اللي جربتها اتفيدني وبالأخص بنات الإمارات

مرحبا اختي ام اميره
عندج وحده في صالون شانيلا اسمها ياسمين شغلها ماعليه كلام اختي منو ايمي وين مكانها؟ تراني انا بعد متوهقه في الميك اب والشعر مالقيت حجز في شانيلا ,,,

هلا الغالية ام اشواق ومشكورة على ردج ...

إيمي هذي وحدة فرنسية وتشتغل في صالون اسمه جان بول في فندق المريديان اللي مجابل قرية الشحن فدبي ... بس ما بتندمين روووووووووووووووووووووووووووعة في الشعر جان بغيتي صبغ ولا قص ولا ستايل للشعر كله فنانه وتراها اتقص لج الشعر بالموس إذا تبين علشان يغلظ .... بس ما اعرف إذا يسوون مكياج ولا انا بصراحة متعودة على سيلفي ...

تسلمين الغاليه بصراحه ماعندي اي فكره بصوالين دبي ويلا كان ساعدتج ,,,

انصحج في مادونا خوووري وماتيلدا خلووووني رووووعه رووووعه في عرس اخوووي خصوصا ماتيلدا اسلوووب حلوووو وايدها خفيفه وماتحط كيلووو جل روووووووووووووووعه تسريحاتها بس مشكله مادونا خوري كريم الاساس مالها يتكسر وبعدين ماتتفاهم وياج اللي هيه تباه ويعيبها بتحطه على ويهج اما انتي بس تيلسين مالج شغلج في اللي هيه تسويه ها هو اسلووبها بس ماتيلدا فنانه

توكلي عيل على الله دام ان فستانج فيه حركه مبتكره مادونا وماتيلدا بخلووونج احلى عن العروووس اذا انتي مب عرووس والله العظيم خلتني انا احلى عن العرووووس دشيت القاعه كل العالم يطالعووووني :o وكل حد سال عن مكياجي وفستاني وتسريحتي انصحج فيهم واعيد واكرر مديحي لهم دام ان ماتيلدا عندج توكلي على الله تراها فنانه وايد وايد وايد ويووم عرس خالي بغيييتهم ايوووني ويفكووني والله تلعووزت من بين الصالووونات ومن بين اللي يسرحوون الشعر

مرحبا اقول خواتي مادونا خوووري وماتيلدا ايون بوظبي؟؟وياليت اطرشيلي ارقامهن

مشكورة يا فطيم 19 ما جصرتي ... بس ما خنرتيني وين سويتي فستانج ...؟!!

بس ما خبرتيني الغالية ....

شو الستايل اللي سوتلج اياه ما تيلدا؟؟؟

ام ماشواق حبيبتي اكيد ايون بوظبي .. بس طبيعي يغلون عليج ...

إذا بغيتي أرقامهم أنا حاضرة ...

وحياك الله الغالية ...

ماعندي فكرة أختي انشاللة تحصلين الي تبغينة .

اختي أم أميره ياليت طرشيلي ارقامهن وخبريني عنهم شوي

هلا والله اختي ام اميره سويت فستاني عند ابيتي abiti

والمحل في دبي شارع المكتوم مركز دانه بلازا

هيه مشالله ماتيلدا ماتخرب لج شعرج تحلط لج حشوه داخل التسريحه عشان تكبس فيهن المقابض السود اللي تثبت الشعر والله وايد اريح عن تنغز في فرووه الراس وانا شعري طووولي يعني طويل وايد ومشالله رفعته لي كله فوووق وسوت حركه حلوه تناسب ويهي والله لاحسيت بويع راس ولا شي صدق صدق فنانه بس ماعرف كيف اوصف التسريحه اكثر

:s2:s2:s2

ياريت اطرشولي رقمها على الخاص عرس اختي جريب و ابا اغير خاصه ان الي ايسون في بوظبي حلو ينعدن على الاصابع و مكياجهن معروف

البرنسيــــــسة .... مشكورة الغالية على المرور



أم أشواق انشاء الله الغالية بطرشلج اياه ... وإذا مناسبتج بعيدة ترى احنا عرسنا في 9 اصبري عليه وبخبرج بالنتايج ...



فطيم-19 ... مشكورة الغالية عرفته شغله حلو ومبتكر بس مب شتهم يلعوزون في المواعيد شوي ... انا بصراحة طلعوا عيني ايلين ما سلموني فستاني ... ما ادري يمكن انا صادف ويايي شي ... :o ومشكورة الغالية على الوصف ...


الخاطريه .. حياك الله

أم هلول ... لا تزيغيني يا ام هلول انا ما صدقت ارتحت شوي ... انزين ممكن توصفيلي طبيعة شعر ربيعتج ؟!!!

عزيزتي انا شفت مكياج مادونا صح حلو لكن تعطيج استايل لبناني كامل واتغير من شكلج بالاضافه الى كريم الأساس مب حلو
والشي اللي خلاني ما اسير عندها اسلوبها واتحبط الواحد

دام البنات قالو عنها اوكيه خلاص اتوكلي على الله

بالنسبه لماتيلدا تسريحاتها ما عليها كلام

اذا تبين صوالين ثانيه تقدرين تسألين عن صالون ايمان في دبي مكياج ريحانه وايد حلو شفته على صديقتي وهي بيضه وويها بيضاوي خلتها رقيقه :shy:
في صالون ثالث انا جربته شارم اسمه مكياجهم ناعم واللي اتسويه فرنسيه وقبل المكياج تشر حيلها اذا تبين خفيف لأنها تبرز اللون اللي مب مبين في القطعه يعني الكل سألني وين متمكيجه ويتحروني مسويه مكياج اسبشل بكن تسريحاتهم اذا شعرج طويل مثلي ياخذون عليج اكثر

في النهايه اتمنى تكونين استقريتي على صالون معين والله انا حاسه فيج لأني مريت بهالتجربه

جرناسه .. مشكورة الغالية على ردك .. بس ترى انا احب الستايل اللبناني بالذات ان ملامحي تساعد .... وبالنسبة للشعر انا عندي الفكرة وانا عارفه شو ابا بالضبط بس ما تيلدا تسمع للوحدة وتعرف تنفذ ؟؟!! هذا هو اللي مخوفني ... وانا ما احب اللي تحطلي مكياج تحطلي من اساس لاني ولله الحمد احب بشرتي واحب اكون طبيعيه اكثر ...