,,,,حـــــــــــــــــركات رومانسيـــــــــــــــــه ,,,,

[أم سيفاني]

السلام عليكم ورحمة الله وبركاته...

ما شا الله عليكم ...ومنكم نستفيد.....الصراحه حركات تجنن...ودي اطبقها اليوم قبل اي يوم....بس بعد العرس احلى ....

أنا مالجه....وهاي الفتره حاولت اسوي أي حركه المهم أني أعرفه أني مهتمه به لو هو كان بعيد....

أول حركه صارت لما كتبت كتابي بعده بسبوع.....لما كان مريض...حبيت افاجأه بباقة ورد....فطلبت طلبيه من محل ورد يوصل للمنازل..وأنا الصراحه ما أعرف العنوان عدل بس بعد س ج عرفت فطلبت باقه روز بيضا ووردي..ألوان تهدي الأعصاب ...ووصلو الطلبية....طبعاً كانت المفاجأه حلوه وأول مره توصله باقة ورد استغرب كيف وصلت الباقه ومنو يابها وأنا ما اعرف العنوان ...لأن صاحب المحل ما لقى حد في البيت فحطاها في الحديقه........:o:o:o

ويوم ميلاده أشتريت له ساعه بس بروحي عدلت له الهديه...أشتريت علبتين وحده كبيره مخمل والثانيه علبه قلب مخمل اصغر للساعه...حطيت الساعه في العلبه الصغيره وحطيت ليت صغير أحمر شكل القلب ...ينبض شكل القلب...يعني فيه ليت احمر يولع ويبند ....وسكرته ....وحطيت العلبه الصغيره في العليه الكبيره...ومليت العلبه الكبيره ورد روووز..وكتبت له بطاقه بكلام حلو..:o:o:oوأحلى شي عجباه القلب إلي ينبض...لأنه فتح الهديه في السياره وكان ليل...فالقلب نور له السياره:o

يا الله وانشا الله حركاتكم بطبقها عن قريب ....بس ادعولي

[عروسة العمر]

مرحبااااااااااا خواتي ..

مشاءالله عليكن .. مبدعات ,, هذي الحركات ولا بلاش ,, بس ياليت الريايييل يشوفون اشكثر البنات بتعبن عمارهن ويفكن ,, يتناقشن مع اربيعاتهن بس عشان اتفاجئه بحركه ...


المهم حبيت اشارك معاكن ,, واعطيكن بعض الحركات اللي سويتها انا واللي سواها زوجي لي ,,

مره في عيد ميلادي ,, زوجي عزمني على عشا في مكان هادي في مطعم في احدى الفنادق الفخمه ,, والحلو ان كان المعطم هادي وفاضي في ذاك اليوم يعني كنا بروحنا ,, هناك قدم لي علبة جوكلت من جودايفا ,, ولما فتحت العلبه ,, لقيت الجوكلت مصفوف ,, في النص علبه جوكلت صغيره ,, يعني تقريبا كبر قطعه جوكلت وحده ,, ولما فتحتها لقيت فيها خاتم الماس ,, بصراحه اتفاجئت ما اتوقت بيكون خاتم داخل الجوكلت


والحركه الثانيه ,, مره ياب لي وردة جوري حمرا كبيره ,, مش متفتحه بالكامل ,, كان في بالي جايبلي بس الورده ,, لما ييت اشمعا شفت في داخل الورده شي يلمع ,, بصراحه لقيت في داخلها خاتم سولتير ,, :eek:


ومره في يوم الحب ,, طبعا انا مش مرتبطه في اليوم اللي يقولون عنه ,, حددنا يوم الحب هو اليوم اللي شافني فيه وبغاني ,, في هذا اليوم ,, طرشت له قفص عصافير ,, فيه طيور الحب ,, دكر وانثى ,, كان ذهبي حلو مع الستاند ماله ,, ومليت قاعدة القفص كله ورود جوري حمرا ,, وحطيت باقه حمرا اتجنن عند المسكه في الاعلى وفصلت كلمة احبك بخط حلو عند محل الذهب مع سلسله صغيره ,, وكلمه ثانيه اموت فيك بعد مع سلسله ,, ولبست الذكره احبك والانثى اموت فيك ,,او ما وصل القفص ما لاحظ السلاسل اللي لابسينها الطيور بس بعدين وهو يلاعب الطيور ,, اتفاجأ ..وكانت حركه وايد حلوووووه ,,

ويلا انشالله حركاتي اتعجبكم ..

[فواكه]

انا زوجي في يوم زواجنا حجزلي 3 ايام في فندق على البحر والفندق واايد راقي ........ الصراحه اتخبلت ما كنت ابا رد البيت ووكنا كله نطلع و خذلي اخر موبايل نزل ........ بس انا ما سويتله شي حرااااااااااااام

[لولــي]

والله مشمورات خواتي على الردووود الحلوه والأفكار إلي أكثر من حلوه

والله أنا لو عندي أفكار جان خبرتكم بس وين ياحسرهماعندي شي أقوله لكم .. بس أنتو ماشاء الله مووووووول ماقصرتوا كفيتوا ووفيتوا و أفكاركم وااايد حلوه حتى أني ماعرفت أرد عليكم لأني ماعرف شو أقوووول:eek: بس صدق يعني الأفكار رهييييييييييييييبه واااااااااااايد (f) (f) (f) وأشكر نجديه شكر حــــــــــــــ(g)ــــــــ� �ـــــار لطرحها لهذا الموضوع ..

بس بصراحه أنا أفتقد دانة الكويت وينج مامن شر إن شاء الله؟؟؟ بصرااحه أنا أفكارج وااايد عيبتني وكل مادش المنتدى لازم أدش على هالموضوع عشان أقرا أفكارج وأفكار الخواات

يالله شدوا حيلكم وأتحفونا بأفكاركم الرائعه..

[Cafe latte]

موضوع حلو
بس مدري ليش حنا يالحريم نسوي هالحركات الرومانسية وهم ولا همهم؟؟
ولا يفكرون يسوونها
يعني المفروض العمليةاخذ وعطا ولا أنا غلطانة ليش دايم أحنا اللي نبدأ بالمبادرة وكل مناسبة نتذكرهم وهم لأ؟؟
<<أقول هالحكي وأنا مابعد تزوجت :o
بس من تجارب صديقاتي

[لولــي]

هيه والله يأختي عروس السماء صدقج أنا وياج .. بس شو أنسوي وحليلنا نحن الحريم كل شي علينا .. وفيه حرييم والله أنا أعرفهم مايخلون شي مايسووونه لرياليلهم بس ياحسره مايحسون ولا يقدرون تعبهم ويقولون لهم شو ها إلي مسووينه أنتو ..؟؟ وليش متعبين عماركم

يعني ها مب حراام أنهم يكسروون بمياديف حريمهم:mad: :confused: :mad:

متى بيحسون هالريايل .. وما أقول إلا الله يعين هالحريم إلي ماخذات ريايل مب رومانسييين ..;)

ولكم تحيـــــــــ (f) ـــــــــاتي

[العسل]

ما شاء الله عليكم بنات

[العسل]

ما شاء الله عليكم بنات
و منكم نستفيد

[dalo0o3ha]

مراحب .. انا جديدة عليكم .... لكن انا عندي فكرة ابد مالقيتها ... اسمعوا .. انا خطيبي .. لسه طالب في الكلية .. وطبعاً كل اسبوع يروح هناك ...
سويت فيه حركه لسه ربعه .. يتذكرونها ...

اول شيء اشتريت مفرش سرير كامل .... طبعاً مب تلبيس لا اللي يجي جاهز ...

عطرته وبخرته ورشيته بعطري .. وتم على هذي الحاله .. كم يوم اللين اعتقد انه المفرش اشتكى من تعطيري له ..

بالاضافة الى روب حمام ... وبيجاميتن ونفس مصير المفرش ... .. تعذيب بالعطور والدخون ...


جبت علبه كبيرة غلفتها بنفس لون المفرش .. وكان المفرش والبيجايم بالاوان متقاربه .. كحلي .. وعسلي ... حتى روب الحمام ...


زينته بالورد والرسومات والقصيايد .. كل شغلي .. وحيطت عليه ورد مجفف وعطرته .. تخيلوا .. الشكل وحطيت كم شمعه صغيره على العلبه بعد .. المهم لصقته كله بالشمع ...


رحت يام الدي اج ال ... وعطيتهم عنوانه ... في السكن الجامعي .. وودوله الهديه ...

سوالي تلفون .. بعد ما حط الشراشف ولبس البيجامه .. وهو طاير من الفرحه .. ويشكرني .. وغير انه الشباب .. وهم حوله وهو يفتح في الهديه الكبيرة ,,, تصدقون لدرجه انه وحد من ربعه .. قاله .. زوجتك عليها افكار بخلي زوجتي تتعرف عليها ... واللين اليوم .. وهم يقولون له يا حظك ..


والله انه هذا الموضوع من سنه كل ما ينام الان مايحب الا هذا الشرشف ... يقولي .. ارتاح فيه كثير ...


شو رايكم ؟؟

[لولــي]

ماشاء الله عليج أختي الدلوعه فكرتج واايد حلوه

ويالله لاتقطعينا ودوم أتحفينا بجديدج ;)

[البراءه]

ما شاء الله عليكم يا بنات الله يوفقكم جميعا

[**العروسة ترف**]

بنات ماشاءالله على افكاركم الروووووووووووعة...بس ياريت اتساعدوني...عيد ميلادي بعد 3 ايام ومادري شسوي..ومخي قفل..ابي افكار ابهر فيها زوجي..وخاصة اني مالجة يعني زوجي بيجي بيتنا وابي فكرة حلوة بلييييييييييييييييييييز ساعدوني... والله محتاجة للرد ضرووووووووووووري :confused:

[لولــي]

والله أختي العروسه ترف لو عندي أي فكره على بالي على طووول بخبرج ..:o :o :o

وسمحيلي مره ثانيه الغاليه

[لولــي]

بس نسيت أخبرج أنه في واايد من الحلوات كتبوا أفكار رهيييبه عن أعياد الميلاد وعن أعياد زواجهم .. وماعليج أنج أنتي تتدخلين من أول صفحه وتقرين أفكار الخوات وإن شاء الله بتعيبج الأفكار.. لأنه بصراحه أنا أفكار البنات كلها عيبتني

وتحياتي لج

[**العروسة ترف**]

هلا والله بالغالية حصة...انا قريتهم...بس المشكلة..ان الافكار تكون بعيد الزوج..بس انا بعيد ميلادي ....بليز ساعدوني ابي اطلع بحركة بعيد ميلادي تعجب زوجي...بنااااااااات ردوا علي...:confused: