شو احسن مكان سويتي فيه عباتج ؟؟

انا تعيبني وااااااااااااااايد موديلات دهن العود
رووووووووووووعه وظهرت بموديلات جديده ما حد سبقها فيها
حتى بنات دبي قامن يفصلن عندها مع انها هي من العين

اتذكر انه لها موقع بشوفه الحين لكم

http://go.3roos.com/H59ZOzsd3IS

كاتب الرسالة الأصلية : miss_sun
السلام عليكم

الفارسيه حبيبتي ....

محل (( رونق)) الاكسسورات والخرز هذا الي انا اعرفه ورحت وشبفته

بس خياطه عبايات اول مره اعرف ... (( بس زين خبرتينا أن روح نشوفه ))




تشكري ياحلوه :clap:

هلا اختي
انت من متى رايحه لهم
هما صار لهم تقريبا سنة فاتحين في الطابق الثاني محل خياطه واقمشه

بصراحه انصحج تروحين :up:
ولو عندكم اطفال وحابين تدلعونهم بالعيد وصي عندهم على شوية حركات دلع من الاكسسورات للشعر والايد
اكسسواراتهم حلوه كثير كثيررررر بصراحه دلعت بنتي على الاخر العيد الماضي لاني كنت نازله مسقط
سوا لي حركات لشعرها وايدها وحلق وحتى الفستان مالها خذوه مني وحطوا فيه خرز
طلعت جنان

ورفيجاتي بعد يسون حركات لهم في فساتينهم وعباياتهم من الغرز الي عندهم

انت لما تدشين اسالي عن صاحبة المحل وكلميها لو هي موجوده
هي عندها مكتب فوج تجدرين تجعدين عندها وبتجول لج كل شي عندهم
لا يغرج المحل بس من بره وتدشين وتطلعين
لا جعدي داخل واساليهم عن كل شي
والله بتستفادين لو عندج عرس ولا مناسبة هما يجهزون اشياء كثيره لهذ المناسبات


صح نسبت اذكر شي اختي كان ملجتها العام الماضي وسوت عندهم برقع من الخرز وسوت لها سبحه يد من الخرز بعد
عجيييييييييييييييييييييييييييييييييييييييييبه تخيلي برقع من الخرز من اوله لاخره بالفعل سوه لها بطرقه تجنن :up:

ممكن سوال يا بنفسجة العين وين محل الخمار الراقي .

هلا فتوون :smile: حبيبتي هالمحل في مركز الجيمي اللي في العين في الدور الاول ما ادري اذا عندهم فرع ثاني :smile:

مرحبااااااااا


كيفكم ياحلوات

انا من الشرقيه

وعبايتي من توايلا بصراحه حلووووه مره وقماشتها روووعه

صحيح غاليه حبتين بس تستاهل اخذت العبايه من عندهم بـ 380 ريال

ومراح اغير هالمحل لاني ارتحت له وكل صديقاتي راحوا له


ويعطيك العافيه اختي على الموضوع


سلام

الفارسيه : تسلمين على المعلومه ... :clap:

جوليــــــــت & رامبــــــــــــو : مشكوورة اختى على المشاركه الحلوة :smile:

فطيم-19 , footon , miss_sun , : شكرا عالمرور الحلو :shy:

ملكه النحل : فيرست جويس ... روووعه بس من متاا ابا اسير ما اتفيج .. خاطري اسيرله بس ماعرف اسعاره ... بس راعي المحل من معارفنا ... يعني بيتوسطلي (wink) :D2

مفنوده : تسلمين على المعلومه ومرورج الحلو :smile:

بنفسجه العين : فير ليدي ماينفع موووووول حق المدرسه .. لني مجربه ولاعت جبدي من هالمحل واستويت افصل بس حق الظهرات .. وعباة المدرسه خليتها من غــــــــــــــــــايه ... نفس تفصيل فير ليدي :up:

صالون كلاود : شكرا على المشاركه :smile:

هامة العز : مشكوورة اختي مع ان نحن من الامارات مابنستفيد لكن خواتنا السعوديات بينتفعن :up: .. تسلمين

مرحبا اختي فوشيه،،،

انا من الشارجه،، والاميري موجود في السوق الجديم في الشارجه،،

في مركز وكالات الاميري الطابق الثاني

ابغي اعرف وين محل بلودان و وين الخمار الراقي؟؟

السلام عليكم ورحمة الله وبركاته :smile:

سيدتي الجميله...

الاختيار الاول :up:

تعودت على هالمحلين واحيانا حناين عشان المناسبات..

اختي فطيم بكم اسعار الاسكارفات الماركه لاني ولا مره اشتريت من دبي

اغلب اللي عندي من برا.. بس تعرفين المشكله انه التقليد في كل مكان

والله انا اشتريت اسكارف ديور من باريس وبولغاري واشوف التقليد عند

كل حد لدرجة اني قمت ما البسهم

بغيت اسال وين بالم ستريب لاني من فتره ما رحت دبي؟

بالم ستريب موجود في جميرا

لارين حلو ودايما شغلهم يديد ..

ابو كنان عيوني في جده والشرقيه والرياض عباياتهم رووووووووووووووووعه حياتي

أنا افصل العبي مالتي عند...

(f) (f) (f)

الإختيار الأول..:clap:
سيدتي الجميلة..
داري..:clap:
المتحجبة..


ارتاح لهم واااااااايد وأكثر شي الإختيار الأول وداري...:shy: :shy:

هلا




الصراحه انا مااسوي الي في مرمريتا الاسعار وايد منخفضه والخياط مرتب

عيبني الاختيار الاول
والخام انترنت

نبات من جربت نفصل عند محل المتميزة بالشارجة اتخبرنا عنه؟؟؟؟؟

الاختيار الاول



العريش

انا بطبعي ما احب اسير عند محل معين ...احب انوع في محلات العبي اهم شي الخامة و التصميم ..ومن ابرز اللي تعاملت وياهم و ارتحتلهم
- سويت ليدي
- الاختيار الاول
- جواهر
- غواني
- و حاليا العباية البحرينية

والي تلبس الغشوه أنصحها تفصلها من خامت أنترنت رقم واحد مال الشيل وتكون خفيفه شوي,هاي تشرينها من السوق وتعطين أي خياط عبي يفصلها لج الأنها تكون ثابته ومريحه واااااااااااااااااااايد وتكون من ثلاث طبقات أحسن....
ويكون شكلها في البس مرتب وااايد...
جربوووووووووووووها...

وأدعيلي...

محل JUST ME في الخالديه بوظبي فاتح يديد موديلاتهم وااايد حلوه والتفصيل راقي