,,,,حـــــــــــــــــركات رومانسيـــــــــــــــــه,,,,

مره سويت حركه لزوجي ايام العقد....


اهديته كلبشات..حمرا..
وحطيت في كل وحده صوره لي وصوره له واحنا صغار....
وورا لاصوره بيت شعر...
كانت حركه مميزه....

هذا بالنسبه لايام العقد

أهلين يا عروس قديمه

عجبتني حركتك في الكلبشات... يعني معناها لا مفر إنت مدبس مدبس :)

بس تفصدين العقد يعني كتب الكتاب؟؟

بنات ليه كيذا معقوله مافيه احد فيه حياته رومانسيه؟؟؟؟؟؟؟؟؟؟؟؟؟

بنات خلونا نجدد في المواضيع ليه مافيه تجاوب منكم؟؟؟؟؟؟؟؟؟؟؟

ليه صايرين مافيه حماس او تجاوب لا تقرون وتطلعون خلونا نتشارك في الاراء

اهلا شخبارج ..
انا جذبني موضوعج لانه يديد و وايد حلو...
والله الحركات الرومنسيه واااااااااايد...بس ليش البنات ما يشاركون
على العموم..انا مو حاضرة في بالي افكار وايد...
بس مثلا يبيعون ميداليات (اللي يستخدمونها للمفاتيح) ثنتين مع بعض على شكل قلب مقسوم نصين وكل وحدة تكمل الثانية...
او مثلا اذا كنتي تحبين الاشغال اليدوية مثلي...تقدرين تسويين له بنفسج فكرة حلوه مثلا (قلب احمر) وتحشينه بقطن ويكون ينحط بالسياره على الكرسي الثاني علشان لما ما تكونين معاه يتذكرج غصب.....هههههه
او مثلا تفاجئينه مره في ليله مهمة او مناسبه مهمه...تملين الغرفه كلها بشموع وتطفين النور....هههههههه...وهذي احلى حركة رومانسيه .............

وسلامتكم

هلا أختي Najdeyah

يسلمو ع الموضوع الحلو

والله كثيرة الحركات الرومانسية

ومنها أن خطيبي يوم عيد ميلاد لمن جاء على بيتنا زين المجلس وجابلي كيكة ونور شموع وجابلي ورد ودبدوب يعرفني احبهم وعملي سهرة حلوة وجابلي عقد ذهب وكتب أسمي مع أسمه فيه

هذي أحلى شي

أما أنا لمن سافرت عنه شرية صدفة وكتبة أسمه مع أسمي عليها
وشريتله ميدالية مفاتيح وكتب أسمي فيها


ورديتله يوم عيد ميلادة سويت له أحلى حفل صغيرون

وتسلمين أختي مرة ثانية


تحياتي

:o

انا ام الحركات الرومانسية ...

بصراحة عجبني الموضوع وايد وياليت البنات يشاركون لأن كل واحدة تحتاج افكار يديدة لتغييرالروتين صح ؟؟

في عيد ميلاد زوجي سويت كذا حركة بس الحين توهقت لأن عيد ميلاده الياي قريب وخلصت كل حركاتي ساعدوني الله يخليكم :)

المهم الهدية كانت ساعة وعطر ومغلفة بطريقة حلوة بس انا حطيتها بصندوق كبيييير يعني يمكن كان طوله وعرضه متر وحطيت قش ملون وبالونات وورد مجفف وقلوب صغيرة حمرا وككاو وشموع صغيرة داخل الصندوق ... هاذي الهدية الاولى ....

الهدية الثانية سويتله درع باسمه وعليه اهداء مني له .... وثالث هدية شريت البوم او بالاصح برواز وداخله البوم صغير حلوووووووووو وايد حطيت واجهته صورتي وصورته بالعرس وداخله حطيت صورنا انا معاه مع بعض في مناسبات مختلفة ..... الهدية الرابعة كانت بوكيه ورد مع دب فرو صغير .... اكمل والا تعبتوا ؟؟ االهدية الخامسة كانت صورته على الكيكة والاكواب وعلى اكياس الهدايا ..... وبس صج اني فلست بعدها لكنه كان وايد مستانس :) شرايكم كانت حلوة الفكرة والا لا ؟؟


ومرة اهوه فاجأني بأني كنت نايمة بيت اهلي لظرف خاص وكان موقت قبل وقت طلعتي لقيته ياي عند البيت وحاط وردة وكرت على سيارتي لما بغيت اطلع لقيته وكانت مفاجأة واااااااايد حلوة ..


يالله كملوا عطونا من ابداعاتكم ...

سلمون خواتي على هذي الافكار الابداعيه

عجبتني هديه دانه الثالثه ...حلو الفكره انج تجمعين صور كل المناسبات السعيده الى مرت على الزوجين ....ذكريات حلوه ...و حلو بالفكره ان الصوره الاولى كانت صورة العرس يعني بدايه المناسيات السعيده ....

مشكوووره اختي دانه على هذي الفكره ...بس انا احتاج حتى اسويها ;) ....لازم ابدا اجمع صور

:)

مشكووووووووووووره أختي علي هذا الموضوع الحلو

ومشكوووووووورين خواتي صراحه افكار حلو

بطبقها في المستقبل ...

بحفظ الرحمن ...




:) :) :)

حي الله اختي نجدية

تسلمين على هاي الفكرة الحلوة شراتج :)

صراحه حلوه الحركات الرومنسية الي كتبنها البنات ..

خاصة .. اختي دانة الكويت .. عجبتني فكرة الصندوق .. ;)

انا عندي فكره يا اختي نجدية بس سمحيلي فيها ;) ... مابا حد يسويها قبلي .. و من اسويها ان شاء الله .. بكتبها لكم ..

و بعوضج الحين عن حركة رومنسية سوتها قريبه لي حق زوجها ..

وهي انها في مره اشترت ورد روز لونه وردي .. و ريحته طيرت البيت والله .. و كان لون كفر الفراش ابيض وفيه ورود وردية .. فككت قريبتي اوراق الوردة نفسها .. يعني ما خلت الوردة مثل ما هي .. و نثرتها على الفراش .. و طبعا الغرفة من قبل معطرة و مبخرة و ريحتها جنان .. و طبعا بجانب الشموع .. و الجو صار أخــــــر رومنسية :) ..
طبعا زوجها وايد استانس منها .. و عجبته ..

يالله ياختي نجدية عساها تعجبج و تعجب البنات هاي الفكرة ..

و السموحه منج ..

تحياتي

مشكووووووورة على هذا الموضوع
يالله يابنات اكتبوا عن أحلى الحركات الرومانسية
عشان اللى مثلنا يستفيدون انا زفافي بعد اسبوع
ابي الفزعة منكم

والله يعطيكم العافية

تبون بعد ؟؟؟

مدام عجبتكم حركاتي خل اقول لكم عن اخر حركة سويتها ... اقترحت على زوجي ان نخلي كل يوم اربعا يوم الرومانسية (طبعا مو معنى هالكلام ان الرومانسية تكون بس بهاليوم بس هذا يكون ثابت مهما انشغلنا) وكل واحد يفاجئ الثاني بشغلة مو شرط تكون شغلة كبيرة ممكن وردة او كرت او اي شي حسب الميزانية...

اول اربعا انا طلعت حق الجامعة قبله وكنت امجهزة الاغراض بدون ما اهوه يشوفهم .. المهم نزلت وبطلت سيارته وعطرتها وحطيت داخلها دب فرو ماسك بيدة كرت كتبت فيه اهداء ووردة طبعا وايد عجبته لأنه ماكان متوقعها ..... ترى الاشياء الغير متوقعة تونس اكثر .....

ها قولولي عجبتكم والا لا ؟؟

ناطرين مشاركاتكم ترى محتاجة افكار واااااايدة حق كل اسبوع

هلا بكل البنات الي تحمسو للموضوع
والباقي ليه مارد؟؟؟ يعني مافيه احد عنده افكار.؟؟؟؟؟؟
شذى الحب.... تسملين يا الغاليه
إنجيل مي..... اختي الف مبروك ومشاء الله خطيبك باين عليه رومانسي عاد نبيك اكثر منه رومانسيه هاه مانبيهم يصيرون احسن مننا بشي ;)
مرمر هلا اختي حياك
الرومانسيه العفو يا الغاليه بس ما قلتيلي وش عندك افكار
عذبه الروح ... هاه وين الفكره الي سويتها لزوجك :) سويتيها وإلا بعد؟؟ حتى لو ما سويتها قوليلنا والله احنا ما نعلمه ;)
عروس كل يوم.... الف مبروك اختي :)

[c] سلام عليكن

بصراحــه بنات ماشاء الله عليكن خطيرات واللــه ..
ومنكم نستفيد ..
عيبني أفكار دندووووووووون واااايد حلــوه وتجدد الحب حركات مثل جذه ..
مثلاً..

أن عقب مايرد من دوااامه تعبان وهلكان
تجهزين له الحمام ويكون .. كامل بالزيوت ومعطرات وطبعاً قبل لايدخل بدقايق تعبين البانيو بماي دافئ ..
فأول مايدخل اتسويله مساج خفيف بالزيوت وعقبها يهنى بالحمام ويكون كل شي جاهزله ..

أما في المساء..
عاد يوصله من البريد السريع صندوق ويبطله ويلاقي داخله رسايل حب وذكريات مضت على زواجهم ..
مثل هالسوالف تجدد الحب وتبعد الملل والروتين عند الزوجين

أما إذا تبين تحتفلين وياه بعيد ميلاده مثلاً او يوم زواجكم او جيه بس دقت في راسج تسهرين وياه سهره مميزه ..

تفاجئينه بعشاء مب طبيعي ومو مثل ماتعود عليه كل يوم ..
يعني تطبخين له الأكلات الي يحبها ويكون على ضوء الشموع .. ترى الشموع لها تأثيرها الساحر ..وطبعاً انتي تكونين لابسه اللبس الي تحسين أنه يعجبه يوم تكونين لابستنه وكأنج سايره عرس ..

اكيد بستانس .. ( واحد راد من برى مهما كانت حالته .. متضايج ..شاف شي كدره ..) بهالأسلوب ..صدقيني بتبهرين بالنتايج حتى لو اشتكيتي من عدم رومانسية زوجك ..

ولا تلومينه طبعاً لأنـــــــه ( شرقي ) ;)
وأفكار واااااااايده ممكن تسوينه خلال اليوم حتى ..

[/c]

دانه الكويت
اسلمين حبيبتي على المشاركه والافكار الحلوه

وانا من عندي بقولك افكار

وش رايك تقصين ورق على شكل قلب وتبدين تحطينه على الجدار من عند باب البيت لين غرفت النوم وكل وحده تكونين كاتبه فيها كلام حلو
او كلمه كنتو تقلونها قبل لها ذكرى بينكم او موقف لين يوصل الغرفه وتكونين مجهزه الغرفه بالور وناثره الورد على السرير


الفكره الثانيه

تعرفين جزيره الكنز؟؟؟

يعني تجيبين 10 ورقات وكل وحده تكتبين فيها مثلاً اول ورقه اكتبي عليها
أحبك..وابحث على الورقه الثانيه في المطبخ علشان تعرف قد إيش احبك وتحطينها في اي مكان في المطبخ ويقعد يبحث عليها وبعدين إذا لقاها يكون مثلاُ مكتوب فيها احبك اكثر من الحب نفسه لأنك.............
واكتبي في الورقه الثالثه ليه؟؟
وزي كيذا
وحطي اللاوراق في اماكن غير متوقعه علشان يصير شوي فيها ظرافه ووناسه في اللعبه


وإذا تذكرت افكار بكتبلك;)

وباقي البنات ليه ما يقلون شي؟؟

ترا با ينات حتى لو ابتكرتو الاشياء من عندكم يعني كل وحده وخيالها الواسع

همسات

شكراً يا الغاليه على الافكار الحلوه :)

حلوه افكاركم وكلها يتفاجأ بها الحبيب واهو عندكم
لكن انا افكاري واهو غايب عني
يعني

زوجي يسافر عني بين فتره وفتره
:o
(l) واحب ارتب شنطته بنفسي اعطر ملابسه ...الخ
(l) ويوم انه خلاص رايح اكون مجهزه بطاقه
(l) كاتبه كلام حلو وتعابير كلها شوق ...وهلم جرا
(l) احط البطاقه داخل اي شئ ممكن تحط عينه عليه واهو في الفندق بعيد عني يعني داخل البيجامه او في السجاده
وبعدين يقراها وما ادري فيه الا واهو متصل فيني ;) ;)

شكرا بنااات على الافكار عيني عليكم باردة غلبتوني :)

فكرة همسات حللللللللللللوة والياقوت انشالله بسوي فكرتج بس لما يروح الدوام لآن دوامه ياخذه عني وايد فأكيد راح تكون فكرة حلوة اني احط له بطاقة داخل جيوب قميصه مثلا او شي جذي ...

تدرون شنو اخر فكرة سويتها ؟؟ طبعا اكيد كلكم جربتوا الشموع او انكم تغيرون بإضاءة غرفة النوم بس طريقتي اكيد محد جربها ....

اخذت ليتات الإضاءة مالوت الزينة (اللي يستعملونهم للحفلات) اللي يكون طولها 5 امتار او 7 والله ماني متأكدة أخذت لي 2 منهم ولونهم نفس لون غرفتي الأول ثبته على تاج السرير من فوق بطريقة حلوة والثاني حاوطت فيه السرير من تحت وسويت نفس ممر الى باب الغرفة وشبيتهم كان شكلهم عجيييييييييييييييب والله بنات انصحكم فيهم وايد صار شكل الغرفة رومانسي وحلو وصج كان شكلها بالمرة مو طبيعي شي فوق الخيال واللي تبي تعرف من وين بالكويت اقول لها وراح تدعيلي بس والله مادري وين يبيعونها برة الكويت بس اتوقع مع لوازم الحفلات وفي منها كل الالوان جربوها وقولولي شنو كان الانطباع :) :)

اتخيلت الشكل دانه أحس انها حلوه .. بس دانه كيف شكل اليتات :s أبا أعرف شكلها ..
لو حتى اتصورينها لنا أو تصورين لنا الطريقه حتى لو رسم
بلييييييييييييييز ..بليييييييييييز.. بليييييييييييييييييييييييييييييز
:p