جربت طريقة امس واو ...
طبعا بعد ماخذت دش معتبر مسحت جسمي ببيبي اويل الي يجي مثل الجل ...بريحة الفندر...عرفتوه
عرفتوه
ما عرفتوه
طيب شوفوه
وبعدين غسلت جسمي بالماء فقط..وطبعا كنت محظرة المجمر والبخور الي يدوخ او العود..
لبست الروب بدون مااتنشف يعني جسمي وشعري رطب..
ودخلت الغرفة وسكرت الباب.لالا قفلته.(حتى مايطب ابو الشباب )..(wink)
وحطيت كرسي مخرم..!!!لالا مب ماكلته الفئران يعنى ..مال الخيزران او القماش مثل مال الرحلات او اي كرسي لو ماعندك يمشي حاله بس يكون صغير ...يعني لا تجيبيلي مال المكتب الدوار....:D2
المهم حطي المجمر تحت الكرسي وحطي عليه كمية لا باس بها من البخور او العود واجلسي بعد ماتفسخي الروب على الكرسي..
وهاتي الشرشف الكبير الي تتغطو فيه او البطانية احسن المهم شئ ما يطلع منه الدخان وتلحفي وماتطلعي الا خشمك وعيونك...علشان التنفس :pain: ..ولو ماتقدري تستحملي الدخان..حطي فوطه مبلولة جمبك وكل ما حسيتي بضيق حطيه على خشمك وتنفسي ...(حشى وش ذا درس عن الحرائيق)!!
المهم انتضري عشر دقائق او لحد ماتتعبي انا جلست ربع ساعة..وبعدين تلبست واستشورت شعري وحطيت من عطر المسك ورشة عطر فرنسي
صدقوني قمت امشي بالبيت كاني مبخرة وابو الشباب يركض وراي يبي يعرف وش سالفة ريحتى الحلوة.:think: ..وكل شوي يشمشم(صار شمام)خخخخ
وصدقوني بقت الريحة حتى بعد ماسبحت...
جربو وقولولي...
اه تعبت من الكتابة...يالله ابي رائيكم
:shy: