استخدمت كل الوسائل إلي بالعالم ....!!!

مشكلتج يالغاليه انج وايد عطيتيها وجه زياده عن اللزوم و معاملتج لها خلتها تشوف حالها عليج فأرجوك اتركيها هالكم يوم و خليها هي تتصل و اذا كلمتك بطرف خشمها و بأستخفاف قولي لها مشكوره على الاتصال و انا الحين مو فاضيه اذا فضيت بدق عليج و بعد ودريها علشان تحس و هي بترد تكلمج اتمنى انج ما ترمين نفسج عليها وايد لان بعض الناس اذا حبيتيهم و عطيتيهم كل شي يشوفون حالهم بس هاللنوع ما يبيله غير الحقران لين يحسون و يتأدبون و عيشي حياتج طبيعيه ولا تهتمين فيها و اذا ما اتصلت هذي مو معناته انها ما حست بغيابج و الا ما همها غيابج بالعكس هي حاسه بس عندها غرور في نفسها يمنعها من الاتصال بس مره و مرتين و بتحس و غيري معاملتج معاها و هي بتحس و اذا سألتج عن سبب تغيرج قولي لها كل اللي بقلبج و فهميها سبب التغير شنو لا تسكتين لان هذي بيخليج تتضايقين و تتعبين حالج و هي ولا تدري عنج اتمنى اكون افدتج

في مقولة تقول: ان الواحد ما يقدر يختار والديه لكن يقدر يختار اصدقاءه

فانت يالغالية مادامها تعاملج بهالطريقة فشاللي يجبرج على صداقتها.. الدنيا مليانة بنات زينات وطيبات.. لكن يباله تدوير عدل.. دوري صديقة تكون مثلج في الصفات والأخلاق.. عشان ترتاحين أكثر..

والله يوفقج

السلام عليكم

شايفه نفسها على شنو ؟؟؟؟؟؟؟؟

انتي اكيد مو ناقصه عنها شي انتي اللي شوفي نفسج عليها وخليها هذي حرام تضيعين وقتج معاها لانها ماتستاااااهل وهذا الشي واضح من تصرفاتها

وعلى قولة s2s2s البنات واجد واذا مالقيتي واحده ترافجينها مو لازم يا اما انج تحافظين على كرامتج يا اما مو لازم صديقات عندج اهلج وخواتج خليكي معاهم على قلب واحد لان بهالدنيا صعب في صداقات واسأليني انا..

ولا تتضايقين وحتى اذا دقت زعلانه بطيها بوجهها قولي لها انه تصرفاتها مو عاجبتج وانها مو محترمه نفسها او وقفيها عند حدها..اذا تعدلت زين على زين واذا ماتعدلت خليها ولا تذلين نفسج وانتي مو مجبوره ونصيحه لوجه الله لا تخلينها تسيطر عليج لان انا عارفه هالنوع من البنات :down:

~اصايل~


تسلمين يا الغاليه عالنصيحه الحلوة .. وانشالله بجرب إلي قلتيته .. والله يهديها يا رب ...

s2s2s


مشكورة يا الغاليه عالرد والنصيحه الحلوه .. وابصراحه انا اعتبر بنات المنتدى أروع صديقاااااااات ...:shy:

بلاتي




ابصراحه كلامج ريحني .. مثل كلام خواتي الباقيات .. وتسلمين حبوبه عالنصيحه الحلوه .. وما قصرتي .. :shy:

السلام عليكم ورحمة الله وبركاته

أنا أشوف رئيي من رئي الأخت أصايل عين العقل

ولك مني كل التقدير والأحترام




مملكــة القلوب

الغالية أنا رأيي من رأي بنات المنتدى و أنا كانت لي ربيعه مثلها و قلعتها لأن اللي خلقها خلق غيرها و لا تضايقين عمرج

مملكة القلوب




تسلمين يا الغاليه .. ومشكورة على مرورج الطيب ... وانشالله باخذ بنصايح بنات المنتدى :shy:

دم الوريد


تسلمين حبيبتي .. :D2 وصدقتي والله إلي خلقها خلق مليون غيرها ...:cool2: ومشكور الغاليه عالتواصل :shy:

السلام عليكم ورحمة الله وبركاته

أشكر العضوات الرائعات على نصائحهن المفيدة....

و لا أزيد عليهن....

هلا

اختي الواضح ان شخصيتك ضعيفة وايد وصديقتك مغروره وايد وشايفه حالها وراعية مصلحة.:cool2:

على العموم انتى ما تقدرين تغيرين الناس بس تقدرين تغيرين من نفسك .
أعيدي حساباتك .. يجب ان تكون لك شخصية بحيث الكل يحترمك ويعمل لك حساب ولازم تفرقي بين الصداقه والمذله

الشره عليج معطتهاااويه زياادة عن اللزوم...!!:down:

خل شخصيتج قويه هي اغلطت هي تعتذر ولا تجرين وراها ولا تصالحيها الظاهر انتي عودتيها على هالشي...!!


وبيني وبينج ربع من هاللون مالهم داعي اصلاً:s2


كفاية تقللين من قيمتج وتسامحينها وتردين ادورين وتسألين عنها...!!

الله يكون في عونج ...

انت خليج بعيده عنها وحده ماتقدرج افهميها ان هي ما تحترمج بالمره .

مثل : مثل يقول حكم القوي على الضعيف ..

يعني انتي وحده ضعيفه جدامها .. خلي شخصيتج قويه جدامها ولو قلبج رقيقه ماتحبين اتزعلين حد .

(u)

مرموم


تسلمين الغالية على مرورج الطيب ... والله يجزاج ألف خييييييير ..:smile:

مذهلة البحرين


تسلمين الغاليه وابصراحه انا احترم رايج ... بالعكس مب سالفة إني ضيعفة >> لكن على قولة اربيعتي الثانيه طيبه زياده عن اللزوم .. انا عندي صديقات وايدات ولي شخصية جدامهم ولي مكانة والكل يحترمني .. لكن مثل ما قلت لج حتى وانا افرض شخصيتي في ناس ما تحترمج يعني ما اتحس ..!!! ماخذه الدنيا على اساس إنه مافي حد احسن عنهااااا :down: وانشالله فهمتي عليه :shy:

دلوعة حمد


مشكورة الغالية عالتواصل الحلو .. وابصراحه صدقتي في إني اعطيها ويهه وايد ...:D2

Dubai 2




مشكورة الغاليه عالمرور الطيب .. وابصراحه مثل ما قلت لج قبل .. حتى وانا صدق ارمسها بجد او ساعات اتحس إني امحجه وامعصبه من رمستها .. والله ولا عالباااااااااااااااااااال .. ولا تهتم ..السالفة مب سالفة شخصية .. السالفه انه ماشي احترام بالمره ...:down:

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

اختي في الله ...عهد...

يمكن بحكم تجربتي المره ...اقولج الافضل انج تعيشين حياتج من غيرها لانه معدنها مش من اصل معدنج ..

غاليتي ..انا كانت لي صديقة وكملت معاها (15 سنه) يعني عشرة عمر وانا الحينه عمري 23 سنه ...من كنا صغار ..درسنا مع بعض في المدرسه ودخلنا الجامعه وهي سارت الكلية مع بعض ..كنت ادرسها كل المواد لانه الحمدلله مستواي الدراسي كان احسن ..

عشنا ايام المراهقه مع بعض ..انا عرضت سمعتي خلال هالفتره للضياع علشانها ...اهلها كبيرهم وصغيرهم يعرفني وهي نفس الشي ..كنت افضلها على خواتي ..مع انه خواتي كانوا بحاجه لي بحكم اني اكبرهم ...امي ما كنت ايلس معاها كثر ما كنت اطلع واقعد مع صديقتي هذي ...

المهم انا انعقد قراني ...وخلال فترة الملجه صارت مشاكل بيني وبين خطيبي ..ووصلت للطلاق ..وكنت دايما اشاورها واكلمها عن الموضوع واخذ برايها ...وهي كانت مخطوبه ولكن بعدها الملجه ..

المهم في يوم اتصلت فيني وانا كنت قايمه من النوم ..رديت عليها من الضيق اليفيني من غير نفس وهي كانت متضايقه من موضوع تبغي تقوله لي ..

انا ما كلمتها وقلت لها بعدين بكلمج ..وراح عن بالي اتصل فيها لين اليوم الثاني ...نفسيتي كانت تعبانه (رايحه المحكمه 3 مرات ) كنت افكر في كل اهلي ...وهي كانت تفكر في نفسها ...

ابتعدت عني ..حاولت اعرف السبب ما عرفته !! اسبوعين وانا اتصل فيها وهي تقول مشغوله بعدين اكلمج ...طنشتها ..وقلت البنت ما تبيني اكلمها ملت مني ومن مشاكلي ..كنت اطلع لها الاعذار ...

لصطلحت الامور بيني وبين زوجي ..والله كتب وصار موعد العرس ,,,وكلما اكلمها تختلق عذر بعد اتصالي بخمس دقايق انها مشغوله وتتكلم من غير نفس ...

المهم عقدت قرانها وانا اخر من يعلم ....سألتها بعد شهرين من هالموضوع !! قالت لي انا كرهتج لانج ذاك اليوم نسيتيني وما اتصلتي فيني وانا كنت متضايقه ابغي احد يسمعني ....

الموضوع اثرفيني لدرجة اني فقدت الثقه في كل بنيه تحاول انها تصادقني ..وانا الحمدلله انسانه اجتماعيه ..وطيبتي زايده ...

في كل صلاه كنت اتجه بالدعاء لربي انه الله يرزقني اخت في الدنيا ..تفهمني وتكون ذات دين وخلق ...

وبعد سنتين الله رزقني بانسانه ...متدينه وصديقه دين ودنيا ..والله يجمعني بها في الفردوس الاعلى...وبصراحه خلال هالسنتين اكتشفت بين صديقاتي الباقيات منو الي فعلا يعزني ويسأل عني وانا كنت عاميه عيني عنهم ...حسيت بمعنى السوالف مع امي وخواتي الصغار ...عرفت اني كنت مهتمه فيها وبس ..وناسيه اهلي وناسي الي ما ينسوني ...

اختي خلي اتكالج على الله ودوري الي تحترمج وتحترم صداقتج ...انا حاسه بمشاعرج ...علشان جييه كتبت لج التجربه الي مريت فيها ...

خلج حذره وفعلا الي قالوا انه الي خلقها خلق الف وحده احسن عنها ...وبترجع تسال عنج بس للاسف بعد الجرح ما ينفع الدوا ....

الله يوفقك للي فيه الخير اختي