عطوني رايكم بهالموقف وحطو نفسكم مكاني ... شلون بتتصرفون

السلام عليكم ....

بصراحة أختي لو كنت بمكانك كنت رح امسكه واتفتهم معه لانه بكرة بيكون

زوجي كيف بعيش معه وهو بيقعد يحاسبني على كل شي :down:

بس أهم شي تعرفي اذا كان من جد بيطلب منك ولا يمزح ؟!؟

السلام عليكم ورحمة الله وبركاته

بصراحة أختي...لو كنت مكانك كنت راح أضايق...

يعني إنتوا مملكين...ما فيها شيء لو دفع لك فاتورة الموبايل...

لكن أرجع و أقول...يمكن هو فعلا محتاج هذه الفلوس الحين...بالذات إنه مقبل على مصاريف زواج...و الرجال عادة ما بيقتنعوا بكلام السيدات على الموبايل...و بيحسوا إنهم لما بيدفعوا الفاتورة كإنهم يدفعوا ثمن كلام في الهوا...و هذا الشيء يضايقهم جدا...

لذلك...يمكن هو كمان مضايق إنك تكلمتي في الموبايل ب 500 درهم...و هو حاسس إنه الفلوس مفروض تروح في أشياء أهم الحين...

الله يوفقكم يا رب...:smile:

هيك زودها
بس انشا الله بعد الزواج بيكون غير

ما ادري انا اشوف انه المفروض ما يطلب منج وعادي لو دفعلج لانه ريلج وعيب انه يقول لج ما رديتلي،،، بس يوم تفكرين فيها من الناحية اللي ذكرتها الاخت مرموم،،، انه يدفع على كلام في الهواء والحريم عاد ما ينعطون ويه في الهذربان على التيلفون،،، اشوف انه شي معقول واكيد بيفضل انه يدفع على شي له جيمة اكثر من الهذربان في التيلفون،،،، نصيحتي انج ما تفكرين وايد في الموضوع ولا تخلينه سبب ضيجج يمكن مثل ما قالت مرموم يكون محتاي حاليا وحريص انه ما يصرف منيه والدرب،،، اهم شي الغالية ما تعودينه على كلمة برد لك وإلا تبينين له انج اكيد لازم تردين له،،،وما يوز تتحاسبون على ادناة شي،،، دايما حسسيه انه ها الشغلة "الدفع" شغلته هو بس طبعا مب على موبايلج،، قصدي على المصاريف الثانية اللي تستاهل،،، ولا تلزمينه يدفع على اشياء مب مجبور انه يدفع عليها،،، يعني مثلا مصاريف الكهربا والماي وتيلفونات البيت والسكن ومصاريف الجمعية ومصاريف والاعيال "الاكل والشرب واللبس" ها كله عليه بس اشياءج الخاصة مثل الموبايل خصوصا اذا كنتي تستخدمينه وايد الصراحة اشوف انه مب ملزوم يدفع خصوصا اذا كان يدفع فواتير تيلفون البيت كفاية عليه وحليله وما يوز تهدين حيله من الدفع،،،،

ببببببببببببلللللللللل

قولي والله طلبهم منك

بل عليه صج رزيييييييل

عيب والله عيب الرجال ياخذ فلوس من احد , وهالدور من حرمته.

اختي فكري عدل شوفي اكره واكبر عيب بالرجل((البخل)) تأكدي منه وسوي له اختبار قولي له ماراح ارجعهم ماعندي .. شوفي ايش تكون ردت فعله........
تعرفين لو انه مكانك ما اخلي نهار ثاني يطلع عليه وانه على ذمته بل بل بل بل

شكرا لكل وحدة شاركت ...

انا ادري انه هو محتاج للفلوس لانه عرسنا قريب والشي الثاني انا ما اتكلم بالموبايل الا معاه هو ، ما عندي صديقات ولا اي احد اتكلم معاه غيره. وفاتورة التلفون كانت اقل من 500 بس هو قال بيدفع 500 .

انا من سنين اشتغل وتعودت انه كل مصاريفي انا ادفعها ولا عمري طلبت من اي احد انه يدفع لي .

وانا بفوت له هالشي لاني مااريد الامور المادية توقف حاجز بيني وبينه ، الله يسامحه . وفي زيارته الياية لي بعطيه المبلغ ، وهذي اخر مرة بطلب منه انه يدفع لي ، اصلا انا ما كنت اطلب هو يقول لي انا بسير ادفع لج .

وان شاءالله بعد العرس بتم اشتغل حتى لو كان الراتب مش وايد / المهم انه اموري الخاصة انا بدفعها وما بطلب منه انه يدفع لي لا فاتورة موبايل ولا اي شي يكفي عليه الاكل والشرب . بالرغم من انه راتبه مو قليل .


على العموم الانسان يتعلم من اخطائه وانا ما بكرر غلطتي ...

لا لا لا

الكلام اللي قلتيه خطأ واكبر خطأ

لا تعودينه من الحين انه ما يتحمل مسئوليتك هو ملزوم يصرف عليك من A To Z والزواج عشره ومسئوليه مش خذوه فغلوه
فكري عدل اذا بخيل راح تتعبين وايد

السلام عليكم ورحمة الله وبركاته

أختي روحي تحبه...

الزواج عشرة و مسؤولية...و ما في ادفع و ما تدفع...لو صار ادفع و ما تدفع بتصير حياة طويلة و صعبة...

مفروض طالما عرسك قريب تتعلمي لغة الحوار مع زوجك...يعني موقف زي هذا ما تخليه يجول في خاطرك و إنتي مش عارفة تفسيره...بذبك راح تتعبي في حياتك كتير...

لو منّك...أحضر له ال 500 درهم...و أعطيله إياهم...و أقول له بصراحة نفسي أعرف ليش أصريت أعطيك الفلوس ؟

و اعرفي منّه أسبابه...خلّي حياتك واضحة معاه من البداية...علشان ما تلاقي نفسك بعدين وسط متاهة...و يتهمك زوجك إنك مش فاهماه...

بالنسبة للفلوس...زوجك ملزم يصرف عليكي حتى لو بتاخدي مليون درهم في الشهر و هو بياخد 50 بس...ممكن تتشاركوا بعدين لو راتبه مش مكفّي...و لكن بالتراضي بينكم...

أتمنى تكون فكرتي وصلت...

تمنياتي لك بالتوفيق...

يسلم فمك مرموم ..
روحي تحبه كلام الاخت مرموم عين العقل والله .. نفذيه وراح تفهمي أصل الموضوع إنشاء الله ...

عفوا أخواتي
أنا اشوف غير اللي انتو تشوفونه
والله الأمر عادي ومش بالتعقيد اللي انتي تشوفينه
فعلاً هو اعتقد أنه اخطأ في الأسلوب يوم انه سألك عن المبلغ
بس أبدا ما يدل هذا على بخله
وبعدين احنا عندنا ...يظل الأب يصرف على بنته
حتى لو بعد الملكه.. ومستحيل ولا عمري سمعت ان وحده خطيبها يصرف عليها..مادام انها ببيت اهلها الى ان تروح بيت زوجها
..وبالعكس يوم انه دفع لك الفاتوة هذا شيء طيب منه
وانا متأكده انه كان محتاج لها ولا ما كان سألك عنهم..ولو كان بخيل بجد
كان تهرب وما رضى يدفع لك فاتورة التلفون.. على اقل تقدير كان قال عندنا عرس ورانا مصاريف..
هذا أولا ..وثانيا وهو الاهم.. يعني انتي ليش ما تكونين صريحة معاه من البداية
وتقولين له اللي بنفسك..مش تقعدين توسوسين ..يمكن قصده كذا او قصده كذا ... لا ..كل اللي عندك قوليه له وكوني صريحه معاه ..
وراح تشوفينه هو بعد راح يكون صريح معاك
بس انتبهي لازم يكون بأسلوب في الكلام وبدون تجريحينه بدون قصد
ولو تلاحظين يا أختي ..هو سألك عنهم مجرد سؤال يعني يذكرك لو كنتي ناسيه وفعلا انتي كنتي ناسيه.. لو كان بخيل كان قالك الحييين تجيبين الفلوس وما خلا لك يهدأ بال
وعذرا على الإطاله
تحياتي

اختي خذيها بحس نيه
لان الايام الياية بتسمعين وبتشوفين اكثر من هذا

واذا ما قدرتي من البداية
فبيكون صعب عليج تحمل اي شي


ضحي عشان تعيشين في سعادة وهناء

لا تشيلين وتفسرين كل كلمة قالها

حبيبتي (سحابة صيف عابرة) مشكورة على كلامج انا مب زعلانه منه وانا اعرف ظروفه وعمري ما طلبت منه اي شي حتى عمري ما قلت له ييب لي هدية .

وهو يدري اني انا برجع له قيمة الفاتورة علشان جي يدفعها .

يعني لو انا كنت في مكانه عمري ما كنت بطلب منه انه يرجع فلوس انا دفعتها على شي يخصه لو انا قلت اني بدفع من نفسي بدون ما يطلب مني وحتى لو طلب مني ما كنت بطالبه انه يرجعهم .


وعلى فكرة قبل فترة استوى نفس الشي دفع لي فاتورة التلفون وانا نسيت اني ارجع له المبلغ على طول حتى قلت له على التلفون انا نسيت ارجع لك قيمة الفاتورة ولما زارني المرة الثانية دفعت له المبلغ .

وانا مب زعلانه منه بس كان شي بخاطري وطلعته ، مع اني متعودة اني اذا تضايقت في اي شي اقوله هو الا اذا كان هو ضايقني ما اقوله ..

على فكرة ..لاحظي ان هو اللي طلب منك ان يدفع عنك..دليل انه
يبغي يثبت رجولته..حتى لو كان محتاج للمبلغ..بدليل انه سألك عنه
ومن حقه يسأل .. بما انك زوجته
ونصيحة لوجه الله يا أختي
لا تحطي حواجز من الحين بينك وبين زوجك
ولا تقولي انا بصرف على نفسي وهو يصرف على حاله..
وحالة الشك بدأت عندك من الحين..يوم انك تقولين مع ان راتبه مو قليل
يا اختي خذي الأمور ببساطة ..وعيشي حياتك بسيطه

اعتذر جدا شكلي طولت

مع السلامه

العفو اختي
وأتمنى لك كل التوفيق ان شاء الله
ومثل ما قلت لك لازم تكونين صريحه معاه
حتى لو الكلام عليه هو
علشان حتى هو يكون صريح معك حتى لو الكلام كان عليكي انتي
احسن ما يقول لاحد ثاني
وصدقيني والله بترتاحين كثير لما تستخدمين هذا الاسلوب
لان هو بعد راح يلاحظ صراحتك ويرتاح منك ويريحك
ويخاف على مشاعرك

تحياتي

انا عمري ما فكرت بالامور المادية ولا كنت احط لها اي اهتمام ، لاني اهتم اكثر اني اعيش حياتي بهدوء وادري انه التفكير بالفلوس يوتر ويسبب مشاكل . لكن هو يفكر بهالشي واكثر من موقف اثبت لي انه وايد يحاتي . على العموم هو جي تفكيره وانا ما املك اني اغير نظرته .

وانا لما فكرت اتزوج ما فكرت بالمال والعز فكرت اني احب الانسان اللي اتزوجه واعيش معاه حياة هادئة بعيدة عن المشاكل .

اختي العزيزة
يحق لك ان تعاتبينه وتتحدثي معه بصراحة قولي له نحن واحد وما فيها حاجة لو ما رديتهم ليك خاصة اذا كنت خسرتي ال500 في الحديث معه
ياريت لو عودتيه من الان انو يصرف عليك حتي لو كنت شغالة وعندك راتب

:o
اختي لو مكانك ما اعطيه فلس واحد لانه هو زوجك امام الله يعني لازم واجب عليه الصرف والانفاق عليك
وخصوصا انكم في فترة خطوبة مب حلوة اطالبك بمبلغ بسيط يعتبرها هدية
يا الله يسعدك وياه وتخلفوا صبيان وبنات
:up:

اسمعي أختي روحي تحبه بصراحة الحياة الزوجية تفاهم وصراحة ونقاش بين الطرفين ولكل شي سبب ولا يوجد سبب بدون مسبب والحياة ماتخلو من المشاكل بس أهم شي الواحد يلقى له حلول بدون مايزيد المشكلة ولازم يفكر بعقله وغير كذا أنا أفضل انك تواجهينه وتعرفين منه يعني خلي حياتك من بدايتها صريحة وصادقة بدون مشاحنات حاولي تبعدي عن المشاكل باي طريقة يعني مسأل الفلوس دايما تعمل مشاكل بين الزوجين لا تنسي بكرة رح تكبر العائلة ورح تزيد المصاريف يعني فاتورة جوال ولا شي تعتبر :down: أنا افضل ياحبيبتي انك تجلسين معه وتسألينه ازين ماتجلسين تفكرين بينك وبين روحك ...

والله يريحلك بالك ياأختي ويهديلك سريرتك ...

وشلونك اختي"روحه تحبة"

اما انا راح اقول احسني الظن يمكن ما قصد يجرح مشاعرك نهائيا..ويمكن

قال الكلام لما حس انك وضعتي حاجز بينك وبينه في دفع الفلوس......

اسالية ولا تخلين شي بنفسك......يمكن يكون هو الزعلان ماهو انتِ

تدرين ايش عيب النساء هو التسرع في الحكم على الرجل...فلا تخلين

الموقف يسيطر عليك ويخليك تاخذين في نفسك علية..

واذا على الفلوس اعطية الفلوس ولا تجيبين سيرة الفاتورة مرة ثانية حتى

لو قطعوا الجوال..

تحياتي