ذكرى زواجنا

بسم الله الرحمن الرحيم

السلام عليكم ورحمة الله وبركاته

صلى الله علي رسول الله وآله وسلم

مثل ما وعدتكم إني أخبركم عن الهباااال:cool2: اللي سويته ليلة الجمعة.. راح أوفي بوعدي ..
اولا :
زوجي قلت له عندي بنات لا تجي وجهزت أغراضه وقلت له روح بيت أبوك..ماشاء الله عليه مطيع سواها ووراح:cool2:..

ثانياً:

الهدية

الهدية كانت عبارة عن (ريسيفر) اتفقت مع محل الريسيفرات على اساس يجون يركبون الريسيفر وكان للغرفة الثانية.. وكان يوم الأربعاء فجوا ركبوا كان معاهم الوالد والحلوو:smile: زوجي ما يدري وقليل يدخل هذي الغرفة.. والله ستر انه ما حس بشئ..

ثالثاُ:

الحلاوة

في كل مناسبة أوصي كيكية من المنتزه قلت هذي المرة بغير وبسوي شي بيدي :shy:قلت خلني اتشطر شوي..وسويت حلاوة " الترميسو"

ووعدتكم اني أخبركم عن طريقتها إذا طلعت :up: والحمد لله طلعت امممممممم..

مقاديرها:

2 كيك فانيلا ( اللي بألمنيوم).

مقادير الصلصة البيضاء:
3 كيس دريم ويب.
2 قيمر كويتي.
4/3 ثلاثة أرباع كوب حليب سائل.
1 جبنة ماسكوربان ( ما تلاقينها إلا في ميداوي).

مقادير الكوفي:

2 كاس ماء دافي.
2 ملعقة كوفي.
فنجان سكر.

الطريقة:
1. نقطع الكيك شرائح ونصف طبقة منه في الطبق اللي نبيه بس أنا سويته في قالب على شكل قلب وعشان يكون سهل علي انقله للصحن اللي ابيه خليت على القالب ألمنيوم قطعه كبيرة على اساس أني اشيله من القالب بسهولة ويكون شكله قلب.

2. نشرب الكيك بشوي كوفي.

3. نخلط مقادير الصلصة البيضاء مع بعض . ونخليه طبقة منه على الكيك.

4. نخلي طبقة ثانية من الكيك ونشربة الكوفي ونخلي الطبقة البيضاء لين ما نكمل المقادير على شرط انه تكون الطبقة الأخيرة هي الصلصة البيضاء.

5. نرش الطبقة البيضاء بكاكاو بودرة.

6. نخليها في الثلاجة.

# ملاحظة ان لازم تسوسنة قبل بيوم عشان تتماسك وتصير امممممممم.


رابعا:

العصيير اتصلت المطعم عصير كوكتيل كويتي لأنه يحبه.. خليته في صينية كشخة مع الحلاوة ونثرت وردي شوي فيها.. وشمعة ..

خامسا:

غرفة النوم

- الفراش كان فراش " بيبي" يعني فراشات وألوان وخربطة وكان درجات الوردي ووالبنفسجي بالإضافة للأبيض والأخضر...أنا خيطته بنفسي وهو اللي تعبني وخذ مني وقت خصوصاً واني اشتغل..

المخدات كانوا 9 مخدات 2 بيضان، 2 وردي وبنفسجي، 2 مزركشين (أخضر، وردي، بنفسجي،أبيض)، 1 بيضاء صغيرة، 1 بنفسجية صغيرة.

الكشكش كان وردي، والبد شيت (بردة الاستيك) كانت بنفسجية.

حتى اختي تقول " نعنشتين غرفة نومكم" يعني المفارش الباقين والحركات اللي سويتها قبل كانت للكبار وفيها رسمية اما هذا الفراش خارج عن الحدود ..


- معطر الفراش من الكويت أسمه" الفخامة" وريحتة :rolleyes: تجنن.

- عطرت الحمام.

- طبعت ورقة على هيئة شهادة فيها مكتوب : " حدث في مثل هذا اليوم" وكتبت المناسبة وخليتهاعلى الباب من برا كانت ملونة وردي وبنفسجي مع ورد وفراشات.

- طبعت ورقة فيها سورة "الفلق" وخليتها على السرير من فوق بحيث تحرسنا بعون الله.

- طبعت أشكال وردود وفراشات ووزعت على كل مكان بالغرفة" السرير، الخزانة الجدار ، المرايا".

- نثرت ورد مقطع عند الشموع وجنب الأباجورات..


- شريت دبدوب أبيض وعليه وشاح وردي وبنفسجي ..


- شريت قطع زل وحدة وردية سادة عند السرير، والثانية على شكل فراشة حق الكراسي بنفسجية وفيها دوائر وردي وأبيض.

- في زاوية فرشت قطعة وردية وخليت عليها سلة فيها ورد وقش، ومخدات 2 وحدة بيضاء والثانية بنفسجية فاتحة.. وشمعة.. والدبدوب .. هذي الحركة طلعت عجيبة..

- وجنب الستارة خليت كراسي 2 وعليهم مخدات مزركشين أخضر ووردي وبنفسجي ووردي.. وعلى الأرض خليق قطعة زل على شكل فراشة..

-الشموع بريحة من "ميداوي" والشمعة الوحدة مقسمة 3 الوان بنفسجي، وردي فاتح، ووردي غامق وماشاء الله حلووين وريحتهم أحلى..

- شريت برواز من " لايف ستايل" أبيض وفي فراشات بنفسجي ووردي..

- خذيت ماسك للبطاقة مكن لايف ستايل شكلها وردة وردية.

سادساً:

كشختي أنا:smile:

- شريت بجامة من لاسنزا وردية ناعمة وقصيرة وروب أبيض.

- خذيت عطر جديد لي وهو "اسكاد" ومثل ما تعرفون ريحتة ورد..ورد..

- استشورت شعري وطلعته على برا..

- خليت ميكب مختلف عن كل مرة..

- استخدمت ريحة بيبي من بودي شوب لجسمي كله:up:.