Land cruzar

وبعد ما كل واحد سكر الشات قعدوا يفكرون كل واحد يفكر في الثاني وكانت مها فرحانه عشان أن سالم ما يشك في أنها بنت ok أو لا وسالم مستغرب بسبب تعلقه في مها لاكن بالأخير فسر تعليقه فيها بالإعجاب وبس
المهم أرسل سالم لمها
السلام عليكم
أخبارج ما تصدقين كم أنا فرحان على أنج راح تكلميني
المهم كان من أحد شروطي لو بتذكرين أني أعرف حياتج
وأبي تحددين يوم عشان تكلميني ok وفي أمان الله
أكيد مها قرت الرسالة وكانت وايد مترددة في كتابة قصتها له وبعدين أرسلت له
السلام عليكم والرحمة
أرجوك سالم أبد ما حب أتكلم عن حياتي
ولو تقدر أعذرني وأنا مو ريال عشان أقعد عند
كلمتي وبعدين ليه تبي تعرف شو حياتي وكيف عشتها وشكرا
رجع سالم بعد ما قرى الرساله أرسل لمها أنه يبي يكلمها على الدردشه الساعة خمس العصر لاكن مها ما قرت الرساله لأن الخط كان مقطوع عندها
وكمل سالم مدة يومين وهو يرسلها لاكن ماكو فايده قعد يفكر ويقول
[ ليه ما ترد علي أكيد أنها خلاص ما تبي تكلمني لاكن ليه عدها مخليه الأيميل شغال لا أكيد ما سمحت لها الظروف لاكن ما عليه نكمل يومين ونشوف ]
مها كانت خايفه لو يكون سالم يرسلها وهي ما ترد عليه ويحسب أنها ما تبي تكلمه وبعدين يروح ويسأل عن البيت ويلقاه وعشان كذيه راحت على طول وكلمت عمها عشان يفتح لها الخط بحجة أن المعلمات يبن بحوث وأكيد راح وفتح الخط وعلى طول مها راحت وفتحت الأيميل ولقت مئة رسالة وعلى طول أرسلت له
السلام عليكم
آسفه على أني ما قدرت أرد على
رسايلك وهذا بسبب أن الإنترنت مقطوع
ولو تبي تكلمني تلقاني في الدردشه الساعة 4 العصر
لاكن سالم مارد عليها ولا لقته في الدردشه وجلست تنتظره لين الساعة خمس لاكن ما فيه فايدة وبعده طلعت وكملت أسبوعين ولا أرسلها على الإيميل شيء وجلست ترسله برامج وسلام وكلام وتواعده على الدردشه لاكن ما فيه فايدة وأكيد أستغربت وخافت ليكون شيء صار له و ما عرفت كيف توصله وبعده دخلت سجل الزوار في الموقع ولقت رسايل وايد ولقت وحده فيها
السلام عليكم
ما شاء الله عليك يا سليم أثاريك مب هين كل هذا تسويه لاكن ما نقول غير مبروك الموقع ونبيك تراسلنا على Mnady Almzaieen@hot mail.com
مع تحياتي بن عمك عبدالله
راحت وأرسلت له
السلام عليكم
بما أنك ولد عم سالم قلي وينه وشـ..أخباره بخير أو مب بخير
وأرجوك محتاج أعرف بلاه عسى مو صاير عليك شر وقولي الصراحة
وأنا صديقه من الدوحة و إيميلي هو AlQtArY@hot mail
قعدت مها يومين وبعده أرسلها عبدالله
السلام عليكم
وباين عليك وايد مهتم على سالم وعشان كذيه مب كاذب عليك سالم حصل عليه حادث وهو في مستشفى العين الحكومي وإنشاء الله يكون بخير وإذا تبي رقمه هو ******* وشكرا على اهتمامك وإذا تقدر نبي نتعرف عليك

وبعد ما قرت مها الرسالة خافت وايد عليه وجلست تبكي وخبرت نوف
نوف: حرام ما يستاهل
مها [ عيونها مدمعه ] : آآه آه لا تكون حالته مب زينه
نوف: تفاءلوا خيرا تجدوه
مها [ تبكي ] : ليه عاد جذيه
نوف: بس بس لا تبكين وإنشاء الله ما يحصل غير كل خير
مها: إنشاء الله
نوف: أول مره أشوفج تبكين وعلى ريال بعد أضن انه مأثر عليج
مها: يوووه مو وقته ألحين يا الله أبي شيء يطمني عليه
نوف: فيه لاكن وافقي
مها: موافقة بس قوليلي
نوف: عندج رقمه اتصلي عليه
مها: لو أنا قحب كان سويتها وبعدين لا تطلبين مني هـ..الطلبات تدرين مستحيل أسويها
نوف: ok خلاص اتصلي على المستشفى وشوفي حالته
مها: أخاف لو يدري
نوف: ولو درى شو رايح يصير
مها: ما شيء لاكني خايفه
نوف: أبرك لج من بجيج هذا اللي ما يفيد
مها: خلاص بروح أنا أستأذن من المديرة ما عاد أقدر أستحمل راسي يعورني
نوف: مب منج من سويلم
وبعد ما راحت للمديرة عشان تستأذن
مها: السلام عليكم
المديرة: وعليكم خير
مها: تعبانه أبي أروح للبيت
المديرة: عسى ماشر
مها: شويت صداع
المديرة: أيه شويت صداع دنتي ملك الموت عمال بيدور حوليكي
وبعد ما رجعت مها للبيت راحت على طول لتليفون ودقة لدليل الاتصالات
وطلبت رقم المستشفى وبعد ما أخذته اتصلت على المستشفى
مها: ألو السلام عليكم
الاستعلام: وعليكم السلام
مها: أريد قسم الحوادث لو سمحت
الاستعلام: تفضلي
مها: السلام عليكم
استعلام الحوادث: وعليكم السلام
مها: لو سمحت من أسبوعين صار حادث لريال ينقال له سالم ونقلوه للمستشفى عندكم
استعلام الحوادث: سالم عبدالله محمد المنصوري
مها [ما كانت تعرف الأسم لاكن قالت]: إيوه
استعلام الحوادث: للأسف توفى الله يرحمه
مها: لا لا مستحيل [جلست تبكي]
استعلام الحوادث: لحظة لحظة [صكت مها السماعة وقاطعت حديث راعي الاستعلام ]
قعدت مها تبكي وارتفعت عليها الحرارة ودوها للعيادة ونوموها ثلاث أيام وبعد ما رجعت أسبوع ما داومت وأكيد نوف اهتمت عليها وزارتها في البيت
نوف: السلام عليكم
مها: وعليكم
نوف: خير عسى ماشر
مها [ تبكي ]: سالم توفى
نوف: هاه قولي قسم بالله
مها: ليه أحلف توفى وخلاص [وهي تبكي]
نوف: متأكدة يعني
مها: هيه الاستعلام قالي سالم محمد عبدالله توفى الله يرحمه
نوف: هو أسمه كذيه
مها: مادري بس أكيد
نوف: شنو يأكدلج
مها: نوف ما فيني خلق أسئلة فكيني ولي يرحم والديج
نوف: خلاص أنا بروح
مها: زعلتي علي
نوف: لا حشى بس الدريول ينطرني برع

:eek2:

:eek2:

:eek2:

:eek2:

:eek2:

:eek2:

وبعدين اش صار





بسرعة كملي القصة اليودي

شنوووووو صااار بعدين نبي نعرررررررف قصه حلوووووووه بس اتمني نهايتها حلوووووه

:eek2:

:clap: ناطرين التكمله

:confused::confused:

شكراَ على المرور
:shy::shy:

وبعد ما راحت نوف وركبت السيارة
نوف: عبد العزيز روح مستشفى العين الحكومي
وبعد ما وصلت ودخلت عند الاستعلامات
نوف: السلام عليكم
الموظف: وعليكم السلام
نوف: من أربع أسابيع تقريبا أستوى حادث على ريال ينقال له سالم ونقلوه عندكم أبي أعرف شو صار له
الموظف: لحظه أختي ثواني وجيب لج الملف
نوف: ok
وبعد ما جاب الملف
نوف: هاه
الموظف: سالم عبدالله توفى وسالم راشد الحمد لله بخير بس شويت كسور
نوف: أقدر أشوفه
الموظف: في الطابق الثاني ، الجناح السادس ، غرفة 12
نوف: مشكور
راحت نوف لغرفة 12 ودقت الباب
سالم: تفضل
نوف [متغشية]: السلام عليكم
سالم: وعليكم السلام
نوف: الحمد لله على السلامه
سالم: الله يسلمج من أنتي
نوف: مو مهم تعرف المهم شنو لون سيارتك
سالم [بفرحه] : أنتي مها
نوف: لا أنا رفيجتها هذا إذا قالتلك عني
سالم: هيه قالت لي نوف أو هنوف مادري شـ..سمج كيف عرفتي أني بالمستشفى
نوف: من مها
سالم: وهي شـ..دراها
نوف: مها تحسبك توفيت ألها أسبوع ما داومت في المدرسة وثلاثة أيام مرقدة في العيادة وأنا من شوي عندها وكانت حالتها زفته عشان جذية قلت خلني أساعدها وأروح أشوف شنهي حالتك
سالم: قصدج هي مهتمة علي
نوف: شكلها جذيه لاكن هي رافضة تعترف ويالله بروح
سالم: بتقوليلها عني
نوف: أكيد عشان أرحم عمانها كلهم يحاتونها ويحاتون حالتها
سالم: سلمي لي عليها وأنا بعد يومين تقريبا بطلع وعلى طول أبيها تكلمني
نوف: آسفه ما قدر أوصل سلامك و لا تقولها أني يتك لين أهنيه قول أن الدريول اللي ياك
سالم: ليه
نوف: أنته ما تعرف مها زين هي ما تحب البنات اللي جذيه يعني أخاف أطيح من عينها
سالم: أنشاء الله
وبعد ما راحت نوف قعد سالم يفكر وهو ميت من الفرحة ليش أن مها مهتمة عليه لدرجة أنها مرضت و تغيبت عن المدرسة كان مو مصدق نفسه
وبعد ما وصلت نوف عند مها
نوف: مها لحقي وسمعي الكلام اللي يعدل الخاطر
مها: ما به شيء يعدل الخاطر بهدنيا
نوف: المهم إذا كان علمي يفرح شو راح تعطيني
مها: ادري ما فيه شيء يفرحني المهم قولي اللي بتقولينه
نوف: سالم ما توفى
مها: شكرا وأدري أنج تبين تفرحيني لاكن دوري كذبه ثانيه
وبعده نوف خبرت مها بكل السالفة
مها: قولي قسم بالله
نوف: قسم بالله أني ما كذب عليج
مها: أرجوج إذا تكذبين قوليلي من الحين خلي الصدمة أتجي مره وحده
نوف: مستحيل أنا ألعب بأعصابج
مها: ما تصدقين كم فرحتيني
نوف: ما يحتاج أعرف ،، كل شيء باين بعيونج
مها: قسم بالله اللي تبينه بيجيج حتى لو تبين عيوني
نوف: أبي أعرف شنو بالنسبة لج سالم
مها: مادري بس أحس انه أغلى عن حياتي كلها
نوف: يعني تحبينه
مها: أمكن وتقريبا لا لأني ما أعرفه ولا أعرف حياته
نوف: هو يحبج
مها: مادري
نوف [في خاطرها ،، لو تشوفين فرحته يوم أستهميتي عليه كان قلتي أنه يحبج ]
مها: بلاج تفكرين
نوف: لا بس عندي أحساس أنه يحبج
مها: ما ظن وحتى لو كان كلامج صحيح أظنج باخذه ،، أكيد لا
مها: المهم شكرا شكرا على أنج ريحتي قلبي حتى تعالي ولمسي حرارتي نزلت من الفرحة
نوف: عساج دوم فرحانة
مها: أنزين ما تدرين متى بيطلع من المستشفى
نوف: بعد يومين
مها: أنزين شنهي الكسور اللي فيه
نوف: ما دري المهم شو رايج أطرشين له هدية
مها: تصدقين في خاطري بس أستحي
نوف: ومن شنو تستحين عادي وما ضن بيقول أنج ما تستحين على ويهج
راحت مها عشان تروح مع الدريول و تاخذ هديه لسالم وكانت عبارة عن سلة كافي كبيرة تكفي بلد كامل وكتبت عليه
الحمد لله على السالمة
وعساك دايم الدوم سالم
يا سالم مع تحياتي مهاوي
وأكيد الهدية وصلت سالم وكان ميت من الفرحة ومو مصدق اللي يستوي
وبعد ثاني يوم طلع سالم من المستشفى وأكيد على طول راح يرسل لمها رسالة ويقول فيها
السلام عليكم كيف الحال
إنشاء الله بخير ومشكورة على الهدية وعلى
رسايل الإيميل اللي كل وحد أحلى عن الثاني وعلى
كل أبيج ترمسيني على الدردشه الساعة 7 بعد المغرب
وأكيد مها كل يوم تروح تشوف أخبار الأيميل ولقت الرسالة ومن الفرحة ما عد قدرت تتمالك نفسها من الفرحة وعلى طول راحت تجهز بطاقات لسلامته
المهم أنقضى الوقت لين حكمت الساعة 7 وراحت لدردشة ولقت الضامي
الكسير: السلام عليكم
الضامي: هلا ملاين هلا ومرحبا
الكسير[أستحت وفرحت]: هلا فيك
الضامي: هاه أخبارج عساج مشتاقة لي
الكسير: الحمد لله و أخبارك أنت عساك ما تشكي من شيء
الضامي: ما شتكي ألا منج
الكسير: ليه
الضامي: مادري سألي قلبي
الكسير: بس عادة المهم الحمد لله على السلامه
الضامي:الله يسلمج وبعدين ما قلتيلي أشتقتي لي
الكسير: لا
الضامي: أفا ليه
الكسير: اسأل قلبي
الضامي: ok هاه يا قلب الغالين أشتقتلنا أو لا
الكسير: بس عادة ما حب أنا جذية
الضامي: أنزين كيف عرفتي أني بالمستشفى
الكسير: من ولد عمك عبدالله
الضامي: من وين تعرفينه
الكسير: أمه تصير بنت عمي
الضامي: يالله بس عاد عن الجذب قولي من وين
الكسير: لقيت توقيعه في سجل الزوار مالك مع إيميله وسائلته
الضامي: ليه سويتي جذيه
الكسير[أستحت]: ما عد رديت على رسايلي
الضامي: أنزين شو شعورج يوم تفتحين الإيميل وما تلقين رسايل
الكسير:ما شيء عادي
الضامي: جاوبي بذمه
الكسير: أعصب وأخاف
الضامي: ليه مهم أنا بالنسبة لج
الكسير: لا
الضامي: حرام عليج ما كنت ناوي اسمع جذيه
الكسير: بس هذا الجواب طلع من قلبي
الضامي: بس بس مابي أسمع أكثر عن جذيه غيري السالفة
الكسير: أنزين أبدا أنت بالسالفة
الضامي: ليه ما داومتي في المدرسة لج أسبوع عسى ما شر
الكسير: وأنت شـ..دراك
الضامي: سألت عنج في المدرسة
الكسير: كنت شوي مريضة
الضامي: سلامتج بس هذا بعد الحادث أمكن خفتي علي
الكسير: لا
الضامي: ما خفتي ليكون توفيت
الكسير: لا
الضامي: بذمج
الكسير: هيه خفت لاكن بعدين دريت
الضامي: ومن الخوف مرضتي وارتفعت حرارتج وترقدتي في العيادة
الكسير[كانت مرتبكة]: ومن قال جذيه
الضامي: إحساسي
