مطبخ خشب ولا ألمنيوم ....محتاااااااارة!!!

صحيح اختي مطابخ الخشب احلى و ارقى و اتمنى من بنات الشرقيه يساعدونك و منزل مبارك انشاء الله

الغالية انا كنت مثلج محتارة بين الخشب والالمونيوم،،، لانه الخشب وايد احلى وارقي وفي نفس الوقت يقولون الالمونيوم عملي اكثر من ناحية التنظيف،،، بس الصراحة يوم شفت الالمونيوم ما اقتنعت امولية ،،، ما ادري يمكن النوعية اللي شفتيها احلى عشان جيه قررت اصمم خشب وطلع روعة وعلى فكرة جدا نظيف وما له علاقة بالصعوبة في التنظيف من ناحية الحشرات والزيوت وغيره،،،، والحمدلله من حطيته وانا مرتاحه زيادة على شكله الرائع وكل من يدش مطبخي الحمدلله يمدحه لانه خشبي ولونه خشبي طبيعي،،،، غير عن الالمونيوم اللي تيج الوانه عصرية من الرمادي والازرق والاحمر ،،، الصراحة ابدا ما اشوف الوانه حلوه وهذا يعتمد على الذوق،،،، عموما الخشب إذا بتحطينه خذيه من نوع الام دي اف وهاي النوعية مضادة للماء والزيوت وغيره وخاصه بالمطبخ وانتي بكرامة الحمامات ونوعية الخشب تكون قوية وصلبة،،، فأنصحج بالخشب احسن لو انه اشوي اغلى بس يستاهل،،، وإذا انتي مب ناوية تسكنين فترة طويلة في الشقة عيل سوي شي رخيص ومعقول من الالمونيوم على حسب رغبتج ولو تشاورين زوجج بيكون جدا افضل لانه اكيد عنده راي في الموضوع ويمكن يكون مقنع،،،،

انا اختي سالفتها نفس سالفتج،،، يوم شافت مطبخي قالت خشب بس شافت السعر شوي عالي فلجأت للامونيوم لو انه ما عيبها بس قالت لانها ناوية نتنتقل بعد فترة وخسارة في الخشب،،،، انتي فكري وشوفي شو الانسب لج وكان ودي اساعدج في المطابخ بس انتي في السعودية وبعيده عني للاسف :sad: :sad: :sad: ،،،، ان شاء الله البنات ما بيقصرون وياج وحياج الله الغالية

اذا كان السعر مقارب وايد والمطبخ مفتوح على الصالة انصحج بالخشب
يكون احلى وارقى
اذا انقلغت الابواب عن الخشب عندج ألمنيوم على لون الخشب ولا يمكن تميزه بسرعه

:up: حطي فطبخ من الستيل مثل الفنادق وسعره فيه ولا تشوفين اثر للحشرات ويدوم عمر طويل عن تجربه

مادري اختي انا بهاالاشياء بس اول ماسكنا بيتنا الجديد امي شرت مطبخ خشبي كشخة وبصراحة كان سعره غااااااالي جدا ومن مطابخ مشهوورة جدا وشكله روووعة :cool2::cool2:

بس ياحسرة مرت سنة وشوي يمكن ولونه طفا تقريبا لا وبعد تشربت المويه فيه :down::down: يعني صار لازم نغيره :down:

عالعمووم هذي مجرد تجربة ...

ومبروووك على بيتك الجديد .. ون شالله الاخوات اللي يعرفون مايقصرون وياك:smile::smile:

اصايل
تسلمي حبيبتي على مرورك والله يبارك فيك
انا اصلا مو مقتنعة بلألمنيوم ومثل ما قلتي ان الخشب أرقى واحلى




ايمــــــــــــــــــا

أوركيـــــــــد
شكرا على تفاعلك معي عزيزتي ...واعتقد اني شفت في المحلات النوعية اللي تقصدينها الأم دي اف وهي نوعية بين الخشب والبلاستيك القوي ومميزاتها أحسن من الخشب وهي افتكر اللي عجبتني
وفعلا الوان الألمنيوم ما هي حلوة خصوصا ان مطبخي مفتوح واحتاج شي حلو وبعد ما يكون مرة مكلف لأن شقتنا ايجار:pain:




ايمــــــــــــــــــا

المميز
شكرا اخي على مرورك وابداء رأيك وهو في الواقع ان السعر جدا مقارب
مطبخ الألمونيوم أقل تقريبا بـ 2000ريال فقط



ايمـــــــــــــــــــــــــا

الأفضل انك تسوين الالمنيوم

لاني شفت وحده من صديقاتي مطبخها خشب

وفيه بقع زيت ويتشرب الماي

فيه المنيوم الوانه خشبيه حلووه مره

تجي تقريبا مثل الخشب

اما اذا كنتي بتحطين خشب فنصيحه لاتحطين مع الدولايب مغسله

لان بعدين راح تندمين

يعني من الافضل انك تفصلين المغسله عن الدولايب

ارقى المحلات اللي تسوي المطابخ هو الرشيد

وفيه بعد خزعل مطابخه مره حلوووووه

وفيه المطابخ المريكيه بس مره غالي

اهلين


في مطابخ المنيوم مغطاة بالخشب فيها جما الخشب وميزة الالمنيوم

هلا اختي
ترى انا من الشرقيه
ومخطوبه
وقريب بتزوج وشقتي ايجار يعني مثل وضعك تقريبا
عموما انا كمان الكل قال لي حرام تحطي مطبخ خشب
الالمنويم ارخص وافضل للشقه الايجار
لكن انا من النوع الا مااسوي شي مو مقتنعه فيه
وثاني شي قلت لنفسي على الاقل احط مبلغ كبير في شي انا مقتنعه فيه وعاجبني ومريحني ويحسسني بثقه بنفسي وببيتي ولا احط مبلغ مابيقل كثير عن الاول بشي مايسوى على الاقل من وجه نظري

المهم رحنا لفينا محلات المطابخ الخشب طبعا اسعارهم نااااااااااااااااار:eek2::eek2::eek2::eek2:
وخطيبي ماكان مصدق مع ان الحين معظهم اسعارهم بالقطعه مو بالمثر وانتوا عارفين بالمحلات المطابخ الا يحطونها متر بمتر:D2:D2:D2

ومع هذا كانت اسعارهم 60 و50 و40 الف
اقل واحد واقبح واحد شفته 42 الف
المهم
رحنا المحسن الا بسيهات جنب مدارس التهذيب الا على شارع الدمام

وجلسنا مع اللبناني واسمه ميران:smile:

وبصراحه اسلوبه كذا:up:

قبل اي شي حددنا له سعر الا نبيه وقلنا له مانبيه يتجاوز هالمبلغ
وراح معانا الشقه وشاف المساحه وصمم لنا احنا اخترنا اللون والنوع وعدد الادراج ولارفف وحتى محل الميكروويف والثلاجه والفرن هو الا اختاره لنا
يعني بصراحه ريحنا كثيييييييييير من الى
بس باقي يستوي المطبخ بعد اربعه شهور:confused::confused::confused:

وان شاء الله يطلع مثل م اوراني اياه بالكمبيوتر
رووووووووووووووعه
والأهم من هذا كله ان اي وقت بنغير الشقه هم يتكفلوا بنقله ومسؤلين عن اي شي يتلف فيه
وبعدلوع على حسب المساحه الجديده ونقدر نغير لونه باي وقت والى اي لون ونقدر نضيف ونحذف

وترى المحل مطبخه مستورده فرنسيه وهذا موقعهم
www.mobalpa.com
هذي تتجربتي ونصيحتي بنفس الوقت
ومبروك مقدما
واتنمى تعزمينا بزواجك:clap::clap::clap:

الا على فكره وين ناويه تسويه؟؟

عزيزتي ايما

طبعا ماراح اقدر ازيد على اللي قالوا لك الأخوات

الخشب من وجهة نظري احسن بس لا تنسين ان له عيوبه ونفس الشي بالنسبة للالمنيوم ومثل ما قلتي في انواع كثيرة سعرها مثل سعر المطابخ الخشب

انا متزوجة من 7 شهور ومطبخي خشب بس سعره غالي رحت مكان في الدمام اسمه طنة وكانت مطابخه رخيصة يعني في 18 وفيه اقل وفيه اكثر بس التصاميم قديمة جدا وفيه في نفس الشارع مكان اسمه القصر الأبيض يمكن او بس الأبيض نفس الشي مطابخه رخيصة بالنسبة لأمكان كثيرة وتصاميمه احلى من طنة بس هم قديمة اما رحت محل اسمه سنيدرو في البحرين وله فروع في الشرقية بعد تخيلي ان جدار واحد يعني كم وحدة دواليب اقل سعر عطانا اياه كان 60 الف !! وانا كان ودي في مطبخ حلو خاصة ان مطبخي مفتوح على الصالة مثلك بالضبط

في محلات المنيوم كثيرة تسوي مطابخ مثل الخشب انا قبل زواجي زرت عروس ومطبخها المنيوم ما صدقت انه مو خشب الا لمن تأكدت بنفسي بس انا عن نفسي كنت مقررة المطبخ الخشب من قبل خاصة ان بيتي ملكي يعني مو ايجار

في كلتا الحالتين سواء قررتي الخشب او الالمنيوم اختاري تصميم يكون قابل للفك والتركيب في اي مكان حتى ما تخسري المطبخ لو قررتي تغيري مكان سكنك

تحياتي لك

اول شي مبرووووووووووووووووووووووك على الزواج وعلى البيت الجديد



انا فعلا انصحج بالاستيل لانه افضل من الاثنين وبعدين يجي الالمونيوم وبالاخير الخشب من ناحية التنظيف والعمر


ا:shy: