيكون صعب أسافر اسكندرية مخصوص :confused::confused: فيا ريت نعملها في القاهرة كمان ايه رأيكم :cool2:

ماشاء الله يا ايمان والله فستانك تحفة :up::up:
وكمان الطرحة رقيقة جدا والجريب يجنن
ربنا يسعدك يا رب ويحعل أيامك كلها فرح

وكمان بالنسبة للفرح ذوقك عالي جدا
أنا كمان انشاء الله في فرحي هخلي بنات البالية هن الي يزفوني وكمان في رقصة الفالس لأنهم بيدو شكل حلو قوي للفرح :smile::smile:

السلام عليكم ورحمة الله وبركاته

أهلا بحبيبتي برايد

شكرا على النصايح الحلوة يا قمر و عندك حق فعلا بلاش أكتر طالما العملية حتعتمد على ذوقه كمان :D2 المهم يا ستي كويس ان جويا موثوق فيها. انا اصلي أول مرة اجيب منها بس كانت دايما صاحبتي تشكر فيها. يا ترى ايه المحلات التانية الكويسة و اللي اسعارها معقولة للانجيري يا برايد؟؟ و في حاجة قريبة من منطقة الزمالك؟؟ المحلات اللي في اليمامة سنتر قفلوها و مش عارفة حتفتح تاني بعد التجديدات و الا لا.

على فكرة يا برايد انا من طنطا مش القاهرة بس باشتغل في القاهرة و موجودة فيها يوميا. و لما اقترحت فكرة كارفور اسكندرية على فكرة كان غرضي انها تبقى فسحة كمان في مكان تاني غير القاهرة بس لو تحبوا نخليها في القاهرة مش مشكلة بس انتم اتفقوا بس على مكان مناسب للجميع و نتقابل. بجد تبقى فكرة روعة!!!! يعني مكان يكون في وسط البلد مثلا بحيث ان المواصلات للجميع تكون معقولة. شوفوا كده و فكروا.

في أمان الله

ماشاء الله تبارك الله
الله يباركلك ايمان ويوفقك...
طبعا كنا حابين نشوف الوجه الحلو بس ان شاء الله بطريقة تانية
ومبين عليكي ذوق وحبوبة الله يكرمك انتي وزوجك

وحلوة الزفة حبيتها.
بس ماشاء الله البنانيت الزغار قرايبكو ولا بيجوا مخصوص

:smile:

امووولة:smile:
كيفك ياحلو
فكرتك حلوة وان شاء الله بتتعرفوا اكتر
والله جد فكرة حلوة..
يعني كان من زمان لازم تعملوها..
صدقوا في صداقات عالنت كتير قوية
والله يوفقكم
بس لما تتجمعوا بدنا التفاصيل

:shy:برايد
الف مبروووك وتتهني يا حلوة
وبدنا نشوف صورك كمان..ياعرووس
ونصايحك لامولة هيك:up:
وهي امولة يخزي العين عنها عسولة

والله يا بنات انتوا كلكو بتنحبوا من القلب
بس يعني هو انا جديدة معكم ...ولسة ماقرات الموضوع كله اللي بيان انه شيق كتير...
بس عندي صداقة مع :smile:الحلوة اموولة:smile:
وبحبكم كلكم في الله...

وموفقين ان شاء الله

ازيكم يا عرايس

أمولة

أنا في الخدمة تحت أمرك في أى شئ

شوفي:

في 3 محلات في روكسي واحد في ابراهيم اللقان قبل ممر كريم وحليم

وواحد على الناحية المقابلة له اسمه بيلا بيلا، وفيه محل أمام إم إم وكلهم عندهم حاجات :up:

بالنسبة للمعارض طبعا هتلاقيهم في مدينة نصر أرض المعارض وأكيد هيكون فيه واحد قريب علشان مستلزمات العيد ان شاء الله

كمان في في ناصية شارع عدلي اللي فيه مصر للسياحة وجروبي على ناصيته محل حلو

في كمان محل في قصر النيل بجوار دالي دريس بس حاجته غالية شوية

عندك كمان محلات المولات في مدينة نصر في واحد في السراج مول مشهور بس أنا نساية في الأسماء

في كمان في أركيديا واحد في الدور الثاني أو الثالث أمام كونكريت

وفي في الحرية مول بس مش فاكرة الأدوار رقم كم:o


وطبعا لو انتي زيي بتحبي الحاجات دي كل ما هتروحي حتة هتتخبلي على اللانجيريهات وتبقي عاوزة تجيبي منها :D2 بس نصيحة امسكي نفسك:D2

أى مكان البنات تتفق عليه أنا موافقة عليه ان شاء الله

كربوجة

أهلا وسهلا بك

منورة الموضوع ويسلم لنا ذوقك

وأنا كمان هأحط الصور بس لما تيجي لأن اللي عندي دلوقت الصور الكبيرة ومش عارفة أرفقها:confused:

أمولة

نسيت حاجة

اعملي حسابك في عبايات واحدة أو اثنين أو 4 لو انتي بتحبيهم ويكونوا شيك ليه؟ علشان أكيد هتضطري تروحي عند أهله ولا حاجة فتلاقي حاجة تلبسيها غير لبس الخروج وتكوني واخدة راحتك فيها

كمان اعملي حساب قمصان نوم عادية بكم أو نصف لنفس السبب يعني 3 أو 4 بيكون كفاية

وهاتي في الأندرويرز حاجات قطن وطبعا ما فيش أحسن من القطن المصري عندك دهب :up: ماركة حلوة ليه (علشان أجازة الصلاة :o فهمتيني) لأني انا افتكرتهم على آخر لحظة الحمد لله لأنك مش معقولة تستعملي حراير وستانات لها هتتعبك:pain:

قصدي فترة الأجازة من الصلاة:o

هااااااي بنات :smile:

انا من الرياض واتمنى تساعدوني ما دام ان في بنات هنا من مصر ..

انا زواجي بعد 4 شهور وابغى اعمل زواجي كله كانه فرح مصري ... ابغى مصري بلدي مو فرعوني ... يعني مثلا راح تزفني رقاصة على راسها شمعدان ...

اذا عندكم افكار اعطوني .. بس اكثر شي شاغل تفكيري الكوشة .. مو عارفة كيف اعملها ..

:cool2:

eman_s25
ألف مبروووووك:shy:
ما شاء الله ....حاجتك كلها حلوة......بس اكثر حاجة عجبتني قويييي الجيرب!!!!!!
ما شاء الله طالع يهوس في الصورة !:clap::clap::clap:

amal ....
فكرة التجمع فكرة حلوة و يا ريت اشوف كل بنات عروس المصريات و اتعرف على المجموعة الحلوة دي!:shy:

foofa...
اهلا بيكي!
بالنسبة للكوشة ممكن تعمليها زي حتة من البيت الفلاحي في الخلية قش و جريد منثور عليه ورد.... و على الجوانب زير فخار (مقاسات كبيرة و متوسطة ) بشكل جميل و طالع منها ورود مختلفة باطوال لحد ما تصل للارض!... اتمنى تعجبك!

عودة....:up:
مش عارفة اقول عنك ايه!!:shy:
:clap::clap::clap::clap:...امال لو كنتي مصرية كنتي عملتي ايه؟
ربنا يبارك لك على افكارك الحلوة! و نفسنا نشوفك

bride to be .....
نصايحك في الجووووووووووون!
ربنا يبارك لك!

سلام عليكم بنات
ماشاء الله عليكم حبوبات و متعاونات ..:smile:
والاهم شي يكون في بينكو محبة في الله :smile:اللي هي فعلا موجودة ان شاء الله
حابة اقدملكوا اقتراح ..
يعني ماشاء الله كل اخت فيكو مابتقصرش باي معلومة او افادة لاخواتها
اقتراحي هو التالي


متل ماعملت الاخت yasema142
وذكرت الشركة العطور ..ونصحتكم فيها

وزي ما امولة:cool2: كمان في موضوع مكسوفة حكت عن ماركة
اوريفلم..بالمنتجات الي هي استفادت منها ..واعطت
السعر والوصف ومن وين
ومؤخرا حكت عن الشغلات اللي جابتها من اسكندرية...

يعني لو كل اخت تشتري اشي ممكن تفيد فيه غيرها
من التالي

كريمات
عطور..
ديودرانت
سكرب
زبدة للجسم
زبدة شفايف
جلوسات
حمام مغربي
صابونات
ماسكات
صبغات حلوة
حنة معينة
بودرة تلك
لوشين معطر للجسم
الانجيرهات الحلوة
الاندر وير الحلو

تذكرها
بالسعر والعنوان واسم المكان اللي متواجد فيه
ونوعية الافادة الي استفادت منها
عشان هي هيك بتعطينا خبرتها بامانة وصدق
زي ما امولة حكت عن اورفليم

كمان ممكن تفيدوا بعض وتفيدوا زواركم بالتالي
واكيد العرايس صار الهم خبرة:cool2: في هاي المجالات
النجارين المناح
المهندسين المعمارين والديكور
الخياطات
الاتيليهات
ماكييرات
كوافيرات
صبغات عند ناس بيعملوها حلو
ناس بتعمل ستاير حلو
قمايش التنجيد والستاير من وين والاسعار
السجاد
التحف
اللوحات الفنية
الناس الي بتعمل براويز وهي الشغلات
مواقع مفيدة عالنت
مصوريين ومصورات
ديجي هات كويسة
فرق اسللامية واناشيد
اماكن رياضة حلوة
ووموضوع الحمام المغربي وهي الشغلات
محلات الاكسسوار واللبس
القاعات الحلوة اللي جربوها العرايس او اللي شوفتوها حلوة

يعني باختصار كل شي
هايكون موسوعة كاملة لكل احتياجات البنات المصريات
وكمان زواركم هايستفادوا
وبتكونوا هيك عملتوا واجهة سياحيه حلوة لمصر بلدكم
وكنتوا مثال جميل

وطبعا راعو في كل الاشاياء اللي ذكرت انه تحكوا بالتفصيل عن
العنوان
الاسعار .المكان..يعني كل شي
عشان تفيدوا اخواتكم
وماينضحكش عليكم من التجار

وبهيك كتير شغلات هاتتهون عليكو
وترتاحوا من اللف والدوران او تكونوا محتاسين :eek2:

وياريت الاقتراح تاع اامولة تنفذوه وتتقابلو
كتير هاتفرق معاكم
وممكن تتعرفوا اكتر
بس تشربولي معكم فنجان قهوة او شاي
والعرايس يلفوا مع بعض
يعني جو حلو ..:up:


اه هلا اقتراح تاني
بدكم تعملوا زيارة مباركة ل
برايد:up::up:ايمان
والعرايس اللي الله يهنيهم

هدا اقتراح دبستكم فيه صح:smile:

بس حلو تكون فيه اخوة ومحبة في الله

والله معكم
جزاكم الله خير

ازيكم يا بنات وحشتوني جدا

اولا حبيت اقول لبرايد ان الفستان بتاعها حلو قوي وقماشه رقيق واكتر حاجه عجبتني فيه قصة الكم ظريفه بس معلش جت متاخره شوي لاني لسه شايفه الفستان

ثانيا انا متشكره جدا يا بنات على رقتكم وزوقكم وان الصور عجبتكم وان شاء الله انزلكم صور ثانيه لباقي فقرات الفرح

كربوجه انتي منوره الموضوع معانا وبالنسبه لبنات الباليه انا اتفقت عليهم للزفه وكمان بيعملوا شو داخل القاعه


بصوا يا بنات اي واحده تحب تعمل تشطيبات او ديكورات في شقتها انا تحت امرها بما اني مهندسه معماريه فانا اتكلمت مع جوزي وهو سمحلي لاني طبعا احب اساعدكم وقالي ان هو كمان ممكن يساعدني لانه طبعا يعرف عمال ومقاولين اكتر مني واللي تحب تبعتلي على الخاص وانا ابعتلها صور لشغلي وكمان تليفوني هو انا عندي اغلى منكم

والله والله والله بحبكم جداااااااا


كربوجه حبيت اقلك ان كل اللي قلتي عليه ده طبعا مشكوره عليه انك بتفكري معانا وتسعدينا ربنا يخليكي

بس على فكره احنا عملناه في الجزء الاول من الموضوع واتكلمنا على حاجات كتير قوي واحنا بنجهز علشان كده يا ريت كل البنات الجداد يرجعوا للجزء الاول هيلاقوا فيه حاجات كتير قوي تنفعهم


بالنسبه لاقتراح امل ان احنا نتقابل طبعا انا مؤيده بشده جداااااا ونفسي اشوف كل البنوتات الحلوين على عروس والمدامات كمان :D2:D2:D2


اما بالنسبه لاقتراح زيارة العرايس اللي اتجوزا طبعا موافقه بشده

وانا اول واحده عازمه كل البنات يزوني في بيتي وحتى كمان يشوفوا شريط الفرح والصور كلها بجد بجد هكون سعيده جدا


واخيرا احب اقول لكل البنات اللي ادوني رايهم ربنا ما يحرمني منكم وعقبال ما اشوف صوركم قريب ان شاء الله

واحب اقول لهاله الف الف مبروك ومستنينك بعد شهر العسل ان شاء الله


يا ريت يا بنات لو حد يعرف اي اخبار عن ريهام او معاه الميل بتاعها يطمنا عليها بعد ما اختفت كده عنا خالص


اشوفكم على خير

سلام

السلام عليكم ورحمة الله وبركاته

حبيبتي برايد

تسلمي يا قمر على النصايح المفيدة و عندك حق مش حأكتر قوي بدل ما أجيب حاجات كتيرة و يطلع ذوقه حاجات تانية و منعجبش!!! :) ما همة الرجالة متعبين في كل حاجة دايما!!!! أنا حأعمل زي ما قلتي و أنوع بس مكترش و شكرا على أماكن بيع اللانجيري كده أنا عرفت أكتر من مكان و أكيد حيفيدوني ان شاء الله و طبعا عندك حق بخصوص اجازة الصلاة و مفيش أحسن من الاقطان في جميع الاحوال بصراحة خاصة ان حاجات الدلع التانية استخدامها محدود أما الاقطان هي الضرورية. و موضوع العبايات ده كمان عندك حق فيه و على فكرة انا كانت واحدة أعرفها جابت لي عبايات هدية كانت من السعودية بس هي بتبقى قماش بس و المفروض تتفصل هي قالت لي كده و أنا من ساعتها شيلتهم و معرفتش أعمل فيهم ايه. لو تعرفي بيتعمل فيهم ايه و الا يتفصلوا ازاي فهميني أحسن أختك ميح في شوية حاجات!!!! همة ألوانهم جميلة و شيك جدا و قماشتهم كمان حلوة بس انا شيلتهم من غير ما اعرف اعمل فيهم ايه.


أهلا فوفو و مرحبا بيكي معانا و ان شاء الله الاخوات يفيدوكي بمعلوماتهم


اهلا شيماء ازيك يا قمر؟ بصي يا ستي احنا نجمع اراء البنات و أول ما نلاقي التوافق من أكبر عدد نتفق على مكان و ميعاد و نتقابل و أكيد حتبقى مقابلة زي العسل زيكم ان شاء الله و نفسي البنت عودة تيجي أجازة و تيجي المقابلة!!!!

السلام عليكم ورحمة الله وبركاته

ازيكم يا بنات انتم بتوحشوني قوي


إيمان

وحشتينا ، ربنا يخليكي على الفستان أنا كمان عجباني طرحتك قوي:up: ما شاء الله. وبالنسبة لريهام الواحد فعلا ابتدى يقلق عليها يا ريت اللى تعثر على الايميل تقول للكل فعلا.

كربوجة

منورة يا جميلة

اقتراحك :up: أنا طبعا موافقة ، أنا كمان عازمة كل البنات وأهي فرصة نتعرف ونشوف بعض ونفسي كل البنات يجوني ويشرفوني في البيت انتم بس حددوا اليوم تنوروا :cool2:


FoOoFa

أهلا بك منورة

اقتراح الشيماء جميل حاولي تجربيه ، وعاوزة أقوللك على حاجة تعمليها في الحنة أو الفرح بس مش عارفة دي هتكون متاحة في الرياض ولا لأ في الريف بيجيبوا زفة حصان يعني الحصان يفضل يرقص على المزيكا والناس بتحطب بالعصا، مش عارفة ايه رأيك؟ وممكن تخلي الويترات والناس اللي هتقدم الحاجة تلبس مصري فلاحي يعني الجلابية والمنديل والطرحة قولي لي رأيك

الشيماء

وحشتينا يا بنتي فينك ده كله، اخبارك ايه

ربنا يخليكي على موضوع النصايح أنا في الخدمة وتحت أمركم في أى حاجة ، زى ما انت عارفة اسأل مجرب ولا تسألش طبيب :D2:D2:D2

يلا سلام دلوقت

ملحوظة

عودة ومصراوية

انتم فين:confused:

السلام عليكم ورحمة الله وبركاته

كربوجة حبيبتي انتي منورة الموضوع يا قمر و تسعدنا مشاركتك كتير و تسلمي على اقتراحاتك النيرة!!! طبعا بالنسبة لموضوع الاماكن و الهدوم و النجارين و الحاجات دي معظمها كان في الجزء الاول من الموضوع و انتي مشوفتيهوش كله لسة لكن الجديد ان شاء الله اننا فعلا نتكلم بالتفصيل عن اللوشانات و الكريمات و الماسكات و الحاجات دي لانها حتنفع الكل.

ايمان يا قمر ازيك؟؟ وحشتيني موت و طبعا قابلين عزومتك انتي و برايد بس نتقابل الاول المقابلة اللي اقترحتها بحيث ان كلنا نتجمع و نتعرف و نتبادل العناوين و التليفونات و غيره و بعدين نرتب للزيارتين ان شاء الله و تبقى فرصة حلوة نتفرج على افراحكم كمان. ربنا يسعدكم يا رب

و فعلا يا بنات ريهام و the cat و teawater و مصراوية و قلب عصفورة و بنات كتير قوي اختفوا. ربنا يرجعهم بالسلامة و ألف مبروك لهالة و يا رب يسعدكم كلكم يا بنات

بجد انا حاسى انكم اخواتي وبحبكم جدا جدا جدا
وفرحانة بيكم جدا..
الف مليون مبروك للقمرات ايمان وبرايد وعقبال النونو ياااااااارب

انا اول ماقريت اقتراح امولة فرحت جدا ماتتصوروش قد ايه وقلت لازم اقولكم تحاولوا تنفذوه في اسرع وقت ويايت يكون في روكسي او مدينة نصر في اي مكان معروف للكل
كل واحدة يالا تقولنا المواعيد اللي تناسبها انا يناسبني من 7 تقريبا في وسط الاسبوع

مش عاوزين العرايس الجدد يتقلوا علينابقي ويطنشونا كل واحدة تستاذن من الافندي بتاعها ولو رفض نستخدم قوة البنات المستخبية وقت اللزوم:smile:

اوعوا تطنشوا والا هزعل بجد...انا نفسي اتعرف بيكم واحدة واحدة

سلام عليكم أخواتي
انا حبيت افيد اخواتي المصريات اللي حابين يعملوا فرح اسلامي لان عملت فرحي من سنه و كان ماشاء الله عليه يجنن كان في فندق خدنا قاعتين النساء في قاعه و الرجال في قاعه و جبنا فرقه بنات اسلاميه كانوا زي العسل و عندي نمرة تليفونهم لليحابين و اللي عمليتلي الميكب بنت ماشاء الله عليها كان الميكب تحفه و التصوير برضه مصوراتيه اسمها اميره فيديو و فوتوغرافي و ماشاء الله عليها شاطره قوي والكوافيره كانت في روكسي جتلي لحد الفندق اللي حابه تعرف أرقام تليفوناتها انا جاهزه و السلام مسك الختام

كاتب الرسالة الأصلية : egyfairy
سلام عليكم أخواتي
انا حبيت افيد اخواتي المصريات اللي حابين يعملوا فرح اسلامي لان عملت فرحي من سنه و كان ماشاء الله عليه يجنن كان في فندق خدنا قاعتين النساء في قاعه و الرجال في قاعه و جبنا فرقه بنات اسلاميه كانوا زي العسل و عندي نمرة تليفونهم لليحابين و اللي عمليتلي الميكب بنت ماشاء الله عليها كان الميكب تحفه و التصوير برضه مصوراتيه اسمها اميره فيديو و فوتوغرافي و ماشاء الله عليها شاطره قوي والكوافيره كانت في روكسي جتلي لحد الفندق اللي حابه تعرف أرقام تليفوناتها انا جاهزه و السلام مسك الختام

اختي الكريمة ياريت تقولي للبنات عن كل الاشياء اللي قلتها
جزاكي الله خير

ماشاء الله الموضوع احلو
والله اقتراحكو حلو يا بنات

كاتب الرسالة الأصلية : egyfairy
سلام عليكم أخواتي
انا حبيت افيد اخواتي المصريات اللي حابين يعملوا فرح اسلامي لان عملت فرحي من سنه و كان ماشاء الله عليه يجنن كان في فندق خدنا قاعتين النساء في قاعه و الرجال في قاعه و جبنا فرقه بنات اسلاميه كانوا زي العسل و عندي نمرة تليفونهم لليحابين و اللي عمليتلي الميكب بنت ماشاء الله عليها كان الميكب تحفه و التصوير برضه مصوراتيه اسمها اميره فيديو و فوتوغرافي و ماشاء الله عليها شاطره قوي والكوافيره كانت في روكسي جتلي لحد الفندق اللي حابه تعرف أرقام تليفوناتها انا جاهزه و السلام مسك الختام

ممكن اعذبك وتبعتلي
تلفونات وعنواين كل اللي حكيتي عليهم
المصورة
الماكييرة
الكوافيرة
فرقة البنات
القاعة وين وتكاليفها
وكيف ماكياجها ناعم ولا تقيل
لو سمحتي معلش هاعذبك بس كتير ضروري