خبيرة التجميل تقول لكم اطلبوا اللي تبونه وهي حاضرة ... للاستشارة

شكرا اختي على المساعده بس اول مره اسمع عن هالماركه هل اقدر القاها في باريس غاليري ؟؟؟؟

ومشكووره

عزيزتي أشجان الحلوة ... أول شي اشكرك على مشاركتك النبيلة
انا أحب أن أسألك هل يمكن أن نقوم بعمل مكياج راقي لحفلة بالمنزل
وما هي أهم خصائصه ؟ وهل هناك نوع فاونداشون يقوم بمنع ظهور حمرة الوجه عند ظهورها اثناء الرقص مثلا :shy:؟؟؟
ولك تحياتي..

هلا أختي أشجان الحلوة

تراني رجعت لج مرة ثانية لأني ما اكتفيت بنصايحج بعدني :o

مثل ما قلت لج قبل عن نوع بشرتي انها دهنية وحنطية وعندي هالات سودا تحت عيوني

ابيج اتحددين لي كريم أساس وبودرة لاستخدام النهار ( وابيه يكون لونه طبيعي) :cool2:

ومشكورة وايد

واسفه على الإزعاج

مشكوووورة اختي اشجان الحلوة ... والله انج افدتيني :smile: ... تسلمين اختي ... بردلج عقب ... لنه اسئلتي ما تخلص :D2:D2

هلا فطيم - 19 الماركة موجودة عندنا في محل اسمة شركة الاسوار وما اعتقد انه موجود في باريس غاليري لان باريس غاليري اللي في الدوحة ما عنده هذي الماركة .... انتي اسالي حد يعرف في المكياج عندكم او اتصلي باريس غاليري يمكن يقولون لج وين تحصلينه وفي اي محل ....

هلا اختي bayan >>>
ممكن ونص بس اهم شي انج تكونين واثقة من نفسج وما تترددين لان محد يعرف مزايا وعيوب ويهج غيرج ....
احلى فاونديشن تقدرين تحطينه للاعراس اسمه ( serge louis alvarez ) واختصاره ( SLA) لانه يغطي عيوب الوجه بالكامل ويعطيج لون بيج فاتح وايد حلو وما يخلي ويهج يحمر .... على فكرة هو على شكل روج كريمي بس عريض شوي وله مثل العجله من تحت علشان تفرينها ويطلع اصبع الفاونديشن ....

بعدين شروط مكياج الاعراس والمناسبات :
1- تختارين الكونسيلر الافتح من الفاونديشن بدرجه ويكون الفاونديشن كريمي مش سائل ..
2- تختارين الفاونديشن المناسب من النوع الكريمي واللي عطتج اسمه مناسب جدا ووايد حلو انا باستمرار استعملة ويكون افتح من لون بشرتج طبعا بدرجة بسيطة مناسبة ...
اذا كنتي بيضاء ينفع لج الفاونديشن البيج واذا كنتي سمراء ينفعلج اللي على وردي ....
3-البودرة الحرة تكون نفس درجة الفاونديشن ...
4- البودرة المضغوطة ايضا بنفس الدرجة ...
5- حواجبج لازم تكون مرتبة واستخدمي قلم تحديد الحواجب من SMASH BOX اسمه RETUCH يخلي الحواجب كانها محفوفه ... وهذا تستخدمينه قبل ما تحطين اي حاجة حددي حواجبج بعدين سيحي اللون على الشعر الغير مرغوب فيه ثم تبداين بوضع الكونسيلر ... الخ .. على فكرة لازم تتدربين عليه مرة او مرتين لين تعرفين تضبطين حواجبج ...
6- تحددين الحواجب بالقلم البني على كامل الحواجب ثم بالقلم الاسود في منتصف الحاجب ثم ترجعين به للخلف ثم للامام بالخفيف ...
7- الشدو يجب تثبيته بالكريم المثبت او بنفس درجة الشدو لاكن بالشدو الكريمي وانصحج بشانيل ...
8- المزج يجب ان يكون متقنا يعني تروحين وتردين كذا مرة على اللونين اللي تبين تمزجينهم ....
9- يفضل وضع اللمعه على منتصف الجفن بنفس لون الشدو او بلون افتح منه قليلا ..
10- يجب تحديد الانف جيدا بالبيج او البلاشر على الاجناب وفي المنتصف اللون اللؤلؤي ...
11- اذا كان الشدو داكنا ضعي بلاشر فاتح وروج او جلوس فاتح والعكس صحيح ....

