يعني تقولي لها يا معفنة (على الأكثر على مسمع من اخوانها او اخواتها)..وتشدين اذنها (واتوقع بمواقف اخرى ممكن تهينيها جسديا بطرق ثانية) ومخليتها شغالة بالبيت..وتهدديها قدام الناس بالعقاب...وبعدين تقولين مادري اشفيها؟؟؟
سبحان الله!
اولا مهما كنت...حتى لو انت امها...حتى لو لج حقوق عليها...حتى لو هي غصبا عنها لازم تطيعج وتبرج...هي بعد انسانة...بشر...لها حقوق...حتى لو هي بس بالسادس ابتدائي!!!!..يعني مو لأنج امها خلاص..تنامين براسها...تذليها وتعيشيها بعيشة زفت...قال ايش انا امها...انت بعد عليج حقوق...لازم تربيها وتعامليها بطيب واحترام!
ثانيا...البنت صغيرة...بالله شلون تخليها تشتغل بالبيت...ممكن تخليها تساعدج حتى تتعلم على بعض الأمور...مثلا ترتب الصحون بالدواليب او تحط الصحون على السفرة...ترتب سريرها (مثل ما قالت وحدة من الأخوات)..تسوي اشياء خفيفة تعلمها الاحساس بالمسؤولية!..لكن تشغليها بالبيت شغل بنت كبيرة..سلامات!...هي لازم تعيش سنها الطبيعي!..تحس انها بنت بالسادس الابتدائي..مو ربة بيت!..بعدين اشدعوى تقولين لها تساعد اخواتج...يحتاجون مساعدة قومي *انت* ساعدي..وخلي بنتج *تشوفج*...كوني لها قدوة مو قائد عسكري...سوي كذا..خلصي كذا..
ثالثا...خلي عنج اسلوب الاهانات...ترى ثلاث ارباع حالات العقوق سببها ان الأم والأب كانو قاسين او فظين بالتعامل مع اولادهم فهالشي يترسب بداخل الاولاد ويكون نوع من النفور عندهم من امهم وابوهم...وهالشي انا ما ابرره لكن اذكره لأنه نتيجة شي في داخل *كل* انسان...الانسان بطبيعته ميال للين والطيب بكل شي بالذات الشخص اللي فيه هذي الطباع..والشخص اللي يعنف او يقسى ينافي الطبيعة او الغريزة هذي فتلاقين الآخرين حتى لو جاملوه...بداخلهم ما يكننون له مودة او احترام
عاملي بنتج مثل ما تريديها تعاملج..الاحترام حق *لكل انسان* بغض النظر عن عمره او مكانته...والاحترام ما يجيج الا لو *انت* عطيتيه للشخص اللي تتعاملين معاه!...فاتقي الله في بنتج...عيدي حساباتج وغيري من تعاملج معاها...ترى حتى طبع الكذب هذا نتيجة تعاملج الخاطىء معاها انا اكاد اجزم...سايكولوجية الاطفال حرجة جددددا من عمر السنتين الا انتهاء سن المراهقة...بليز حاولي تفهمين الامور اللي تساعدج بالتقرب من بنتج وزرع الاحترام لذاتها ولج انت ايضا والا (لا قدر الله) ممكن تخسريها!