مساعدة سريعة

ملاحظة اذا في احد يعرف احد المشايخ الي ممكن يساعد البنت تجيب لي رقمه او عنوانه..

او اذا احد منكم عنده حل يقولي عليه...

ياالله شقد جاتني البنت في وقت غلط... علي امتحانات وقرف... بس من جد آلمتني رسالتها...

يارب استر على عبدتك الي تابت لأجلك...

يالله ولا رد!!!

يعني برايكم ارسل لها رسالة اقولها ما اقدر اساعدك!!!

انا لو البنت اعرفها لعابة ما اهتميت... بس لأني فعلا اعرفها ودارية انها غلطة سوداء بحياتها والدليل توبتها...

تكفون دلوني على حل...

وإلا اذا اعتمدت علي ما ببالي ولا شي يساعدها.... انا بس ارسلتها ايميل اقويها وابارك لها على التوبة لأنها فعلا نعمة من الخالق عز وجل... ونصحتها بالاكثار من الصلاة والدعاة لانه مافي غيره سبحانه الي يفك الضيق...

والله يستر على كل بنات المسلمين... ربي لا يخلينا بموقفها ابد...

[السلام] السلام عليكم ورحمة الله وبركاته[/السلام]

أختي أعذري البنات إنه ما حد رد...

لأنه ما حد يعرف شو يرد يقول...!

يعني صديقتك اقترفت جرم عظيم...جرم الزنا...

و لازم تتحمل كل اللي يصير لها من وراه...

إنتي صعبان عليكي صديقتك...أنا صعبان علي أهلها اللي انصدموا في بنتهم...ما هو موقفهم الحين ؟ تعتقدي كيف شعورهم و بنتهم مارست الحرام مع شخص ( بار جدا بوالديه )...لكنه لا يعرف حقوق بنات الناس...!!

يمكن يكون الإتصال بالشيخ هو الحل في هذه الحالة...و إن شاء الله يفيدك باللي ممكن يحل الموضوع...

تمنياتي لكم بالتوفيق...

هلا والله

وانتي فاضيه اتصلي بالمشايخ واساليهم شخصيا قوليلهم المشكله وبيساعدوونج ان شاء الله وانتي ردي عليها بايميل مثل ما قدرت ترسل لج انشالله بترد عليج وبتشووف ردج انتي من صوبج اتصلي حق المشايخ وخذي رايهم ويمكن يعرضون عليج حلول او يكلموون اهل البنت او شي من هالقبيل ويارب انشالله يستر عليها دنيا واخره

مشكورين مرة وجزاكم ألف خير...

أختي مرموم... والله هذا زي الي جا ببالي... بس على حسب الي فهمته من رسالتها أنهم اكتشفوا علاقتها على الجوال بس...

بس والهي اكيد انصدموا فيها مرة... اذا انا الي صاحبتها انصدمت... البنت مرة تخاف ربها... بس وش تقولي نفس البشر طماعة والشيطان يبغى منفذ للنفس الي تضعف... بس الي مطمني ومخليني مصرة على مساعدتها كلمات التوبة الي في رسالتها... وكمان احساسها بالغلط مش من المصيبة انه اهلها عرفوا بدليل انها كانت ناوية تتركه ويستروا على الموضوع قبل ما تنكشف...

فطيم 19... تسلمي على ردك يا غالية... المشكلة اني ودي اعرف من افضل المشايخ الي ممكن يساعدني في مثل هالمشكلة... انا دورت على ارقام المشايخ بس مش عارفة اتصل على مين بالضبط!!!

ما ادري يمكن احد فيكم يدلني وان شاء الله نقدر نسوي لها شي...

ربي يستر على كل بنات المسلمين...

السلام عليكم ورحمة الله وبركاته

والله ماعندي أدنى فكره عن الأتصال بشيخ مناسب لحل هذي المشكله

والله يكون بالعون

ولك مني كل التقدير والأحترام

مملكــة القلوب

الحل بيد صديقها لازم يصير رجال وينهي المشكله


بس اعتقد والله العالم انه يتمادى بس من حقه صح....؟؟؟؟؟؟:s2

مرحبا اختي
ماادري وش اقلك
صراحه صديقتك اقترفت ذنب عظيم جدااااااااا
لكن اذا هي تابت والله يقبل التوبه ليه مانقبلها احنا
ان الحل بيد الرجال لازم يقنع امه واذا رفضت يقلها على المشكله كلها
اوقبل ذلك انك تاخذي رقم الام وتكلميها واو تكلمها واحد من البنات وتكون مؤثره وتقلها كل شي ان عن جريمة الزنا يمكن قلبها يحن لو سمعت كلام وحده فاهممه ومؤثره
ترى في نساء كلمتهم تحل كل المشاكل من حلو كلامهم
او اتصلي على احد المشايخ ممكن يفيدك

وهذي ارقام بعض منهم

في هذا الرابط

[WEB]http://www.khayma.com/fawaid/phones.htm[/WEB]

وهذا كمان

[WEB]http://www.angelfire.com/ab/IBH44/tel.html[/WEB]
وربي يفرج عليها ويقبل توبتها

الله يستر علينا يارب:eek2:

تسلمو حبايبي... والله ماقصرتوا...

نبض الحيارى:up: ربي يجعله بميزان حسناتك قولي آمين....

مذهلة البحرين... والله انه انا كمان راي كذا... بس هي تقول لا البلى في امه... يالله انا بسوي الي علي والباقي عليه سبحانه...

مملكة القلوب... أم أنوار مشكورين على المرور... وربي يستر على كل بنات المسلمين...

:down:ما حد من المشايخ الي كلمتهم رد ... مادري هم ذا مايردوا ولا انا الي ادق بأوقات غلط :s2... بس عجزت مافي فايدة...

