عاوزه حد ينصحنى لو سمحتن

بسم الله الرحمن الرحيم
السلام عليكم ورحمة الله وبركاته
حبيبتي اذا انتي بتحبية حاولي تتفهمية
وتتعاملي معة بكل الحب والحنان
وحاولي تعرفي ظروفة يمكن يكون مشغول
بس لالهتمام من الزوج ما يجي الى بعد الزواج
المثل يقول ان المراة تهتم بالحياة قبل الزواج
والرجل يهتم بالحياة بعد الزواج وهذا صحيح وحصل كتير
بس حاولي انك ما تفقدي روح الصبر اللة راح يعوضك
من حبة وحنانه بعد الزواج
تحيات اختك المحبة الوردة اللؤلؤية

اهلين حبيبتي

انا اللي فهمت من كلامك انه بتحبوه بعض كتير يعني مقعول بعد هاد الحب يكون جاف و ما بيهتم بكي

و براي ناقشي معه امور المستقبل يعني امور الزواج و ايمتى و كيف يعني
و شوفي ايش بيرد عليكي

و انتي دائما عبريه له عن حبكي و والحلم المستقبل و هيك اشياء و انتي و شطراتك و انشاءالله تتوفقين
تحياتي

ازيك ياحلي جينا....عرفتك من لهجتك علي طول قلت لازم اشارك بنت بلدي.....اولا الف مبروك ياقمر علي الخطوبة.

ثانيا...محتاجة بس افهم منك هل انتم كنتو مصارحين بعض بحبكم دة من 7 سنين....ولا انت كنتي بتحبيه في صمت....لانها تفرق كتيييييير.

بصي....واضح انك كنت بتحبيه من غير مايعرف....يعني اكيد لسة ماخدتوش علي بعض بالدرجة الكافية....ودة شئ عادي جدا...انتوا لسة بتفهموا بعض...وبتعرفوا بعض

بصي.....عشان تخليه يتعلق بيكي ويحس مع الوقت انك بقيتي حاجة اساسية في حياته.......لازم تشاركيه كل اللي بيحبه...يعني اعرفي من كلامه بيحب ياكل ايه يخرج فين يلبس ايه ايه الالوان اللي بيحبها مثلا...قصدي كل صغيرة وكبيرة بس دة يبقي من خلال سياق الكلام"يعني اوعي تفتحيله محضر"..... واحدة واحدة كدة

لو لبس قميص جديد بينيله انك واخدة بالك وقوليله مثلا" وبعدين بقي انت هتخلي البنات يمشوا يعاكسوك ولا ايه......اصل القميص دة شيك اوي عليك ولايق عليك جدا"..... يعني كلام كدة

لو هو متصلش بيكي...بلاش تقولي خلاص انا مش هكلمه لاء ابداي انت وطلعي الحب اللي جواكي دة بس متدلؤيهوش مرة واحدة...اتصلي بيه وقوليله مثلا وحشتني تعاللنا النهاردة شوية نفسي اتكلم معاك..ابعتيله رساله حلوة.....

واكيد انت عارفة بقي حركات البنات.....يعني لو انت وسط الف من البشر خلي عنيكي متابعاه حسسيه انك مش شايفة غيره...ولو جات مناسبة ابقي قوليله دة..
مع مرور الوقت هتلاقيه انشالله خد عليكي وبقيتي شئ مهم في حياته..بس يمكن هو مكانش بيتعامل مع بنات قبل كدة...او العكس يمكن كان بيتعامل مع بنات كتير اوي ولما جيه يخطب فاكر ان الموضوع لازم يبقي رسمي اوي.
الكلام في الموضوع دة يطوووول شرحه بصراحة....وانا مستعدة اتناقش معاكي كتير...بس الاول قوليلي"مبرررررررررررررررررررررررروك"..
لان خطوبتي الحمد لله كانت من اسبوع"بعد عذااااااااااااااااااب":confused:
دة الايميل بتاعي...ابعتيلي عليه لو حابة نبقي اصحاب
يمنع وضع الإيميل على العام...برجاء استعمال الخاص لذلك...

اعتقد احنا بقينا اصحاب خلاص.....صح؟؟؟؟؟؟؟؟؟؟:smile:

جينا هلا بيكي معانا عضوه جديده

انا مبسوطه ان احنا كل يوم نتعرف على بنات مصريات جداد ان شاء الله نبقى اصحاب

اولا مبروك على الخطوبه وربنا يتمملك بخير وعقبال الفرح قريب ان شاء الله

ثانيا بالنسبه لخطيبك لازم تفهمي شخصية الاول كويس وطباعه هل هو انسان بيحب الكلام الكتير والضحك ولفت النظار ولا هادي وقليل الكلام يعني بيحب يعبر عن نفسه بالكلام ولا التصرفات لان ده طبعا بيفرق في التعامل مع خطيبته وهل هو خجول بطبعه ولا جرئ

وكمان لازم تعرفي هل هو يعرف بنات كتير قبل كده ولا لا
لو كان يعرف بنات لازم تخليه يحس انك غيرهم كلهم عن طريقك حبك واهتمامك بيه وحرصك عليه لشخصه بس طبعا مش لانه واحد مناسب تعرفيه وهتتجوزيه
لازم تخليه يحس ان الاهتمام ده خاص بيه هو بس ولو كان واحد تاني مكانه كان اهتمامك بيه هيبقى عادي لانك مش هتحبيه بنفس الدرجه

اما لو كان ما يعرفش بنات قبل كده يبقى لازم تراعي انه ممكن يكون مش عارف يتصرف ازاي او مكسوف شويه او لسه ما خدش على وضعه الجديد بعد الارتباط لازم تديلوه وقته


كمان لازم تلاحظي حاجه تانيه انكم علشان قرايب ممكن ده يكون مسسبله حرج اكتر يعني مش عارف يتعامل معاكي ازاى خايف يعمل حاجه تضايقك وحد يعرف في العيله ويبقى شكله وحش
عايز يتعرف على طباعك اكتر
خايف من المسؤليه الجديده قدام عيلتكوا وعايز يبقى قدها فاعصابه مشدوده ومش قادر يعبرلك عن مشاعره

على ضغط في شغله مثلا

يعني يا جينا الموضوع ده ياخد كلام كتير زي ما قالتلك قلب العصفوره والبنات برضه ردوا عليكي باراء كويسه وانا مش عايزه اطول عليكي علشان ما تزهقيش من

بس على العموم طولي بالك عليه شويه واديله اهتمام اكتر طبعا بحرص من غير ما تخنقيه وتحسيسيه انك بتضغطي عليه يعني بخفه ورقه
وان شاء الله ربنا يسعدكوا مع بعض ونسمع عنكم اخبار كويسه دايما

عزيزتي الغالية
انا اوافق الأخت الوردة الؤلؤية
في الرأي
وانا نقلت موضوعك لركن
قضايا وحلول اكيد حيلاقي هناك
مشاركات اكثر
وحلول أكثر

تحياتي

السلام عليكم ورحمة الله وبركاته


أشكركم يا بنات على آراءكم الحلوة و مساعدتكم القيمة لأختكم :smile:

أنا اضم صوتي لصوت الأخوات ، مشالله عليهم ماتركولي مجال عشان أعطي رأيي ... الصراحة ماقصروا :clap::clap:

وعلى العموم ألف ألف مبروك (u)(u)

السلام عليكم ورحمة الله وبركاته
انا بجد بجد مبسوطه اوى لانى معنديش اخوات بنات ولاول مرة بحس ان ليا اخوات بينصحونى عموما فعلا كلكم كلامكم معقول جدا جدا ومغطى كل جوانب الموضوع بجد متشكرة اوى اوى لكل البنات وخاصة سيزا ايمان قلب العصفورة وبقولها مبروك يا حبيبتى ربنا يتمم بخير وعقبال كل البنات واخيرا وليس اخرا بشكر وردتنا اللؤلؤية الجميله