زوجي ما يمدحني يوم اتعدل؟؟؟ شو اسوي

هههههههههههههههههه الله يهداج مب لازم يقووولج انتي تعدلي مهما كان لاتهملين عمرج عشان هو مايحسسج بالتغييير بس هو بينه وبين نفسه يستانس يووم انتي تتعدلين حقه وبعدين رياييل شو عرفهم بالاي شدو والبلاشر وهالسوالف :D2
لاتحاتين

صدق والله ... هذا رايج فطيم:o

تعرفين مرات اتغصص .. أقوله يا أخي شوف قولي انتي محلوه ،او انتي متغيرة او لابسة شيء حلو، أنا الصراحة ما اعرف اسكت .
يوم أقوله هالكلام يقول الله انتي اليوم وااااايد حلوة لبسج حلو ... طبعا تعرفين المجاملات ... والريايل مايقصرون :smile:

الحال من بعضه يا أختي الله يعينا

(u)نحاول نصبر والنا الاجر ان شاء الله

عادي عادي حبيبتي كلهم جذيييييييه بس انتي لا تهملي نفسج وعلى طوووووول تعدلي :clap::clap:
والف مبرووووووك على الزواج مقدما حبيبتي:smile:

عادي حبيبتي
لاتكبرين الموضوع
الحال من بعضه :cool2:
ومثل ماقالوا الاخوات اهم شيء انتي لاتهملين نفسج

السلام عليكم ورحمة الله وبركاته

اولا احب ابارك واقول الف مبروك وان شاء الله بتكونين احلى عروس...:up:

واريد اقول اني انا بعد مالجه من سنه ونص تقريبا...وما مدحني الا كم مره...بالرغم من اني اكون في قمه الاناقه....بمكياج خفيف ..بمكياج ثقيل..والشعر كل يوم شكل... واسلوبي معاه ما في اروع منه...

قلت في نفسي ليكون في شي مش على مزاجه ..سألته شو الي يعجبك فيني ..في لبسي.في.. عطري..في شكلي..قالي كل شي حلو...

قلت خلني اسوي خطه...كنت ادري انه معزوم عندنا وما لبست مثل كل مره ..اقصد لبست جلابيه مطرزه عاديه...ولميت شعري بشباصه...وغيرت اسلوبي معاه..يعني مادلعته مثل كل مره..طبعا عادي عنده ما اتكلم...اشوي....وكررتها مره ثانيه وثالثه...وشوي قال شو الي صار ليش متغيره...فقلت له اتعدلت واتزينت وسويت الي سويته وما سمعت كلمه حلوه....فقلت ليش اتعب نفسي مدام ماشي فايده....

ضحك وقالي..والله انا احترت...قلت له انا المحتاره معاك....
المهم قال: انا يوم ما اقول ولا امدح اعرفي انج عشره على عشره....

وقال المدح والحب مش بالكلام بالافعال... كان يقصد انه يوم هو معاي يعني يحبني ومعجب بي.. يقصد بتواجده معاي...ويوم نتكلم مع بعض.... يعني يحبني ..عن طريقه كلامه معاي ...

المهم الي اريد اقوله...يا حبيبتي احنا البنات نفكر باحاسيسنا ونريد كلمه حلوه بس كلمه...بس هم يفكرون بالعقل والواقعيه.. ما اريد اقول بعيد عن الرومانسيه لا بس يترجمون الحب والاعجاب على طريقتهم وعلى طريقه كل واحد..

فانت تقدرين تعرفين متى هو راضي عن كل شي ..عن اللبس.. العطر... وغيره...تعرفين كيف شوفي نظره عيونه واسلوبه معاج وطريقه كلامه .... ولو ما فاد معاه...احسن شي انج تسألينه كل مره شو رايه فيج...ويمكن بهالطريقه اتعودينه انه يخلي باله في كل مره منج....بس هاااااااااا دايما كوني عشره على عشره

والله يوفق الجميع

مشكووورين على ردكم .
اختي الظبية وعروس قطر ....حالكم مثل حالي...الصراحة لوعة جبد
بس مثل ماقالت الاخت نانا ...
هم يعبرون عن أحاسيسهم او مشاعرهم بطريقة ثانية
أنا بجرب خطتج يا نانا ..... بس احس بعد مابيقول شيي:D2
والله عجب هالريايل (a)

الله يبارك فيييييييييييييج عسوووولة
وعقبال كل اللي ماتزوج (a)

اتوكلي على الله وجربيها...وقولي لناشو الي صار...
وان شاء الله خير...:up:

ما عليه اختي اتحملي


عشان رياييلنا اذا عجبهم شي يسكتون

واذا ما عجبهم يرمسون وما يخلون في خاطرهم شي

بعض الرجال ما يمدحون زوجاتهم ولاشي ولكن ليس السبب انه ما يشوفج حلوة او مميزة بس السبب في قلة المدح هو انه يشوف هالاشياء عادية ولازم اي زوجة راح تسويها لزوجها عشان كذا ما يمدح لانه يشوف المفروض انه الزوجة لازم تتسنع وتتكشخ حج زوجها يعني هذا شي طبيعي ( والطبيعي ما يباله مدح ):pain:

واناااااااا بعد وياااكم كل يوم اتعدل واتكشخ واهوو معطيني00طااااف


ولو شاااف وحده بالتلفزيوون فتح حلجه عليها ويازينه وياحلاتها


اما انااا يا اني اساله ها شراايك او يعطيني طاااف:down::down:

وانا بعد ريلي مايمحني إلا إذا قتله والله مب عارف شو اسوي:down:

السلام عليكم ورحمة الله وبركاته

:eek2:

خواتي السمرره والريم

والله تحريت بس انا اللي أعاني ..:confused:
لكن اشوف كلنا في الهوا سوا


ادخلوا يا عالم قولولنا شو نسوي.

اختي السمرره.. أنا ترى نفس الحالة يوم يشوف التلفزيون يفتح عيونه كأني مقصر عنه ولا البس شيء :o

أنا يوم اطلع معاه وابغي اشتري ثياب، نعل او غيره ، يقولي ليش تشترين انتي عندج وااايد اغراض ماله داعي، يعني يشوف اللي البسة بس ما يتكلم ما اعرف شو الحل معاه

ساعدوووووووووونا يا عالم

طبع ريلى ....
والله انا بعد ايام الملجه ريلى كان نفس الطبع اتعدل والا ما اتعدل ما ينطق بكلمه .... بس احس من نظراته

وكان اكثر شي يمدحني جدام اخواته وهم عاد يخبروني ؟؟؟؟

بس بعد العرس غير قام ينطق كل ما البس شي اقوله شو رايك ... حلوووو صح
يعني من هل الحركات

بس ان شاء بيتغير بعد العرس :smile:

ومبروك حبوبة

أما انا عاد فغير شكل،،، في بداية زواجي كنت وايد اتعدل واتزين حج ريلي وهو وحليله ينشاف عليه انه مستانس على شكلي ولبسي خصوصا يوم البس الجينز وهذا عن طريق نظرتاه او حتى كلامته فكان يبين لي في البداية،،،، عاد انا ردة فعلي تكون شوية محرجة،،، يعني يوم يقولي مثلا:"واااااااو" استحي واجلب ويهي واسوي عمري مب منحرجة ومناكي انا ويهي معورني،،، وحليله كان دايما يبين ها الشي إلين ما لاحظ انه ردة فعلي عادية وشويه ابين انه عادي يوم جيه يقولي،،، عاد عجبها حسيت انه هو روحه يحس انه مصخها في المدح ومناك ردة الفعل عادية من ناحيتي،،، والله شو اسوي استحي،،، صح اني اشكره وابتسم بس من الفشلة كل مرة يمدح اسوي عمري عادي،،،، عشان جيه قام يوقف وتبون الصدق الريال كم بيلس يمدح،،، عجب السالفة بتستوي ماصخة،،، خصوصا عاد نحن يوم حد يمدحنا ما نصدق وكل يوم نكشخ اكثر،،، عاد هو ما بيوبل كل مرة يمدح،،،، ويوم يمدح نسوي عمارنا عادي ما أتأثرنا وايد،،، يعني لا جيه عايبنا ولا جذاك،،، المهم،،، عيز الريال من كثر ما يمدح عشان الكشخة مب طايعة توقف :D2:D2:D2 وسبحان الله يوم وقف ما عيبني،،، :down::down: بس يوم يلست افكر فيها قلت في خاطري تراني انا اللي ما انعطى ويه،،،، صدق اني مصخيتها:D2:D2:D2،،،

