هل يدخل زوجي معي غرفة الولادة

الصراحه لو كنت مكانك ادخله عشان يحس فيني وباللي امر فيه عشان اجيب له طفل صدقيني بتغير نظرته لك لما يشوفك وانت تعانين مااداري يمكن بعض الاخوات يكونون ضد كلامي بان الرجل مايصير يشوف المرأة بهالوضع لكن لوكنت مكانك ادخله

والله يسهل عليج يارب وتقومين بالسلامه انتي وبيبي وبشرينا :up::up:

انا متاكده ان بعض البنات بقولون لي لا تدخلينه علشان ما يشوف منظر ما يعجبه ويتم في باله على طول صححححححححح .... علشان جذيه طرحت الموضوع... لاني باكون في هذا المنظر ...:cry: :cry: :cry: :cry:

أفضل لآ تخليه يدخل

لكن لو ما كان حد معاك مثل أمك أختك أو أي قريب منك أفضل خلي زوجك معاك .

بس أنا عن نفسي أحس عادي دخل ولا ما دخل أو إذا امي عندي أو لا
لأنك هذاك الوقت اطلبي الرحمة من عند الله

انا اقول لا يدخل لان جارتى ولدت توام ودخل زوجها معاها
بعدها كرهها وكره عياله وصار جالس عند زوجته الثانية ولا يروح
للمسكينة الا من عند الباب
لا يدخل

الصراحة الرياييل ما يستحون اللي يدشون مع زوجاتهم وبعدين تلوع جبدهم منها على قولتهم !!!!!

أنا من رايي يدخل لكن ما يحتاي يشوف

يوقف عند راسها بس

بالعكس حلووووو انه يدش معاها ويعيش لحظة ولاده ابنه لحظة بلحظة

بالنبسه لزوجي يقول مستحيل افوت ولادتج لازم بدخل معاج

الله يبلغنا بس يارب ويرزقنا بالذرية الصالحة قولو آآآآآمين

هلا الغالية نوف:shy:

أنا بعد أستغرب يوم الازواج تلوع جبودهم من حريهم بعد حضورهم الولادة

>>>عيل ما تلوع جبودهم من أشيا ثانية:pain::cool2::o:D2

برأيي حلو الزوج لو يدش غرفة الولادة:up:

وانا اشوف بعد حلو انه ريل الوحده ايد وياها يوم تولد و مب لازم ايشوف شو يستوي تحت .. هو بيمسك ايدها و عند راسها واقف

انا احس ريلي ما بيدش لانه الموقف وايد بيكون صعب عليه << ريلها حساس

يدخل عشان يحس فيج بس مثل ما قالت نورة يتم عند راسج ..

أنا زوجي كان معاي طول الوقت بس وقت ما حانت الولادة وطلبت مني الممرضة دفع الجنين طلبت منه يطلع لأن أمي كانت معاي ...

صدقيني زاد حبا وتقديرا لي بعد ما شافني تعبت ......

زوجي وده يدخل معاي .. بس لي الحين الله اعلم شبيصير وقتها ..

مدري بصراحه انا مثلك متردده وايد....:pain:
واهو يقول انه يخاف من هذي المواقف وما يحب يشوفني في هالوضع:o

انا اللي اعرفة ان واحد من الشباب طلق زوجته لما شافها في غرفة الولاده اوين لانه يحبها وما يبيها تتعذب مرة ثانية وبطلاقه ليها راحي يريحها على جولتها

ووحده اعرفها كان زوجها في كل ولاده يدخل معها وتعود الريال على هذا الموقف واحينة عندهم ما شاء الله سته من البنات والاولاد الله يحفظهم ويخليهم حجهم وهي تجول ان بالعكس هو يوجف على راسها ويصبرها ويجري عليها قرآن


وعاد انتي وحظج والله يجومج بالسلامه

اذا تبينه يشوفج وانتي تعبانه خليه يدش عليج قبل ماتولدين بشوي وانتي تحسين بالعووار ولو بعدج ماحسيتي بالعوار صارخي اونج تتعورين وبعدين قوليله اطلع لكن انه يشووف التفاصيل ويواج تحت لا الصراحه ماتضمنين النتايج يمكن تلووع جبده ومايتقربج وفي قصه ان رجل اتى عند الرسوول وقاله انا شفت زوجتي يوم هي تولد والحين ماقدر اتقربها نفسي تشمئز منها فنصحه الرسوووول قصه سمعيتها قبل ثلاث سنوات والحين تذكريتها

الصراحه انا الحين مستانسه ومن كثر الوناسه احس اني برقص توني اكتب الرد الا اشووف صرت العضو المتألق

:D2:D2:D2:D2:D2:D2:D2:D2

:D2:D2:D2:D2:D2:D2

والله اني حاسه نجمه ابرق في السما :D2:D2

مبروك عليج يا فطيم التالق .......

وشكرا على الردود الحلوة وخلتوني متردده زياده

والله لا تدخلينه معك لاني انا دخلت مع اختي وشفت بلاوي والرجل بطبعه
يحب الاستطلاع فلن يغض بصره عن ما قد تكدر خاطره ولن ينساه ابدا





ارجوكي لا يدخل لتدوم الحياه الزوجيه حلوه بينكم علي طول
ادخليه في بدايه الولاده وقبل ان يحث اي شيء من نزول الراس





وتجومي لنا باللسلامه ويهون عليش ربي:o

شكرا يالمطلقة المبتهجة ....

:smile::smile:
والله انا عن نفسي اقول لازم انشاء الله زوجي يدخل معاي على الأقل هو ييشوف المنظر ولا امي تشوفه !!!!

وما اعتقد انه راح يقرف لأنه فتره وكل شي بيرجع زي ماكان واحسن....

:shy:

مع تحياتي....

انا برأيي لو يدخل يكون احسن عشان يعرف قدرج :cool2:
وبعدين تعالوا قولوالي الرجل ليش يقرف من زوجته؟
لو صحيح يحبها ما يقرف منها
انا من تجربتي دخل معي والحمدلله ما ندمت بالعكس.
تصدقون كان راح شوي ويبكي علي ,شفق علي