الكسير: يوووه عاد قلي
الضامي: ما قولج ألا إذا قلتي الحقيقة
الكسير: أي حقيقة
الضامي: مادري
الكسير: أول أنت قولي
الضامي: ما بي قولي أنتي أول
الكسير: تقريبا أو أقولك هيه
الضامي: الله يلعني ما حظني كان وحدة مثلج تهتم فيني وتخاف علي
الكسير[مستحيه]: بس عادة
الضامي: استحيتي
الكسير: لا
الضامي: ليه كله تكذبين ليه تستحين من الصراحة
الكسير: قلي من وين عرفت
الضامي: اتصلت بالمدرسة وقالو لي عن حالتج وبعدين فسرها قلبي جذيه
الكسير[مستحيه]: غير السالفة
الضامي: مستحية
الكسير: مب شغلك
الضامي: ليه رفضتي تقوليلي عن حياتج
الكسير: ما قدر أقولك
الضامي: ولا ما تبين تقوليلي
الكسير: لا قسم بالله ،، بس مادري صراحه مادري مادري
الضامي: قولي سبب واحد يقنعني
الكسير: تصدق ما قد قلتها حق حد حتى صديقاتي وأولهن نوف
الضامي: أنزين ليه
الكسير: أخاف لبكي
الضامي: لهدرجه
الكسير: لا تستغرب
الضامي: وليه استغرب أنتي أكثر بنت معيشتني في دنيا غير هالدنيا
الكسير: تقصد أني غريبه بكبري
الضامي: هيه بس قوليلي أنتي فرحانه في حياتج
الكسير: هيه و وايد بعد بس محتاجه لأمي وبوي
الضامي: ليه متوفين
الكسير: بس أمي
الضامي: أنزين شـ..بلاه أبوج
الكسير: مادري عنه شيء
الضامي: كيف يعني
الكسير: متزوج ولي سنة ونصف ما دري عنه شيء يعني بعد وفاة أمي
الضامي: ولا مره سأل عنج
الكسير: لا
الضامي: أنزين ما عرفتي السبب
الكسير: يقولون أني أشبه أمي وما يبي يشوفني عشان ما ذكره أبها
الضامي: أمكن بس لا تزعلين منه لو شو ما يصير وإنشاء الله تتلاقون
الكسير: ربي يسمع منك وأكيد ما بزعل ولو يبي عيوني عطيته مهما يسوي
الضامي: أنا أشوف سالفج عاديه و [ما حد يون من ويع راس غيرة]
الكسير: صحيح ولأنك ما عشت حياتي مثل مـ..أنا عشتها وبصك الكمبيوتر
الضامي: زعلتي مني
الكسير: لا بس بصلي العشاء و بيلس عند عماني
الضامي: خلاص مع ألف سلامه ولازم تكلميني ok
الكسير: إنشاء الله والله يسلمك
الكل سكر والكل كانت فرحته متعديه الحدود وكل واحد قعد يفكر في الثاني وثاني يوم وكان الجمعة وبعد صلاة العصر ومها كانت أتابع المسلسل والعم والعمة معاها ورن التليفون وبعده ردت العمة
العمة: ألو
؟؟؟: ـــــــــــ
العمة: هلا مرحبا وعليكم السلام
؟؟؟: ـــــــــــ
العمة: هيه أنا هي
؟؟؟: ــــــــــ
العمة: بخير الله يسلمك لاكن من أنت
؟؟؟: ــــــــــ
العمة: هاه من
؟؟؟: ــــــــــ
العمة: لا هلا فيك بس ما نتوقع اتصالك
؟؟؟: ــــــــــ
العمة: أنزين هاذوه موجود
العمة: بخيت تعال
العم: من
العمة: هاه دوك امسك
العم: ألوه مرحبا
؟؟؟: ـــــــــ
العم: هلا من أنت
؟؟؟: ـــــــــ
العم: هلا ملاين هلا بصوت وراعيه
؟؟؟: ـــــــــ
العم: الحمد لله أنك تذكرنا
؟؟؟: ـــــــــ
العم[كان يطالع مها]: هيه الحمد لله في خير وسهاله
مها خافت ليكون سالم يقلد أو يسوي شيء عشان يكلمها وكانت خايفه
؟؟؟: ـــــــــ

