طريقتــي في وضع الآي شدو ،، خطوة بخطــوة ..

:up: ماشاء الله عليج طريقة شرحج بسيطه وواضحه نقدر نقول ((ممتازه)) :up:


ننتظر مواضيعج حبووووبه :clap: :clap:

مشكورة الغالية ما قصرتي

انا احب اعرف طريقة لتكبير العين ... باللون الزهري أو الأسود و البيج
إذا ممكن؟

:clap: طريقة حلوه كثير

:up: nice

تجننننن ومره سهله

وااااااااااااااو :clap::clap::clap::clap::clap:

عجيب .. والله أنك شاطره

تسلمين الغالية على رسم العيون الحلو . بس بغيت اعرف اللون اللي يناسب الازرق ، والاخضر ، والبني، والبرتقالي حابه اعرف كل لون من هل الالوان شو اللي يناسبه من درجات او الوان ثانية اقدر ادخلها؟

وشو الاحسن احط الكحل الاول او الايشد؟

ومشكورة على الموضوع الجميل

:shy:تسلمين الغالية على رسم العيون الحلو . بس بغيت اعرف اللون اللي يناسب الازرق ، والاخضر ، والبني، والبرتقالي حابه اعرف كل لون من هل الالوان شو اللي يناسبه من درجات او الوان ثانية اقدر ادخلها؟

وشو الاحسن احط الكحل الاول او الايشد؟

ومشكورة على الموضوع الجميل:clap:

يسلموووووووووووووو يالحبيبه

هذا اللي نبي واذا عندك لاتبخلي:up:

مشكورة اختي على التوضيح
والله يعطيج العافية

مررررحبااااا وصلت لكم مرة ثانيه ...،،

اولاً مشكووورين كلكم على هالطلة الحلوة ،، وعساني ما أنحرم منكم ...

اختي الغاليه ...،، شهد الحيــاه ،،، مشكووورة موت على مرورج

وما طلبتي شي موليــه .. غاليه والطلب رخيص ،،

وانشالله بنزل لج اللون البرتقالي ،،##################

الغاليه / شجــــ الاماااارااات ــون ،،

فديتج والله بنت بلادي ...،،

ما تقصرين ،، وألـــزم ما علينـــا رضاج ورضى جميع العضوااات ...،،##################

الغاليــه / فوشيــه ،،

كلي شكر على مرورج الكريم .... ولا تحرمينا طلتج :shy:##################

الغلااااا ،،،، بنت البيضاء ،،

ألزم ما علينا رضاج وخيتي ،،،، و دام عندي قدرة اني اعلم ...،، بعلمكن ليش لا ..

وانشالله أفيدج ...
################

الاخت / هامة العز ...،،

لا عدمنـــا مرورج الطيب عنونـــــــي ..،،
################

الغاليــــه / amoor

تسلمين والله على كلماتج الحلوة ،،، والحمدلله ان الطريقة سهلة .. :up:
#################

الغلا كلـــه / فطيم-19

ولا يهمج الغاليــــــه ،،، غالي والطلب رخيــص ...

وكلي شكر على تواجدج في زاويتــي المتواضعه ...،،
################

الأخ/الأخت..... قطـــر

الله يسلمج وخيتي و مشكوووره على تواجدج ومرورج الكريم ...،، ولا عدمناج الطله الحلوة ..

ونحن دوووووومنـــا في الخدمـــة ..،،،#################

الغلااااا / روضــــه ،،،

عسى نفسج دوووووم مرتاااحه ،،

وانشالله بنزل لج اللون الاحمــــر ،، وإذا ما عيبتج الطريقة وتبين غيرها ... من عيوني الثنتين

بس انتي تأشرين ....
################

فديتج بهالطله وخيتي ...afrah77وعسى أيامج كلها أفراح ومسرات يا رب ..
مشكوورة على مرورج ،، ومن ناحية أفضل شدو أسود فاحم ،، بصراحه أنا اخذ من ماركة ( مكياجي)

أعتقد هذا اسم الماركة .. لأن هالاسم موجود على العلبه من مركز ( الميجامول ) في الامارات

يمكن يكون موجود برع الامارات ..

والألوان اللي فيه كلها غااامجه بشكل حلوووو ....،، تناسب السهرات .. والحفلات ..

وصدقيني بتقدرين تحصلين الأسود الفاحم من أي مكان ... بس قولي لهم بغيت أسود فاحم ..

وبيفهمون لج على طوووووول ... :up:

هيه صح تذكرت في ماركة ( CLARINS ) روووعه ،، أسود وفيه لمعة حلوه

شفت كذا وحده من رفيجاتي محطيه لها هالشدو ... ويمدحونه ،،

بس ما جربته ...،،

وانشالله أكون أفدتج ..... لو بشي بسيط ..############

(( وانشالله برد عليكن كلكن .... بس انتظروني شوية ))

أخلص تحيـــه ...

أختكم ... موادعة الروح

الغاليه أنستازيا ... الاخت دمع الليل ... مشكووورات على المرور

وانشالله انشالله ما رح أقصر ،،،

بحاول اني أضيف كل الألوان اللي تطلبونها

الغاليه .. مارد وشوشني

انشالله بأقرب فرصه ،، ولا يهمج الغلا

الاخت نماء .. عذباء .. الله لا يحرمني هالطله البهيــّــه ... فديتكن

سوسو ... خليجيه .. لك الخيار .. مشكووووراااات حبيباتي

ريم - 18 .... ما طلبتي شي .. من عيوني ... دامني أقدر أخدمج

حطي في بالج الغلا ريم .. إذا عينج واايد صغيره ..فلازم تكحلينها داخل بكحل أبيض جاف .. وانشالله بحاول أفضي وقتي للون اللي تبينه ..

الفارسيه ..عيون القمر ... ورده المنتدى .. juliet&rambo

بداره ... مشكووووورات على تواجدكن الطيب ... وانشالله دوم نرضيكن

الأخت نسايم الليل .... أحب ان أشوف حد مهتم ... ،،

وانشالله بقولج شو الالوان اللي تتناسب انج تدمجينها ويا الالوان اللي ذكرتيها ... بكتبها لج في أقرب فرصه .. اما من ناحيه شؤالج ..(( فالإي شدو أول ... وبعدين الكحل ... هذااا الأفضل ))

ومشكووورة على المرووور

صوت الحق .. ولا يهمج الغاليه ...

الاخت لوراا

مشكوووورة على المروووور

ولا عدمناج الغلا :shy:

يالله أحينه بدينا بالجـــد ،، وأنا عند كلمتــي ،،

طريقة وضع الآي شدو البرتقالـــي ،،

أول خطوة تحطين اللون الأصفر تحت الحاجب بمسافة بسيطه ،، وتحت الأصفر تحطين اللون البرتقالي مثل ماهو موضـح بالشكل ....،،


والخطوة الثانيه انج تدمجين نهاية اللون الغامج ( البرتقالي ) باللون الأفتح ( الأصفر )..


نضيف اللون البني الغامج ( البني المايل على الأحمر) بهذي الطريقه


وتدمجين كل طبقة بالثانيه ... بحيث يكون بطريقة دخانيه ..،،


تضيفين اللون الأبيض ( اللمعة البيضاء) تحت الحاجب مباشرة .. بحيث تحدد شكل الحاجب ..
وتكحلين عيونج ،،


شوووو رايكم نشوف النتيجـــه ؟؟!! :up:




انتهينــا من درس اللون البرتقاااالي .. انتظروا الدرس الياي ..،،:smile:

واااااو وااايد حلو


تسلـم ايـــــــدج :up:



:clap:




:up:




:clap:


اختج عمق السكون

مرااااااااااااااااااحب ... هلا بنياااات ...،،

احينه بسوي لكن اللون البيجي مع البنـــي ... للي تحب الألوان الفاتحه .. ،،

سواء كان اللبس بنــي .. او بيج ... يصلح له هالإي شدو ،،، ما بطـّــول عليكم رمسه



اول شي تحطين اللون اللؤلؤي ...،، أو البيج الفاااااتح تحت الحاجب مباشره ... ولو ما كان عندج بيج فاتح ممكن انج تدمجين البيج اللي عندج مع الأبيض بيعطيج لون لؤلؤي ..


تحت كسرة الحاجب .. ضيفي اللون الأبيض .. بكميه قليله ... كما في الصورة ..


تحطين اللون البيج اللي تبينه على الجفن المتحرك بهذي الطريقه


تاخذين لون بني فاتح وتحطينه على الجفن المتحرك مثل هالشكل .. ولا تنسين تحطين تحت العين بعد ،، ولا تنسين تدمجين كل نهاية لون باللون الثاني ..


وتحطين الكحل بهذي الطريقه إذا حبيتي .. ،، اما اذا بغيتيه يكون هادي جداً ممكن انج تستغنين عنه( الكحل) .
وتحطين داخل العين كحل جاف فقط ..




أتمنى ان الدرس نــــال اعجابكن ..،،، وهذي طريقة تكبّــر العين بعد ( خصوصاً اذا استبدلتوا كحل العين الداخلي للون كحل أبيض ) بتتوسع العين ..

أخلص تحيـــه ..،،،،
وانشالله أيي بدرس الإي شدو الأحمر .. بأقرب فرصـــه

:shy: :shy: :shy: :shy:

مشكوووووورة بالزود الغاليه عمق السكووون

هااااااااااااي بنيااااات ،،، رجعت لكن من يديد ،،

والدرس هالمره ... عن اللون البنــــي ...،، ( البني &الذهبي) أو (البني&الأصفر)



أول خطوه .. انج تحطين اللون اللي تبينه سواء كان أصفر او ذهبي ..بس اللون اللي في الصورة أصفر بس الظاهر اني ما اخترته صح ... لأنه مبيــّـن كأنه برتقالي ..


عقب تحطين اللون البني الغامج اللي انتي تبينه ،، وتدمجينه مع اللون الأصفر ... ( عمليه الدمج هي الأساس)
ولا تنسين انج تحطين البني في بداية العين بعد ... مثل اللي في الصورة


تضيفين اللون العشبي تحت العين ... علشان يعكس لون عينج .. وتبيّــن كانها خضرا للناظر ..،،
حتى معظم اللي يشوفوني أحط هالشدو يعتقدون ان لون عيوني خضرا ،،


تكحلين عيونج اذا حبيتي بالكحل الجاف او السائل ،، أو آي شدو أسود .. ( وعلى اليمين تحطين آي شدو أسود وتدمجينه مع البني الغامج )


اللمســة الاخيره انج تحطين اللمعة البيضا ... تحت الحاجب ... وحاولي انج تدمجين الأبيض باللون اللي تحته ( الأصفر )




انشاااااااالله يكوووون عيبكم الدرس ... وطبعاً معظم دروسي تخص المناسبات ،،

وانتظروووووا الدرس الياااااااي ...،،:up:

وخيتكم
بنت الامـارات .. موادعــه