انا ارسلت للبنت ايميل وطمنتها اني راح اساعدها وقلت لها اذا تقدر ترسل لي رقم امه...

المشكلة وش نقول لامه!!! اخاف اذا درت عن السالفة تعيي وتقول ما يتزوجها وهو مسوي معها كذا!!! في ناس كذا:down:

وش نقول لامه؟؟؟

3asal


شوفي حبيبتي مافي حل إلا أن يتزوجها ...

مافي حل ثاني ..

لأن من المستحيل انها تذهب معاه عشان تعمل عملية للغشاء ... لأنها راح تكون مراقبة من أهلها ، يعني اشلون بتطلع معاه؟؟؟ ...

ثاني شي وهو المستحيل : إنها تقول حق أمها على اللي صار معاها ... لأن أمها ممكن تذبحها قبل ماتقول حق أهلها ...
انتي قلتي انهم حبسوها في البيت بس عرفوا انها تتكلم مع شخص على التلفون، ايش راح يعملوا لو عرفوا بالجريمة اللي ارتكبتها معه ؟؟؟؟:eek2:


وحتى لو اتصلت في المشايخ ، ايش راح يعطوها حل ، غير انهم يقلون لها توبي توبة نصوحة ، أو انكم لازم تتزوجوا ... أو أو :pain:

يعني لازم حبيبها يقنع أهله وياخذهم على الفور ويتزوج البنت ... قبل مايفوت الأوان ، يمكن البنت تحمل .. ويبين عليها الحمل :eek2::eek2:
ايش راح تعمل ؟؟؟؟



لازم لازم يتزوجها

عزيزي بعد ما تصفحت مشكلة صديقتك كثير تالمت لاني اعرف ناس بلهبل نفس المشكلتها .... لا حول ولا قوة الا بالله
غاليتي
عندي راي الا وهو .......................
ليش مثلا ما يتقدمها ويتزوجها ومن ثما اذا ما تحب تستمر معة يطلقها وبكذا راح تكون وحدة مطلقة اهون من وحدة تجلس في البيت وهي مع اهلها وبذاك الشكل والالم
او انه تواجه امها بلحقيقة واكيد راح تكون حنونة لان ما في ام ما تكون حنونة على بنتها حتي ولو اطرت توجة لها امها كلام وقح تستحمل لانها غلطت وامها من حبها ممكن تسمعها هذا الكلام و اكثر موة احسن من انها تكون فضيحة واللى رايح واللى جاي يتكلم عليها
في رايكم موة اهون عليها انها تفاتح امها بلحقيقة
وعندي نقطة مهمة كثيييير
الا وهي اعتقد انه ما حلوة احد يتدخل في هذة المشكلة من خارج البيت والان امها راح يزيدها هم وغم انه بنات عرفوا بمشكلة ابنتها
لذلك انصح ان ما حد يكلم امها ويكون الكلام فقط او الحوار بينها وبين امها
وفي النهاية اكيد امها راح تشوف لها حل باي شكل من الاشكال
واتمني من الله الستر والعافية لجميع المسلمين

اهليين حبياباتي...

omboz...الجهورية ... شكرا على مشاركتكم وتفكيركم في المساعدة...

ما اعرف وش اقولكم...

اول شي انا دقيت على الشيخ محمد بن صالح المنجد... وربي يجازيه الف خير ... بس المشكلة انه زي ماقلتوا ما بيده شي... قالي انه بيتكم مع ابو الشاب... بس المشكلة ابوه مطلق امه والموضوع بيد امه... فطلب مني اني اكلم امه... واطلب منها انها تكلم الشيخ بدون ما احدد لها الموضوع...

كلمت الام :down:... - هي مش كبيرة على حسب ماقالت صاحبتي انها 44 سنة ... سلمت عليها وكذا على طول قالت لي انتي مين :s2... قلتها انا فاعلة خير ابغى اخذ من وقتك دقايق بس ابغاك في موضوع... وبلهجة حادة حسيت منها انها عارفة بالموضوع... قالت لي بس انا مش فاضية وماراح اكلمك وسكرت بوجهي :sad:

انما اتقول لامها ما اتوقع صعبة مرة... البنت ممكن تنذبح فيها هلها مرة مسكرين عليها عشان كلمت بس اجل لو عرفوا!!! صار لها تقريبا اكثير من شهرين منقطعة اخبارها ولما كلمت بيتهم امها قالت لي انها مسافرة!!!!

لحد ما ارسلت لي هذا الايميل الي خبرتكم عنه...

عموما ما قصرتوا وجعل مساعدتكم في ميزان حساناتكم يارب....

انا لهنا ماعندي حل... غير اني ادعي لها....

ربي استر على كل بنات المسلمين يارب...

اختي بصراحة ما تعرفين شكثر تألمت على صديقتج ..الله يهديها يارب..
..بصراحة انا اشوف انه اهلها وايد شديدين ..يعني بس عرفوا انها كلمت شاب منعوها من كل شي ..
هي الحين اكيد ندمانه كل الندم على إلي سوته .. ومتخيله كيف حالتها النفسية ..اف الله يعينها بس ..
انا عندي رأي وهو انه تحاول تصلح غلطتها بالعملية..اتدبر امرها وتروح المستشفى بحجة شي ثاني ..وتكلم الدكتورة اكيد بتتفهمها وانشالله تسويلها العملية..ادري انه يمكن فيه صعوبة في هالشي ..لكن مافي غير هالحل ..
و شي ثاني اسمحيلي اقول انه حبيبهاهذا مو ريال ..حرام عليه الي سواه فيها.. هذا اصلا مستحيل ياخذها ..وما اظن انه امه السبب بس ..حسبنا الله ونعم الوكيل..