أخر سفره لي واللي حصل فيها <<<لابد من المضايقات

السلام عليكم

كيفكم بنات والله لكم وحشه .. واتمنى انكم تكونو بخير وبصحه وسلامه

اليوم جيتكم بموضوع خاص عن آخر سفره لي ويمكن تكون الاخيره مع كل اخواني أكيد تبغون تعرفون ليه ؟ راح اقولكم تفاصيل اللي صار ...



اللي صار اني كنت يوم الجمعه من تقريبا 3 اسابيع كنت جالسه بالصاله مع اهلي وجاني اخوي اللي سبق اني قلت لكم انه كان يمن علي بتسفيره لي وكان يقولي خليك عارفه ان نومتك واكلك وشربك كله على حسابي فلازم تشكرين زوجتي وبعدها صرت ابكي ورحت شكرت زوجته ونا مره مقهوره منه ومن بعد هاللي صار حلفت اني ما اسافر معاهم الا بفلوسي واني راح ادفع كل تكاليفي من اكل وشرب وسكن لو قالولي سافري معانا لاني حلفت بعد اني ما اقولهم سفروني معاكم ان جاو هم قالولي سافري معانا فاراح اروح بس تكون تكاليفي علي وفعلا جا اخوي يوم الجمعه وجلس يتكلم انهم بسافرون ونا جالسه ساكته ولا نطقت بكلمه الا جا وقالي ونبغيك تسافرين معانا هاه تبين تروحين قلت له انا والله على كيفكم مدري عنك قال الا حنا نبغا نوديك معانا اذا تبين تسافرين معانا جهزي نفسك قلت له انا خلاص راح اروح معاكم وبنفس اليوم راح اخوي هذا اللي بسفرني معاهم لأخوي الثاني المسؤول عني فقاله ترى حنا بنسفرها معانا بس عطني ثمن تذكرة سفرها فقاله اخوي ابشر وتراها هي قالت انها راح تعطيك في حال انك قلت لها تسافر معاكم ثمن تذكرة السفر وثمن تذاكر الدخول لأي مكان بالسفر وثمن اكلها وشربها وسكنها فقاله اخوي هذا خلاص اجل عطني الفلوس الان وفعلا عطاه اخوي الفلوس وقاله شوف لو صرفت عليها اكثر سجل كل شي عندك وبس ترجع اعطيك اللي صرفته عليها كله وعلى اخر ريال لك فقاله خلاص مو مشكله ووصاه طبعا مايقولي شي في السفر وانه يخليني اخذ راحتي وانبسط وقاله ان شالله ..


