غسل الشعر كل يوم ،،،

مرحبا اخت nodoo
اختي انا اللي اعرفه ان غسيل الشعر كل يوم يضره لان الماي الحين يحطون فيه كلور وهذا يضر الشعر ويسبب تساقط الشعر..
اما بالنسبة للمساج ،،ترا لازم تعملين تدليك لفروة الشعر يوم ادهنين علشان يوصل الزيت للفروة.....

وسلامتج:smile:

انا اظن انه عادي ... بالذات انه بيكون حاطة عليه زيت

ريحي شعرج في السبوع كمن يوم لاتغسلينه على الأقل ...


والتدليييك مهم ولاااااااااااااااااااااااااااااازم لازم ... عيل كيف تبين شعرج يطول ..؟؟؟؟؟؟؟

عزيزتي نصيحتي لش:

شامبو خفيف // للاستعمال المتكرر.
وهو افضل شيئ هربل اسنسز للشعر الجاف المتقصف.

وخذي معاه حمام زيت ضروري .. اي حمام زيت بعد غسال الشعر بالشامبو.

وإلي يطول الشعر صدق صدق .. ويخلية بحالة زينة .. حتى لو كان تعبان .. هو تسريح الشعر بمشط اسنانه واسعة .. من الامام للخلف ومن الخلف للامام ومن اليمين لليسار ومن اليسار لليمين .. يومياً. وخصوصاً قبل النوم.

باللنسبة للزيت .. انصحك بزيت السمسم:up: .. تراة رووووووعة لتطويل الشعر. وكذلك عندش زيت الحية:up: .. إلي ما يلحق ويطول.

زيت الزيتون بياخذ منك وقت طويل :pain:.. لاني جربتة سنة كاملة. وجاب نتيجة بس طول كثير.

وانصحك كمان إذا حابة تمزجي زيوت مع بعض .. تخلي من الزيوت الخفيفة مقدار فنجان .. والزيوت الثقيلة مقدار نصف فنجان.

أتمنى اكون افدتك اختي.:smile::smile:

واي شيئ انا حاضرة.:smile:

اختك الشيخة:smile:

مشكوره

nodoo
عادي انا كل يوم اغسل شعري بالشامبو...فليل احط زيت جوزالهند مع المحلب والظهر اغسله ماعدا الجمعه...الحمدلله شعري غلظ وطال بعد..استخدم شامبو الاستعمال المتكرر

اسألي خبيرة احسن

انا شعري طويل الحمدلله


اغسل شعري يوم ويوم لا


مب زين كل يووم تغسلين شعرج


لانه يجف ويطيح هاللي شفته


والزيت بعد لازم تريحين فروت راسج منه يعني حطي في الاسبوع مرتين او ثلاث او بكلام ثاني يوم حطي ويوم لاتحطين يعني اليوم اللي بتغسلين فيه شعرج حطي قبل كمن ساعه الدهان



وبس

عزيزتي ريحي الشعر و فروة الراس من الزيوت والغسيل اليومي

كفاية عليج بالاسبوع مرتين ولا ثلاث تحطين خلطة زيوت وتغسلين شعرج بالشامبو والبلسم
الي يزيد عن حده ينقلب ضده

كثرة تعرض الشعر للماي والغسيل اليومي يخليه ضعيف باهت :down:

أنا بصراحة احط زيت جوز الهند والمعروف بإسم (فاتيكا) ينباع في الجمعيات التعاونية بالإمارات ، و هذا الزيت امي كانت تحطه في شعري من يوم أنا صغيرة و واضبت عليه الين الحين والحمدلله شعري طويل مقارنة بأخواتي لكن متوسط السمك مش غليط، ولا خفيف، أنا احط الزيت مرتين في الأسبوع (الأحد والأربعاء) لكن اغسل شعري يومياً لاني اروح امشي لمدة ساعة في اليوم و اسوي تمارين رياضية و اكيد الجسم والشعر يكون عرقان واحتاج اني اغسله بشكل يومي، لكن في وقت الراحة يوم مايكون عندي رياضة، اتحمم عادي لكن ما أغسل شعري ولا احط له زيت، يعني يومين في الأسبوع اعطي شعري راحة من الزيت والغسل و نفس هاليومين اعطي جسمي راحة من التمارين الرياضية..

يبا لنا على هذا نجرب الوصفة

بحاول أشوفه يوم أسير جمعية

ما تقصرين غرام القلب على

موضوعك المفيد:shy:

مرحبا .. اذا كان شعرش دهني فمارح ينضر شوفي شفت هالمعلومة بموقع :
وهو عن تصحيح المعتقدات الخاطئة عندنا ..

يساهم غسل الشعر يوميا في التسبب بتساقطه!؟


خطا:فالعكس هو الصحيح لدى الذين يعانون من شعر دهني وفي هذه الحاله يحتاج الشعرالى الغسل المتكرر الذي يزيل عنه الافرازات الدهنيه فيصل الاوكسجين اليه بطريقه افضل ..


:up: