أنا أكبر ثرثارة و ناقلة كلام

تدرين انه مشكلتج راح تنحل .... وبسهوله .... لا واللي بيحلها ... إنت!

ما دامج اعترفتي انه عندج مشكله عيل هينه ان شاء الله :D2

طبعا مثل ما انت عارفه والكل عارف هالطبع مب زين ، حلو الوحده تكون مرحة بس الأحلى يوم تعرف متى تسكت وتعرف شو اللي ينقال وشو اللي ما ينقال.
كل أمهاتنا من نحن صغار وهم يعلمون فينا انّا ما نتكلم عن أسرار البيت والخ الخ الخ ، في ذالك العمر ما نفهم ليش الكبار يسوون مشكله كبيرة من كلام صغير وليش يبوون كل شي يتم سر!!!
بس الواحد يكبر ويبدأ يميز، وأنا هذا اللي طالبته منج. التمييز.
حاولي انج في البداية تلعبين لعبة مع روحج، لمن تكونين بمجلس فيه حريم وايد، حاولي انج تقليين من كلامج وتكثرين من الإستماع للغير ، وأقصد الأستماع الكامل بكل عقلج، مو تيلسين تفكرين في الكلام اللي بتقولينه أول ما رفيقتج تخلص كلامها! بل بالعكس ورفيقتج اتكلم يلسي فكري بكلامها وشو تقصد منه ويوم يي دورج وتبين تقولين شي أو تعلقين خذي نفس بالأول وابدي الكلام بهدوء. هالطريقة راح اتيحلج التفكير بالكلام اللي راح يخرج من لسانج وراح اتفاجئن انج تقدرين توقفين نفسج قبل ما تزل لسانج.
وشي ثاني أبيج اتسوينه انج تراقبين الناس وهم يتكلمون بس بدون ما يحسون فيج ، وخصوصا في المجالس الكبيره للحريم. الهدف انج راح تلاحظين انه أغلب الكلام اللي يقولونه ما منه فايده، وهذي حقيقة! وفي الأخير لازم تطلعين بنتيجة اني ما ابغي أنحط بهالموقف، أطلّع حجي وبس عشان أكون تكلمت، خلي هذا في بالج في كل مره تبين تفتحين فيها حلقج ،
وراح تبدأين تميزين بين اللي المفروض ينقال واللي المفروض يظل طي النسيان

وشكرا لج أصبحت أحس اني انا اللي صرت ثرثاره وحجيت وايد :D2:D2

rhma

أنا مافهمت مشكلتك بالضبط ، انت تقولين : أنا أكبر ثرثارة ، وانك ماتخشين سر ...

وبعدين قلتي : احدد لكم المشكله انا ثارثاره مع الناس اللي ارتاح لهم وبعد اي ناس اسراري عند ربعي والله ما ادري شو اسوي في حياتي والحين انا خايفه يوم اتزوج شو مصيري التعس ..

يعني وين المشكلة بالضبط ؟؟؟
هل لأنك ماتكتمين سر الناس ؟؟؟؟؟؟؟
أو لأنك تقولين أسرارك بسرعة للناس اللي تتعرفين عليهم ؟؟؟؟؟

السلام عليكم ورحمة الله وبركاته

هلا أختى الغالية

أهم شي أنك عرفتى المشكلة والحل بسطب بأذن الله
كل شخص له ربعه يتكلم معاهم بحرية

أنتى يا الغالية حاولى تفهى بأنك مو كل كلام ينقال
لما تجلسي مع ناس لسه ما عرفتيهم
تكلمى كلام عام .. وعادى

مع ربعك ممكن اتقول الى في قلبك .. إذا كان لك صديقة مقربة وثق
ممكن انك اتقول لها عن كل شي

لما تصير مع الرغبة بالتغير راح تقدرى اتغيري من نفسك
أول شي إذا فتح موضوع ممكن تشاركي فيه من غير الخروج عن الموضوع
أو كان الموضوع عن شي معين لا تذكري الأشياء الخاصة فيكى الى كل الناس:smile:

ذات الخمار شكرا أختي لمرورك الكريم في شي يمكن انا ما فهمتكم انا في المجالس بكمه يعني ما اتكلم وله راح انضرب :pain: تعرفين من كثر ما اتكلم اعرف كل انسان شو راح يقول وشو يفكر وهو يقول ........

مشكلتي فجأه اتيلي حاله امسك اي شخص سواء قريب وله بعيد واتكلم اللي ما تكلمت فيه عمري وما اقدر اوزن كلامي.

omboz شكرا أختي على المرور ومثل ما قلت لذات الخمار مشكلتي اني من عايله ما تتكلم يعني لو شفتي اهلي مستحيل تقدرين اطلعين منهم حق وله باطل بس انا غير (انا يمكن اكون مثل الناس الطبيعين) بس هل اشي يخليني غير عند اهلي. :confused:
...... يعني اعطيج مثال الناس يوم يكون عندهم ربع مقربين يقولون لهم اسرارهم صح !!! انا امي محرمه على هل الشي تقولين عايشين في المخابرات مب عايله :s2


نور الهدى ايضا شكرا أختي على المرور .. تخيلي توه امي شو قالت لي قالت انا غضبت عليج يا عالم و ياناس اقولها ليش تقول علشان انتي تتكلمين بس انا عند الناس العاديين ابد ما اتكلم. (الا لو يتني الحاله)

المهم انا ماراح اضايقكم ازيد المهم حسيت انني فضفضت وشكرا لكم خواتي يوم استمعتوا لي :confused:

انا احس ان حاله الكلام اتيلي عشان انا ممنوعه اتكلم حتى مع اقرب الناس اللي. والله لو شفتوا خواتي تقولون بير مب ناس (برررر :eek2:)

:D2



مرةةة عجبتنى صراحتك وطيبة قلبك


:smile:



احسن شي اتسوينة انك تعينيين لك اذكار يعنى تصلين على محمد اللهم صلي وسلم على محمد وال محمد او تستقفرين الله استقفر الله واتوب الية او لا اله الا الله لين تروح الحالة :up:



وتاخذين نفس طويل قبل الكلام زى ما قالت لك احد الاخوات :up:

فارسة شكرا أختي على المرورو ومنكم نستفيد :shy::shy: .........................

:smile:

السلام عليكم ورحمة الله وبركاته

و الله أختي عجبتني صراحتك و قلبك الأبيض...

حاولي على الأقل أمام أهلك تمسكي نفسك شوية...كل ما تبدأي في الكلام...تذكري...و اسكتي فورا...:smile:

أهم شيء والدتك تكون راضية عنك...

:smile: :smile:

بسم الله الرحمن الرحيم

السلام عليكم ورحمة الله وبركاته


انا ما اعرف اخبي شي في قلبي على الرغم من محاولات البعض

انهم يخلوني كتومه :smile:

هلا فيج حبيبتي:shy:

البنات كفوا و وفوا:smile:

بس حبيت انبهك انه في ناس راح تستغل براءتك و صراحتك

فبتزيد الرمسه و اللوم بيكون عليج


فخذي بالج:cool2:

والله مشكلتك مثل مشكلتي
المشكله انه لما اعرف شيء اقول ماراح اقول لو مادري ايش يصير من اول مره احكي كل الحكايه ولابحذافيرها
اختي مره خاله قالت لي نصيحه قالت لاجيتي تتكلمين وانتي ماتبغين تقولين هذا الشيء ومو قادره تمسكين لسانك عضي على طرف لسانك ولما تحسين بالالم تذكري انه ممكن مثل هذا الالم يصير لك من الكلمه الي بتقولينها فخليك ساكته افضل

B7rainia Vampir شكلج مستمتعة في السالفه :pain: اي يا زمن وصرت حديث الساعة :o


مرموم :o:o شكرا على المرور وعلى الكلمات اللي تبرد القلب يارت أمي سمعت هل الكلام



أم القوقو ههههههههه مرحبا أختي في الاسلام وفي اللسان :shy:



فوانيس يوم قلتي في ناس راح تستغلني ذكرتني في سالفه قديمه

كانوا العجايز ايون عندي يوم كنت اصغيره ويقعدون يسألوني عن كل شي

في البيت وطبعا انا ما اقصر وبعدين يوم ارد البيت بنت خالتي تخبر خالتي

اللي بدورها تخبر امي فتقعد امي تزفني (u)


خيول الفجر ضحكتني نفس الحكاية معاي بس صدق طلعت خالتك خطيره

فكره حلوه وراح اجربها :up:

نجمة نجد شكرا على المروور

عندي وعندك خير:smile:

انا برضو اعاني من هالمشكله بس وربي

اني مااقصد..يعني اتكلم بحسن نيه:pain:

تدرين الفترة هذي انا زعلان مني شخص بسبب

لساني واخاف اني اخسره

وربك يستر:s2

بسم الله الرحمن الرحيم

السلام عليكم ورحمة الله وبركاته

غاليتي ...

بالفعل العتراف بوجود مشكلة هو الطريق الأول لحلها

وعليك أختي أن تعلمي ليس كل من تجلسين معه يسمى صديق ويستحق أن يعرف أخباركِ

فقللي من عدد الصديقات وحاولي تحاشي التحدث في أسرتك فمن يساعدك على ذلك لا يستحق صداقتك بل يبحث عن التسلية بأخبارك


تقبلي تحياتي وفائق إحترامي وتقديري

المرتحله

هههه اختي الغاليه انتي انسانه صريحه وبسيطه مع نفسك

وهذا الشيء واضح من هالموضوع واعترافك على نفسك ..


خذي الامور ببساطه ..

تصدقي اظهرت نتايج بأن الثرثرة مفيدة
فهي غذاء الروح
تطيل العمر
تقربنا من الآخرين
فالثرثار من الأشخاص الذين نادرا ما يصابون بانهيار عصبي، ونادرا ما يتعرضون لأمراض القلب ..
هههههه فخذي الامور ببساطه ..هوني على عمرك واعتبري الموضوع شيء عادي ..


وعشان تقللي من هالظاهره

جربي اذا احد قال لك سر او خبر ...


حاولي تكتبين الخبر على ورقه ..

وبعدين مزقي الورقه ..او احرقيها ..


وكرري هالحركه كلما تشعرين بانك راح تقولين الخبر ..


وراح تنجحين باذن الله

وبعدين راح تنتقلين الى مرحله اخرى ..وهي انك

كتمتي اول سر وهذا دليل بان صار عندك حافظه في ذاكرتك

ومكان سري وفيه خبر ..وهكذا ..


واشغلي الوقت بذكر الله حتى يوم تكونين موجوده مع مجموعه

فاذكري الله في سرك ..وقولي لا حول ولا قوة الا بالله ..

ومن الاذكار ..


ادري اني تفلسفت عليك وااايد بس جربي وادعي لي ..





اختج

**عروس*البحر** شكرا على مرورك الكريم وبصدق لازم نتعلم فضيلة الصمت (مثل ما يقولون) والله يصلح بينك وبين اللي زعلتيه :up:



المرتحله شكرا أختي على المرور وانا اعرف اني اقدر بأذن الله اتعلم فضيلة الصمت بس البداية دايما صعبة وادعو اللي :shy:


المكابره شكرا أختي على المرور وانا اوافقج الرأي اني انسانه صريحه مع نفسي وعن النتائج والله ضحكتيني تخيلتك مريم نور :D2 وعن النصائح ان شاء الله راح احاول اتبعهااااااا بس انتي ادعيلي:up:

rhma انزين اوريج تقولين مريم نور ..

مره وحده مريم نور ما هي الا وحده ما اقول الا بس الله يهديها ..


ههههههههه بس حلوووه هذي
بس خلي سالفتي وسالفت مريم نور سر ..هههههه



اختج في الله

والسلام عليكم ورحمة الله وبركاته