تكفوووووووووون ساعدوني

M

Miss Wanted

عروس متألقة

09-07-2004 | 10:27 PM

بنات ..انا اليوم محتاجتنكم اكثر من اي وقت ثاني
ارشدوني شو اسوي...

بنات خطيبي اشترط على اهلي انه مايبيني اشتغل بعد العرس نهاااااااااااااائيا!! وانا اعرف انه وااااااايد عنييييد و راسة يابس .. مع العلم انه مو صغير وايد.. وهو بس عنده ثانوية عامة..ولا درس .. كم كنت اقوله ادرس و كمل و يقول انشالله ..ولا سوى شي
وانا الحين الحمدلله تخرجت بعد دراسة دامت 5 سنوات..
تعبت و شقيت و الحمدلله يبت احسن الدراجات..
بعد هذا كله ..اقعد في البيت و لا اشتغل؟؟
انا من النوع إلي يحب الشغل الدااااائم ..و دايما ابدع و ابتكر ..
واحس انه عكس كل هذا بيقتلني ..

اهلي مو راضين عن الموضوع ..مع العلم انه زواجي قرب ..وهم يشاوروني ..عاجبج الموضوع ولا نفك الخطوبة؟؟

خبروني شو اسوي؟؟
..

a

alsa7ra

عروس جديدة

09-07-2004 | 11:13 PM

اللله يعيينج الصراحة

ما اقدر اقوللج الا حاولي و ياه و لزمي ع الموضووع . انتي بتصيرين حرمته
لازم تقدريين تقنعيينه كلمي هلج يكلموونه ..و الا الجأي للطريق الصعب
خلي هلج يشرطون علييه انج تشتغليين( انا هب معرسة بس يمكن يمشي معاه جي)
الله يعيينج

M

Miss Wanted

عروس متألقة

10-07-2004 | 12:00 AM

مشكورين خواتي على الردود ..

اختي لهيب ..
انا معاج في كل شي اتقولينه
بس حبيبتي ..انا اعرف خطيبي زين ما زين ..
اختي ..مثل ما انتي تعرفين ناس يشتغلون و متزوجين ..انا هم اعرف او تقريبا معظم عائلتنا جذي ..مافي وحدة قاعدة في البيت ..وماشالله كل وحدة ربي رزقها بعيال و تشتغل و مستانسة ..
يعني يعتمد
بعدين حبيبتي .. انا اعرف ليش بالضبط هو ما يباني اشتغل
هو انسان شكاك لدرجة فضيعة ..و غيور لدرجة انه طبيعي يقتل احد من الغيرة .. و معضم حوارتنا كانت لانه يغار.. بصراحة ما يبيني اعيش حياة طبيعيه مثل الناس ..كل شي ممنوع و يشك في كل صغيرة و كبيرة ..
باجر شو بيسوي فيني ؟؟
صدقيني لو كان متفهم ..و بيخليني اشتغل ..انا بقوله يولي الشغل وإلي يابه .. بقعد معاك طول الوقت
بس واحد مثله ما يستاهل ..

مشكورين خواتي مرة ثانية .. بس بعدني محتارة كثير..اريد اسمع اراء اكثر عشان اقدر اقرر

م

مذهلة البحرين

عروس فضية

10-07-2004 | 09:32 AM

والله إذا بيصرف عليك وبوفر كل احتياجاتك واللزي منه

الا قعدي في البيت وقعدي وقعدي والله الراحه حلوه ياناس :smile:

لكن اذا راتبه مش ولابد :pain:لا تتسرعين بالقرار والرجال وايدين

م

مرموم

نائبة المشرفة العامة

10-07-2004 | 01:22 PM

السلام عليكم ورحمة الله وبركاته

هذا شيء أختي ما يقدر يحدده إلا إنتي...

إنتي اللي جلستي معاه و تعرفي مميزاته و عيوبه...

حاولي ترسمي صورة لحياتك معاه بعدين...هل راح تتحملي فعلا...واللا راح تبدأ المشاكل من أول يوم ؟

هل تتحملي تظلي جالسة في البيت عادي ؟ أو كل شوية راح تقوم بينكم خناقة بسبب هذا الموضوع ؟

هل راح تتحملي غيرته و شكه طول الوقت ؟

هل مميزاته تطغى على عيوبه ؟

استخيري أكثر من مرة أختي...و الله يوفقك يا رب...

M

Miss Wanted

عروس متألقة

10-07-2004 | 02:18 PM

مشكور حبيبتي مذهلة البحرين على مرورج
مجرد كتابتج لرد فرحتني..الله لا يحرمني منكم ..

M

Miss Wanted

عروس متألقة

10-07-2004 | 02:21 PM

مشكورة اختي مرموم على كلامج إلي صج وعاني على اشياء كثيرة...
من رأيك اني اصارحه هو بالموضوع و اقوله اني متضايقة منك في اشياء ..و اشوف لو بيتقبل ولا لا?

م

مرموم

نائبة المشرفة العامة

11-07-2004 | 07:58 PM

السلام عليكم ورحمة الله وبركاته

طبعا أختي...الصراحة جدا مهمة في علاقتكم مع بعض...

بدل ما تصيري إنتي تفكري في وادي...و هو في وادي...و ما تلتقون...

و شروط الصراحة الهدوء و اللباقة و الحزم و اختيار الوقت المناسب لها....

بالتوفيق إن شاء الله...و طمنينا عليكي...:smile:

ك

كراميله....

عروس مشاركة

11-07-2004 | 08:26 PM

يبين عليج ماتحبينه اذا عندج مايستاهل تخلين الشغل وانا اؤيدج في كل شي والشغل مهم بس جوفي انتي على مدى الحياه الطويله من عندج اهم:shy: