ابي رأي كل وحده وبأمانه تامه ؟

بسم الله الرحمن الرحيم

السلام عليكم ورحمة الله وبركاته

عزيزتي بصراحه انا وحيدة اهلي بس لو كان عندي اخوات واصغر مني

عادي مراح ازعل مع انه فيه وحده تصير لي اختها الصغيره انخطبت قبلها

قومت الدنياء وقعدتها واحقدت على اختها معقوله ماتحب الخير لختها

وصار ابوها يرفض اللي يخطبون الصغيره عشان خاطر الكبيره

ووحده من صديقاتي ماشاءالله عليها تقول جاء ابوي عندي طبعا هي

الكبيره وقال جاء خاطب لاختك الصغيره وانا جيت استشيرك انتي قبل الكل

تقول والله طرت من الفرح كانه انا وقالت الله يوفقها انشاءالله وسالها ابوها موافقه

قالت اكيد لانه خاطب ماشاءالله عليه وقالها مراح يضايقك فخزنت من

هالكلام تقول يضايقني فرحت اختي وقالت اللي رزقها انشاءالله يرزقني

ماشاءالله عليها وتخيلوا بعد ملكة اختها انخطبت والله تمم لها على خير


( فحب لاخيك ماتحبه لنفسك )

هلا اختي
هذي صارت معانا
نحن اربع خوات
الكبيره لسه ماجاء نصيبها اما الاصغر منها الحين مخطوبين وباذن الله قرب العرس
والحمدلله انه مافي شي تغير واهيا ماخذه الامر ببساطه
وان شاء الله يارب بيجيها نصيبها وبتروح
ويعلم الله انه نحن مو مقصرين مععاها وحتى ماجالسين نعايرها ابد
حتى نفكر بذاك اليوم يلي بنروح الله يعين كيف بيكون وضع بيتنا من فرح مخلوط بحزن وبكاء
الله يستر بس:down:

ادعي لاختي بالتوفيق وطبعا محا ارفض ابدا انها تتزوج قبلي

بس ما اخفي عليكم اني بتضايق وابكي وانقهر على نفسي مو على اختي انها اتزوجت :D2

اختي وانا واحد .. بس لازم من الزعل .. شي طبيعي وردة فعل طبيعيه .. مستحيل اكابر عن شي طبيعي ممكن يسير للانسان .. زي لما الواحد يديك كف على وجهك تروح تضحكله .. ردة الفعل معروفه :pain:

وشكرا على الموضوع اللزيز

انا اشوف الأمر عادي

انا عن نفسي تزوجت قبل أختي الكبيره

انا اشوف مافي مشكله


الي يجيها نصيبها تتوكل على الله لا تحط عذر انه اختها الكبيره


ما تزوجت هذا نصيب وكل واحد يا خذ نصيبه

عزيزتي عادي
اختي الصغيرة تزوجت قبلي ب3 سنوات والحمدلله كنت راضية وفرحانه لها لان في النهاية كل انسان ياخذ نصيبه والحمدلله تزوجت وعندي بنتين وعقبالج يارب ياكريم

:smile: انا احس الامر عادي جدا لو تتزوج الصغيرة قبل الكبيرة خاصة في هذي الايام استوى الامر طبيعي الوالدة معرسة قبل اختها اللي اكبر منها بالعكس الكبيرة بتسفيد من خبرة اختها اللي عرست قبلها :o
وبعدها بسنة وحدة بس عرست خالتي وكل شي استوى O.K

السلام عليكم ورحمة الله وبركاته

هي تكون صعبة على الأخت الكبيرة و هي تشوف أختها قاعدة تجهز طول اليوم...و ما تتكلم إلا عن خطيبها أو زوجها و حبه لها...طبيعي جدا الأخت الكبيرة تتأثر بالذات إنه الزواج حلم كل واحدة في الدنيا...

لذلك مفروض لو شاء الله و حصل هذا الشيء الكل يراعي مشاعر الأخت الكبيرة بدون أن يبين لها...

و الله يرزق الجميع يا رب من فضله إن شاء الله....

أنا عني عندي اختين اكبر مني تزوجت الثاني والاولى لسى بعدها بس اختي الاكبر تحب بنات اختي الثانية وكأنه بناتها وبالعكس فرحانه كثير وتتمنى كلنا تزوج حتى لو ظلت هي بدون زواج

عن عن رايي فالزواج قسمه ونصيب ومافيها شئ اذا الصغيره تزوجت

قبل الكبيره عادي وبالعكس الواحد يستفيد من الخبره:o في ترتيبات العرس

يعني اختى الاصغر منى تزوجت وكان اول عرس بالنسبه لنا عفسه ودوخه راس

وضعيت مهرها على شغلات عاديه بس الحين عرفنا اخطاءها :shy: وبالتوفيق

للجميع

أشكركم يا حبيباتي على ردودكم معاي وباين من ردودكم ان الموضوع عجبكم 0



وأنا أكيد ما أحقد على خواتي اذا تزوجوا بالعكس بفرح وبوقف معاهم بالعرس وقفه :D2:D2



جزاكم الله ألف خير وأنا أحبكم يا عرايس :z_thanks:

السلام عليكم ورحمة الله وبركاته
الموضوع هذا في زمانااصبح شي عادي نتيجه للوعي الي زاد عند البنات وعند اولياء امورهم نلاقي الصغيره تتزوج بعدها الوسطى بعدها الكبيره عادي مو مثل قبل والحمدلله وعنيييييييي انا اوافق ليه لاااااااا بس اشوى انا تزوجت قبل اخواتييي الصغار هههههههه:D2

الزواج قسمه ونصيب انا تزوجت اختي اللي اصغر مني قبلي مع انناكنا

مخطوبتين مع بعض بس لمن تزوجت تضايقت انا حيل لانني اعتبر اني اصبحت وحيده بدونها

هلا اختي

انا من رأيي ما ارفض بالعكس اوقف جنبهم زاكون معاهم

رغم ان هذا الشي بيحز في نفسي بس ما ابين لهم هذا الشي

وكل واحد ياخذ نصيبه..

لاوالله عادي مافيها شي وعسى كل من يروح بنصيبه

قولواا آميييييييين:smile:

عزيزتي الزواج قسمة ونصيب وكل وحدة تاخذ نصيبها


ويمكن إذا تزوجت وحده تفتح المجال للأخريات

وتراها وايــــــ:eek2:ــــــد تستوي تعرس الصغيرة وعقبها تعرس الكبيرة.

والله يوفق الجميع.

ما عندي شي ازيده على كلام البنات .... اللي اييها نصيبها تتوكل على الله ....

المسألة جد عادية .........

وما فيها شيء !!!!!!!!!!

وصارت معي اختي إلي أصغر مني بسنتين تزوجت

والحين تنتظر مولودها الأول (الله يقومها بالسلامة إن شاء الله)

مو معقوله تنتظر حتى اتزوج وبعدين هي تتزوج


والله يسعدها .........

واجا نصيبي بعد أكثر من سنة على زواجها !!!!!!


ادعولي الله يتمم على خير

بالعكس انا اتمنى اليوم قبل بكره يجي نصيب اخواتي.......


ما ابيهم ينتظرون مثلي..........الله يرزقك ويرزقهم



الازواج الصالحين والذرية:pain::pain:

سؤالك وايد حلو :smile:


وبالنسبة للجواب :

فأنا أقول عااااااااااااادي ... وباخذ الموضوع بكل بساطة وبروح رياضية

أنا من رأيي إن كلا على حسب .. في بنات تزعل لما خواتهم اللي اصغر منهم تتزوج قبلهم وهذا شي طبيعي جداً جداً انها تزعل لأنها تعد اللحظات عشان تجوف نفسها قاعدة على الكوشة وتجلس تفكر ياترى ليش محد يبيني وش فيني ناقصة عن البنات .. وفي بنات عادي ما تزعل ولا تحط على بالها .

بس المفروض وهو الأهم أنه كل وحدة ما توقف في طريق اختها وخاصة هذي الأشياء لأنها قسمة ونصيب مثل ما قالو كل البنات.

الله يرزق الجميع بالذرية الصالحة ياااااااااااااااارب ..

تحياتي لكم ...