اتذكر كانت وحدة عندنا في الدوام دوم تكشخ بطريقة تلفت ومختلفة عن الباقيين لدرجة انه كل اللي في الشغل ما يروم يود عينه من انه يلتفت إلها ودايما يمدحون فيها وفي لبسها،،، تقريبا يوميا،،، لين ما لاحظت في النهاية عليها انه ما قام يفرق عندها واتعودت على ها الشي وشويه قامت تشوف عمرها،،، يعني السالفة يوم تمصخ وايد تستوي جيه :down::down::down:،، حلاته يوم تفتقدين ها الشي وتتريين اليوم اللي يمدحج فيه :D2:D2:D2 هناك بتحسين بجيمة المدح وبتستانسين صدق،،،،

عشان جيه الغالية مب لازم يمدح على طول،،، يعني كفاية نظراته وخصوصا يوم بتلبسين له شي مرصص ومغري بتشوفين عينه ما تخوز عنج في كثير من الاماكن :o:o:o هناك اعرفي انه مستانس على كشختج،،،، يعني يعتمد على ذكاءك وقدرتج على قراءة افكار زوجج،،، ومثل ما قتلج يمدحج مرة في الشهر احسن من انه يمدحج كل يوم،،، لانه السالفة جيه مصخت واستوت مب حلوة،،، فهمتي عليه الغالية،،، والله كفاية النظرات بس كم تسوى يوم تلاحظينها،،،

والغالية لو شفتي انه مصخها ومول ما قام يرمس ولا يعبر نهائيا حتى لو مثلا شافج في قمة اناقتج ومختلفه وايد عن كل يوم كأنج سايرة عرس مثلا،،، حلو انج تبينين له انج مهتمة تعرفين رايه،،، يعني مثل ما انتي ياسه تسوين احينه،،،، تسألينه ،،، ها شو رايك اليوم فيني؟ او ها شو رايك في كشختي اليوم؟!!! او حتى تقولينها عادي في ويهه،،، انزين عفانا الله امدح شويه وإلا قولنا رايك،،،، يعني حسسيه انه لابد له انه يمدح مرات ومايووز دومه ساكت،،، عشان المرة الياية يراعي هاي النقطة ويقولج،،، يعتمد عليج الغالية،،، انتي ترومين تغيرينه في ها الشي،،، بس مب كل يوم تلمحين له،،، فهمتي عليه عزيزتي:D2:D2

مشكووووووووورة وايد اختي أوركيـــــــــــــــــد

شكلي بعطيه في الصميم :D2

وبستمر على هالطريقة، اذا لبست شيء يديد بسأله لين ما يتعود وبعدين هو بيتكلم إذا شافني غير ، مثل ماقالت اختي Miss Angel

يلا الله يعينا مع هالريايل :cool2:
الحياة حلوة معاهم بس في وايد اشياء ترفع الضغط وتبيض الشعر :D2

وآنه بعد

هذي الشغله فيه تبط جبدي


تصدقون قنت آنه أرز ويهي كل ما ألس وأكشخ أقوله شرايك


مستحييييييييييييييييييل يتكلم بروحه لازم أدق السلف:confused: