شورو علي شو اسوي؟؟؟

السلام عليكم و رحمة الله و بركاته

عندي شوي مشاكل متعبتني وايد ما ادري شو اسوي بها...
انا بنت جامعية ،،، توني سنة اولي ..مب هني المشاكل يايتنكم بالكلام
المشكلةالاولى
ان ااحنا بنتين في الحجرة ، انا ويا وحدة معاي
واحنا متفقين اول كل اسبوع نروح و نشتري من جمعية السكن
الاشياء المحتاجيينها(طبعا اللي للغرفة مش اغراض شخصية) يعني
شبس عصير شكولاته سندويتشات جبن صمون
الحين شو اللي صار ... اللي صار ربي يسلمكن ان الفصل الاول
كانت يلي معاي في الغرفة تروح و تشتري عادي و حنا ما قيدنا بعض ،
كل وحدة تاخذ سلة و تشتري اللي خاطرها فيه بس بعديين نحطهم مع
بعض و تميينا جذي الكورس الاول كله . و في الفصل الثاني لا حظت
انها ابدا ما تشتري شي
يعني اقوولها قومي نرووح تطلعلي الف حجة و تقوول روحي انتي الحين
و انا بعدين بروح اشتري اللي اباه ، اوكي مرة مرتين ثلاث لا البنت
صارت ابدا ما ترووح و الاغراض اللي اييبها ما يوصل يوم الاثنين
الا مخلصات مع اني مش اكييلة لهاي الدرجة ولا اني ما اشتري العكس
اشتري ب30 او 40 و احيانا50 انا كنت مستغربة لأن الاكل يخلص بنص
الاسبوع مع انها كمية كبيرة وللي زاد الطين بلة اني انزل البيت
يوم الثلاثاء( ما عندي دوام يوم الاربع) وللي معاي تبقى ليوم
الاربعا و يوم ارد يوم اليمعة ما القى شي ابدا - في حال اصلا
بقى الاكل ليوم الثلاث يوم نزلت البيت- استغربت

شي ثاني .. في مرة مرضت و يت اختي اتزورني( في السكن يلي عدالنا)
و يابت معاها كيس مترووس من كل الاشياء اللي احبها ( كاكاو
كذا نوع و الشبس اللي احبه و وواااايد اشياء) و بعدها بيومين
(الثلاثاء ) رحت البيت ، و يلست اراجع في نفسي كل شي لقييته
من بنت حجرتي فقررت خلاص ،اذا فخاطري شي اشترييه و احطه
بكبتي خلاص انا مو ملزومةاصرف عليها
يوم ردييت طلبت منها تطلع برى الحجرة شوي طلعت وانصدمت اكثر
كل شي كان موجود اختفى اللهم الا شبسين ويين راحو الباقيين
و صارت نفسالسالفة مرة ثانية يابت اختي لي شوي اغراض ،نزلت
البيت و لما ردييت ما في شي ...
حرجت قلت شو هاي ؟؟؟ بعديين اكتشفت شي انها ما تاكلهم تاخذهم
معاها البيت (هي مش محتاجة وضعها الحمدلله وايد زين) و وايد عز
فخاطري يعني اذا اختي راحت اشترتلي شوي اشياء ماله داعي
تاخذهم كلهم، فخاطرها شي تطلب مني و
تاخذه ما راح اقوول لها شي بس مب جي



هاي كانت مشكلتي الاولى ارجوووكم ابى حل ؟؟ ما اقدر اكلمها
لآني مستحية منهاو لانها ما تعطي حد فرصة و وايد تتحسس على
ولا شي و هي من طبعها انها تحب تاخذ اي شي حتى لو مب لها
و تعرف كيف توصله بس ما عندها اي استعداد تعطي حد اي شي
حتى لو كان بسيط و تافه
بلييييييييييييز الصيف بيخلص و برد لنفس المأساة حد يشور
علي؟؟؟ارجووكم استحملت الوضع كورس ما اقدر اتحمله كورس ثاني

ملاحظة ما اقدر انتقل عند اختي كلياتنا مختلفة ما ينسمح
لنا نيلس معا بعض بنفس الغرفة



اسمحووولييي طولت علييكم واااااااااايد