قصت زميلتي فيها ظلم كبيييييير

ام وائل ...

قصة زميلتك فيها ظلم كبير .... و اجرام رهيب ... اذا كانت صحيحه و ما محذوف منها جزئيات كبيره.


بس وش ذا بيتها وسياراتها ... تكتبها مره وحده لزوجها.


طيب هو غني ... ليش تعطيه . وليه ما يصرف من فلوسه.


فعلا قصه فيها غرابه ...؟؟؟؟

الله يعطيك العافيه.

حـــــرام

السلام عليكم ورحمة الله وبركاته

اختي ام وائل

صحيح ان قصة زميلتك فيها ظلم لها.. ولكن قد تكون بمافعلت سبب من الأسباب الي ادت للي صار

انتي تقولين ان الاثنين اغنياء.. يعني هو مب محتاج انها تصرف عليه وعلى البيت.. ليش هي الي تصرف؟؟ وليش كل شي باسمه؟؟ التعاون واجب بس جذي!!

طيب ليش زوجها تزوج الممرضه؟؟ شي طبيعي ان المريض يتعلق بالممرضه الي تراعيه او الطبيبه الي تعالجه.. لكن الي يخلي التعلق يوصل لزواج وطلاق هو واحد من اثنين.. يا ان الممرضه كانت تسعى ورائه طلباً للزواج والغنى.. او ان الزوج شايف من زوجته قصور او انه لعاب ومثل مايقولون "مايملى عينه الا التراب".. وهذا ما صار الا نتيجه لغيابها عنه لفترات طويله تسمح بتطور علاقة زوجها بممرضته

نتيجه لثقتها الزائده بزوجها فقدت كل ماتملك وبإعتبار ان كل شي مسجل بإسمه فهو ملكه إلا ان استطاعت إثبات ملكيتها سواء بإيصالات او عقود او اي إثبات آخر.. وفي حاله مثل حالتها (وحسب القوانين البحرينيه) يوجب القانون على الزوج توفير المسكن اللائق وصرف النفقه للزوجه والأطفال (هذا بإعتبار انهم أطفال قُصر)

فلتحاول ان تحل مشكلتها مع زوجها ودياً بتوسيط ولاة الأمر (والصراحه اشك انها تتوصل لصلح) او ان تطالب بحقوقها الشرعيه والقانونيه باللجوء للقضاء


أسأل الله العلي العظيم ان يفرج همها وهموم المؤمنين والمؤمنات