الرجا التكملة

لا اطولين بسرعة اوكي

على العموم مشكووووووووووووورة

العم: أنزين هاذيه
العم: مها تعالي أبوج يبيج
مها [ما تصدق سمعها]: هاه؟!
العم: ما تبين تكلمينه
مها: لا أبي أكلمه عطني السماعة
مها: ألوه
الأبو: هلا
مها: هلا فيك يا بعد عمري هلا بصوتك
الأبو: وفيج شـ..حالج يا بنتي
مها: بخير وما قاصرني شيء غير شوفتك يا يبه
الأبو: والله أني حتى أنا
مها: أنزين تعالنا يعني أفداك
الأبو: إنشاء الله وعن قريب يالغالية
مها: قسم بالله بتكون أبرك الساعات يوم بشوفك فيها
الأبو: أنزين متى تبيني أيج على خير
مها: ما يحتاج تاخذ أذن أنت أغلا الناس والغاليين ما نعاملهم بالرسميات
الأبو: أنشاء الله بيج باكر
مها: يا هلا فيك
الأبو: خلاص أنا بسكر يالله مع السلامه
مها: الله يسلمك لي يالله في أمان الله
وبعد ما كل واحد سكر عن الثاني كانت مها ضحكتها متعدية أذنيها ورى
العم: هاه أشوفج مستانسه
مها: الله يهداك يا عمي ما تبيني أستانس وأنا سامعه صوت الغالي
العمة: هيه والله ما لومج
العم: أخيرا ربي استجاب لدعواتج وكلمتي أبوج وبتلاقينه إنشاء الله
مها[يعني أفدى من أدعوا لي] : أنشاء الله وخلاص أنا بروح للغرفة
العمة: أنزين شوي شوي عليج لا ترقين الدرج بسرعة وطيحين
مها: أنشاء الله
راحت مها لغرفتها وشغلت الكمبيوتر وأرسلت لضامي رسالة تواعده في الشات الساعة خمس وأكيد لقته
الكسير: السلام عليكم
الضامي: وعليكم
الكسير: تصدق كنت خايفه ما تفتح الأيميل غير في وقت متأخر
الضامي: ليه متولهتلي
الكسير: مو بس كذيه قل أكثر
الضامي: لا أنشهد انج مب صاحية
الكسير: مشكور مشكور وايد وايد عسى ربي يهنيك قول آمين
الضامي: آمين بس ليه ولا أنت مب مها
الكسير: ألا أنا هيه وكل هذا ليش أنك أدعويتلي بان ربي يلاقي بيني وبين أبوي
الضامي: تلاقيتم
الكسير: بعد بكرة بيجينا
الضامي: مبروك وإنشاء الله يكون خير
المهم قعدو يتكلمون وبعد ما سكروا وجاء بعد بكرة وجاء الوالد وقعد عند مها وكانت مها ميتة من الفرحة وكل الوقت قاعدة بجنب أبوها وكله تتفداه وترمسه وتضحك معاه وبعد ما قعدوا بروحهم مع بعض
الأبو: هاه يا مها أنشاء الله مستانسه
مها: الحمد لله
الأبو: مها أنا جاينج بموضوع يخصج
مها: خير
الأبو: ريال خاطبنج عندي وهو ريال فيه خير وما فيه زله
مها: بعدني صغيرة على العرس
الأبو: وأنا قدني عود في العمر وقدني أبي أشوف عيالج وأبي قربج لأن الريال يقول أنه بيعيشج عندي
مها: صراحه ما دري شـ..قولك
الأبو: قولي موافقة
مها: عاد أنا ما عرفه
الأبو: لا تخافين ما فيه غير الخير وبعدين مثل ما قلتلج بيسكنج عندي
مها: أنزين مادري بطالع عطني يومين وبرد عليك
الأبو: ويقول أنه بيخليج عند عمانج أسبوع وعندنا أسبوع يعني الريال طيب
مها: أنزين أنا أدرس
الأبو: ما باقي شيء شهر وتخلصين وبيخليج تكملين دراسة
مها: معاليه بشاور عماني وبرد عليك
الأبو: وحطي أبالج أني أحبج وأبيج تعيشين عندي وأني أول مره أطلبج

المهم الكل راح وقعدت مها تفكر وسألت عمانها وما كان عندهم مانع
لاكن كانت بعدها متردده وبعدها راحت وراسلت الضامي وكلمتها بالموضوع
الضامي[كان حزين]: يعني أنتي موافقة
الكسير: أنا ما عندي مانع وأبي أعيش عند أبوي
الضامي[يحاول يقنعها]: لاكن حرام عدج صغيرة وما كملتي دراسة
الكسير: صحيح لاكن هو قالي بيخليني أكمل
الضامي[يحاول يخوفها]: أنزين أمكن يكون صايع
الكسير: مادري بس يقول أبوي أنه أخير عن كل الرياييل
الضامي: بكل صراحة أنا أقولج لا تتزوجين
الكسير: ليه
الضامي: مادري بس يوم دريت انج بتعرسين مت من الغيرة
الكسير: يعني كيف
الضامي: مادري بس ما بيج تعرسين أو أني أحبج
الكسير: من صدجك أنت حتى ما قد شفتني
الضامي: صحيح بس مادري
الكسير: أنزين وجهي أنا مب حلو بالعكس عادي
الضامي: حتى ولو أحس أني متعلق فيج وايد
الكسير: صراحه حتى أنا بس أنا أقنعت عمري بأنها صداقه
الضامي: لاكن أنا ما قدرت
الكسير: شف اللي بيني وبينك مب حب هذي صداقه وبس
الضامي: خلاص بحاول اقنع عمري
الكسير: هاه شـ..قلت في سالفة عرسي
الضامي: مادري ولو علي لا تعرسين
الكسير: أنزين خلاص ما عد بكلمك ولا تحاول تقنعني
الضامي: ليه
الكسير: تعتبر خيانة لخطيبي
الضامي: الله قده خطيبج
الكسير: شفت
الضامي: بس ما قدر أبي أكلمج
الكسير: باقي شهر ولازم اشد عمري في الدراسة وعشان جذيه ما بكلمك
الضامي: وبعده بتعرسين
الكسير: صحيح
الضامي: مها تبيني أجي وأخطبج
الكسير: لا تغدي خبل حتى لو جيت ما قدر آخذك
الضامي: خلاص حتى أنا مابي أكلمج عشان ما تعلق فيج أكثر وأكثر
الكسير: مشكور ويالله في أمان الله
وبعد مـ..الكل سكر عن الثاني أتصلت مها في أبوها وقالتله أنها موافقه

:down:

(u)

:up:

وبعدين اش صار


كملي

والأبو خبرها عن الريال أن أسمه [سالم,عمره 20,يشتغل في الشرطة]
كانت مها تضحك وتفكر في أسمه وأسم سالم المهم أنقضى الوقت وخلصت مها المدرسة وجاء وقت العرس وعرست وهي في ليلة الدخلة كانت قاعدة على السرير وكانت أطالع تحت وزوجها سالم يمها
سالم: علوم العروس
مها ساكتة ما تقدر تتكلم من المستحى
سالم: فديت المستحى
مها بعدها ساكتة ومنزله راسها
سالم: أنزين كم نسبج
مها ما قدرت أجاوبه بسبب قربه عليها
سالم: من أنا يومني صغير وأنا حظي عوي لا يكون أنج عيما [بكماء]
مها كانت تفكر في أمها وعدم وجودها في ليلة عرسها وجلست تبكي
سالم: الغالية شـ..بلاج عسى ما جرحتج
مها ما ردت
سالم: أنزين أنا مطربيه المفضل بشير و أنتي
مها ما نتبهت لكلامه وبعدها ساكته
سالم: وسيارتي كلوزر
مها مستغربة [ليه أيقولي عن سيارته]
سالم: وأسمي الضامي
مها [أبتسمت وعرفت انه الضامي]
سالم: آآه يا قلبي فديت الأبتسامه
مها: ليه سويت جذيه
سالم: قسم بالله ما كنت أدري أني باخذج جلست أختي تخبرني ومن كلامها عنج وعن أسمج وأنج عايشه عند عمانج دريت أنج أنتي الغالية مهاوي
سالم: ألا قوليلي ليه كذبتي علي وقلتي أنج مب حلوة
مها ضحكت وطالعت تحت
سالم: ما شاء الله عليج تصدقين أنج أحلى بنت شفتها
مها: بس عادة
سالم: أستحيتي
مها: لا
سالم: أنزين شـ..رايج بشكلي
مها طالعته وكشرت وهي تضحك
سالم: حرام عليج
مها: أمزح
سالم: مها
مها: لبيه
سالم: آآه يا قلبي ما ستحمل ،، قولي لي فرحانه
مها: أنت عندي ولا تباني أكون فرحانه
سالم: مها خففي علي ما ستحمل كلام حلو
مها ابتسمت
سالم: ما بتصدقين كم أنا فرحان ألحين
مها: عسى أيامك دوم ،، سالم
سالم: هلا عيوني هلا روحي خير
مها: أحبك
سالم: أنا في حلم ولا في علم أحبك بعد
مها: لو كنت في حلم وقمت ولا لقيتني
سالم: الله لا يقوله قد الموت علي ارحم
مها: بسم الله عليك يا روحي
سالم: الله يننتيني ,,

أنتهت القصة

:cool2:

:cool2: شكرا حلوه القصه

وااااااااااااو


نهاية سعيدة

:up::up:

وااااااااااااو رووووووعه

السلام عليكم ورحمة الله وبركاته
لك جزيل الشكر على هذة القصة الرائعة (يمكن تاخرت شوية بالرد):clap: :D2

وااااااااااااااااااااااااااااااااااااااااااااااااااااااااااااو قصه رومانسيه وااااااااااااااااايد حلوه بس هل هي حقيقيه والا من نسج خيالج :cool2:

ge9ah 7elwah ... we mashkoorah 3aleeha ... bas ana ma ashage3 hal noo3 lenha mosh mofeedeh ... bel3aks '6arah ... we bete7are'6 3ala hal 7arakat ... welo kanat bareeaa ... lanee ele fe el chat mosh chee wala 3merhoom baykonon chee

العفو اخووووواني واخواتي
:o:o:o:o
:o:o
:o