صديقتي ... وزوجي ....

السلام عليكم ورحمه الله وبركاته ..


اما بعد ..

اود ان اطرح لكم معااانات صديقتي..

وراجيه من الله ثم منكم الحل لمشكلتهااا ..

ومش عارفه كيف اقولكم السالفه لاكن راح اقولهاعلي شكل قصه ..


علي سبيل المثال ...


صديقتي اسمهااا حمده ..

زوج صدقتي اسمه احمد ..

صديقه صديقتي اسمهااا حصه ...

الصديقه الثالثه اسمهااا عايشه ..


لي صديقه الي اسمهااا حمده لها ولدان وزوج صالح الي هو احمد ولله الحمد ومر علي زواجهم فتره مايقارب ست او سبع سنوات وهم في احسن حال كانت حمده تعطي احمد البطاقه مال البنك وكانت الثقه بينهم موجوده وكان احمد يعطي حمده مصروفهااا بسس والباقي ماتعرف وين يروح وفي يوم من الايام تعرفت حمده علي صديقتها حصه في العمل وكانتااا يقولن لبعض اسرارهم وكانت حمده ماتخش شي عن حصه حتي اسرارهم الزوجيه واسرار البيت


اتطورت السالفه لدرجه حصه كانت تطلع مع حمده واحمد وتتمشي معاهم او يوصلونها للبيت ..

ولاحظه حمده انه حصه بدت تتغير !!


كانت حصه متنقبه ومحتشمه ولما كانت تطلع مع حمده واحمد كانت ترمي النقاااب وشوي اشوي طلعت قصتهاا (( غرتها )) وشوي اشوي كانت من اتروح معاهم تجلس ورا احمد وكانو يطلعون ويسهرون بري وحصه معها ويرجعون بوقت متاخر من الليل ولا كان احد بسئل عن حصه ...


المهم تسرب الشك بقلب حمده وحست بعلاقه بين حصه واحمد كان احمد مايسهر براى وكان يرجع ويتعشي بالبيت ولكن فجئه اتغير ومايرجع غير اخر الليل او انه يجلس بالسياره لحاله فتشت موبايله وحصلت ارقم حصه ولا واجهت زوجهااا وبعد فترت شافت فواتير تليفوناته وحصلت رقم صديقاتهاااا وكانو يكلمون بعض باخر الليل وهنا واجهته وواجهت حصه وكان رده النكرااان ولاكن كان رد حصه التحدي وقالت لهااا انهم يحبون بعض وراح يتزوجون
ووهنا جن جنونهاااا حمده كيف صديقتها اتخونهااا ؟؟ كيف هانت عليها العشره ؟؟ وكيف ؟ وكيف ؟


كانت حصه اتقول لااحمد كل الي يصير وكل الي اتسويه حمده بالعمل وبدا احمد يشك بحمده ولا يثقل فيهااا

مع الايام تزداد المشاااكل بينهم لدرجه ادخلت ام حمده واختهاا ولكن احمد طردهم من البيت وحمده ماقدرت اتسوي شي

وكانت عندهم صديقه ثالثه اسمهااا عائشه كانت حمده اتقول لعائشه كل الي يصير وكانت عائشه اتصبر حمده وتوجهها بس حمده من النوع الي مايحب المشاكل وكانت خايفه علي بيتهااا وعيالها وزوجهااا ولا كانت تبي تخسر زوجهااا

لكن حصهمن النوع المتمرد ولا تخاف من احد وكانت اتهدد حمده انها راح اتقول لزوجها كل الي كان يصير


واحمد ان يصدج حصه ويكذب حمده بكل شي

واخر التطورات انه احمد اتشاتم مع حمده ووشال ثياابه وطلع من البيت وبنفس الوقت اتصلت حصه لعائشه وقالت لها انهااا راح اتافر ..


والله العالم وين رايح احمد ؟؟



وياريت يااخوات انكم اتشوفون حل لمشكلت صديقتي باسرع وقت ..