أنا و زوجي.....

انا الحين صار لي ثلاث سنوات امعرسه ونفس حالتج

السلام عليكم ورحمة الله وبركاته


اخواتي في الله ابصراااحه مدري شقووولكم

والله ماقصروتوااا وايي ويسلم راسكم

ماتدرون ايش جد هالموضوع مسبب لي ازعاج واحراج ومعكر مزاجي

خصوصا زوجي من النوع الي رغبته الجنسيه كبيره
وللاسف احيانا انا اتهرب منه واتعلل بالايااام وكله بس خوفا من الالم وتوابعه:pain:


اخااااف انه مع الوقت يتعب ويمل لاني بالفعل حاسه اني مو جادره اشبع رغباااته مو بسبب قلة اهتمامي بس كله من الألام الي اتصاااحب فتره المعاشره



حبيبتي فراشه زرقاء ابصراااحه يسلم راسج الغالي ماقصررتي والله ماتدرين ايش جد انه ممنونه لج وشاكره بحاول اطبق الي قلتيه وفي اسوء الاحوال اعتقد اني راح اعرض نفسي على اخصائية:o



لاخلا ولاعدم وربي يحفظكم

السلام عليكم ورحمة الله وبركاته

أختي الجيلانية...

إضافة إلى كلام الأخوات ما شاء الله عنهم...

في سبب آخر للألم...ألا و هو الإلتهاب الشديد أو وجود قرحة في عنق الرحم...لذلك أي احتكاك بها يسبب الألم...

مفروض العملية تكون بسهولة و يسر...و الإفرازات الملينة التي تخرج من المرأة تمنع الإحساس بالألم...

لذلك ما رأيك تكشفي عن الإلتهابات عند الطبيبة ؟

وعليكم السلام ورحمة الله وبركاته

أختي الغاليه مرموووم

الإلتهاب الشديد أو وجود قرحة في عنق الرحم...لذلك أي احتكاك بها يسبب الألم...

والله ماادري اذا كنت اعاني من مشكله في عنق الرحم


المشكله بطبعتي انا جدا خجوله واستحي اني اكلم اي احد بخصوص الموضوع فمابالج اني اعرض نفسي على اخصائيه:o(بس اذا كلش كلش يأست اعتقد اني مضطره اني اسأل اخصائية)



وحده من الاخوات جزاها الله الف خير دلتني على المنتدى ولما تصفحته عجبني كثير وقلت خل اطرح مشكلتي على الله القى الحل عندكم

مبدائيا اعتقدت ان سبب الالم والالتهاب الي يصيبني هو بسبب جفاف المنطقه عندي اثناء المعاشره مما يسبب لي الالم هذا زايد ان المنطقه عندي ضيقه كثيررر:pain:

مفروض العملية تكون بسهولة و يسر...و الإفرازات الملينة التي تخرج من المرأة تمنع الإحساس بالألم...

بعد نزول الافرزات هذي يخف الالم ومااصير اتألم مثل قبل بس الالم يظل موجود بعد المعاشره ويستمر وياي لليومين هذا زايد نزول الدم والتهاب الي يصيدني


بس حبيت اعرف اشلون ممكن اعرف اذا عندي مشكله بعنق الرحم وهل هالشي يأثر على الحمال قصدي هل بسبب الالام الي اعانيها والالتهاب هل يمنع حدوث حمل ؟؟




اختي مرموم الشكر في حقج وفي حق الاخوات قليل الله يحفظكم ويبعد عنكم الاذى ويرزقكم الي تتمنونه

السلام عليكم ورحمة الله وبركاته

شوفي أختي الجيلانية...

كلنا كنا خايفين من الدكتورة في الأول...و أنا منهم ( متزوجة من 10 شهور تقريبا )...

لكن لما تروحي لدكتورة شاطرة و فاهمة...راح تتفهم خوفك...و كشف الإلتهاب بسيط جدا جدا...مجرد تاخذ عينة من المهبل...

و نفس الشيء بالنسبة لعنق الرحم...أعتقد تكتشفه بالمنظار...

و إذا في شيء...راح تعطيكي تحاميل مهبلية لمدة ثلاثة أيام...و بعدها يروح الإلتهاب و الألم نهائي...

كل العملية ما راح تاخذ أكثر من 10 دقائق عند الدكتورة...و ترتاحي بعدها...لذلك...خذي أختك أو والدتك أو صديقتك اللي تحبيها و روحي...

و ممكن تلاقي الدكتورة عندها حل تاني للموضوع...

أهم شيء إنك تعالجي نفسك بسرعة إذا فعلا كان في التهاب...و كمان ما تنسي إنه هذا راح يحسن العلاقة بينك و بين زوجك...

طمنينا عليكي أختي...:smile:

اختي انا نصيحتي من نصيحة اختي مرموم،،، يكون احسن وايد لو تعرضين نفسج على دكتورة،،، لانه كون الالم يستمر وياج بعد الجماع وياخذله يومين وزيادة على نزيف الدم والالتهاب،،، الصراحة اشوف ها الشي مب طبيعي،،، نحن نحس بالالم في البداية لكن مع الاندماج خلال العملية يخوز الالم وما يستمر حتى بعد الجماع،،،،

على العموم اتخيل تحتايين مجرد تحاميل وهيه جدا مفيدة بس انتي شوفي الدكتورة شو بتقولج وعسى خير ان شاء الله،،، اتخيل هاي المشكلة بسيطة وما يبالها وقت طويل للعلاج،،، وبالنسبة لسؤالج كون الالتهاب ممكن يأخر الحمل بالفعل عزيزتي لازم تتعالجين من في البداية عشان ترومين تحملين والعلاج ما ياخذ وقت طويل والله يكتبلج اللي فيه الخير ويرزقج واخواتي الذرية الصالحة قريبا آآآآمين

السلام عليكم ورحمة الله وبركاته



والله ماتدرون ايش جد مقدرة لكم نصايحكم وإهتمامكم بمشكلتي والله يعلم اني ماكنت محصله اي احد اشكي له


اختي الغالية مرموم انه بمشي بنصيحتج ونصيحة اختي اوركيد وبالفعل أخذت لي موعد مع اخصائية يوم السبت

للاسف مالي احد يهالديرة اني بروحي لا أم لاأخت ولا صديقه


ادعوا لي ربي يفرجها علي



لاخلا ولاعدم وربي يحفظكم ويرزقكم الخير و الذرية الصالحة

كم مره احب اشارك في مواضيع واتفاجئ انها ما تنفع لي ولا انفع لها

كلها سوالف متزواجات وانا توني في قفص العزوبيه

لكن الله ياعدكن خواتي
:o

غلطه مطبعيه فوق

القصد الله يساعدكن :smile:

تقدرين تقولي له "رخي شوي" ... والا ترى ما راح ترتاحين في المعاشرة وتظلين خايفه منها... و أيظا لا تنسين الكريمات اللي تحطينها على المنطقة قبل المعاشرة لأنها تسهل المعاشرة ومن دون ألم...إستخدمي مرهم كي واي من الصيدليه :o:o

الخوات ما قصروا

والله يعينج

الزيت زيتووون ,,, ثم الزيت زيتووون .... ثم الزيت زيتوون ... بعد المداعبه الطوييله من قبل زوجك


صارحيييييه بالالم الذي يصيبك و اطلبي منه ان يخليك تضعين الزيت زيتون على المنطقه الحساسه كبدايه

انا سنه كاامله كنت اشد علة نفسي كثير كثير ... بس بعدييين تمييت ادعي ربي انه يفرج همي .. و يسهل علي

و قولي هذا الدعاااء كل مره اتحسين انه زوجك يبغي يمارس معاك الحلال

((( ربي انت تجعل الحزن سهلا و تجعل الصعب ان شئت سهلا ))

صدقيينيييي و الله ثم و الله ... انه هذا الشي اللي نفع معاي

المدااعبه ثم ضعب الزيت زيتوون . و على فكره الزيت زيتون ما يمنه الحمل

بالعكي انا الحينه حاامل و كنت استعمل الزين زيتووووون


صدقييينيي ياااا اختي ... لا تنسييين الدعاااااااااااااااااء

((( ربي انت تجعل الحزن سهلا و تجعل الصعب ان شئت سهلا ))

ماشاء الله الاخوات ما قصروا ... وخاصة الاخت فراشة كفيتي ووفيتي

على فكره ترى هالفتره بعد خمس سنين بتكون ذكرى حلوه في حياتج

بحلوها وبمرها ...:smile:


:shy::shy: