حذر الناس من جماعة الإيدز الجوالة ..؟؟!!

أنا وأنت 16-05-2004 46 رد 4,728 مشاهدة
غ
يا بنااااااااااات

الحين عندنا حالة ايدز بالمنطقة اللي انا فيها انا من بوظبي وبنفس الحي اللي انا فيه بنت ضربوها ابرة الله يشفيها وحست ان جسمها كله مشتعل نااااااااااااار

التحذير للي بالامارات والسعودية وعماااااااان

لأنهم مجموعة انقسموا لكذا قسم بالامارات والسعودية وعمان وانتبوا باقي الدول تراهم يايينكم
ع
لا حول ولا قوة الابالله العلي العظيم..

الله يرحمنا برحمته
a
بنات لا اتخافو السالفه موجوده باالسعوديه وجو الشرقيه واحنا اللي لازم انخاف:D2:D2:D2ومن فتره كانو في الجبيل يعني قريب منا لاني بصفوى يمااااااااااااااااااااااا :confused::confused::confused::confused:ما احد في البيت غيري واختي الكبيره نايمه بطني يوجعني لانكم رديتو السالفه وهي صارلها3 اسابيع خامده
أ
الصراحة الموبايلات البارحة مب طايعة تسكت من المسجات والسبه هاي السالفة،، حتى يميع الشباب في المنتديات اشوفهم يرمسون عن هاي السالفة اللي من عمان واللي من الامارات وكلهم يأكدون على السالفة،،، ويقولون انه هاي الجماعة انتشرت في الامارات وعمان وهم اشكالهم من افريقيا،،، واستوت السالفة في منطقتي بني ياس والشهامة بالامارات،،، عاد ما يندرى،،، لان اليوم الصبح اقرى في الجريدة انها اشاعات،،، وانا الصراحة ما آخذ دوم على الجرايد لانها دايما تحرص على الامن في البلاد وشي طبيعي ما بيخبرون،،، المهم،،، المفروض ان الاهالي إيودون عيالهم على الاقل من الهياته في الشوارع والفريج،،، لانه الصراحة زياغ،،،،

الله يحفظنا بس من هاي المصايب اللي ما ادري من وين تينا
ن
الله يستر علينا وعلي احبائنا:eek2::eek2::eek2:
ذ
لا حول ولا قوة ألا بالله.... ليش الشرطة ما قدرت تمسكهم لين أحين؟!!!!
ا
:down: الله ينتقم منهم

الله يحفظ امة محمد صلى الله عليه وسلم
ا
السلام عليكم ورحمة الله وبركاته

بصراحه سمعنا عنها في عمان

وامس يقولوا بانهم يوزعوا لحم مع الدم اللي فيه ايدز

والله يستر علينا و على كل المسلمين

لكن ما غريبه انهم ما مسكتهم الشرطه ولا في اي دوله خليجيه اقصد عمان و السعوديه و الامارات للحين؟!!!!!

يارب تحفظ كل المسلمين
ي
:D2

السالفه كلها جذب ابجذب وذلك ايماناُ منهم اونه يعني ايمان بان الحرب

النفسيه اهم من الحرب ولا مدري وش اقول المهم طالعوا جريده الاتحاد مالت اليوم بنات الاثنين الصفحه الاولى تاريخ 17 / 5 /2004

انا من بوظبي
s
:eek2:
ب
الله يستر علينا ياااااااااااااارب ..

ويحمي عيالنا وعيال المسلمين ياااااااااااااارب ..

صح وأنا ربيعتي قالت أنها وصلت عندهم في خورفكان بس زين أن أمها تعرف الموضوع جان تطردهم من البيت ..

والله لو أنا عنهم أحسبهم في الصاله وأضربهم بالأبار ألي عندهم ..والله يستاهلون الله ينتقم منهم ..

وبعد في مدرسه ثانويه بالعين دشوا عليهم وطعموا بعض الشباب وحليلهم ما كانوا يدرون ..

الله يشافي الجميع ..
U
يا بنات انكروا في الاخبار وفي الجرايد اليوووم انه الخبر كذب وانه ازعاج بس في من الاهل وهم من الامن اكدو انه هذا الشئ صح بس ما يريدون يخوفوون الناس لييييييييييش مش حرام :confused::confused::confused:
أ


بصراااااحة أشكر اللي مرووا على الموضوع وأضافوا من عندهم الله يجازيكم كل خير أخواني وأخواتي ..

بس حبيت اقول أن الجرايد تنكر هالشيء بس عشان الأمن وما تستوي

اضطرابات يعني الصراااحة الموضوع متكتمين عليه بالزين حتى البارحة

طالعة على الأخبار قناة الإمارات ويقولون أن الموضع جذب وإن كله خرابيط

وأي حد يرمس بالسالفة بيتخذون إجراءات أمنية مشددة :confused::confused:

طيب هم يمسكونهم بالأول وبعدين يسوون فينا اللي يبونه :down::down:
ا
تراهم وصلوا قطر فأتمنى الحذر منهم يا أهل قطر .


تحياتي لكم
ب
والله أنا بعد قريت الخبر اليوم في الجريدة....

الله يبعد الشر عن بلادنا....

إن شاءالله الموضوع يكون إشاعه بسسسسسس

الواحد لازم ياخذ إحتياطاته...
ط
الله يحفظنا ويستر علينا... الله ينتقم منهم ان شاءالله...
ت
الحين هذي صدق ولا اشاعة ..........

يعني سمعت عنها كثيرر بس كل اللي خبرني عنها سمع بس مافي حد شاف ......... :smile:
ظ
السلام عليكم

ما اعرف شو اقول غير الله يستر ويعين الصراحه في ها الزمن ماشي ما بيستوي واهم شي نسويه الحين ان نحن نوعي الشواب حليلهم تراهم ما يدرون عن هوى دارهم يقولولهم بنظربكم ابار عن السكر وعاد حليلهم ما يصدقون على الله يقولون في خواطرهم هني الشفاااا
الله يعين ويعاون
اختكم ظبية العين
ح
صحيح هالموضوع و أنا أشتغل في مستشفى في عمان و فعلا في حالات جات .و طبعا في تحقيقات جارية في الموضوع .
حسبي الله على هالمجرمين
ن
السلام عليكم ورحمة الله وبركاته

الخبر هذا صحيح بس اكيد ما راح ينتشر في الأخبار علشان الناس ما اتخاف بس المفروض يتنشر في الأعلام علشان الناس تأخد الحذر
X