طمنينا اختي الغالية ماذا حدث معك؟
هل اخبرتي زوجك بالموضوع
سلامي لكي
طمنينا اختي الغالية ماذا حدث معك؟
هل اخبرتي زوجك بالموضوع
سلامي لكي
من الردود باين انج بوضع ما تقدرين فيه الا ان تتعايشين مع اخو زوجج ، وانه مافي مجال لابلاغ الآم او الزوج
الآن : تعايشاً مع هالوضع انا اقولج انتي واايد ساكته عنه ومطنشه والسكوت علامه الرضا هيك الناس تفهمها
لازم ما تسكتين له وتبنين انج قويه وما تخافين منه لا تكلمينه بريج حلو كلميه بعصبيه ولا تردين عليه وان طق عليج الباب اطرديه وقوليله ما يطق عليج الباب
وان تمادى هدديه انج بتعلمين زوجج << افرضي عليه انه يحترمج وخليه يعرف ان له وقت معين يتصلح والا بتعلمين زوجج
والله ان شفتيه ما تعدل ... خلي عصبيه زوجج ورا ظهرج ولا تخافين لانه احترامه لزوجج انه يحترمج ويحافظ عليج << وهذا ما يستحي ولا يحط اعتبار لشرف اخوه
وريلج ملزوم يحميج .. دام انه ولي امرج اللحين لا تسكتين ترا ان ما وقف عند حده باي طريقه كله بيصير فوق راسج اطاله السكوت عن الوضع والتطنيش بيسقط حقج
والله اني كنت بقول نفس كلام ناني اذا صدق انتي ماسكه دليل ضده طبعا غير شهاده الخدامه هدديه فيه وقولي له مثلا انا مسجله كلامك لي وبسمعه اخوك لو ماتأدبت معي وحتى لو ماعندك استخدمي الحيله معه ومثلي كانك ماسكه عليه اشياء كثيره ,اساسا وش هالجرأه يجي لعند شقتك ويطق الباب مايجوز ابد انتي عاطيته وجه انا لو منك اصكه باقرب مزهريه عندي قولي له انا مو طباخ اشتغل عندك تبي اكل روح للخدامه عطيه العين الحمره وصدقيني هو من نفسه بيخاف وخبرينا وش صار معك انا متابعتك من البدايه ودعيت لك من كل قلبي والله
السلام عليكم
اختي..اولا هذا شي ماينسكت عليه (و بدون اعذار) و اسفة بس مسألة انه زوجك عصبي و امه ما تحبج مو عذر ابدا.
ما فكرتي اذا لا سمح الله اخو زوجك تمادى بيوم شنو راح يكون موقفج؟ هل تسكتين و ماتقولين لأحد؟واذا قلتي اكيد اول سؤال يسألك زوجك وامه بعد انه ليش ما خبرتيهم عن تصرفاته من الاول. وبهالوقت الولد يقدريقلبها عليج ويطلعج غلطانة.
وايضا قلتي ان الشغالة لاحظت تصرفاته تجاهك وانا اقول لج اكيد ايضا لاحظت سكوتك عنه و يمكن تعتبره نوع من القبول.
من رأيي انك تقولين لزوجك انه مو من الجائز تكونين وحدك ويا اخوه وانه يجي يطق الباب عليج.وانا لو مكانك اقول له الحقيقة كاملة واجيب الشغالة تشهد واللي يصير يصير.
سؤال..هل احدمن اهلك يعرفون بهالشي؟ اذا مو قادرة تقولين لزوجك واهله لازم تقولين لاحد من اهلك. على الاقل يكون عندهم علم بالموضوع و يمكن يكون عندهم فكرة او حل.
دعواتي لك
بدو بس تفرجي العين الحمرا ماتعبري ولا كانو موجود .. طنشي تطنيييييييييش كبير .. مشان يمل ويحل عنك !!
جــزااااكم الله خير
انا قلت لزوجي وأول ماقالت له قعد يصارخ علي وعصب وقام راح لاخوه وتهاوش وياه لدرجة انه مد ايده على اخوه
وأم زوجي أقعدت تدعي عليوزوجي قعد يصارخ على امه صارت مشكله كبيييره حيييل
واللحين إحنا ببيت اخو زوجي الكبير على ما يلقى زوجي شقه نقعد فيها
دعوااااتكم تكفون ربي يفرج همي وهم زوجي
الله يعنك حبيبي الله يسعدك خليك في غرفتك اللي ام زوجك تقوم احسن ولبس شرشف الصلاه
السلام عليكم ورحمة الله وبركاته
اختي الغالية الحمد لله زوجك صدقك ووقف الى جانبك
لاتستسمحوحماكي فهو المذنب وعليه ان يعتذر
ام زوجك سيأتي يوم وترجع للكلام مع ولدها
اسأل الله ان يفرج عليكم وان تلقون شقة لكي انتي وزوجك
وينتهي الحزن والمعاناة
لاتندمي لأنك اخبرت زوجك
سلامي لكي
اختك لارسابغداد
جزااااكم الله خير
اختي الحمد لله على ماصار ومعليش هيا فتره وترجع امورك تمام وتلاقين نفسك في بيت لوحدك وتعيشي حياتك بالطول والعرض مع زوجك والمشكله حتتصلح مع حماتك
الوقت بس هو الكفيل يهديها
وانتي عملتي عين العقل والله شااهد على كلامي
حبيبتي هذا رد فعل متووقع من كل الأطراف ولكن كان لازم تتكلمين وتوقفينه عند حده مهما كانت النتائج لأن هذا بالنهاية عرضك وشرفك ,, والحين صار يعرف انه انتي مو صيده سهله ولا انتي راضيه بحركاته وبجذي حتى لو رجعتي لبيتك ماراح يقرب جنبك ... واما عن زوجك اللي هو اخووه مهما طال الزمن او قصر راح يرجع يكلمه لاتخافين لان هذا اخووه وام زووجك بعد ماراح يهوون عليها ولدها وررده فعلها طبيعيه لما تشوف اثنين من اولادها يتهاوشون ! ومردها بترضى عن زوجك وقلب الأم مهما يقسى يكون كثره كله حنان واشتياق وحب لابناءها ... وربي يوفقكم ويحميييييكم ان شاء الله ويفرج عليكم همكم ويساعدكم ..
ممكن ان تغيري اسلوبك معه فالبدايه وتصيري شديده باللهجه وماتوقفي له وهو يسلماو يتكلم ولو دخل المطبخ تطلعي بكذا اسلوب واااااااااااااااااااضح ان افهم يا خي مابي اكلمك واذا مافاد بعدين خبري زوجج للان يمكن تكبر القصه وتقول ام زوجج انج تفرقين بين الاخوان وتصير لك قصه ثانيه
الله يهون عليك انتي وزوجك والله يوفقكم ويسعدكم يارب ...
الله يسهل اموركم..
واللي سويتية موغلط بالعكس هذا هو الصواب ولاتحسين بالندم ولاشي ، لوسكتي بتطلعين انتي الغلطانة ويصير شي لايحمد عقباه سواء من زوجك اوامة وشي معروف ان ام الولد بتوقف مع ولدها خصوصا انها مو متقبلتك وهنا راح يكون الندم ..
الله يريح قلبك ويسعدك..
بالتوفيق يالغلا..
مو مشكله
امه مصيرها ترضى على زوجج
بس انتي خليج بموقف قووي ولاترجعين بيتهم مهما كانت الاسباب
و الامور كلها بتنصلح باذن الله