المهم وسافرنا والحمدلله وبوجه عام انبسطت ولكن اللي ضايقني ان حنا ماكنا مسافرين لوحدنا كنا مسافرين مع اهل زوجة اخوي فكانت اخت زوجة اخوي من النوع اللي يحب يطبخ بالبيت في السفر فقال اخوي خلاص نشتري اغراض البيت بالتساوي مع العيله الثانيه وناكل جميع واتفقو على كذا فكنا كلنا ساكنين في بيت واحد حنا تحت وهم فوق فاطبعا انا من نفسي قلت عيب الحرمه تجلس تطبخ وحنا جالسين فارحت لزوجة اخوي وقلت لها متى راح تطلعين تساعدينها في الغدا قالت بعد شوي قلت لها خلاص اجل راح اطلع معاك اساعدكم وفعلا طلعت معاها وساعدتهم بالتقطيع وغسيل الصحون بعد الاكل وفي توظيب الاكل على السفره وكل شي بس ماتتخيلون قد ايش كنت متضايقه لاني لازم اكون حذره عشان زوج اخت زوجة اخوي وولدهم الكبير موجود فاكل ماجيت اطلع انادي وحده من بناتهم واقولها فيه احد عشان ابي اطلع ولا عشان اودي الصحون المهم فاجا يوم ثاني ونفس الشي طلعت وساعدتهم وهكذا الا بعدها بكم يوم جات زوجة اخوي وقالت لي يالله طلعي تغدي قلت لها لا انا مابي ابي انام فقالت لي لا تعالي طلعي حتى لو ماتغديتي غسلي الصحون يعني هم يطبخون ولا نساعدهم في هاليوم ولا بعد يطلع معاهم احد يغسل الصحون فاقهرتني بصراحه طيب انا وش ذنبي اذا هم يبغون يطبخون انا طيب ما ابي اكل خاصةً ان هم عندهم رجال وحسيت انهم يتعمدون يطلعون ولا يدخلون ونا موجوده حتى بالباص الخاص اللي حنا فيه كانو كل شوي يجون جهتي بحجة انه يكلم زوجته ولا يكلم امه هذا شي والشي الثاني اني ماتوقعت ان بناتهم لهدرجة جريئات وقليلات ادب وحيا لما كنا نروح للسوق مرات كان اخوي وزوجته يروحون ونا اكون معاهم ماعلينا من العيله الثانيه اما مرات اكون انا ابي اروح السوق بس زوجة اخوي ماتكون رايحه ولا اخوي بعد فأظطر اروح مع اختها وبناتها وولدهم الكبير فالما نوصل للسوق يقولون البنات لأمهم خلاص حنا ماراح نضيع الوقت في المحل اللي انتو فيه حنا والبنات بنروح لحالنا وبس تخلصون اتصلو علينا بالجوال وامهم والله عادي تقولهم معليه روحو ونا طبعا كون اني معاهم مقدر اجلس مع الام وولدها بلحالي دام البنات كلهم قالو بروحون مع بعض وحاجه طبيعيه اني بروح معاهم وفعلا رحت معاهم وشفت الهوايل انواع الضحك والهستره مع اصحاب المحلات ويجلسون يسولفون ويضحكون ولاهامهم ان فيه احد معاهم ولا بعد يروح صاحب المحل ويجيب لهم كرسي عشان يجلسون وفعلا والله يجلسون ويسولفون معاه ينقال عن البضاعه اللي عنده وهم انواع الضحك والتخصر بيدهم والحركات بعيونهم وش ذا والله حسيت حالي مع صايعين مو مع بنات متربين مع اني اشوفهم اذا كانو معانا الرجال والله مايقولون ولاكلمه لصاحب المحل اشوفهم وهم يقولون لأمهم قولي له عنده كذا وكذا يعني فعلا وساخه زايده واللي قاهرني اني انا كنت معاهم تخيلو حتى لما كنت اقولهم تعالو ندخل هالمحل يقولون لا حنا مالنا غرض فيه روحي انتي مع مروى اللي هي بنت اخوي توها صغيره فأقولهم لا خلاص ماله داعي الا بعد كذا اتصل اخوي وقال وش فيكم تأخرتو قلت له البنات مابعد يخلصون فقالي يالله استعجليهم وتعالو بسرعه الوقت تأخر وكان الوقت ساعتها 12 ونص بالليل وحنا لوحدنا لان امهم لما اتصلت عليهم وقالت يالله ننتظركم عند المحل الفلاني قالو لها لا خلاص روحو وحنا نجي بعد شوي فقالت لهم خلاص بكيفكم فلما قلت لهم اخوي يقول يالله خلونا نرجع فقالو طيب روحي انتي مع مروى للبيت وحنا بنجي وراكم فقلت لهم لا اخوي مايرضى وقالي تروحون جميع وترجعون جميع فقالولي خلاص اجل انتظري شوي يعني شوفي الجرئه كيف فيهم وهم في بلد غريب والله انا ماشيه ونا حاطه يدي على قلبي على اللي جالسه اشوفه من اهل البلد وطريقتهم في الكلام مع البنات واللي قاهرني ان هذول لامستحين على انفسهم وفوق ذا جرئتهم تفوق الخيال بصراحه حتى لما رجعت للبيت وقلت لزوجة اخوي عنهم مانطقت بكلمه لانها طبعا ماتحب تقول شي عن بنات خواتها سكتت ومشت ولا علقت والله ...

ومن بعد هالسفره واللي شفته مع هذول خلاص قررت ما اسافر مره ثانيه مع اي احد من اخواني وبذات مع هذا لاني جربت السفر معاه بكافة اشكاله ومالقيت من وراه الا التعب النفسي من اللي يسوونه هم ولا اللي معاهم بس يالله الحمدلله على كل حال والله يعوضني خير ان شاء الله ..

واسفه طولت عليكم بس حابه اشاركم باللي يصير معي من احداث :confused: