عندي مشكله واكيد الحل عندكم

هلا فيج يا aseer

حبيبتي النساء أكثر عرضه للإلتهاب المثانة

أهم شيء تشربين الماء بإستمرار عشان يخفف من حمض البوليك اللي بالبول و هو اللي يسبب الحرقان الشديد و الألم

و هذي بعض الحلول إن اشاء الله تفيدك :up:

نصائح لحالات الإلتهاب المتكرر:

شرب 2 لتر ماء يومياً.
التبول كل 2-3 ساعات.
التبول قبل الخلود للنوم ليلاً و بعد الجماع.
تجنب استخدام المواد الكيماوية أو مستحضرات الفقاعات عند الاستحمام في البانيو Bubble Baths.
تجنب حدوث الإمساك , لأنه يعرقل إخلاء المثانة من البول.


:smile:

الغالية انا تعرضت للالتهاب مرتين خلال حملي وهاي المرة الثالثة لي،،، بين كل فترة تقريبا شهر ونص،،، يعني من يخلص مفعول المضاد بشويه يرد مرة ثانية،،، واول مرة في حياتي كلها يستوى عندي إلتهاب مثانة،،، طبعا نفس الاعراض تيني،،، والالم يكون في المثانة نفسها وعند التأخر في العلاج ينتقل للمهبل ويصير الحرقان الشديد والصعوبة البالغة في التبول،،، بس آخر مرة ما سرت المستشفى اللهم اتصلت في طبيبتي وسألتها ووصتني بالمضاد الحيوي مرة ثالثة،،، طبعا انا وايد متخوفة منها خصوصا اني حامل لكنها طمنتني وقالتلي انه كثير من الحوامل يستمرون على المضاد طوال فترة الحمل،،،، والصراحة كم اشرب في الماي وكم اسير وارد على الحمام وانتوا بكرامة عشان اتجنب ها الشي وخصوصا بعد المرتين الاخيرتين وبعد ما نفع ويايه،،، بس بعد ما يعني انه الوحدة ما تستمر على شرب الماي،،،،

المرة الاخيرة من بديت احس فيه ما خليته،،،، على طول المضاد والتحاميل المهبلية،،، حتى كنت حاطتنها عندي احتياط في البيت بعد اخذ المشورة من الدكتورة ممكن استخدمه من احس بالالتهاب،،،، لانه المرة اللي قبلها اتأخرت في العلاج والسبب انه صابني بالليل وصبرت إلين الصبح زيادة على الانتظار بالساعات في المستشفى،،، ويوم سرت الحمام وانتوا بكرامة تفاجأت بنزول دم عند التبول،،،، الحمدلله الله سهل لانه ناتج عن الالتهاب الشديد وها اللي سمعته وقريته من تجارب كثير من الاخوات ومن كلام الدكتورة،،، كل ما اقدر اقولج إياه هو انج تتوكلين على الله وتاخذين المضاد الحيوي والتحاميل لانه على قولة الدكاترة ما يروح إلا بالمضاد،،،، واتخيل الغالية ان شاء الله ما في ضرر منه في المستقبل لانه معظم الحريم يمرون بها الشي وخصوصا في فترة الحمل،،، طمني قلبج عزيزتي وعسى ما شر ان شاء الله،،،، وان شاء الله ما يعود عليج الالتهاب مرة ثانية قولي آآآمين

على فكرة،،، من تجربة وحدة من الاهل،،، تقول انها يوم كانت في امريكا،،، مرت بنفس المشكلة وكان الالتهاب عندها وايد شديد والدكتورة وصتها بنوع من انواع العصير اللي له مفعول جدا فعال على الالتهاب،،، على قولتها احسن عن الماي نفسه،،،، ولما استخدمته راح عنها على طول،،، تقول انها وايد ارتاحت منه ومفعوله جدا ممتاز،،، لما سألتها عن العصير قالتلي متوفر في الامارات في سبينس وهو بنكهة التوت ومرسوم عليه توت اكيد واسمه "كريب بيري" اعتقد بالانجليزي جيه "Grape Berry"

أنا لين الحينه ما يربته بس ناوية ان شاء الله إذا الله راد قريب

وحياج الله الغالية والف سلامة عليج

تحيه وبعد...

ماشالله البنات ما قصروا ...

الله يشفيك...

الله يعينج انا جربت التهاب المثانة .. و كنت مثل ما قلتي ابجي من الالم .. وعطتني الدكتورة غسول وحبوب ريحوني حيل .. بس والله ماني ذاكرة اسمه لانه كان من دوه حوالي 5 شهور ..

سلامتك اختي
انا دكتورتي نصحتني بعمل مغاطس ماء ساخن او دافي مرتين بالاسبوع ... و الحمدلله بحس بتحسن كبير
بس الاهم من كل شي شرب الماااااء باستمرار .
ما تشوفي شر

الله يعطيكم العافيه والله ماقصرتم صراحه اني استفدت كثيراً لاكني كنت متردده ان ابعث بمشكلتي هاذي .. لكن وجدت منكم كل مايرضيني ويطمني لاني خايفه كثير من هادي الامور لان ماقد جاتني الاعراض هادي وبصراحه فكرت انه بس انا عندي المشاكله هادي لاكن الحمد لله انكم وضحتم لي امور ما اعرفها وخاصه انا في بدايت حياه جديده عليه ولكم شكري الجزيل وجزاكم الله خيراً.