من لديها طلب أو استفسار في ركن البشرة والجسم تتفضل هنا والا سيتم حذف الموضوع

يزاج الله خير حبوبه

julie
هلا اختي..
لتوحيد لون البشرة أنصحج تستخدمين خلطة مجربة .. تتكون من
جليسرين سائل + ليمون + زيت الزيتون .. (بكميات متساوية) .. تفركين جسمج ووجهج كل ليلة وتستحمين بماء فاتر في الصباح .. واستمري على الوصفه وبتلاحظين الفرق..




dmoo3_el7ob
العفو حبوبة .. هذا واجبي




مكسوفة
يا هلا اختي .. حبوبة راجعي الدكتورة وخليها تعطيج الحل
المناسب .. روحي لها مرة ثانية واسأليها ..



rawaan
اختي شوفي الملف المثبت .. " مشكلات البشرة وحلولها"
وبتلاقين الحل ..


تحياتي
ام عدوول

rawan2004
هلا حبوبة .. اللي تستخدم مقشر للبشرة ان شاءالله بترد عليج
والاخوات ما بيقصرون ..

تحياتي
ام عدوول

آنا آسفة اذا غلطت في مكان وضع السؤال:o...علشان جذي راح أعيده مرة ثانية..

عندي سؤال وهو:شنو أفضل شي ممكن أستخدمه لتنظيف البشرة يومياً(يعني يحل محل التونيك بعد ماأستخدم الصابون) تعتقدين ماي الورد جيد؟؟؟

وبعد التنظيف شنهو الأفضل للترطيب (يكون طبيعي طبعاً)؟؟؟

يعني باخنصار اللأشياء الطبيعة اللي ممكن استخدمها في الخطوات الثلاث الأساسيه اليوميه لتنظيف البشرة.وتسلمين مرة ثانيه ياأم عدول....
:shy:

&شهد&

هلا حبوبة ... تقدرين تكتبين السؤال في الملفين :smile:
وانا رديت عليج في الملف الثاني .. :cool2:

تحياتي
ام عدوول

لحقوني بنات استخدمت اليوم الدلكة الصابون المغربي
وبعد ما خلصت لقيت رقبتي مسودة شو اسوي لحقوا علي يا بنات الله يخليكم

السلام عليكم

مشكلتي هي انه شعر رجلي داخل الجلد

ولا يطلع الا اذا شلته بيديني ورجلي صايره كلها حبوب وتحتها الشعر

وشو الحل ؟

بسم الله الرحمن الرحيم
:o:oخواطر مشكلتي نفس مشكلتك بس وش الحل؟؟؟؟؟؟؟؟؟؟؟؟؟؟؟؟؟؟

السلام عليكم ورحمة الله وبركاته

اخواتي خواطر وخايفه اتزوج ..انا بالصراحه سمعت عن منتج وفي ناس مجربينه

سيفورا

هذا يمنع نمو الشعر تحت الجلد لما تشيلينه ..بس مايشيل اللي تحت الجلد ..وانا برايي لاتحاولين تتعبثين في لان بيشوه شكل الساق ..

وفي طريقه مجربه ..انج تبلللين ريلج بماي وشوي صابون وتاخذين ليفه ناشفه وتدعكينها بعكس اتجاه الشعر .بيطلع الشعر كله .

السلام عليكم..
ولو اني احس الطلب مو مكانه ..الكل يسأل عن البشره الا انا سؤالي غريب..
ام عدول واخواتي اتمنى انكم تفيدوني ..
حواجبي عريضه وسوده ..في البدايه كنت انظفها بالملقط ..بس سمعت ان حرام ...وان لازم استخدم مشقر.. استخدمت مشقر اسمه فيداوت
بس الحواجب طلع لونهم بني :sad: ورحت حطيته مره ثانيه وقت اكثر
جفني صار لونه احمر ..كأنه تسلخات

مادري اذا عندكم طريقه او نوع محدد
ومشكوريييييييييييييييين

مرحبا ام عدول حبيت اسألج يالغاليه اختي اظافرها متكسره وشكلهم مو حلو راحت عند دكتوره وعطتها قطره اظافر وقالت لها بعد 6 شهور بيتحسنوا وماكوا فايده وهي الحين حابه تعرف اذا عندج اي حل لها لانها قريب بتتزوج ان شاء الله وحابه علاج سريع وسهل لان اغلب العلاجات لابد انها تستمر عليها فتره طويله وهي تخاف يكون لها اعراض جانبيه مستقبلا فاذا عندج شي طبيعي افيدينا


والف شكر يالغلا

مرحبا اختي الغاليه...

انا مشكلتي هي اثار حبوب الشباب

الا مشوهه وجهي

الحبوب استخدمت لها كريم وخفت بس الاثار للحين موجوده

والأثار كثيررره
ومسببه لي احراج

ياريت تعطوني حل حق الاثار:shy:

السلام عليكم ورحمة الله وبركاته

طلبتكم طلبة لاتردوني..أعاني من وجود خطوط تحت عيني و مسببتلي عقدة من عيني مع إنه عمري بس 22 سنه...ممكن اتدوني على طريقة طبيعية..أو ت>كرولي اسم مستحظرات مضمونه اتشيل هاي الخطوط..

واسلمتوا

السلام عليكم ورحمه الله وبركاته

اشكرك اختي وايد على اخلاقك العاليه وحبك لخدمه الغير

لكن انا عندي سؤال

اللي هوه كيف اقلل الافرازات الدهنيه على الوجه والجسم لانها وايد

مزعجه لدرجة انها تصحيني من النوم

وشكرا لك مره ثانيه :smile:

السلام عليكم ورحمة الله وبركاته

أبي أسألج يا أم عدول عن خلطة الحناء والعسل لازالة السواد
ممكن استخدم العسل العادي هاي اللي يبعونه بالجمعيات وله لازم العسل الطبيعي الأصلي وبعد أبي أسألج عن مده وضع الخلطة بالجسم أنتي قلتي نصف ساعة عادي لو حطيته ساعة أو مدد المدة على أساس يخوز الوساخ عن الجسم وسؤال أخير ممكن احط الخلطة على الوجه ومشكورة.

:clap: :clap:


والله موضوع رااائع جزاكم الله خير

انا سؤالي عندي حبوب صغيره دهنيه حول الانف وتحت العينين يعني هي كانها دهون لكن بنفس لون البشره يعني حبوب صغيره جدا ودهنيه

مادري وش الحل لها ؟؟؟

أم عد وول الله يعطيج العافية ما قصرتي.

اناعندي مشكلة حب الشباب اذا راح يترك اثر في المكان وانا وايد :confused:

ياريت القي عندج حل لهذي المشكلة


ومشكورة مقدما

وينك يا ام عدول

:smile:

السلام عليكم ورحمة الله وبركاته
في بعض الاحيان الاقي جسمي جاف واايد ما اعرف شو اسوي
و انا عندي سواد تحت العين واااايد لو في طريقه تزيل السواد لو سمحتي
و عندي مشكله في شعري اول شىء هو خفيف و متقصف و ما يطول لو عندج حل لهذه المشكله بعد الله يخليج.
سؤال اخير.. اخويه عنده فطريات في رجله و وايد تفرز عرق يا ريت تساعديني
و مشكوووووووووووووورررررره واااااااااايد:smile:
:o

السلام عليكم

اشكرج اختي ام عدول على هالفكره الحلوه ويعطيج العافيه وانتي على راسنا دايما 0000

سؤالي الاول لاختي عمرها الحين 20سنه وشعرها خفيف وقصير مايطول جربنا كل شىشىشىشىشى وماكو فايده ولا نتيجه راحت للطبيب الامراض الجلديه وعطاها دواء ماكو فايده والشكوى لله وشرت من الصيدليه جميع الوصفات ماكو فايده وجزاك الله خير شنو الحل 0000


وسؤالي الثاني بالنسبه للرموش انا رموشى خفيفه وقصيره واستعملت زيت الخروع لمده شهر لاكو فايده شنو الحل بنظرج



ومشكوره ادري تعبتج بس والله مالي احد من بعدالله غيرج

تحياتي لج

مهاوووي