بنات و بكل صراحه.كم يعطيج ريلج كل شهر ؟؟؟

بالسنبة لي ولا ريال ليش لاني معلمة
بالعكس ايام كثيرة انا اعطيه ومليت

أنا عن نفسي على حسب حاجتي....
يعني لبيغت أتسوق عطاني على حسب
الأشياء اللي أبيها....

غريبه طيب

اذا ما تزوجتوا .. يعني بس ملكه

شخصياً ما اشوف انها حلوه يصرف عليك بفترة ملكتكم ..

يعني اذا تزوجتوا خير .. بس دامك بس متملكه وفي بيت ابوك

ابوك يصرف عليك .. مدري عيوني هذه وجهة نظري وهذا اللي بسويه ان شاء الله :)

انا بعدني ماتزوجت بس ماعتقد ان فيه ريال يقدر يعطيني اللي يعطيني اياه ابووي الله يطولي بعمره ان شاء الله يعني كل شهر يعطيني الفين من غير اشترا لي لابتووب بسعر 6000 واشترالي شنطه ايد قيمتها 5000 ماركه كلووي وبيسوي صيانه في غرفتي يمكن تكلف 30 الف لانهم بيوسعونها وبيغير لي الاثاث والصبغ يعني من بديت في الاجازه ويالمصاريف تقريبا عاطني 20 الف تقريبا وماعتقد ريال بعد الزواج يسويلي هالاشيا

الله يطولي بعمر ابوي وامي ان شاء الله ومايخليني محتاجه حق احد

:smile:

البيزات مب كل شي واللي يعطيج اياه اقتنعي فيه

يمكن ما عنده وراعي ظروفه
المهم المعاملة الزينة والاحترام والحب

عشان اذا الريال حس انه تبينه عشان فلوسه ما راح يكون فيه تفاهم ولا احترام

وانتي احكمي

بالنسبه عندنا في قطر 99% من اللي يملكون يعطون زوجاتهم مصروف كل شهر ...
وهذا مايمنع ان ابوها يصرف عليها بالعكس الابو يصرف من صوووب والزوج من صوب :smile:

عن نفسي كان خطيبي يعطيني 1000 ريال كل شهر ...
والوالد بعد مايقصررررر ...



اختي حاولي انج تقتصديين وتخففين على زوووجج ...:up:

:eek2:
كان ريلي يعطيني الف درهم في الشهر ويشترييلي الاغراض اللي احتاجها بروحه كلها وبعد ما اشتغلت سديت عمري الله يخليلي اياه

أنا ريلي يعطيني 1000 بس ما أتكفي أنا ما أطلب زياده صراحه و حتى ما احاول اثجل عليه مرات في أشهر ما اخذ منه عشان الظروف بس انا معروف عني حتى قبل لا املج إني صرااااااااااااااااااااااااااااااااااااااافه رقم واحد :D2 والله مشكله بس في وايد اشياء حلوه في السوق و يدي تحجني لو ما شريته

ليش محد يشاركني موضوعي :o :o :o

أنا في فترة ملجتي كان يعطيني 500 كل شهر ..

وعقب ما عرسنا 1000 كل شهر ..

هي طبعا ما تكفي .. لأن الدنيا غالية ..

والحرمة على قولتج تشوف كل شي حلو تباه ..

لكني ما أطلب منه زود لاني مراعية ان يصرف عالبيت وعالبنات ..

وعلى عمره بعد يعني مب كل شي لنا نحن الحريم ..

والله لو يعطونا 10000 في الشهر ما تكفينا .. :D2

الحمدلله على كل حال ..

عندي سؤال لبنات الإمارات وقطر ..


