فكرة التوفير

:clap::clap::clap:

:clap::clap::clap:


الموضوع جدا رائع يا ميره صغيره

تسلمين حبيبتي:up:

بالفعل هذا الموضوع يشغل البال

انا بتكلم عن تجربتي الشخصية في التوفير لطفلي القادم

بالنسبة لأغراضه للولادة وضعت قائمة بالأغراض اللي راح اشتريها علشان ما تكون العملية ملخبطة
واتفقت انا وزوجي ان نقوم شهريا بشراء جزء من هذه الاغراض لغاية موعد الولادة
والحمد لله استطعت اني اشتري جميع الاغراض الأساسية مثل السرير السلة والسرير الخشبي والمستلزمات الأخرى ولم يتبقى إلا القليل
بالنسبة لمقعد السيارة وبقية الأغرضا فلن اشتريها الآن لأنه من المحتمل ان احصل على هدايا بمناسبة المولود تتضمن هذه الأغراض

اما للتوفير فإتفقنا انا وزوجي ان نودع مبلغ من المال شهريا ولو يسير في حساب الطفل واي مبلغ احصل عليه من اجله سواء عند الولادة او العيادي فإني اجعله في حسابه ليكون له عون وسند على مر السنين
وايضا الجمعيات الأهلية ممكن اني اشارك بجمعية بمبلغ بسيط والمبلغ الذي احصل عليه اودعه بحسابه
وهكذا ممكن اكون قد وفرت على نفسي وعلى زوجي عناء التفكير في دراست مستقبلا

قد تقولون لانه الطفل الوحيد ولكني مقررة اني اتبع نفس الأسلوب مع بقية الأطفال ان رزقني الله بهم مستقبلا


وتسلمي على الموضوع الشيق

فوانيس

مرحبا بج ولاكن اريد تعليق للموضوع :eek2:

شهد78

ياهلا ومرحبا

اتبعت ويا اولادي نفس اسلوبك والحمد للة قدرت اوفر لهم مبلغ محترم

ولما كان زوجي يعطيني مصروفهم الشهري (علاوة الابناء) اصرف شي

وشي اوفرة

والحين بما اني افكر بالحمل بديت اوفر لي وللبيبي افضل اتعالج

بمستشفى خاص في بداية الحمل

:clap::clap: عن جد موضوع يستحق التطبيق مشكورة على الموضوع الرائع :clap::clap:

مشكورة الغاليه على الموضوع

أنا عن نفسي ما أعرف أخطط للتوفير بس لما كنت حامل كل شهر اشتري شويه أغراض ، وكنت وما زلت أستغل فترة التنزيلات للمشتريات الكثيرررررة ، أما إذا أبغي أشتري شوية أغراض أحاول ما أختار الغالي علشان أوفر على زوجي لأني ما اشتغل وأعتمد على راتب زوجي :smile:

موظوع اكثررررر من رائع لكن مع الاسف فشلت العمليه معااااااي لكثرره اولادي الله يحفظهم ويخليهم لي

ثانياااا لان المصروف الحمدلله كويس يعني اقدرر اشتررري اللي ابيه بس مو ماركات واشياء غاليه ولا اشياء رخيصه لا كل شي بالمعقول يعني وسط بكل شي

ثالثاااالاني مبذره اشوي ومقدرر احرم نفسي من شي الله مقدرني عليه
لاتتخيلون من كلامي اني موظفه او غنيه او زوجي غنييي لا انا ربه منزل وزوجي دخله عادي جدااا لكني قنوعه وامد رجولي علي قد لحافي

ورزقك الاولاد الله سبحانه هو اللي يجيبه ويتكفل فيه

اختي موضوعج جدا متميز والصراحة يا في وقته لاني حاليا احضر لشراء اغراض البيبي الله يرزقني اياه بالسلامة،،،،

