طريقتــي في وضع الآي شدو ،، خطوة بخطــوة ..

بسم الله الرحمن الرحيم

أحينه يا خواتي بسوي لكن التركواز ،، على طلب الاخت حبروووو

واللي ما عندها اللون الأصلي ( التركواز ) ممكن انها تتبع هالطريقة

علشان تحصل على هاللون المميــّــز ،،

أول خطوة انج تحطين الشدو الأصفر تحت الحاجب مباشرة


ثاني شي انج تحطين اللون العشبي الفاتح فوق الجفن المتحرك مباشرة كما في الشكل ،، وتدمجين اللون الاصفر بالعشبي


تحطين اللون الكحلي ( الأزرق ) وتدمجينه مع العشبي .. وتحطين لون أزرق تحت العين بعد بهذي الطريقة ،،،،


تكحلين داخل عينج بقلم عشبي فاتح واذا ما عندج عشبي فاتح .. استخدمي القلم الأبيض لأنه يوسع العين ،، وإذا ما عندج ،، أمرج لله ،، سوي أسود ...،، :D2




امممممممممم

انشالله هالطريقة عيبتكم ،،

وعندي طريقة ثانيه بعد ...،،، بحطيها لكم انشالله ،،،

مرحبااااااا أحينه بسوي لكن طريقة ثانيه للتركواز إذا كان موجود عندكم اللون التركوازي الأصلي ...( يعني بدون ما تدمجين كذا لون حتى تتوصلين للون التركواز )

الطريقة اللي فوووووق ،،، تناسب انج تحطين روج بيج او بني ،،

أما الطريقة الثانيه هذي ،،، تناسب انج تحطين روج وردي ،،

اول خطوه انج تحطين المعة البيضا تحت الحاجب


وعقب تحطين اللون الوردي ... ويكون نفس لون الروج اللي بتحطينه
ولا تنسين تدمجين الوردي باللون الأبيض اللي تحت الحاجب ،،


بعدين تحطين اللون التركواز اللي موجود عندج على الجفن المتحرك وتحت العين بهذي الطريقة ..


بعدين تكحلين عينج فوق وداخل العين .. وتحطين شوية شدو أسود بكميه بسيطه على اللون التركوازي ..( يعني على ايدج اليمين كما في الصورة )


وهذا الدرس وخلص

حتى احاول اني أختصر الخطوات علشان ما تصعب عليكن ،،

مشكووووووراااات على المتابعه ،،،

وانشالله انتظروا مني كل يديد:shy:

ما شاء الله عليج اسلوب شرح روعة والصور اروع تغني عن الشرح موضحةفيها طريقة المكياج خطوة بخطوة تسلمين على المشاركة الرائعة واحنا بانتظار المزيد ما قصرتي تستاهلين التصفيق الحار عالمجهود :clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap:

حبيبتي موادعة الروح
كيفك اليوم؟
مشكورة على دروس اليوم و مثل كل مرة أبدعتي:up::clap::clap::clap:
في انتظار المزيد

وخيتي بنت البيضاء

هذا المكياج ( بنفسجي ) ،،،

المكياج اللي انتي طلبتيه ،، وانشالله يعيبج ،،، ولا تنسين ان مكياج الويه

يأثر وااايد على المكياج ،، يعني ان أبدعتي في انج تمكيجين ويهج ،،

فأكيد بيظهر لج الشدووو ولا أروع

المهم

اول خطوة انج تحطين الشدو الأسود على الجفن المتحرك بشكل دائري


ثاني خطوة انج تحطين اللون البنفسجي الغامج فوق فوق الجفن المتحرك
وتحاولين تدمجين أطرافه الاخيره بالشدو الأسود اللي تحته


ثالثت خطوة انج تحطين تحت الحاجب اللون البنفسجي الفااااتح جداً ،،،
وتدمجينه مع اللون اللي تحته ( البنفسجي الغامج ) ولا تنسين انج تحطين اللمعة البيضاء تحت الحاجب ( قدر بسيط منها )


تحطين الكحل السائل على الجفن المتحرك وبفرشاة حاولي تدمجين نهايته باللون البنفجسي الغامج اللي فوقه ( يعني كحل أسود ، بنفسجي غامج ، بنفسجي فاتح ، لمعة بيضاء)


بعدين تحطين الشدو البنفسجي الغامج تحت عينج ...



وسلااااااااااامتكم

انشالله عيبج الدرس وخيتي بنت البيضاااااء ،،،

وانشالله يكون سهل عليج ،، وتقدرين تطبقينه

وعلى فكره ترى مثل ما قلت لج اذا كانت بشرتج بيضاء أكثر ،،

فهذا بيساعد على ان الشدو يكون أحلى ،،

فبيكون تقريباً بهالشاكله ،،



والسمووووووحه :up:

وخيتي سنـــــدس

لا خلانيه ربي منج ،،،،

مشكووووووورة كل الشكر على المتابعة والرد الحلووو

:smile:

وانشالله نسوي كل اللي يرضيكم ،،،

وانتظروا يديدي

تحياتي:shy:

:clap::clap::clap:
مشكورة حبيبتي ما قصرتي
و زين انك حطيتي اسمك على الصور حرام جهدك ياخده غيرك
:up:

العفووووووو وخيتي بنت البيضاااااء

وهذا اللي المفروض اسويه من البدايه

بس ما فكرت قلت ليش اخاف من خواتي:smile:

مشكووورة على المرووور

مشكورة وكلك ذوق يا موادعه:clap::clap::up:

تسلمين وخيتي على مرورج

ولا حرمناج هالطله

هذا واجبنا

مجهود رائع .. وما قصرتي

جزاج الله خير :clap::clap::clap:

:up::up::up::up:

تسلمين وخيتي عليـــــاء على التعقيب

ولا حرمناج هالطلـــــه :smile:

[CELL=filter:;][ALIGN=center]هلااااا وغلااااااا

أحينه يا بنوتات بسوي لكن اللون العشبي & الوردي ،،

على أساس ان الروج يكون لونه وردي ،،

أول خطوة انج توزعين اللون العشبي الفاتح على الجفن المتحرك بهذي الطريقة


ثاني خطوة انج تضيفين اللون العشبي المايل للبني .. وتدمجين نهايته بالعشبي الغامج ،،


تضيفين اللون الوردي فوق الجفن المتحرك ... ولازم تحطين شوية من اللون الاحمر ... وتقومين تدمجين
مثل ما هو موضّــح بالصورة ..


تضيفين الشدو الاســــــود في هذه الزاويه > بحيث يكون الشكل اجمل،، وتكحلين عيونج بعد ..


تضيفين اللمعة البيضاء تحت الحاجب .... ليعطيج في النهاية هذا الشكل ،،،،




مشكوووووورات على المتابعة ،، وانتظروا الدرس الياي

اختكم ،،،
مواااادعـــة الروووووح[/CELL]

[CELL=filter: glow(color=deeppink,strength=5);][ALIGN=center]مرررررحبااااااا ،،

أحينه بسوي لكن طريقة وضع الآي شدو الوردي ،،بس بطريقة تختلف عن الطريقة الأولى

وهذي الطريقة ( لو انج تبللين الفرشاة بالماي قبل وضع الشدو فيها ) يكون أفضل

لأني جربت الشدو بهذي الطريقة ،، وطلع عليّـــه حلووو ،،

المهم

اول خطوة انج تسوين على الجفن المتحرك كله اللون الوردي الفاتح وإذا ما عندج وردي فاتح ( إدمجي الوردي بالشدو الأبيض ) بيعطيج وردي فاتح ،، وتحت الحاجب مباشرة .. تحطين لمعة صفرا ..أو شدو أصفر
وتدمجين نهاية الشدو الوردي ... ببداية الشدو الأصفر


ثاني خطوة .. تحطين الشدو الوردي الغامج بهذي الطريقة


ثالث خطوه انج تسوين الشدو الأسود بس حاولي انج تدمجينه مع الوردي الغامج ..


رابع خطوة ،، تزيدين الشدو الأصفر ( في نقطة التقاء الشدو الأصفر بالشدو الوردي ) تحطين شدو بني
يعني فوق الجفن المتحرك ... وتضيفين اللمعة البيضاء .. تحت الحاجب ..،،



وانتهى الدرس ،،،

أتمنى ان دروسي غيبتكم ،،

واليوم طبعاً رح ينقطع النت ،، بس خلال الفترة اللي بتغيّب فيها بحطي لكم عدد كبير من
الطرق ،،، والألوان ،،

ديرن بالكن على نفسكن ،، وماريد منكن شكر ،،،

كل اللي أبغيه منكن انكن تدعون ان ربي يرزقني بالريال الصالح ،، اليوم قبل باجر خخخ

على الله ،،،، [/CELL]

:clap::clap::clap:
:up::up::up:
روووووووووووووووووعة
و الله اني حاسه اني بصير حريفة مكياج على ايدك أختي:shy:
تسلمين على المجهود

الله يسلمج

:o

وانشالله انشالله تصيرين حريفه ليش لااا

الله يعطيك العافيه علي هلمكياج الي يجنن بس ابي منك طلب ياحبيبتي وبسرعه عندي مناسبه بعد يومين ابي مكياج يصلح علي الفستان الاحمر وانتي ماقصرتي حطيتي الآى شدو الاحمر بس للاسف
ماطلعت عندي الصوروابي طريقه للمكياج تصلح للعين المقعره لاني الاحظ
اذاحطيت على الجفن المتحرك اللون الغامج يعطي العين دخول اكثر
ولك مني الف تحيه
:shy::shy::shy:

:cry: :cry:



الله يعطيك العافيه على هاي الدروس


ويالغاليه موادعه ليه:no: ما حطيتي اسمك على المكياج الاخير


حرااااااااااااااام يروح جهدك


مع التحه

وخيتي روضــــــه ،،،

انشالله بسوي لج اليوم ،،،

ومادري ليش الصورة ما ظهرت ،، أكيد من موقع التحميل هذاااا

..

الغاليه الهاجره ،،

صدقيني أنسى .... :pain:

ومشكووورة على المرووور

:smile:

السلام عليكم ورحمة الله وبركاته مشكورة اختي موادعة الروح على التوضيح الرائع بس عندي مشكله الصور للمكياج البنفسجي والتركوازي مو طالعين عندي ماادري بس المشكله عندي لو عند الجميع ومشكورة مرة ثانيه
اختش ام مهدي