ألحين أيام الملكة .. يعطونكم فلوس شهرياً ؟؟! :s2

يعني .. غير المهر ؟؟؟! :pain:

بالنسبه لريان صراحه انا بداية الملجه ما كان يعطيني بحكم أني كنت اطلع معاه المراكز فمن احط عيني على شيء ما اشوف ألا شارلي إياه :shy: :shy: :shy: بس لأني طولت في الملجه سنه تقريبا و يمكن بعد أطول سنه فعشان جي يصرف علي تقريبا كل شهر

نحنا في الامارات جرت العاده انه الريال في فترة الملجه يعطي زوجته مصروف الف درهم او اكثر يعني عشان يبين انه صارت زوجته وانه المسؤول عنها (خرطي) والصرف الباقي كله على الوالد ربي يخليه

انا يعطينى 800 ريال بس مصروف يدى غير المصروفات الثانية مثل سوق ومشتريات وكستشفى كل علية .

الصراحة متطلبات الحياة تزيد كل يوم احس من اليوم الثانى.

هلا والله


ضحكت على الاخت روزس ربي يحفظها يوووم قريت حاطه من بين قوسين ( خرطي ) حلوه يابتها الصراحه :D2:D2:D2

المهم

شفت الردود وبغيت احط شي يدور على بالي نحن الحريم مصاريفنا زادت لا الصراحه مب مصاريفنا الشخصيه بس الدنيا صارت غاليه مب مثل قبل فاقوول حق عمري ان شاء الله ماتزووج الا اذا اشتغل او اسويلي بزنس يكد عليه بدال ماحرق قلب ريلي ويا مصاريفي ( فطيم تخطط حق المستقبل :D2:D2:D2).. طبعا الحين اغلب الرياييل لاسمعووا الحرمه تشتغل خلاص يشلوون ايدهم عن المصاريف ويخلوون كل شي الحرمه بس احسن شي الاثنين يتفقوون ويساعدوون على مصاريف البيت ولو الوحده عندها الفرصه انها تشتغل تستغلها احسن وتبرد على قلبها بمعاشها وبس

عندنا في سلطنة عمان الرجال مايصرف على خطيبته إلا بعد الزواج يكفيه المسكين المهر ومصاريف العرس لاحق على الصرف :D2:D2:D2

هلا
انه بالنسبه لي كان يعطيني ايام الخطوبه 1000 كل شهر
وبعد الزواج الفين
بس المهم القناعه
واذا احتجت زياده ما يقصر فديته
باي

مرحبا......
انا قطـــريه ومتــزوجه واحــد من بوظبي الصــراحه عندنا في ا لدوحه الواحــد يوم يملج
عالوحــده يعطيها مصــروف كل شــهر بس انا يوم ملج علي زوجي ماكان يطرش لي مصروف
ولاشي الوالد هو اللي كان يصرف علي بعكس خواتي اللي تزوجو من الدوحه

:down:

فلاور .. لهيب .. روزس


شكراً لأنكم رديتي على سؤالي .. :smile:

بس تبون الصدق .. الله يكون بعون رجال الإمارات :D2

يعني يصرف شهرياً .. غير المهرررررررررررررررررر :pain:

بصراحة .. كسروا خااااااااطري :D2


أنا من السعودية .. وإحنا هنا ..

الرجال بعد الملكة يعطي البنت المهر اللي تحدده .. :cool2:

وغالباً يكون .. 50 ألف ريال ..

وهي خلاص ما تطلب من أهلها فلوس .. ولا من زوجها ..

لأنها تصير تجهز وتصرف من المهر :up:

بس أكيد يجيها هدايا من أهلها وقريباتها .. وغالباً تكون أطقم ذهب ..

بالنسبة لي .. أنا ما شريت بمهري ذهب أبد, لأن الهدااااااااايا اللي جتني

كفت و وفت .. :up:

بس بدلت الذهب اللي كان عندي من أول .. بسلاسل حلوة وناعمة على
الموضة :cool2:


والحمد لله مهري كفاني .. لا وأبشركم بعد ..

شريت منه هديه لزوجي , ولخالتي " أم زوجي " , و لأمي بعد :smile:

وزوجي لما قدم الشبكة لي .. جاب هدية " طقم ذهب لأمي :shy: "

أرق تحية .. رايان :smile: