بغينا افكار وراها مِكدّة $$$$$ يعني وانتي في البيت الفلووس تيج

السلام عليكم ورحمة الله وبركاته

بصراحة عجبني جدا الموضوع...و عجبتني أكتر همة البنات...ما شاء الله عليهم...و أفكارهم الحلوة...

ياللا أختي غايـــة قولي لنا شو اخترتي...علشان نسوي لك دعاية على المنتدى...

و طبعا راح نكون أول الزباين...:smile:

:يا بنات ... افكر ... بأني اتعلم اصول المساج ... خصوصا ان ايدي متمرسه على المساج ...


بس اخاف من شغله وحده:pain:

أخاف البنات ما يلتزمون بلبسهم ..

أهم شي يكون شورت مب فاضح ...

لكن ان شاءالله يوم تستقر احوالي لأني مسافره مع زوجي للدراسه :shy:

كن افكر استغل الوقت خارج البلد بشغلات يدويه ... بس والله احترت .. خصوصا اني في بلاد غربه .. يعني مب كل شي ابيه بلقاه ... لأني ما اعرف محلاتهم ومبيعاتهم عدل ..

المهم .. الفرصه مازالت .. ..

شي ثاني ..

انا رسامه .. بس ما اعرف في شو استغل رسوماتي :confused:

ممكن افكار

:up:

ومشكورين على التفاعل

انا عندي افكار كتيره
1 زي ما قالولك البنات ممكن تشتغلي بالطبخ زي المعجنات او الحلويات.
2 ممكن الاعمال اليدويه انا بساوي اشياء يدويه كتيره يعني زي الاشكال اللي جوه البراويز اوتنسقي اشكال حلوه للاطفال بالخياطه اشكال على الثياب والمريله او اواشكال كمان جوات المناشف للحمام.على فكره انا عندي كتالوجات كتيره لكل هاي الاشياء وكيف تنسقي.
3 ممكن تعملي افكار فنيه حلوه واكتر حاجه ممكن تشتغلي فيها الافراح زي التنسيق بلالوان بهدايا المعازيم وسلات وديكورات الطاولات ومشاله لو عملت بحث في المنتدى راح تستفادي كتير.
4 كمان ممكن تعملي خلطات للشعر والجسم وتبيعي انا عمتي وصحبتها كانو يعملوا خلطه للشعر ويبيعوها غالي ومشاله الناس تشتري عشان كانوا يلاقوا نتيجه.
5ممكن تكوني baby sitter
يعني تعملي حضانه في بيتك لو بتحبي الصغار وطبعا تعمليلهم وجبه وتعلمينهم اشياء بسيطه.
6 ممكن مندوبه زي ما قالوا البناات.
7 ممكن انك تعملي تجاره يعني تسافري وتشتري وتبيعي بعرف وحده كانت تسافر طبعا مع زوجها ومن الصبح لليل تدور على ثياب سهره غريبه وتبيعها بسعر اغلى.
8 انا درست تجميل ومعايا شهادات شعر ومكياج ومساج وعنايه بالبشره وعلاجها وليزر لازالة الشعر وعلاج السيلولايت وانشاله ناويه اشتغل بعياده لليزر وعلاج البشره والاشياء الثانيه ممكن اساويها في البيت زي الشعر والمساج وتنظيف البشره يعني ممكن تدرسي شعر وتشتغلي في بيتك.

شكرا blue_angel

أفكارك عحيبه وحلوه ....

وان شاءالله نستفيد

ما شاء الله الافكار واااااايد حلوة ....

انا حالي مثل حالش يا غاية وفكرت اني ادرس الاطفال دروس تقويةواكسب من وراهم وانا جالسة في بيتي ...

الشيخة غاية

يوم انت رسامة ويالسة في البيت

حاولي تسيرين تقدمين في الحضانات أو الروضات بأفكارج الحلوة

خلي حد يروج هالموهبة

ارسميلهم لوحات فينة وبيعيهن

تعرفين لوحان الفنان مب رخيصة

وبتربحين انشاءالله

أختي روض القصيد ... انا حاولت ارسم .. بس ما حصلت تشجيع ... وبعدين مع العيال وعندي بنوته صغيره ريحة الالوان البيت يسكر منها ... بس يمكن أأجل المشروع للمستقبل .. إذا ما نسيت الرسم:s2


وتسلمين على مرورج

موضوع قمة اشكركم عليه:up:

والله فكرة حلوة بزنس البيت

بس تنفيذه مو بسهل

:up:



وان بعد عندي بنت عمي من كثرة الفراغ اللي عندها تصدقوون قامت تسوي اكسسوارات وخواتم رائعه...:up:






الغاليه اوركيد ممكن تدليني على مكان الحرمه اللي تسوي هالحلويات .....

