,,,,,مواقف شهر العسل ,,,,,

العيناوية

:clap:

هلا والله والف الف مبروك والله يرزقنا ان شاء الله يارب ..طيب اهم شي اختي انك مرتاحه والله يوفقك يارب الظاهر من دعوات البنات شكلي بسوي مثلك ان شاء الله القى دعوه ممكن توصل لباب السماء ..الله يوفقك يارب ويسعدك ألف مبروك .. لقد سعدت بهذا الخبر

:D2 اختي Najdeyah يا كب رما نسيتي

المهم انا بروح شهر عسل بعد 3 اسابيع تقريبا و باجيب لكم السوالف :up:

أزهار .
. هلا عيوني الف الف مبروك والله يوفقك انشاء الله .. ننتظرك انشاء الله بلاخبار الحلوه

انا لا الحين ماتزوجت ولا انخطبت

لا تزوجت بقولكم شنو صار :)

اخت العيناوية
1+999 مبروك والله فرحت لك من كل قلبي
بس عندي سؤال ومستحية اساله واخاف يحرجك بس جوابه ممكن يعطيني الامل اشوية..

طبها انا ماشفت ولا وحدة كتبت موقف محرج لها في شهر العسل فقلت ببتدي انا...كنا مسافرين شهر العسل ثاني يوم من زواجنا وتقريبا 4 يوم من زواجنا صار لي هالموقف..كنت مع زوجي في محل عطور ومكياج..
وكنت لابسة نعال دبابة( يعني كعبها رفيع) عشان هو طويل..:o

المهم ان الدفع كان في الطابق العلوي..واحنا نازلين من السلم..الا زوجي يقول لي شوفي هذا..طبعا لما شفته كان واحد لابس تنوزة ميني جيب وشعره طويل وحاط مكياج وشكله مقزز انا طبعا من الصدمة طحت على ظهري وتعورت وقعدت اصيح من الفشيلة:cry:
وهم ماشاء الله عليهم اللي يبيعون جابوا لي كرسي وشربوني ماي وكان منكسر خاطرهم علي وعطوني هدايا لاني ماسكت من الصياح(g)

و الله انا كمان للحين ما جاني النصيب ....

بس يا انك يا ام ياسمينا محظوظة ههههه..هدايا و كمان دلعوك بس سلاامتك و ان شاء الله ما تعورتي...


يا الله عاد طفشنا اشوف هاتوا من السوالف الزينة....>>لقافة ههه:smile:

:clap:

يلا وينكم يالمعرسات :shy:اتحفونا بقصصكن

هيا هيا هلموا
<<<<<<<<<<<<<<<<<<<<< قلبتها درس لغة عربية:D2

السلام عليكم ورحمة الله وبركاته ، والصلاة والسلام على سيد الخلق محمد عليه الصلاة والسلام

الغاليات كلكم بدون استثناء

أنا عن نفسي بعدني مالجه ، وعرسي باقي عليه ثلاث شهور والله يستر من هاليوم ، وأنا وخطيبي ماشي عندي قعدات وايد بس اللهم سوالف في التليفونات ، وماابي منكم يالغاليات غير الدعوات اللي من الخاطر واللي تريح القلب ,,,

والله يوفق المعرسات واللي بيعرسون واللي ماعرسوا الله يرزقهم بالرجل الصالح
وبارك الله فيكم
والسلام عليكم ورحمة الله وبركاته

عقباااالي يا رب

ادعوا لي اتزوج الي ببالي...

والله نفسيتي تعبانة من هالموضوع...

ادعو لي يا أخواتي..

اختي ماسا تفضلي قولي سؤالك وان شاء الله مافي احراج ...

السموحه بنات خليتكم تنتظرون وااايد :smile: وخاصه البنات الملاقيف ماشاء الله عليهم واااايدات

بس بعد انتظرو شوي لاني مشغوله واااايد :smile:

بطلع عينكم :D2

انا تراني داخلة عرض:o

لني متزوجة و لا مخطوبة و مالجة و الا شي

بس بغيت اخذ خبرة:cool2:

ترى سوالفكم حلوة و تعجبنيييييييييي:smile:

اهلين اختي العيناوية

وشكرا لرحابة صدرك
سؤالي هو
ماراح اسالك كم عمرك بالضبط بس هو فوق ال25 سنة مثلا
وطبعا على راحتك اذا ما تبغي تردي لان هذا شيء يخصك بس لاني راح اصير بسن ال24 سنة بعد 3شهور تقريبا
وما اخفي عنك اني خايفة مرة ....

بنااااااااااات مافي ردود كثيره ليه؟؟:pain:

الله يرزق كل الي ماتزوجوا الأزواج الصالحه

ويوفق المتزوجات بحياتهم يارب

أنا صارلي تقريبا سنتين ونصف من تزوجت وماصارت لي مواقف

محرجه وايد بس اتذكر اني يوم العرس بعد ما غيرت ملابسي

ولبست قميص النوم وكنا نبي ننام رحت طلعت غطا من الكبت

ومسكت غطا السرير وقلت له تبي هذا ولا هذا :D2 ؟؟

لأني ما احب احد يشاركني بغطا السرير :down:

ولما نمنا حطيت بيني وبينه المخده :D2 بس الحين تعودت على

المشاركه بالغطا والسرير :o

مشكورة اختي على الموضوع الجميــل

مرحبا اختي ماسا

أنا أكبر منك في العمر وسؤالك مافي احراج ولا شي

وعليج اختي بالدعاء لله بأن يرزقك الزوج الصالح وهذا أحسن حل

ولاتيأسين خلي عند ايمان قوي بالله سبحانه وتعالى لانه هو الوحيد

القادر على كل شي

وانا الحمد الله ماتوقفت عن الدعاء لله سبحانه وتعالى و كذلك نذرت

لله اذا تزوجت والحمد الله انا الحين بكمل شهرين من زواجي

واذا محتاجه اي شي اعتبريني مثل اختك

تحياتي

مرحبا أخواتي

أنا الحين بكمل شهرين من تزوجت ..

والمواقف الي صارتلي قليله

أول شي ثاني يوم من زواجنا توجهنا للمطار وكملنا الاجراءات وكل شي

وحان موعد ركوب الطائره .. وعروستكم كانت واثقه في خطواتها

وشوي واحنا واصلين عند نهاية الممر الي يوصل للطائره كانت في فتحه

صغيره تفصل بينهم واطيح عند الباب :pain: وعاد شوفو الفشله الكل

يطالع والي يبغي يساعدني وجهي صار نفس هالنقطه . شفتوها :cool2:

والغلطه الثانية اني يوم سافرت ماخذت وياي عدت خياطه صغيره كان

عندي بجامه حلوة ولبستها وشفت خيط طالع على صوب قلت خلني

اقطعه بيدي وقطعته وبعدين رحت نمت ويوم قعدت الصبح والا نص البجامه

التحتي :down: صار كانه شبكة عنكبوت وشافه زوجي قالي شفيها

البجامه جذي البارحه قلتله هذي الموضه لازم يكون اللبس مفتح شوي

وصدق مسكين :smile: نصيحه لازم كل وحده تاخذ معها علبه صغيره

كان

عندي بجامه حلوة ولبستها وشفت خيط طالع على صوب قلت خلني

اقطعه بيدي وقطعته وبعدين رحت نمت ويوم قعدت الصبح والا نص البجامه

التحتي صار كانه شبكة عنكبوت وشافه زوجي قالي شفيها

البجامه جذي البارحه قلتله هذي الموضه لازم يكون اللبس مفتح شوي

وصدق مسكين نصيحه لازم كل وحده تاخذ معها علبه صغيره




هههههههههههههههههههههههههههههههههههههههههههههههههههه ::D2:D2:D2

الله يقطع شرج يا العيناوية ..

والله مت من الضحك ..بس حلوة ..

يالله بنات وينكم ..

أدعولي أتزوج وأجي أكتب في هالمشاركة ..

بسم الله الرحمن الرحيم

السلام عليكم ورحمة الله وبركاته

والله المواقف يا كثرها بشهر العسل خاصة ان كل واحد من الزوجين يحب يكون أفضل قدام الثاني

بالنسبة لي كان سفري بعد الزواج مباشرة يعني من بكرة واللي حصل لما رحنا للمطار لقينا الرحلة فاتت علينا فاضطرينا ننتظر في المطار لين حصلنا رحلة ثانية والله لا يوريكم لما جاء زوجي لقاني نايمة وأنا حاطة الشنطة في حضني من كثر الارهاق اللي صابني ولما لمسني بس قمت مفزوعة وسويت نفسي إني صاحية بس في الحقيقة كنت رايحة فيها وفاتحة فمي بعد بس والله الغطا يستر أشياء كثيرة

هذا غيض من فيض بس الله يستر علينا


تقبلوا تحياتي وفائق إحترامي وتقديري

المرتحله