امس سرت القي نظرة بس على المحلات عشان اشوف الفرق في الاسعار زيادة انه تكون عندي خيارات افضل لشراء المستلزمات مثل السرير والطاولة الخاصة بالتغيير والتبديل والباقي اكيد،،،، ومع اني في الشهر السابع بس بعد حسيت انه بعده وقت على المشترى،،، وكل ما كنت ابغي اشتري شي وخصوصا الاشياء الصلبة والكبيرة من سرير صغير وكبير خشبي وعربة ومقعد للسيارة اقول في خاطري اكيد بييني على هيئة هدية فليش اخسر عمري واستعيل وفي نفس الوقت تتراكم عليه هاي المستلزمات واتوهق عجب وين احطها في البيت خصوصا انه ما عندي مكان،،،،،

لا تقولون هاي زطية وتتريا الهدايا لانه بالفعل من ما تربي وحدة من الخوات او الاهل او الصديقات اول شي يطرى على بالي اشتري سرير صغير او مقعد او عربة،،، ما ادري ليش لانه احس فيها هدية معتبرة ومب رخيصة وما اتشجع اشتري ملابس للبيبي لعدم معرفتي احيانا بجنس الطفل او لعدم رغبتي في الخوض في عناء البحث عن موديل حلو وقياس وإلى آخره غير لما اشتري عربة او سرير اخذه بروحه مرة وحدة بدون ما اختار او ادور واعور راسي،،،،،

بالنسبة لي لين الحينه ما اشتريت إلا الملابس بس وحاليا اصمم طاولة تبديل خاصة للطفل على حسب المساحة اللي عندي والموديل اللي ادور عليه وما حصلت منه لين الحينه بالخشب المحلي الجيد الصنع،،، لانه اللي شفته في السوق لين الحينه من الخشب الردئ وغير مناسب على الاطلاق،،،، واللي ييج نوعه زين يكون مبالغ جدا في سعره،،،، وعلى فكرة البارحة لما شفت السراير حسيت انه السرير الصغير ما له لزوم ويمكن الاستعاضة عنه بالسرير الخشبي الكبير من البداية لانه لامانع من استخدامه للمولود الجديد اللي يكبر بسرعه في الشهور الاولي،،، والسرير الصغير يستخدم لفترة وجيزة فقط يمكن ثلاث شهور وبعدين تنتقلين للكبير لانه تلاحظين انه صغر على البيبي،،،،انا اختي اقترحت عليه ما اشتريه على قولتها لانه ما يطول استخدامة وعرضت عليه آخذ سرير طفلتها اللي يابتها بس من 4 شهور وعلى طول من الشهر الثالث سارت وخذت السرير الخشبي الاكبر،،، تقول الصغير طايح في جبدي وابغي افتك منه وما عندي مكان له،،،، وانا اشوف اللي ترغب في الصغير تاخذه في البداية وبعدين تاخذ السرير الكبير ومب مع بعض لانه استخدامه بعده وقت عليه في حالة اشترت الصغير،،،،

سمعت كثير من الاخوات اللي اشترن السريرين مع بعض من البداية واحس ها الشي مب عملي لانه الكبير ما بتستخدمه حاليا فليش العجله والخسارة،،،، وطبعا وايد زين لو الوحدة تنتظر التنزيلات في حالة قرب موعدها عشان توفر على نفسها،،،،

وايد رمست صح،،،، على العموم،،، نتمني نستفيد من تجاربكن وياريت تفيدونا بالنسبة للام المرضعة وكيف تستعد للرضاعة ومستلزماتها لانه من تربي ما يكون عندها وقت تروح وتشتري اغراضها اليديدة لانها تكون تعبانه وعليها الاعتناء بالمولود اليديد وآخر شي تفكر فيه وإلها مزاج له الدوارة في الاسواق،،،، المستلزمات اليديدة اكيد بتكون الحزام،،، الملابس المفتوحة من الامام للرضاعة سواء بالتفصيل او الجاهر وانا عيزت وانا ادور على الجاهز لاني ما احب افصل بس للاسف ما حصلت اللي يقنعني من ناحية العملية والترتيب والاناقة في نفس الوقت،،، الملابس الملائمة عند قدوم الضيوف للتبريكات سواء في المستشفى او البيت،،، البرا "الستيان الخاص بالرضاعة" وما ادري إذا هذا له لزوم لانه قالوا لي ما منه فايدة لانه في الحالتين الصدر يطلع منه وهاي مجرد حركات عشان الواحد يشتري والسوق يربح،،، ما ادري بنات شو رايكن فيه للي جربت،،، هل يستاهل انه نشتريه وإلا لا،،،عني انا خذت وكنت ناوية آخذ زيادة بس احينه مترددة،،، وشفت بعد المشد الراص اللي يكون على هيئة بانتي ،،، ما احب ارمس بالعربي احس فضيحه،،، قصدي الملابس الداخلية يوم تكون على هيئة مشد للنفساء،،، ما ادري إذا عملي وإلا لا،،، اتخيل وايد بيطلع راص وغير مريح،،،،، بس عيبني واتخيل انه يخلي الشكل انسب للنفساء لانه الحزام في العادة يطلع الحرمة دبه وفيها بطن،،،، الصراحة وايد احاتي شكلي عجب ما اربي اخاف جسمي يطلع جيه :down: جدام الريل،،،، ويوم اشوف الممثلات مال هوليود ولا جنهن مربيات من الرشاقة والاهتمام،،،،


:rolleyes::rolleyes:خيبة تخيب العدو،،، وايد رمست،،،،، o:o سوري

um saif

مشكورة اختي واحب اسمع منج بعض الافكار

yn1

وانا بعد ما اشتغل واعتمد على راتب زوجي بس لو توفرين القليل

مع الايام بستوي كثير

المسألة مسألة تعود ومن الحين اعود عيالي على التوفير تصدقين جارتنا

كانت تعود عيالها على التوفير من هم صغار والحين لما كبرو وشتغلو

قدرو يتحكمون بالفلوس مع ان لبسهم كلة ماركات وسيايرهم كاش

سوود العيوون

والحمد لله معاش زوجي كويس لاكن احسن الواحد يوفر للطوارئ

مو كل مرة تسلم الجرة

واصلاً لازم الوحدة تشتري كل شهر على الاقل بدلة لان البيبي يكبر

ومن غير تتوسخ او تكون عندك مناسبة او زيارة تعرفين العيون تكون على

البيبي ولبسة

ومداخلتك كانت حلوة

اوركيد

اولاً مبرووووووك بالحمل ما كنت اعرف انك حامل :clap:

ثانياً كلامج كان ينقط عسل وكل وحدة تخاف تشتري ويجيها هدية

في حملي البكر اشتريت سرير وسط واااااااايد نفعني ونفع اخواتي

مع انة توقعت بشترون جديد والي الحين عايش السرير ويتوارث

المهم اشتريت كل شي على ذوقي وما كنت محطية على بالي الهدايا

ويوم ربيت حصلت وايد هدايا الصراحة خذيت الي اشوفة مفيد الباقي

احتفظت بة ووزعتة للمربيات كان معاي تقريباً 10 حوامل وكلهن من الاهل

والصديقات

على فكرة عجبني فكرة تفصيل طاولة تبديل الملابس

وبالنسبة لملابس الرضاعة افضل التفصيل يكون على ذوقك وتقدرين

تستفيدين منة للحمل الي بعدة او تقدرين تفتحين الجلابية من الجانبين

كنت افتح كناديري المخورة عند الييد انشاء الله فهمتي , اما الستيان ما

لازم خذيت مالرضاعة وحالة حال الستيان العادي لدرجة كنت انسى انة

ستيان للرضاعة ,المشد زين بس افضل الغترة (شماغ) تعالي شوفي

بطني ما تقولين جايبة اربعة

حتى الملابس الداخلية للدورة افضل تشترين من الرخيص

وذكرت في بالصيدليات يبيعون حفاظات للكبار ما جربت صديقتي تمدحة

تقول وايد زين لاول الايام بعد الولادة بة عشر حبات

انشاء الله تكونين استفدتي وهلة هلة بالضغط بعد الولادة بـ 3 ايام