ودي اقولكم على مشكلتي مع امي .. تراني والله تعبت ......

خواتي انا فتره عانيت من هالمشكله مع الوالد شو كنت اسوي

كنت اتم اتمسكن يعني اظهر لهم اني مسكيييينه و ابالغ شوي عشان اكسر خاطرهم و ادخل غرفتي و اصيح


كم مره يوم جرب ابوي يشوفني مكسورة الخاطر و الكل ينكسر خاطره لاني وايد طيوبه و انكت طول اليوم بس يوم ينكسر خاطري مالي نفس انكت وكله ما اكل



تغير عليه


شو نسوي بعد لازم اشويت خبث على شويت مسكنه على دموع يمشي الحال
و كنت والله احيانا اتميرض يعني لو شوي بطني يعورني احسسهم اني وايد تعبانه بس مابي اقول يعني حد من اهل البيت يشوفني اتويع و انا اوني اخش من هم


صدقوني الحيله هي الشي الوحيد الي فادني

و بعد كنت اتمصلح يعني
اذا قالي ابويه كتبيلي شي لان عينه كانت ضعيفه ايامها :cool2:
كنت ابالغ شوي في الطاعه طبعا عشان الاجر
بس شو نسوي بعد


و انا صح كنت الاصغر في البيت بس انا اللي بديت احب راس امي و ابوي في كل مره يعطوني شي ولا ادخل البيت

و كنت ابالغ في الرفق وياهم يعني امي تحب اقرا وياها سورة الكهف كل جمعه ف اكون واايد حنونه عليها عشان تتقن احكام التجويد

والله يابنات بالصراخ مابتحصلين شي و بالطيبه بتملكون قلوب كل اللي حوالينكم


والله جربوا و شوفوا


اسمحولي طولت بس عندي تجربة ربيعتي والله قدامي


كانت امها وااايد عصبيه وبالذات مع ربيعتي و الله يهديها ربيعتي كانت عصبيه بعد بس والله بنات كانت امها مثل العسل وياي و تمزح وياي و كانها صديقتي بس بنتها ماكانت ترتاح و تتضايق منها دايما


بس بعد العيد بكم يوم توفت ام ربيعتي والله حزنت عليها بشكل ماتتخيلونه و ربيعتي بغت تين من الصدمه لان امها كانت صغيره 45سنه و سارت الحج و دخلت في غيبوبه و توفت هناك

بس صدقوني محد قدر يخلص الاجراءات غير بنتها اللي كانت مب زينه وياها سبحان الله


بنات لاتنسون ان عقوق الوالدين اقرب للكفر

http://www.3roos.com/forums/showthread.php?s=&postid=989564#post989564


شوفي هالرابط و انشاء الله ينفعكم

و ادعولي

الأم اغلى شيء في الدنيا لا أتزعلون أمهاتكم ولا دقيقه وحده انا فقدت أمي و انا عمري 11 و اتمنى ان ترد الأيام عشان أغير معاملتي معاه لأني كنت حنانه و دلوعه و :sad: :sad: :sad: :sad: و هي صبرت علي و على أذاي بس إلي أتمناه أنه أتكون راظيه علي و مرتاحه في قبره و الله يرزقه الجنه ااامييييييييييييييييييييييييييييييييييييييييييين

إختي خيماوية...ماشاء الله البنات قدموا لج حلول رائعة:smile:

وأنا أقول بما إنه الوالدة الله يحفظها ويطول في عمرها...كبيرة في السن

فطبيعي تتصرف جذيه....لأني أعرف أسلوب الكبار في السن ما يتحملون

أي شي،ويعصبون بسرعة ويكونون إنفعاليين وايد....لكن أهم شي في

هالمرحلة هم يحبون يحسون بالإهتمام وإنكم دوم معاها....صدقيني يمكن

تخف عصبيتها لما تهتمين فيها أكثر....قولي لها تريدين أعملج مساج...و

بدون ما تقول إعمليلها...بتستانس وايد....ولما يصير المسا والشمس

قربت تغرب قوليلها شو رايج نتمشى في الحوش (حديقة البيت) جذيه

غيري جو معها....أنا جداتي الله يحفظهم جذيه أعاملهم:smile: لأنهم

تقريبا كبر عمر والدتج الله يحفظها....وهم بحكم كبر السن يكونون

حساسين ويحبون الإهتمام...وأحب أدلع جدتي:smile: دوم أقوللها

إشحالج بنت محمد، وأحب أمدح كل شي يتعلق فيها....وبالفعل هالأسلوب

جميل ومحبب...جربيه مع الوالدة..

أنا أدري إختي خيماوية إن أسلوب الصراخ والعصبية يضايقج،لكن تقريبا

في كل بيت يكون سوء تفاهم بين الأم وعيالها،لأنها تريد لهم دائما الأفضل

والأحسن....الأم مهما ضايقتج تظل أم تحمل بين ثناياها حب كبيييير لج..

إنتي لو صار فيج شي بسيط ،من راح يخاف عليج قدها...وأنا جربت

هالشي،أتعرض لزعل مع والدتي الله يحفظها...بس لما يصير فيني شي

أشوف كيف تبوس إيدي،تخيلي أمي تبوس إيدي من الخوف علي...و

تدعيلي بالشفا....مافي مثل الأم يا خيماوية....وراح تحسين بهالشي

لما يكون عندج عيال....الله يخليلج الوالدة ويحفظها لج..وتتصلح الأمور

بينكم...اللهم آمين..


أختي mrs.flower كوني أكيدة إنه أمج راضية عنج،لأنه قلب الأم

واااسع....الله يرحمها ويغمد روحها الجنة...


في أمان الله

السلام عليكم ورحمة الله وبركاته

اشكر كل خواتي اللي ساعدوني بحلولهم

وانا ولله الحمد انتفعت والله بهذي الحلول ..

بس عندي نقطه بسيطه

في كثير من الردود قريت ان البنت لمن تشوف امها تعصب

تروح مكان بعيد عشان ما انزيد الضرابه

بس انا ماصرت اسوي جذيه

لالالا
صرت أتحاور معاها

وما اتركها لين افهمها وجهة نظري بس بطريقة حلوة

وبديت احاول انال رضاها

واقول لكل بنت تعاني نفس المشكله انها تصبر ووتتحمل

واللي توفت عنها امها تدعي لها بالرحمة والمغفره

والله يرحم امك وامهات المسلمين يا مس فلاور

وداعت الله :up:

السلام عليكم ورحمة الله وبركاته

أشكر الأخوات على تفاعلهم الرائــــع مع المشكلة...

و أتمنى أن تحسن العلاقات بين الأخت خيماوية و والدتها إن شاء الله...و يصيروا أحسن أصدقاء...

بالتوفيق إن شاء الله...