مشكلتي مع زوجي

المشكلة صعب لين الواحد يتعود على شي صعب يغيره
انتي سمحتين له من البداية المفروض من بداية زواجكم
تخبرينه ان من يرجع من الدوام يرد البيت لان طول الوقت لحالج
وحاولي تسوين لج جدول ان يوم تعزمينه على غدا من طبخج او مطعم
او طلعة يمكن يستجيب لج
وان شاء الله تحصلين نتيجة

خــوخــه;12576718:
المشكلة صعب لين الواحد يتعود على شي صعب يغيره
انتي سمحتين له من البداية المفروض من بداية زواجكم
تخبرينه ان من يرجع من الدوام يرد البيت لان طول الوقت لحالج
وحاولي تسوين لج جدول ان يوم تعزمينه على غدا من طبخج او مطعم
او طلعة يمكن يستجيب لج
وان شاء الله تحصلين نتيجة

مشكورة يا الغالية ع النصيحه وصح أنا غلطت من البدية بس ماحبيت من البداية أفرض عليه رأي لأن أول فترة من الزواج صعب الوحده تغير من زوجها
وحاول اطبخ له وأعزمه ع الغداء ايي يتغدى وعقب مايخلص يطلع والمشكلة يعرف اني أزعل وأضايق يوم يطلع

حبيبتي زين انه يرجع بعد العصر اعتبريه باقي


في الدوام لاتهتمين لاكن مو ترجعين تنامين



خليك منتضرته بوجه بشوش وبزينه



وبتمشي الحياه




الم وعشناه

الى عنده طبع مو بسهولة يقدر يستغنى عنه

ربنا يوفقك ان شاء الله البنات يفيدوكى

اختى الكريمة غلطتك انك مليتى بسرعة .. يعنى لما يقولك انه مش راجع للبيت سمعيه كلمتتين حلويين انك راح تشتاقيله و مستنيتيه وبعدين خليك لابسه و متشيكه لين يرجع مش تغيرى وملابسك وتنامى ؟؟؟
خلى بللك واسع والتغيير يحتاج صبر وطوله بال المهم انك ماتملى .. وربي يوفقك

حبيبتى اولآ الله يصلح لكى زوجى ويسخرهولك
كما تفضلت خوخه وقالت انه اللى يتعود على شىء ميغيره بسهوله
يعنى مش هيتغير بسهوله بس ان شالله يتغير بالوقت باللين والصبر
كونى ودوده وانتى تفتحى معاه الموضوع وعرفيه انه بيوحشك وتحبيه يرجع بيته ليرتاح
ويشوفك بس متعصبى ولا تعندى امامه لأنه بكده مش هيستجاب لكلامك واستعينى بالله
وعليكى بالدعاء
حاولى تشغلى بالك ووقتك باشياء مفيده حتى لا تركزى معاه 100%
الله يسعدك حبيبتى

مشكوريين حبيباتي ع الردود
المشكلة عندي بيبي وينش من الصبح يعني ما أصدق متى يرقد الظهر شويه عشان ارقد وأرتاح
بقولكم مثال اليوم رقدت ولدي الساعه 3 وتميت أترياه لين الساعه 4 شرف طويل العمر وأنا خلاص منتهيه يلست معاه ربع ساعه وقتله دوخت بروح أرقد الساعه 4:30 ولدي نش بدلته وعطيته الخدامه ورديت كملت رقادي والصراحه وااايد تعيت

لو انج حاولتي تغيرين هالطبع من اول زواجكم جان بتكون هالمهمه سهله عليج

اسهـل من انج تحاولين تغيرينه بعد سنه ونص زواج

هو طبيعي لما يكون متعود على نمط الحياة هذا صعب يغيره .. بس مب مستحيل

انتي اهتمي فيه اكثر ولا تزعلين وانتظريه

وكوني قريبه منه وحاولي تقعدين معاه وتكملينه وتوضحين له انج تبينه اقرب لج

وطالما عندج ولد .. حاولي تخلينه يقعد يلعب معاه .. عشان ينجذب للبيت اكثر

هذا رأيي

والله يووفقــج

:f:

انا زوجي بالضبط كان نفس زوجج وكان يطلع من الدوام ولازم عنده يروح الدوام الثاني الا هو القهوه معن زوجي ما يدخن ولا يشيش بس يقعد ويه ربعه وشرب شاي وضحك وسوالف وهذا الموال يوميا

بس الحين تغير 180 درجه من البيت الا الشغل ومن الشغل الى البيت وبس

مثل ما قالوا لج البنات

مو من تجوفينه تأخر تروحين تنامين لا هذا غلط لازم تنتظرينه وتكونين لابسه احلى لباس ومسويه له عشى خفيف وتتصلين فيه ها حبيبي انا انتظرك عشان نتعشى مع بعض مره ومرتين وثلاث تميت وياه يمكن شهور وانا على هالحال لكن ما انفخ وجهي ولازعل بالعكس يرجع وانا مستانسه واضحك و لا كأن فيني شي معن بداخلي متضايقه ان يطلع من الدوام ويروح القهوه بس كلش ما حسسته بهذا الشي

اخذي نصيحتي اختي مريت بنفس مشكلتج والحمدالله رب العالمين ان تغير زوجي 100 % ومعن يتصلون فيه ربعه بس دايما يقول لهم انا مع المدام مسويه لي خوش عشى :)

نتمنى زوجج يتغير ويصير الى الاحسن لكن انتي بإيدج تقدرين تغيرنه والله يوفقج حبيبتي

بردي على قلبج وحاولي اتريحين الصبح او الظهر وخلج مفرفشة لين رجع، والله ايهداه يا رب

لاموصعب ولاشي

قولي له حيااتك تخلتف عن قبل وذحين

انت مسؤول عن بيت وعندك زوجه على ذمتك

لاززم جدوالك يتغيررر ودنيا على حال ماتبقى

وطمنينا عليك ياعسسل

انا رايي من رااي تهاني العروسه كلامها مره حلو تجذبينه للبيت بطريقه حلوه اما اذا زعلتي ماراح يتغير شئ
وبالتووفيق لك اختي:)

بنااااااااات ما قصرن كفن ووفن

حبيبتى حاولى لين يتعود
انتى اكثري من الاستغفار

حبيبتي المفروض ما تبدلين نطريه وقعدي وخله يجوفش اهو اتعود انا اوردي لين رحت القهوة برد اهي نايمة ليش اتعب روحي ارد البيت ,. حاولي ومرة ومرتين ومليون ومرده بيتعود ,. والله يوفقكم ياربي

صدق مثل ماقالو البنات لاتزعلين ولاشيء بالعكس هو بالدوام نااااااامي ادا جاء وقت رجوعه للبيت اتجهزي ودقي عليه عادي طيب قولي الحمدلله انه العصر وقبل المغرب يرد
البيت في رجال مايجون الا نص الليالي هاذول صدق يضايق لاكن انتي في بداية حياتك من الان وانتي متضايق من ادنى شيء بكره بعدو بيجي امور واشياء لازم تكوني صبور والابتسامه ماتفارق وجهك الجميل وانتي وشطارتك استقبليه بالترحيب وكلمات الله يعافيك يابوفلان الله يحفظك وشوووفي اشلووووون انشاء الله بيتصلح

بس الواحد ادا كان متعود شيء سنين مستحيل بالسهووووووله يتركه اتمنى ان افدتك

مشكورات حبيباتي والصراحه ريحتوني
ومشكوره يا تهاني العروسه
ويعطيكم العافيه والله لا يحرمني من مشاركاتكم

المريه;12581786:
مشكورات حبيباتي والصراحه ريحتوني
ومشكوره يا تهاني العروسه
ويعطيكم العافيه والله لا يحرمني من مشاركاتكم

حاضرين لج اي وقت حبابه

الله يعينكم ً لم أقرا مشاكلكم مع أزواجكم أقول الحمدالله إني لحد الآن ماتزوجت