من هي اللي توثق بزوجها ثقه عمياءءءءءءء؟؟؟؟

السلام عليكم ورحمة الله وبركاته

الله يهديكي يا مذهلة البحرين...

يعني الحين تحرضي الزوجات اللي عايشين في أمان الله إنهم يفتشوا ورا أزواجهم ؟؟؟

و كمان تقولي لهم لازم لازم راح تلاقوا شيء ضد أزواجكم...

الحين بيبدأ الشك يلعب في عقولهم....

هلا:smile:

لا والله مش مسأله تحريض ولا هم يحزنون

انه عن نفسي بين فتره وفتره اسويها ومافيها شي تدرين ليش لأنه الوحده منا إذا نامت بالعسل خلاص تنسى روحها وتهمل كل شي صح ؟

لكن صدقيني هالحركة راح تخليك على طول مصحصحة وواعيه زين وعلى طول في اهتمام لنفسك وله ايضا"

ويمكن تنقذين مايمكن انقاذه مو الرجل في النهايه بشر كل شي يأثر عليه

اعتبري نفسك عندك مؤسسه وفيها موظفين أشلون يعني مافي حسيب ولا رقيب عليهم

لازم بين فتره والثانية احاول افتش وافتش وافتش

ليش؟؟

عشان امنع حدوث او التقليل من آثار المشكله لو سمح الله واحدثت

وللحديث بقيه(u)

بسم الله الرحمن الرحيم

السلام عليكم ورحمة الله وبركاته

بالفعل حبيبتي

والله الوحدة منا لو ظلت تفتش وراء زوجها لأشقت نفسها وأشقت من حولها

الحل في إن كل زوجة تريح نفسها تماماً ولا تحاول تدخل الشك في حياتها لأنه راح يدمرها هي بالذات أولاً وأخيراً

تقبلي تحياتي وفائق إحترامي وتقديري

المرتحله

المرتحله(u)

هلا

هذا معناه استسلام :pain:

والوحده اللي تحب زوجها وتخاف عليه من الهوى إلي يهب تعامله زي ما تعامل الأم ولدها المراهق ......

اجاريه وفي نفس الوقت الاحظ وادقق وامنع تطور الحاله من غير مايحس

هاذي اذا تحبين زوجك

بس في حريم عندها الزوج مجرد آله لـــ...... و بنك متنقل فقط لـــ.......

وين راح ؟كلم من؟ ملابسة نظيفه ؟مرتاح؟ تعبان؟ مش مهم ....

السلام عليكم ورحمة الله وبركاته

بعدني ما تزوجت

اسفه ما اقدر افيدك

بسم الله الرحمن الرحيم

السلام عليكم ورحمة الله وبركاته

لا والله يا عزيزتي

هذا مو استسلام ولكن ديننا يحثنا على عدم اساءة الظن في الآخرين

فمن اساء الظن بالناس فقد اساء الظن بالله

لذلك من واجبي كزوجة محبة لزوجي أن لا افتش وراءه حتى لا أجلب التعاسة لي وله

وإذا كنت زوجة محبة له فلا بد أن يكون هو محب لي في المقابل فلن يكون هناك مجال للشك فيما بيننا

فالشك والحب لا يجتمعان في قلب واحد لشخص واحد

هذا من وجهة نظري

واختلاف وجهات النظر لا تفسد للود قضية


تقبلي تحياتي وفائق إحترامي وتقديري

المرتحله

صح كلامك يالمرتحلة والله انك تفكرين بعقل ، اولاً لازم الوحدة تعرف ان اكيد طبعاً اغلب الرياييل المفتحين مش المغمضين ، لهم نزوات خارج المنزل فلماذا ،،،،،، الوحدة فينا تنبش لكي تعيش حياتها في جحيم ، فلازم تكون مغمضة ومعتبرة زوجها ملاك ، سؤال أسألك إذا نبشت ولقيت شي واغلب الزوجات وأكثرهم لازم يشوفون شي ما يسرهم ،،، وبعدين شو تسوين بتواجهينه ، وبعدين ، اما ان ينكر او يقول لك الصج ، وبالتالي شو استفدت الثقة تروح ، وبتعيشين حياتك على طول بشك ومشاكل ، وطبعاً هذا يعتمد على نوعية الزوج ، اذا كان قوى ما يهمه شي وما بيخاف منك ، اما اذا كان عادى فيحسب لك الف حساب ، فأقول لكم يالزوجات ،،،، تحملوا تحملوا تفتشون او تحاولوا تعرفون شي ، لأن ما اصدق ان في ريال ما عنده شي او ما يخون زوجته ، هاي الشي بدمهم لازم يمر عليم سنة من السنين ، والله يبعد هذا الشي عنا ويحمينا . انتوا معاي يا بنات او لا ،،،،،،،،،،،،،،،

مـــراااااحب... لفت انتباهي موضوعج يا اخت مذهلة البحرين

وصحيح اني بعدني ما عرست ولا جا فارس أحلامي :D2

بس حبيت اقولج يا الغاليه... لا تتعبين نفسج ولا اتفشتي بين اغراض

زوجج وهالشي لمصلحتج.. انتي شو يدريج انه في اللحظه اللي يكون ظاهر معاج ما ممواعد؟ او يشوف غيرج؟؟

انا اعطيج مثال واقعي حصل لوحده اعرفها من دوله خليجيه شقيقه
وطبعا بحكم شغل زوجها دايما لازم يطلع لدبي وما يتم فيها إلا يوم او يومين او ثلاث.. طبعا.. هي حارقه موبايله من التلفونات وتتأكد انه ما عنده خط.. بس..

شو رايج لو قلت لج انه هاذا زوجها المحافظ والمتدين كانت له علاقه مع بنت من البلاد ولمدة طويله اظن 3 سنين وكان يقابلها كلما جا دبي؟؟؟؟!!

هااا ؟؟ كيف عرفت؟ او كيف بالتعرف؟ الزوجه ؟؟بس صدقيني عزيزتي مذهلة البحرين..
الريال يحن لزوجته ويحبها بجنون.. وتاب وترك هالعلاقه ورجع لزوجته بدون حس ولا خبر.. ونحن في دبي عرفنه القصه كامله :D2:D2:D2
والزوجه ف بلادها ف امان وسلام ونعيم ولا حست ولا عرفت بشي

عشان جي.. انا في رايي الشخصي لا تتعبي راسج ولا تفتشين ولا تسوين هالسوالف...

واكره ما على الريال اذا اعرف او حس انه مرته تراقبه وتفتش موبايله او مسجاته.... وع فكره اذا كان عنده اي شي صدقيييني حبي.. بيودر هالسوالف ويرجع لعش الحب مع زوجته..

وادري واااااااااااااااايد رمست :D2:D2:D2:D2:D2

تحيـــــــاتي

*جـــوليت & رامبـــــو*

كاتب الرسالة الأصلية : المرتحله


لذلك من واجبي كزوجة محبة لزوجي أن لا افتش وراءه حتى لا أجلب التعاسة لي وله

وإذا كنت زوجة محبة له فلا بد أن يكون هو محب لي في المقابل فلن يكون هناك مجال للشك فيما بيننا

فالشك والحب لا يجتمعان في قلب واحد لشخص واحد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هلا والله
الغالية انه ما طرحت الموضوع الا للنقاش والتحاور . من على خطأ من على صواب مش مهم احنا نتناقش فقط

وكل وحده حره بتصرفاتها
:smile:
بس كلامك اسمحيلي الغالية فيه نوع من التناقض مثلا: من واجبي كزوجه...وألخ.

يعني بالعربي الفصيح لو فتشتي راح تحصلين على شي ينكد عليك صح؟
إذن لو السالفه مافيها نكد راح تعملين هالحركة ؟ارجو الرد
:smile:
والحاجه الثانية اذا كنت زوجه محبة..... الخ

مش ضروري غاليتي كل زوجه تحب زوجها بالمقابل هو يحبها بنفس الدرجة
والله اكو ازواج يقولون احنا عايشين مع زوجاتنا بس عشان العيال ومافيه بينا عواطف نحس ان حنا عايشين مع اخت مو زوجه

ومن قال ان الحب والشك لا يجتمعان في قلب واحد عجل اشلون تتكون الغيره......؟؟؟؟:rolleyes:

مذهلة البحرين
شيطووونه :cool2:
انا ما اييد التفتيش
وبعدين ليش التفتيش ؟؟ عوديه ان اغراضك واغراضه واحد
وجذي كل شي له راح يكون بيدج من غير لا تفتشين

بصراحة عمري مافكرت..صار لي 3 سنوات من تزوجت اعرف هو وين يروح ويجي لانه مايكمل ساعه الا يكلمني او اكلمه...فاحس ان احنا الاثنين كتاب مفتوح ومافي شي نخبيه على بعض

:D2

انا اللي مو متزوجة واحس تحمست افتش<---عن ميييييييين؟:D2


عزيزتي..انا مرة سالت زوجة عمي

نفس سؤالك..ما فكرتي تفتشي ف موبايل زوجك والمسجات؟


تعرفي شو قالت لي بس والله عجبني ردها

تقول..انا مو مسؤولة عن تصرفاته خارج البيت..حدي الى باب البيت بعدين مالي خص فيه

عندي عيال ابغى اربيهم..فليش اجيب وجع الراس لروحي

اتوكل على الله:smile:

والله اقتنعت بكلامها..فليش نجيب وجع الدماغ لنفوسنا..


طبعا موضوعك ما يتكلم عن الخيانة:smile:

تحيااااااتي:smile:

والله بالزمن هذا زمن التلفونات النقالة والمسجات والبلوتوث والانترنت تخافين على الريال ونصيحه مني لكل زوجه مو تحريض مجرد نصيحه لا تعطين زوجج الثقة الكامله يعني انت ملاك ماتغلط بالمره لا حبايبي هذوووووووول ريااااااييل مامنهم امان :cool2:

بس لازم خواتي تاخذين الحذر والحيطه ولازم بين فتره وفتره تدورين ورى زوجج وتتابعينه بس مو على طول ترى تصيرين بعدين مينووونه :no:

والله يهدي ازواجنا ويصخرهم لنا قوووولوووا امين ...

هلا مذهلة البحرين .....
أنا وياج بكل اللي قلتيه....

الوحده منا لو عطت الريال الأمان.....بتروح ( في ستين مصيبه):smile:
لأن الرياييل بصراحه ما ينعطون ويه...
وبعدين هذا مب إسمه شك.... إسمه حرص
وخوف على بيتج وريلج....ومثل ما هو يهمه إنت
تكلمين منو ويحب يعرف وين تروحين وشو تسوين
من حقج إنت بعد تعرفين.....

وسلاااااااااااااامتكم.....

:shy::shy:
:shy::shy:

آنا يمكن أثق فيه بس في بنات الحرام لااااااااااا

انا واثقه مليووووووووووووووووووون بالمئه

لا بس اذا تاخر برا البيت وشفت خط ثاني ....امووووت اقعد اتحرقص
وهذي صارت لي مره وحده من يوم ما تزوجت ...لان زوجي ما يطلع برا البيت
المهم طلع فليل وقال ان بيروح عند ربيعه وربعه ساكن عدالنا وقالي انه
ما بيتاخر ,,,, وانا المسكينه رحت بسرعه اتمكيج واتعطر والبس قميص نوم
وبعدييين مرت ساعه وانا اتعدل واتصلت في ما رد وكله كان عنده خط ثاني
وانا بموووووووووووووت من الضييج ( مع اني واثقه بس ما اعرف شو ياني) وقعدت اتريا واخر شي رجع البيت وانا معصبه ومبوزه
وطلع ان ربيعه يبغي زوجي يتوسط حق اخوه عشان يطلعونه من مخفر
الشرطه والخطوط الي كانت عنده كان يكلم ربعه في الشرطه .... وبس

اختي مذهلة البحرين


قبل لااجاوب على سؤالك احب اوجه لك سؤال ممكن







قبل لاتفتشين ورى زوجك ماسالت نفسك

هل تقبلين بان يفتش زوجك من وراك وترضين انه

يفتح جوالك ويشوف المسجات والمكالمات

او يراقبك وين رحتي ومن وين جيتي








انتظر الرد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