>>>>ألى كل من ترا نفسها عانس<<<<

اول شي قبل ما ابدا كلامي لي طلبين اول شي ودي ونفسي ومنى عيني انه ما يكون في الموقع ولا رجال لان الصراحه نبي ناخذ راحتنا في الحكي ومو لازم افكارنا الداخليه يتطلعون عليها المفروض الوحده ما تسجل للموقع إلا وهي راسله جواز سفرها علشان تاكيد انها بنت :D2


وثاني شي والاهم بالله يا بنات كل وحده تشوف نفسها راح عليها الوقت او خايفه من العنوسه ترسل لي دولار على حسابي الخاص مدري ليه احس اني بكون بليونيره (تلاحظون اني خاشه على طمع ):up:

ترا كل كلامي مزح الي في البدايه بس اذا تبون الجد شوفو انا تزوجت وكان عمري 25 وتبون الصراحه خذت واحد مافيه شي عاجبني ولا مقتنعه فيه هو صحيح مافيه عيب بس انا ماكنت مقتنعه فيه يعني بالعربي عجزت لاحبه ومع هذا اخذته كله علشان ما يقلون علي اني عنست او كبرت وهي ما تزوجت ..وفي الاخير ما كملنا 5 شهور إلا وانا مطلقه

وانا الي طلبت الطلاق لاني ماقدرت اتحمل عشت بجحيم لانه ماطلع رجال ابد واحساسي في محله والحمدالله طلعت وانا بكر يعني لسى بنت لانه ماكان قادر على الامور الزوجيه ....والحين انا مطلقه
انا قلت سالفتي علشان بس يابنات والله ما ابيكم تتهورون علشان بس فاتكم الوقت ..صحيح انا ما يئست والى الان اتمنى اني اتزوج واحب زوجي واعيش حياه طبيعيه بس اذا ؟؟ وأذا ماجاء النصيب ش نسوي نيئس؟؟ لا طبعا بالعكس عيشي حياه طبيعيه لانه مو غلط ولا عيب الي احنا نمر فيه كل هذا شي مكتوب من قبل ما ننولد يعني مو شي صار من لحظه هاذا القدر وجفت الاقلام والي بيصير بيكون ربي كاتبه صحيح الوحده تألم لكن الي أألم منها أنك تفكرين في الوحده نفسها .. لا حبيتي عيشي حياتك واضحكي واطلعي وافرحي ..الحمدالله اننا انحرمنا من هاذي النعمه ولم ننحرم من نعمه الاسلام او نعمه اي عضو من اعضائنا وبكامل عقلنا هاه وش ملحنا مو ناقصنا شي ...غيرنا يتمنون الي احنا فيه وبالعكس يمكنها خيره من ربي علشان ما تزيد ذنوبنا وسيئاتنا في معصيه الزوج او لما يزعل علينا ولا تقلون انكم تبون ترضو ازواجكم طول حياتكم هذا مستحيل أدري كلامي كثير بس هذا الي انا دائما افكر فيه اذا فكرت في الزواج والحمدالله شي احسن من شي ....وفي الاخير ما اقول إلا الله يرزقنا كلنا بالزواج الي يعوضنا هذا كله ..وبنات الي تلاقي رجال ترسل لنا اخوياه والا اخوانه يعني تشتغل خطابه لنا وتسوي خير وسلامتكم ووسعو صدوركم الدنيا فانيه اهم شي الاخره وفي الاخره اكيد انشا ءالله متزوجين وشباب حلووين بعد :up:

انسي انه مضى عمرك وما تزوجتي وكوني متفائله بالضحك وترا ابد مو ناقصك شي وفي اخر الليل اقعد ي مع نفسك امام الله واشكي همك وقدام الناس خليك واثقه من نفسك انه ربي ميزك عن غيرك باشياء كثيره واولها تاخير زواجك لانها خيره من عنده وحطي في بالك انك يوم من الايام راح تتزوجين واسئلي نفسك دائما لو تتخيرين بين زواج الدنيا ام زواج في الجنه وشوفي وش الي من جد تبينه راح ترتاحين لانك لو تمسكتي في زواج الدنيا كم بتقعدين اكثر شي 70 سنه او 80 بالكثير والعلم عند الله وفي الاخير ايش؟؟ كله منتهي ولكن شوفي الجنه انشا ء الله بتكونين معمره فيها يعني لو ماجاء النصيب في الدنيا احسن بعد لاني ربي كاتبها في الجنه انشا ءالله :up:



وفي اخر كلامي هذا انا عشت وانتظرت على امل وتزوجت وعشت حياه كلها مر وتطلقت واصبحت مطلقه عذراء لكن ما اقول إلا الحمدالله والله يعوض صبري بالافضل والاخير ينسيني ايامي الي عشتها اسم زوجه فقط لكن والله يا بنات اني ما حسيت في هلشي ما عيشني زوجه ولاعشت حياه زوجيه واخر شي اكون مطلقه لكن الحمدالله على كل حال :o