أختي الغالية ،،،،،،،

إتصدقين أنا عندي هواية الخياطة وقبل ماأتوظف كنت أسوي ( توك للشعر

بأشكال وألوان ) وورود بالسيراميك وتلي،،،، بس صدق كنت أكسب منها

ذهب ولكن الحين إستويت كسوله :down: وإنشاء الله تعجبك تجربتي .



---------------------------------------------------------------------
اللهم رضني بما قسمت لي وعافني فيما أبقيت حتى لاأحب
تعجيل ماأخرت ولاتأجيل ماقدمت

والله اني محتراة ماعرف شاسوي؟


شو تشورون عليه؟

انا قرأت مشاركات الاخوات وحاسه بمعاناة الكل

كنت مثل اي وحده ما عندها شغل ولا شيئ يقضي وقتها بالفايده

والحين الحمدلله بدأت ابيع دراريع وشيل في البيت لحد
ما شجعوني الاهل والاصدقاء وفتحت محل صغير ابيع فيه هالاشياء
بالاضافه الى منتجات اورفليم .. الحقيقه منتجاتهم روعه
شوي شوي بدينا نفهم الناس ومتطلباتهم لكن ينقصني الكثير
لأكمل نجاحي ..

الشغل حلو ومو عيب ابدا المهم انك تكونين على ثقه من نفسك

انا بعد الحمد الله بديت فى مشرول صغيروني والكل شجعني على هذا المشرول اني اسوي حلويات وابيع نفس اختي كنديه الاصل الاهل والاصدقاء شجعوني بس بصراحه استفاد منه هذى الحلويات بذات ايام الاعياد واذا حد عنده عرس بس الايام العاديه مب وايد بس اقول الحمد الله على كل شي

اختى الغالية انستازيا نرجوا منكى التوضيح لاننا اشتركنا وما جتنا رسايل على الجوال ولا شىء وكمان انا مش فاهمة قوى ونطلب كنكى التوضيح والف شكر مقدما

التجاره تبي وحده شاطره ولهلوبه ع قولت المصريين يعني وحده ما تستحي مثلي حياويه وايد انا مثلا اعرف اسوي اشياء كثيره مثل الحلويات واعرف ارسم ع الزجاج وسوي لوحات من فضيات وكثير من اشياء الفنيه باضافه الى صناعة البخور وغيره اشياء كثيره بس الحظ له دور بس استحي اعرض اشياي واقول انا ابيع

هلاااااااا
اختي ام بلقيس ليش البيع مو عيب وانا اعرف حريم يبيعون شغلات لهم وكله يقولون مو لنا وحده عطتنا نبيع لها
ممكن تشتركي معاي في اوريفليم وتربحي وش رايك

هلا أختي غاية
أنا خالتي عندها صديقات من الكويت يشترون لها بضايع بالجملة ( الدزينة) وتبيع لهم في البحرين والربح لخالتي نسبة بسيطة منه الأفكار وايد بس المشكلة على العزم والتنفيذ

أختج غيداء البحرين

بنااااااااااااااااااااااااااات
والله اني استانست يوم شفت هالموضوع...

انا يالسه في البيت بعد ما تخرجت من الجامعة .. ادور على وظيفة بس خاطري اسوي بزنس بعد بدال ما اقعد في البيت بدون فايدة ..الحمدالله انا عندي موهبة الرسم ..و ارسم لوحات زيتيه بأحجام .. و اقدر اسوي تصاميم على االكمبيوتر .. في نواحي كثيرة ..
بس المشكلة ويييييييين اعلن عن هالشي ؟؟ و كيف اعرف من حاب يشتري مني؟؟

كل الافكار إلي قلتوها روعة و عن نفسي الحمدالله عندي مواهب كثيرة ..بس المشكلة وين تسوون دعايه لهذا الشي ..
على اهلي و معارفي ..صعبة