هام للبنات المصريات..الجزء الثاني ...

شكرا يا عودة فكرة حلوة
فكرتك دي كنت هعملها عشان ما نتحرمشي من بعض ولا من الموضوع


برايد انازعلانة منك عشان ماارسلتي ليش صورة الفستا بتاعك:confused:

:clap::clap:

أنا متابعة موضوعكم:smile:

يسلمو عودة:shy:

:up::cool2:

:smile:مصراوية
تسلمي يارب...شوفتي بنفكر في نفس الشي سوا
القلوب عند بعضها

فوانيس:shy:
يسلموا ياقلبي ...ووجودك معانا بيسعدنا:smile:

السلام عليكم ورحمة الله ةوبركاته

ازيكم يا بنات

فكرتك تجنن يا عودة، هايل :up:

مصراوية

ما أقدرش على زعلك يا قمر بس والله أنا بعثته ويظهر انه ما وصلكيش، تعرفي ساعات الهوت ميل بيفوت لو عنك حاجة على الياهو ابعتي لي العنوان ابعث لك عليه، احنا مش قد زعلك يا جميلة:shy:

برافو عليكي يا عودة :clap::clap::clap::clap::clap:
والله انتي تجنني:D2:D2
ربنا يبارك فيكي


أنا زعلانة منك يا امي عشين ما ردتيش علية :confused::confused:

كتير حلوة الفكرة :up:

وخاصة انه الموضوع هايل وبيستحق الاستمرار...
انا كمان زعلت لما لقيته قفل:eek2:
بس انبسطت انه عملتي ياعودة جزء ثاني
ياريت الاخوات
ايمان و برايد و كل الاخوات اللي اتجوزوا يفيدونا بتجربتكم

وبدي منكم اخواتي اللي عندها معلومات عن مصوريين او مصورات
برفيشنال يخبرونا عليهم..
في مصر
واسكندرية
كنت رح احط الموضوع بركن تساؤلات العروس بعدين قلت هون احسن:smile:

أهلا يا بنات ازيكم

yasema142

انا تحت أمرك في أى حاجة ، عاوزة تعرفي ايه؟

بالنسبة للتصوير آفو في ابراهيم اللقان كان حلو قوي وعجبني ده اللي انا عملت فيه وهو تصويره هايل لكن لازم تشوفي الخلفيات اللي هيعمللك عليها علشان تكوني مرتاحة وهو مكانه بعد قويدر الحلواني في شارع ابراهيم اللقان في روكسي مشهور قوي الشارع والحلواني وهو فوقه تقريبا

بالنسبة للتجهيزات أمريني وانا تحت أمرك بس نصيحتي لك تبتدي بدري على قد ما تقدري واوعي تصدقي كلام اللي يقوللك لسة بدري، كل ما تبدي بدري كل ما ترتاحي في الأيام الأخيرة وتجمعي كل اللي نفسك فيه من غير ما تنسي حاجة

السلام عليكم ورحمة الله وبركاته

ازيكم يا بنات؟؟

فكرة هايلة يا عودة و كويس نقدر نتابع بعض هنا من جديد

الف الف مبروك يا برايد انتي و ايمان و عقبالك يا مصراوية عشان تيجي تحكيلنا على فرحك بقى!!!! انا الحمد لله زي ما انتم عارفين الخطور الاولى الحمد لله ربنا فرجها و ربنا يعيننا عالباقي ان شاء الله.

فين هالة و بقية البنات؟ يا رب ياخدوا بالهم من الجزء التاني و ييجوا معانا. وحشتوني كلكم يا بنات و الله

اشوفكم على خير

ازيك يا أمولة

الف ألف مبروك يا حبيبتي ربنا يتمم لك بخير يا رب ونفرح بك عروسة

تسلميلي يا برايد و ربنا يخليكم ليا يا بنات

على فكرة يا برايد حبيت آخد رأيك. أنا كنت في اسكندرية من يومين و رحت كارفور و هناك في محل لجويا و لقيت فيه تخفيضات فاشتريت 3 قمصان نوم طوال انما حلوين قوي موديلاتهم و الوانهم عجبتني جدا. و جبت لهم اندروير كل واحد بلون قميصه. مش عارفة بقى أحتاج أجيب كام قميص طويل كمان و كام قصير؟ البنات دايما بيقولوا متكتروش من الحاجات دي عشان التغيرات اللي بتحصل بعد الجواز بس عاوزة اعرف اجيب اعداد قد ايه من كل حاجة بما اني دخلت مرحلة التجهيز الجاد بقى. يا ريت تفيديني انتي و بقية البنات.

ياللا مش حأطول عليكي يا قمر بس كمان قوليلي مش ماركة جويا حلوة برضه؟ انا واحدة صاحبة صحبتي كانت بتشكر فيها قوي و بتجيب حاجتها كلها منها بس حبيت أتأكد منكم.

سلام مؤقت يا قمر

كنتي بكارفور امل من يومين
انا كمان كنت هناك بعد المغرب....
عافكرة انا شفت محل الانجري جمب القهوة صح؟؟
فعلا عنده شغلات حلوة بس استحيت افوته كنت مع خطيبي...

عجبني واحد كحلي واحد تركوزا...
مبروكين عليكي امل اللي اشتريتهم...

طيب سؤال في قسم السوبر ماركت شفت منتجات بالخيار
كريم وسكرب
حد جربهم..
لانه عجبوني بس قلت اسال يمكن حد جربهم..:smile:

ازيكم يا بنات وحشتوني جدا جدا

اولا احب اشكر عوده على الجزء التاني من الموضوع ده اللي هيخلينا دايما على اتصال دايم ببعض

ثانيا احب اقول لياسمين ما تزعليش مني على التاخير والرد انا بعتهولك على الخاص يا قمر

ثالثا انا وفيت بوعدي وجبتلكم شويه من صوري قلولي بقه ايه رايكم

اولا الجيرب

ثانيا الطرحه

ثالثا الفستان

بس معلش لحد دلوقتي مش لاقيه صوره حلوه باين فيها قصة الدرابيه بتاعت الفستان اغلبهم البوكيه مداريها لو لاقيت واحده تانيه هابقى انزلهالكم

رابعا الزفه

والسبت اللي شايله الولد الصغير زي ما قلتلكم حطينا المصحف فيه في الزفه وفي القاعه حطينا دفتر الزوار واحنا اللي زينا السبت والدفتر

خامسا السلو داخل القاعه

ودي بقى كان حوالينا بنات الباليه وكانت على اغنيه اليسا خليني اعيش

مستنيه بقى رايكم

اديني اهه وفيت بوعدي

وكل ما الاقي صور اوضح هاحطهالكم بس لو دول عجبوكم في الاول

السلام عليكم ورحمة الله وبركاته

بسم الله ما شاء الله تبارك الله

ألف ألف مبروك يا ايمان يا قمر. ماشاءالله الفستان جميل و رقيق و شغله جميل و ذوق زي صاحبته. و الطرحة ما شاء الله جميلة و طريقتها عجبتني قوي. ربنا يوفقك يا ايمان و يسعدك و يرزقك الذرية الصالحة

العسولة yasema142

انا كنت في كارفور من 11 و نصف الصبح لحد الساعة 3 و هو المحل فعلا اللي جنب القهوة و انا اخترت فعلا واحد من التركواز و واحد من الكحلي و جبت واحد اسود مش معروض. أنا بصراحة باضرب لخمة و باتكسف قوي ادخل اتفرج أو حتى اقف اتفرج عالفاترينة بس بصراحة استجمعت شجاعتي المرة دي و اللي مشجعني ان اللي كانت معايا واحدة صحبتي. بالنسبة للسكراب بالخيار مش فاكرة ممكن اكون شفته بس اللي انا مجرباه هو سكراب للجسم من فروتيني بالتوت و الفانيليا و كريم للجسم من نفس الماركة بس بالعسل و الحليب و كانوا برضه في السوبر ماركت.

بنات، جت لي فكرة مجنونة دلوقت!!!!! ايه رأيكم لو البنات الموجودين بمصر يحاولوا يتقابلوا في كارفور اسكندرية يوم من الصبح و يبقى يوم لبنات عروس!!!!! و نتفرج سوا و نتبادل الخبرات و نشتري اللي احنا عاوزينه و نتعرف ببعض و نقضي يوم لذيذ زي الرحلة كده!! فكروا كده و الله فكرة حلوة من بنات أفكاري :)

سلام مؤقت للجميع

السلام عليكم ورحمة الله وبركاته

الف الف مبروك يا ايمي والله فستانك وطرحتك والفرح يجننوا بالرفاء والبنين

أمولة

شوفي يا قمر

أنا جبت لانجيرهات بالهبل وبعدين اكتشفت ان في النهاية ذوقه هو اللي هيحكم يعني هو ممكن يكون بيحب القصير مش الطويل فحاولي تنوعي ، بالنسبة للعدد هاتي من كل لون واحد وبس وبعدين لو حاجة عجبتك بعد كده ابقي هاتي تاني بس ما تكتريش لأن فعلا فعلا طول عمرك هتشتري وزى ما قلت لك ممكن تلاقي بعد كده بتعجبه حاجة معينة وتبتدي تجيبي منها

بالنسبة للطويل أو القصير أنا عموما بأحب القصير ونوعت من ده ومن ده والقصير بيكون لذيذ

ما تجيبيش قمصان بأرواب الا ليوم الزفاف فقط لأنك مش هتلبسي الروب صدقيني خصوصا لو اتجوزتي في الصيف زي

الأندرويرز اهتمي بهم وهاتي حاجات دلع على قد ما تقدري

ماركة جويا جميلة وأحسن حاجة ان فيها كاتالوج تنقي منه بدل الكسوف من البائعين

لكن عاوزة أقوللك ان كمان فيه محلات تانية مش ماركة ولا حاجة وبيكون عندهم حاجات جميلة ، وأقوللك على حاجة كمان ساعات كنت أروح المعرض في القاهرة لما بيكون الجناح السوري أو الصيني عارضين وبيكون عندهم شوية حاجات وساتانات تحفة :up: وبأسعار لا يمكن تتخيليها :cool2:

وانتي بتجيبي لبس الخروج حاولي تجيبي مقاس أكبر نمرة واحدة علشان يكون سهل تظبطيها لو مقاسك فضل زى ما هو

بالنسبة لقمصان الدلع والقمصان عموما : صدقيني ما تكتريش زى ما قلت لك اسمعيها نصيحة من واحدة كترت في الحاجات دي وعارفة:o

ربنا يهنيكي ويسعدك يا رب ويتمم لك بألف خير