هلا فيج اختي اسرار مرة ومرتين والف .....
كريم اساس للنهار استخدمي فور ايفر حلو خفيف وبعد ديفينورا من جيرلان ... وبودرة مضغوطه عندج لانكوم خفيفة وبعد ماك بس في النهار ما انصح اي حد انه يحط كينيبو لانها ثقيلة شوي وهي مسائية وللمناسبات احسن شي ...

بعدين اذا كانت هالاتج سوداء كثير انصحج انج تحطين كونسيلر كريمي بلون البيج وبتلقين كونسيلر حلو عند بودي شوب على شكل قلم .. اما اذا هلالت خفيفه وعاديه لا خليج على فور ايفر السائل احسن ..

انطرج يالفوشية ......

اختي اشجان الحلوة ... رديـــــــــــ :D2 ـــــــــــــــت ... ابا اخذ رايج في الشدو مال ماك ... مترددة اخذ اي لون لني مش مجربه وابا اللو ايكون مافيه glow يعني dull .. وابا اعرف الطريقة اللي اتخيلي الشدو ايكون حلو ومرتب ...شو تنصحيني ؟؟ ... وابا منج ارقام الالون او صورهم لو ماعليج كلافه... :smile:

هلا اختي اشجان الحلوة ومشكورة على المشاركة الحلوة (سجع):D2


بغيت أسألج عن احسن قليتر (لمعة)للعين او الجسم من اي ماركة ابغيها


ثابتة وما تطير بسرعة........


شو احسن كريمات الأضاءة ؟(الماركة)


واحسن كريم لتوحيد لون البشرة (الماركة)


وانا بشرتي كانت دهنية بس جفت الشمس جففتها :D2

مشكورة اختي على هالبادرة الطيبة


وان شاء الله اذا احتجنا شي نلجالج

هلا الفوشية ( لكل سؤال منج باذن الله تلقين الجواب عندي ) ..... انا في الخدمة ...

بالنسبة لشدو ماك تستخدمينه بالماي يعني تبللين الفرشاة بالماي عدل وبعدين تمسحين بشكل دائري في الشدو لين تتشرب الفرشاة بالكامل الشدو وبعدين اذا تبينه مدخن لازم تحطين شدو اسود كريمي على الجفن المتحرك كامل واذا ماعند حطي بالقلم الاسود وسيحيه بس لا تحطين تحت الشو اي لاينر تحملي ... المهم اللون الاسود تحت الشدو يعطيج درجة داكنه مخملية .. بعدها تحطين الشدو اللي تبيه على شكل خطوط طولية من الثنية اللي بين الجفن وعظمة الحاجب لين الرموش وحتى تنتهين من الجفن كاملا ... وتاكدي ان كل نقهة مليانه بالظل في الجفن المتحرك ..... وبعدها لو فرضنا انج استخدمتي التركواز وتحته الاسود الكريمي طبعا ... الحين اذا تبين الشدو لون واحد اخذي فرشاه ناشفة وحطيها في الثنية اللي اعلى الجفن المتحرك يعني بداية الشدو وحركيها رايحة جاية لين اتحسين انه ساح شوي وصار مدخن ....
اما اذا حبيتي تمزجينه مع لون ثاني حطي في فرشاة نظيفه مثلا اخضر فاتح بدون ماي خلج رايحة جاية على الثنية او القوس لين يندمج اللونين مع بعض ... طبعا قلتلج هنيه بدون ماي لان الجفن فيه ماي وهو يكفي لتثبيت اللونين .... اوكية ...

باعطيج ارقام من ماك وميك اب فور ايفر وبهذي الالوان تقدرين تمزجينهم مع بعض وتطلعين كذا لون غيرهم ...
من ماك ...NYLON FOST هذا بيج لامع لعظمة الحاجب ..... BLACK TIED VELVET هذا اسود وفيه لمعه بسيطة بس ماتبين ... CHROME YELLOW MATTE هذا اصفر لين دمجتيه مع اي لون يطلع وايد حلو ....BITTER VELET هذا اخضر فاتح اذا دمجتيه مع الالون الفاتحة يطلع يجنن ...ELECTRIC EEL STIN >>>.. هذا تركوازي يجنن انا ما اشبع منه ...
وعندج من فور ايفر POUDER IRISEE STAR POWDER هذا لؤلؤي تحطينع فوق البيج على عظمة الحاجب وتحطينه على الانف لتصصحيح الانف ... هذا بودرة منثورة يجنن .. وعندج الاخضر والفوشي بعد حلوين والذهبي بعد يجنن بس اذا كنتي في استعمال الباودر اخذيهم لاكن اذا انتي من النوع اللي تنثرين على ويهج وتخربين الدنيا لا انصحج بماك .....

وتحياتي .....

السلام عليكم ورحمة الله وبركاته

يا ليتك تكلمين ـ بشمووووووووول ـ عن هذي المستحضرات :

Corrective Base ـ القاعدة التصحيحية

Lighting Powder, Lighting Creme ـ مستحضرات الإضاءة

Glitter or Glimmer , gloss ـ اللمعات بأنواعها

مع الشكر مقدما :smile:

هلا اختي عروس دبي ....

اولا ماراح تحصلين لمعات للشدو غير عند كريولاين او فور ايفر وانا توني شاريه من عندكم من باريس غاليري لمعات لان الالوان بسرعه تخلص عندنا ...المهم عنج اللمعة السوداء عجيبة على الشدو الاسود من فور ايفر وبعد اللمعه الباذجانية على الشدو الاسود شنو تجنن .. وعندج كذا لون بعد عندهم ... وعلشان تثبت اللمعه لازم تشترين مثبت اللمعه من EVA GARDEN رخيص بثلاثين بس هذا شفاف وفيه لمعه ذهبية بسيطة بس ما تبين .. حطي منه خفيف على الشدو وبعدين اخذي الفرشاة النظيفة وغطسيها في اللمعه وثبتيها على المثبت وشوفي النتيجة ويتم على طول ....

بعدين بودرة الجسم عندج كينيبو وشانيل حلوين ....

وكريم موحد البشرة عندج ماركة SLA فاونديشن كريمي وايد حلو ويغطي كل عيوب البشرة ....

شوفي ردي على بيان وبتعرفين كل التفاصيل .... وتحياتي ...

:shy:

هلا اختي لورا وشكرا على المرور وانا بانتظارج ....

اختي .. RANNEM>>>
عندي سؤال يعني شنو بشمووول ...
ثانيا ...عن اللمعات شوفي ردي على عروس دبي وبتلقين الاجابة باذن الله ....
عن القواعد التصحيحية اكتبي لي شنو نوع بشرتج وشنهي عيوبها وبارد عليج ....

عن كريمات الاضاءة ........ز سوري اختي عروس الدبي ترى هذي الاجابة لج بعد ....
كريمات الاضاءة عندج احسن شي من كريولاين ... لين رحتي لها خليها تشوف لون بشرتج وتعطيج الدرجة المناسبة طبعا لازم تكون درجة فاتحة جدا ... ولكم كل الحب ..

تسلميييييين اختي ... بس مثل ماقتلج اني مابا الالوان اللامعه :s2 ... واذا لقيتي اي لون ثاني بدون لمعه تنصحيني فيه .. ارجوووج لاتترددين اتريا الرد اختي :shy:

هلا الفوشية الالوان اللي عطتج ارقامها من ماك هي الوان مات طافيه بس الاسود ماتبين فيه اللمعه روحي المحل وشوفي الالوان .... انشاء الله تلقينها مثل ما طلبتيها ....

روضه العماري شكرا على المرور .... ها ماعندج سؤال ولا انتي فنانه في المكياج .....

هلا مرحبا...


انا استعمل الثلاث خطوات لشركة كلينك...نيفعني...لأن بشرتي combination بس مرات تذهراي حبوب...ماعرف شو استعمل... مرات استعمل eskinol tonic بس مشكلته وايد يجفف بشرتي وقالولي وايد حار على البشرة....

انا عمري 23 اذا العمر مهم للمستحضرات:)


وسلامتك

هلا الخوالي ....
لا خلج من كلينك ..... اشتري لوريال الثلاث خطوات لانه مايجفف واشتري كريم لبناني اسمه روز هو قديم وموجدو حتى في السوبر ماركت ... بس انتبهي افتحيه ولازم يكون لونه وردي مش بني .... لان البني يعني قديم ويمكن تاريخ انتهائه خلص ...
المهم حطي الصبح 1 و 2 و 3 من لويال .... وبالييل بس 1 و 2 و وبعدين كريم روز استخدميه لمدة ثلاث اسابيع يوميا وبعدين مره او مرتين في الاسبوع .... وشوفي بشرتج شلون بتكون نظيفة وحتى لين حطيتي المكياج بتبين كانها بشرة عارضات الازياء بيبية وعليها لمعه حلوة يعني ( تصقل ) .. وبعدين علشان تحافظين عليها كل اسبوع حطيه مرة او مرتين ... جربيه وردي علي ....
على فكرة ويهج بيمر بكذا مرحلة لين حطيتيه لا تخافين كملي لان كريم روز ينقي البشرة ويخلي الحبوب اللي تحت الجلد والاوساخ كلها تطلع وبعدين ينظفها ....