هل يحق للفتاة أن تختار شريك حياتها؟؟

تسلم الأيادي على هالموضوع اللي يستاهل النقاش..

وبصراحة اذا في مشكلة راح تكون من الأهل.. لأنهم هم اللي يحددون اذا سعادة بنتهم أهم أو كلام الناس هو الأهم.. !!!!
ما أكثر حالات الطلاق لهالسبب.. البنت المسكينة تقول لأهلها انها خلاص ما ارتاحت لخطيبها أو انها عرفت عنه شي مايعجبها.. لكن الأهل يجبرونها تتزوجه لأنها بتفضحهم >>>ما أدري شو اللي يفضح بالضبط... شو سوت المسكينة<<<<

و في أهل الحمدلله متفهمين و تهمهم بنتهم ومجرد ما البنت تحدد الأسباب اللي تمنعها من اتمام الارتباط يقولون للريال انه ماله نصيب و الله يسهل عليه..

ياليت كل الأهالي متفهمين عشان البنات مايعيشون في جحيم ..

ولاننسى أنه هالشي يحتاج شجاعة من البنات أنفسهم.. لانهم أحيانا حتى لو يقتنعون ان الشاب المتقدم لهم غير مناسب يسكتون و يخافون يناقشون اهلهم..

الله يوفق جميع البنات و يرزقهن بالأزواج الصالحين ..
ويهني المتزوجات بأزواجهن..

للمرأة الحق والحق الكامل في اختيار زوجها والنظر إليه عند خطبته لها فهو أحرى بأن يؤدم بينهما

وهذه الاسلوب الذي أتبع من قبل الوالدة والوالد أسلوباً خاطئاً فاستقرار الحياة الزوجية أساسه الراحة النفسية بين الزوجين

انا من رايي ان الخطوبة للتعارف صح لكن في قبل الخطوبة النظرة الشرعية اكيد

وبعدها الاستخارة اللي الكثير يتهاونون فيها

ولو الله كاتب لهم الاستمرار راح يستمرون واذا لا فمن اولها

مشكوره اختي شقره .. ويعطيش العافيه ..

مثل ماهو له الحق يختار .. هي بعد الها الحق تختاار ..

بس تدري عااد ناس .. عندها هذا الشيئ حراام

خلاص دام ان الابو واافق .. لازم البنت تووافق .

استغفر الله .. الله يعين بس ..

:smile::smile: هدي بالش اختي Mayana

انشالله ماابيجيش وااحد الا هم رااضين فيه وانتي بععد ..

مشكوره عزيزتي ..

مشكوره اختي .. فتــــــــاه الجبل ..

واخــــــــــــي عاشق القطط ..

وصح كلامك ..


ويجب على الآباء و الأمهات الوقوف الى جانب بناتهم في مثل هذه المواقف

لان الفتاة احوج ما تكون لوالدها و لوالدتها خلال فترة الخطوبة

بس ايش تقول اذا كان قلبهم قاسي .. وهمهم شيئ أخر

وليس سعااده ابنتـــــــــــــــهم ..

مشكوورين ..

:smile:

اختي مله مملكتها .. مشكوره اختي ويعطيش العافيه ..


انتي تقوولي ..

بس مااظن انه في احد لهالوقت يفكر بهذا التفكير والي هو عدم مشاورة البنت

الا فيييي .. وكثييير بعععد .. في اهل .. رأي البنت ..

مو شيئ .. مو مهم .. خلاص الا ب واافق خلااص

ليش تجي البنت وتتكلم .. اللي يشووف الزوااج مو الهاا

!!!!!!!!!!

اخي المسافــــــــــــــــــــر ..

مشكور ويعطيك العافيه ..صحيح انك تقول ..

لازم تكون قوية وذات أرادة مستقلة مهما كانت

.... بس ويش النتيجه من الاب والام .. بيقوولو البنت قليله ادب ..

وتعصي الاهل .. واكيد بينهم شيــئ صح والا لا ..

العقول المتحجره .. بتظل كمااااااااا هي للأأأأأأأأبــــــــــــــــــــــد ..
!!!!!!!!!!!!

اختي نجمه الفجر .. مشكوره ويعطيش العافيه ..

!!!!!!!

اختــــــــــــي شيخه المزااين ..

مشكوره عزيزتي .. ويعطيش العافيه ..

ومشكوره على تشجيعش للموضوع ..

الحمد الله فكش من تجربتش الاولى .. والله يساامح من كاان السبب ..

والله عووضش بتجربه ثاانيه احسن وافضـــــــــــل ..

والله يدوم المحبه انشالله ياارب ..

تحياتي ..

موضوع حلووووووووو

عن نفسي ارفض اني اتزوج رجال مو مقتنعه فيه......

وصار لى هالموقف وانخطبت بس الرجال مااقتنعت فيه

وقلت لابوي وامي بكل صراحه اني مااقدر اتزوجه وعارضوا وخايفين انه يكون فيه زعل وخاصه اهل الخطيب من الاهل الاقارب

بس صممت على رايي ..........

وفسخت الخطوبه والله ارتحت نفسيا لاني مااقدر اجبر نفسي على شئ مااريده

وصح انه ماجاني النصيب الى الحين بس واله مش ندمانه ابدااااااااااا

واهم شئ رااااااااااااااااااااااااااحه البال

بنات ارجوكم افيدوني مثل ما افدتوها
انا محتاره وايد وخصوصا انه مابقى عالعرس الا شهرين
هو تغير اسلوبه معاي وااااايد وحتى امه صارت تقط علي كلام ما تثمنه وتقارن بيني وبين بنات يقربون لهم
والسبب ايش تجهيزات العرس ؟؟؟
مع انهم من البدايه تحملوها ووافقوا على كل الشروط
والحين لما صرنا بالوقت الضايع يقولون ما نقدر نحط ولا ريال
هذا معناه انهم يبون يضغطون علي علشان اصرف نظري عن الارتباط فيه
لو قالوا لي من البدايه انهم ما يقدرون كان قدرت ظروفهم وعرفت شلون اتصرف بمهري لكني الحين ماعندي ولا شي واستحي اطلب من ابوي والاهم من هذا كله ان اسوبه معاي تغير وايد وانا احس انه تملل مني او ما يحبني مادري والله انا محتاره وساعات احس انهم يبون يضغطون علي علشان اقولهم خلاص انا مابي ارتبط بولدكم ونرجعلهم كل شي


وياليت تفيدوني بخصوص الاجراءات لما بعد الطلاق لانه ملك علي على طول بعد ما شافني يعني ماقعدنا قبل مع بعض ولا تكلمنا الا بعد الملكه

وعلموني شلون اتصرف علشان ارجع له المهر
بنات انا راجيه الله ثم راجيتكم تساعدوني وجزاكم الله الف خير

السلام عليكم ورحمة الله وبركاته

بالنسبة لك ياأبتسام أول شي أستخيري قبل ماتقدمين على أي خطوة تندمين عليها والله بيسهل امورك لصالحك ان شاء الله
وحاولي تقنعين الوالد اني اتركة الحين أحسن من مايربطنا شي اكبر ويصير اصعب
والله يكتبللك كل خير ان شاء الله



أما بالنسبة لعمري قطر يمكن يكون تغير سلوبة معاج لانه صار مخنوق بلاتفاق بترتيب العرس وعد وما قدر ينفذ لاتتسرعين فهمي الموضوع منه عدل قبل ماتقررين قعدي وتكلمي معاه

والله يوفقك ان شاء الله

:shy:

انا اشوف ان هالفترة ضرورية جدا لان كل واحد يعرف الطرف الاخر اكثر واكثر

وبذلك يتعرف على شخصيته .. ويعرف اذا كان هالشخص مناسب ويقدر الحياة الزوجية ولا لا


واذا ماكان في توافق في اكثر من ناحية
يحق للفتاة انها ترفض

لان هذي حياتها هي اللي بتعيشها
وهي الوحيدة اللي تعرف هل هالانسان مناسب لها ولا لا

لكن لللاسف مثل ماقلتو في واايد اهل مايحسون بهالشي ويحطون كل شي على راس البنت المسكينة :pain:

يعني اذا عرفت الوحده انها ماراح ترتاح في هالحياة وعرفت ان هالانسان ماراح تكون سعيدة معاه ليش تستمر في هالحياة اللي ماتعرف شنو راح يكون مصيرها؟؟؟

وانا اشوف انها تنفصل من فترة الخطوية واايد افضل من انها تنفصل بعدين وهي عندها عيااال :down:

يعني اذا اكتشفت الاشياء من البداية واايد احسن

وانا اعرف واايد مرو بهالشي والحمدلله تزوجو عقبها وعاشو حياة سعيدة :up:


موضوع رائع جدا
يعطيج العافية

مشكورين بناات ومااقصرتوو ..

على ارائكم ..

ويش ريكم في البنات اللي ينخطبوو يقوولو

بنجرب حظنا ويااه في الخطووبه اذا مشيئ مشيناا

اذا لاا انفصلت ..

بصرااحه شيئ غريب .. لما سمعتها من بنت ..


يعني حاطه في بالها الانفصاال على طوول ..

:down::down::down:

ويش ريكم في البنات اللي ينخطبوو يقوولو

بنجرب حظنا ويااه في الخطووبه اذا مشيئ مشيناا

اذا لاا انفصلت ..

بصرااحه شيئ غريب .. لما سمعتها من بنت ..


يعني حاطه في بالها الانفصاال على طوول ..


هدا غير سلم وتفكير خاطئ واللى عارفه من الاول انها مو مقتنعه فيه ما ترتبط بيه ولا تسمح له انه يكون خطيبها انا هيك رأيئ :cool2:

وبخصوص البنت اللى بتختار شريك حياتها مش غلط بس تكون مقتنعه فيه :up:


انا عن نفسى زوجى انا اللى اخترته مو اهلى والحمدلله كل شئ على ما يرام (u)

اهم شئ انكم ما تتسرعوا زى كثير نااااااااااااس الله يعينهم :down:

والله يبعت لكل عروس عريس حلو وامور وابن حلال :clap: :clap: :clap:

كاتب الرسالة الأصلية : مرموم

السلام عليكم ورحمة الله وبركاته

بصراحة أختي...و بدون مجاملات...

أجد أن في هذا إجحافا شديدا لحق المرأة في اختيار زوجها...و لقد مرّت مشاكل كثيرة على الركن بنفس الموقف...و كنت أحتار...هل أقول للعضوة تنفصل و ترتاح...أم أشجعها على الإستمرار في العلاقة مع محاولة تقبل خطيبها...

المشكلة إنه البنت لما تطلب فسخ الخطوبة...تصبح كإنها عـــار على جبين أسرتها...و مشكلة كبيرة...و الناس ما ترحمها...طيب يمكن العيب من الولد أو ما حصل اتفاق...يعني راح تكون سعيدة لما تتزوج و كل حياتها تكون مشاكل بمشاكل ؟؟؟؟

و فعلا كما قلتي ...فترة الخطوبة هي للتعارف و الإختيار...

و بصراحة أكثر...و كرأي شخصي..أجد الناس تتسرع كثيرا في كتب الكتاب...برأيي...مفروض العروسان يقعدوا مع بعض في خلوة شرعية...يعني معاهم محرم...مدة شهر أو اثنين في البداية...بعدها يقرروا إعلام الناس و الإستمرار في إجراءات كتب الكتاب أو الملكة...

و هذه الخطوة ستوفر لهم الكثير من المتاعب...لأنه في عيوب تكون ظاهرة و لا يمكن إخفاؤها...

أشكرك أختي على موضوعك الجميل...و أتمنى ارى التفاعل من الجميع...

:up::up:

الغالية ابتسام العمر

في البداية اشكرج جزيل الشكر على هالموضوع

قضية مهمة جدا ً و لا زالت أغلب مجتمعاتنا في جهل تام عنه

طبعا ً لكل بلد عاداته و تقاليده

بالأحرى لكل اسرة أو قبيلة عاداتها و تقاليدها

نحن أهلنا الحمدلله تفتحوا شوي بعد ما صارت حالات لا تسر عدو ولا حبيب

و زواج الأقارب الاجباري صار من الماضي أيضا ً بسبب حالات الطلاق التي حصلت سابقا ً و بسبب الأمراض الوراثية

عندنا الحين يتم الامر كالتالي

يتم أمر اختيار البنت في سرية تامة عن طريق الأهل غالبا ًً و الولد يشوف الصورة ، و أيضا ً بالتدبير مع وسيط للطرفين حيث ان الولد يشوف البنت من بعيد في مكان عام أو اثناء الخروج من الجامعة أو مكان العمل مثلا ً ، بدون ما البنت تحس أو أحد من صوبها يعرف - منعا ً للاحراج

أو ممكن يختارها بنفسه يكون شايفها صدفة في مكان أو يجمعهم مكان العمل مثلا ً و يا كثر ما تصير هالحالة عندنا ، اهني تكون عاجبته تصرفاتها و شكلها بس طبعا ً بدون (علاقة غير شرعية) والعياذ بالله

في البداية الأهل يسألون عن البنت من كل النواحي ، اذا عجبته من مجاميعه شكليا ً و خلقيا ً يسأل عنها و عن أهلها ، و يسوي كل التحري اللازم ، و يكون مرتاح و موافق 100% بدون أي ضغط من الأهل ـ يتقدم لها رسميا ً و غالبا ً الام تسوي هالخطوة بالتلفون ، لكن أيضا ً في سرية تامة

اهني الموضوع أول شي يكون بيد والدي الفتاة ، و طبعا ً الأهل غالبا ً بعد ما يشوفون انه مناسب من جميع النواحي يسلمون زمام الأمر بيد البنت اللي تستخير أولا ً ، تسأل عنه خلقيا ً دينيا ً و من ناحية شخصيته و تشوف صورته بعد ، و بعدين تقبل به أو ترفض

بعد الموافقة المبدئية من البنت و أهلها يروح الخاطب بيت البنت مع أمه أو أخته و يجلسون مع بعض غالبا ً مع وجود محرم (النظرة الشرعية)

اذا ارتاحوا لبعض شكليا ً و الله سبحانه و تعالى ألف بين قلوبهم ، هنا يصير الموضوع علني، يروحون الأهل يتقدمون رسميا ً الحريم على حدة و الرياييل على حدة ، و بعدين يصيرون مخطوبين لبعض رسمي ويكون بينهم اتصال بالتلفون فقط ، بترتيب من والدي الطرفين او الاخوان و الاخوات و هاذي عندنا هي (فترة الخطوبة) - فيها يتعرفون و يشوفون انهم مناسبين لبعض ولا لأ

في ناس للحين يستنكرون هالشي لأن ما صار بينهم ملجة و هاذي قمة الظلم

طيب لما يصير بينهم ملجة هي زوجته خلاص و اذا اكتشفوا في فترة الملجة ان شخصياتهم مب متوافقة بيكون الوقت متأخر وايد وهي راح تعتبر مطلقة !! حرام !!

المهم فترة الخطوبة هاذي على حسب ، ممكن تمتد لكذا شهر و بعدها تصير الملجة ، و في فترة الملجة ممكن يطلعون مع بعض و ممكن الولد يزورها

و في ناس ما يملجون إلا مع العرس و تكون الفترة اللي طافت كلها خطوبة

و يتم العرس بعد توافق تام بين الطرفين

و كلولولولوش ، يعيشون في سبات و نبات و يخلفو صبيان و بنات

:smile:

في ناس يقولون كيف نخليهم يتكلمون مع بعض في فترة الخطوبة ممكن بعدين الولد يطلع كلام على البنت و يقول فيها و فيها

أرد عليهم و أقول إذا صار هالشي بيكون الغلط الأول و الأخير على الأهل اللي وافقوا على ريال مب كفو ، لأن الانسان الواعي المحترم يعرف ان الله عز وجل هو كاتب نصيب و رزق كل واحد ، و راح يحكم ضميره و ذمته قبل لا ينطق بأي كلمة زور على البنت

و ان طلع نذل و حصل وصار هالشي ترى الكلام ببلاش الناس اليوم تتكلم و بكرة تنسى ، كله يهون ولا عذاب تتحمله البنت طول عمرها

على الأقل سنحت لها الفرصة تعرفه و يعرفها ، و الانفصال الحين قبل لا يصير أي شيء افضل مليون مرة من الطلاق اللي يهد البنت و يهد مستقبلها

أعرف بنت فسخت خطوبتها 3 مرات و كان سببها وجيه - كل اللي خطبوها بخلاء و العياذ بالله ، و البنت كريمة و ايدها بيضا و مثقفة و دارسة و خلوقة و محترمة .. نعم في فترة الناس قالت و قالت بس بالاخير الله رزقها بزوج على قلبها و الحين مستانسة وياه

حرام الوحدة تستمر مع واحد ما يناسبها لمجرد انه ممكن يطيح نصيبها اذا فسخت الخطوبة ! هذا تفكير قاصر !! بالعكس هذا نصيب و اللي الله سبحانه و تعالى كاتبنه بيصير

و اعرف وحدة ثانية من أهلي القراب ، قبل فترة بسيطة فسخت خطوبتها للمرة الثانية ! طبعا ً البنت تأزمت نفسيتها مب شي هين ، بس أهون من انها تستمر ويا انسان ما تقدر تتفاهم وياه و بكرة تتطلق و تكون مصيبتها أعظم - و الحمدلله أهلها متفهمين لهالشي و مأيدينها - المسألة مافيها اجبار أبدا ً لا من الأهل و لا تنجبر خوفا ً من الناس و نظرتهم

و في المقابل مب شرط كل الحالات تنتهي بالانفصال ، بالذات اذا الأهل كانوا واعين و كانت اختياراتهم صحيحة من البداية و كان فيه توافق بين العايلتين و بين البنت و الولد

مثلا ً ولد عمتي لما راح يخطب زوجته (اللي الحين حامل ما شاء الله) ، الاب طلبه في مقابلة شخصية (مثل مقابلات العمل تماما ً :smile: و هاذي كل ابهاتنا أو اخوانا يسوونها حق اللي يتقدمون) و بعد الاستجواب التام قال له تفضل هذا رقم بنتي ، أبي أتأكد انكم متفاهمين قبل لا يصير أي شي بينكم ، و كانت بينهم فترة خطوبة طويلة و الملجة صارت مع العرس

اكيد بتستغربون ! كيف قدر ابوها يسوي جذي ؟!

ابوها ما سوى جذي إلا بعد تجربة مريرة مع بنته الاصغر ، اخوانها ملتزمين و متعصبين و حرموها من أي فترة خطوبة أو تعارف قبل الملجة (كتب الكتاب) ، تمت الملجة و صار بينهم خلاف شديد و النتيجة انها تطلقت و تأزمت نفسيا ً و الحين ترفض كل اللي يتقدمون لها - صار عندها رعب من تكرار التجربة. الاب ذكي و متفهم و ما يبغي اللي صار لبنته الاولى يصير للبنت الثانية ، و الحمدلله نتيجة اللي سواه واضحة في سعادتهم و تفاهمهم مع بعض الحين

--

هذي هي الطريقة المتبعة عندنا في اختيار شركاء حياتنا

و أعتقد انها طريقة منصفة و عادلة و حضارية

بعيدة عن ظلم العادات و التقاليد

ولا فيها ما يتعارض مع الشريعة الإسلامية

الله يوفق الكل و يبعد عن دروبكم أي تجربة مريرة

و يستر علينا جميع :shy:

سامحوني عالهذرة

أجمل تحية

:flower:

اختى مرموم الجميلة


انتى جميلة في ارائك ودائما بتقولى اللى فبالى صح تعجيل كتب الكتاب تسرع وتاخيرو جدا تسرع اكتر فخير الامور الوسط
والخطوبة لا تظهر كل العيوب لازم البنت تستعين بالللة وتسالو الهداية لصواب الحال

سترنا اللة واياكم