السلام عليكم ورحمة الله وبركاته
حبيبتى نجمة الفجر
راسلتلك رد على رسالتك ياسكر
لقيتك لغيتى استقبال الرسايل الخاصه:pain:
بصى ياسكر
الوصفه كده بالظبط
الاول لو شعرك مقصف لازم تقصى الاطراف المتقصفه لانها هاتزحف على باقى الشعر
الخلطه :
تجيبى بيضه نيئه البياض والصفار وتقلبيهم بشوكه مع شوى زيت زيتون
انا ماعرف الزيت اللى ذكرتيه زيت الباراشوت
انا اسمع انه حلو بس الوصفه اللى انا جربتها وقريتها هنا فى المنتدى كانت بزيت الزيتون
انا استخدمت نوع يونانى اللى بنستخدمه فى الاكل بيكون أنقى
وممكن تضيفى كمان شوى زيت املا
اوكى
تجيبى الخلطه دى وتدلكى بيها فروة رأسك كويس وتحطيها على شعرك كمان وعلى طروفه
وتغطى شعرك بايشارب وتنامى بالوصفه او ممكن تحطيها بالنهار لو مش عايزه تنامى فيها بس لو تنامى يبقى افضل
المهم على الاقل 6 ساعات على شعرك
لما تقومى من النوم الصبح تغسلى شعرك بماى فقط
الغسيل بالشامبو مرتين فقط فى الاسبوع
مش مهم ريحه البيض هى مش قويه اوى وكمان ده علاج
فى نفس اليوم اللى غسلتى بيه شعرك بالماى هاتحطى بالليل زيت املا
تدلكى الفروه كويس وكمان طروف الشعر
يعنى يوم البيض ويوم زيت املا
يوم ويوم
مافى ولا يوم اجازه ممكن تاخدى يوم واحد اجازه لشعرك بعد ماتغسليه بشامبو يوم واحد بس بالاسبوع
بس فيه ملاحظه مهمه جداااااااااااااا
هاتلاحظى ان شعرك بيتساقط جدا لمدة اسبوع فى بدء استخدام الوصفه وممكن تقولى لاء مش هاكمل
اى علاج للشعر بيكون كده حتى العلاجات الدوائيه
بتمر فى بدايه العلاج بمنحنى يزيد تساقط الشعر بيقع فيها الشعر الضعيف لينمو شعر اقوى من اول وجديد
طبعا تزيدى من الاكل الصحى واللحوم خاصه وممكن تاخدى اى حبوب لنمو الشعر والاظافر زى for hair and nail
او اى حبوب مقويه على حسب ماتلاقى عند الصيدليه عندكم
بس فيه شئ انتى عندك انيميا او ضعف؟؟
لو موجود يبقى الوصفه دى مالها لازمه ومش مفيده لازم تعالجى الانيميا الاول
المهم صاحبه الوصفه كانت تقول ان النتيجه تبان من اسبوعين
النتيجه فعلا بتبان بعد 3 اسابيع بالظبط
بس انتى التزمى بكل اللى قلته
وبعد الوصفه دى فى شئ تانى بعدها هاقولك تستخدميه
صحيح الوصفه دى بتستمرى عليها شهرين او شهر ونصف
واى استفسار انا موجوده
بس رجعى خدمه الرسايل الخاصه عندك:cool2:
حبـيـــــــــــــبـــــــــــــــــــــه