"غلطـــــــه الايام"

في الصاله....
سلامه خلصت سبوحها...لبست بدله حلوه بلون زهري فاتح...لفت شعرها ونزلت خصلات...آخر شي ادخنت وتعطرت...وشما ونوره وحمده كانو يطالعونها بكل اعجاب وانبهار....
سلامه شلت المدخن ادخن اليهال بدت بنوره....
نوره:خالوه..انتي واااايد حلوه...
سلامه:عيووونج الحلواات....يالاه شمووه تعالي ادخنج...
شما:سلااااموه لاتصدقين عمرج وااايد....
سلامه:ههههههه ياهالشيفه...بلاااج بويه....
شما:ههههه امزح...امزح...
سلامه:يالاه حمدوووه...
حمده:خااالوه...قولي حق خالي يودينا الحديقه...
سلامه:خلاص بخبره....
شما اعتفس ويها:ليييش تروحووون...انا مابروح...
حمده:لا تقولين...لازم تروحين ويانا....
شما:اكييييد ميسووون مابتخلييني...
سلامه اتذكرت ميسون..."يالله كيف نسيت ميسون...ياحليلج ياميسون...اليوم انشالله بروح حقهااا"
حمده:خلاص مانبا نروح بنقعد ويا شمووه بنلعب...
شما:قوولي والله...
حمده:هههه والله...
شما لوت على حمده:أحبج شرات اربيعتي شويخ...
نوره:منوه هاذي شويخ...
شما:اربيعتي بالمدرسه...
سلامه بعدما ردت كل شي مكانه...:ياالاه حبايبي ننزل....
سكرت الباب وكانت تمشي جدام ووراها البنات...
سلااامه:السلااام علييكم...
اليده:وعليييج السلااااام افديييت هالصنعه والله اللى ترد الروح...ولوت عليها...
سلامه صوتها متغير:اشحااالج يدووه...
اليده:بلاااج بنتي ورفعت ويه سلااموه وجافت اعيونها ادمع....ليش الصياح امايه...
سلامه:يدوووه صرتي ماتقربين صوبنا شرات اول...
اليده:علج اسد عوووقي انشااالله....وحبتها عالراس...
ام سلطان:سلاااموه يدووتج حليلها ماتروم عالسيرات برع.....
موزه يايه من برع الحوي:حسبيييه الله عليهم ....سلاااموه اشحااالج...
سلامه :ابخييييير...
موزه:بلااج الغاليه مبرطمه...
سلامه:................
ام سلطان:اشفييج محتشره برع...
موزه:امايه بطووي وقااايد يضاربون الزراع...حليله يأ يتشكى...
سلامه قامت من مكانهاحنه حد صب عليها ماي بارد...وظهرت برع...
عقب ردت:موزه عطيني وقايتج...
موزه:ليش شو تبين بها...
سلامه:انتي عطيني...والله لاغسل شرااعهم هاذيلاااااا بطي وقاايد...ماعليه...
موزه:زين اتسوين فيهم....
ام سلطان احتشرت عليهم:سلااامه لاتضربنهم...ياويلج ان ضربتيهم....
سلامه وهيه بعدها مالبست وقايتها بطلت الباب...انصدمت بلي جاافته....وردت ريوس عوراااا...تحجبت عدل...ومن ورا الباب....يدور هالحديث....
فلاح:آسف...ماكنت اقصد...
سلامه قلبها يدق بقوه:ماعليه اخويه...
فلاح: وين اختج موزه....
سلامه" هاشدرااه باختي موزه...لاويعرف اسمها بعد....":ليش اخويه ...انته منوه...
فلاح:هههههه انا فلاح ولد عمج ...شو ماعرفتيني...
سلامه"عنلاته مسود الويه يضحك بعد":لحظه...
سلامه سارت لموزه وسحبتها بعيد عن يدوه وامها اللى كانوا يسولفون عن فلانه وعلاانه شو سوت وشو ماسوت...
سلامه:انتي جيه ماتخبرينيه ان اخو ريلج هو اللى يايبنكم...
موزه:ليش واايد هامنج...
سلامه:زين جيه ظهرت حقه اسميني فشله مستويه...
موزه:وشو يعني ولد عمج هو...
سلامه:انزين هاج وقايتج...ظهريله يباااج برع...
موزه:حسبييه الله عليييج خليتيه ايخيس برع... عيل الحين منوه بيفكني من السانه....
سلامه:قصوووره...وروحت...

.............
فلاح:حشا...مابغيتي ياموزه...
موزه:هههه كنت متاكده بتحتشر...انزين شو تبا...
فلاح:والله مب هامنج انا قاعد بروحي في الميلس...
موزه:هههههه شو سوي ابويه سارالعزبه...النهيان وسلطان بالدوام ومنصور تدري ان وعيناه..بتستوي الساعه وياه...
فلاح:انزين....منوه هذي اللى فتحت لي الباب...
موزه:هاي سلامه اختي...
فلاح:انزين سلمي عليها...
موزه:انته ماتيوز...يالاه فارج...وكانت بتسكر الباب...
فلاح:لالالالالا تعالي...بلاج مستعيله ماسالتيني ليش ياي...
موزه:فلااحوه...سوالفك هذي خلها في البيت...والله مب متفيجه امايه تزقرني...
فلاح:ارمس جد ترا...باخذ قايد وبطووي بنسير المول...
موزه:انزين بس ابسرعه ردووا...
فلاح:ليش ارد ابسرعه..بتفرونيه بالميلس ويا الخبايل بطوي وقايد ابرك لي قعده المول...
موزه:محد غيرك الخبل...هذا وانته عمهم وتقول هالرمسه...يالاه فارج...
فلاح:ههههههههه...
...........................
ام سلطان:شو يريد فلاح...حليله غمضني الولد روحه بالميلس...
يدوه:بلاااه هو مستحي ييلس بروحه...
ام سلطان:لااميه اقولج خليناه بروحه في الميلس...
يدوه:هيييه...عيل وين عيالج...
ام سلطان:بالدوووام...
سلامه:موزه تعالي اشوي المطبخ...ساعديني بسوي كيكه...
موزه:سيري مناك مااقدر...
سلامه سحبتها:تعااالي انزين اشوي...
في المطبخ..
سلامه سارت صوب الثلاجه وصبت الها ماي فكوب:موااااااز...الماااي مفيد لصحه...
موزه:اسمييج...يايبتني من هناك عسب تقوليلي الماي مفيد لصحه...
سلامه:لا بتخبرج عن أخو ريلج...
موزه:اهااا....وقعدت عالكرسي...انا اقول...والكيكه مابتسوينها...
سلامه:بسويها...بس الحين خبريني منوه هذا فلاح من بين اخوانه...انا احيد عندهم سالم وخالد وسعيد وناصر ماشي فلاح...من وين ظهر...
موزه:لاااا والله عيال عمج وماتعرفينهم ...فلاااح آخر العنقوود...اصغر واحد فيهم...
سلامه:شدرانيه فيهم هم مايون بيتنا الا في المناسبات حتا مب دايما...وليش زقرج...
موزه:يخبرني بياخذ بطي وقايد المول...
سلامه:عفان الله مايروم يدق تلفون...متعني لين باب الصاله...
موزه:هيه صح يسلم علييج...
سلامه فاجه اعيونها:شووووو يسلم عليه...سلام منه والدرب...جيه ماهزبتيه...
موزه:وجيه اهزبه السلام لله...وبعدين هومايقصد شي...
سلامه:انزين...خل يولي ها أخوريلج...بسوي كيكتي اخير لي...
موزه:سلااموه عيل يزوووي متا بتي؟
سلامه:سكتي ماصدقت سلطان ودها بيت هلها والله طرت من الفرحه...انشالله دووم...بس والله ولهت حق الهنوف وشواقي...
موزه:ههههه ملعوزه فيج...
سلامه:والله قهرتني كله تيلس تخق...الله يعين سلطون عليها...
موزه:بسج والله حشينا فيها...حرام
سلامه وهيه تنزل اغراض الكيك من الادراج:حرمت عليها......
موزه:سلاااموه حرااام عليج...مهما استوا هاي حرمه اخونا سلطان...
سلامه:انزين انتي ماتشوفينها كيف تدلع...مادري شويحب فيها ...
موزه:برايها انزين..كيفها الحرمه...
سلامه:اهووووولاتيبين طاريها تولي....
وهنيه دشو البنات الصغاريه......
موزه تتطالع شما:سلاااموه ماتحيدين شمووه يوم كانت ياهل...كانت اتصيح يوم نشلهااا...
سلامه:والحين السانها لين اخر مكان في راس الخيمه..
الجميع:هههههههههههههههههههههه
شما:لالالا واااايد بالغتي...انا جيه...الله يسامحج...
نوره:خالوه شو تسوين...
سلامه:اسوي كيك....
حمده:خالوه بسوي وياج....
شما:وانا بعد...
موزه:اول غسلن ايدكن...
.................................

[SIZE=3][COLOR=purple]بيت حميد الجتبي...
الصبح...
اليوم قوم الجتبي بيسيرون دبي مب كلهم بس البنات فاطمه وميثه ومريم وحصه ويا الدريول قوم حصه...
نزلت فاطمه تحت ولقت ابوها وامها يتريقون ...
فاطمه:صبااااااح الورد...ياحظي والله اليوم متصبحه بويه ابويه اكيييد يومي بيكون حلو وحبتهم ع راسهم....
ام شهاب:دامج حاشرتنا فدبي...واليوم بتروحيلهااا انشالله يومج حلو...
بوشهاب:هلا والله بفطومتي...
فاطمه:وااااي...بتخبل...يازينها فطومتي من ثمك ...بس ابويه ماتلاحظ شي على حرمتك...
بوشهاب يطالع ام شهاب ويضحك:لأ يافاطمه ..انتي شو تلاحظين...
فاطمه:مممم ابويه امايه تراها تغاار...
بوشهاب:هههههه من شو تغار بعد...خبرينيه...
فاطمه:تغار يوم انا أحبك...
ام شهاب:لمي ثمج يااافطيييم...وعن الرمسه الوصخه وتتطالع بوشهاب اللى كان يشرب جاهي وقالت له:ماتشوف بنتك شوتقول...
بوشهاب رايق للاخير:بس ياااعووشه فطييم ماجذبت..ترا ها هو الصدق ادري انج تغارين عليه...
ام شهاب:خلااص ابويه...الايام ولت ونحن كبرنا عن هال

بيت حميد الجتبي...
الصبح...
اليوم قوم الجتبي بيسيرون دبي مب كلهم بس البنات فاطمه وميثه ومريم وحصه ويا الدريول قوم حصه...
نزلت فاطمه تحت ولقت ابوها وامها يتريقون ...
فاطمه:صبااااااح الورد...ياحظي والله اليوم متصبحه بويه ابويه اكيييد يومي بيكون حلو وحبتهم ع راسهم....
ام شهاب:دامج حاشرتنا فدبي...واليوم بتروحيلهااا انشالله يومج حلو...
بوشهاب:هلا والله بفطومتي...
فاطمه:وااااي...بتخبل...يازينها فطومتي من ثمك ...بس ابويه ماتلاحظ شي على حرمتك...
بوشهاب يطالع ام شهاب ويضحك:لأ يافاطمه ..انتي شو تلاحظين...
فاطمه:مممم ابويه امايه تراها تغاار...
بوشهاب:هههههه من شو تغار بعد...خبرينيه...
فاطمه:تغار يوم انا أحبك...
ام شهاب:لمي ثمج يااافطيييم...وعن الرمسه الوصخه وتتطالع بوشهاب اللى كان يشرب جاهي وقالت له:ماتشوف بنتك شوتقول...
بوشهاب رايق للاخير:بس ياااعووشه فطييم ماجذبت..ترا ها هو الصدق ادري انج تغارين عليه...
ام شهاب:خلااص ابويه...الايام ولت ونحن كبرنا عن هالسواالف...
بوشهاب يبا يغايض بحرمته:بس انا قلبي بعده اخضر...ناوي اعرس بعد...
هنيه فاطمه بعد ما شبعت ضحك على ابوها وامها شهقت وقاالت:لااااااااااااااااااااا ابويه شو تعرس ...انا قلت جيه عسب تييب طاريه العرس...ابويه شو ها محد يرمس فياااك...
ام شهاب:ارتااح ابويه محد يبااك شيبه...
بوشهاب:ههههههههههههههه
فاطمه:امايه ابويه هب شيبه....وتقطع سوالفهم صوت ارميثه..وهيه تتراكض صوبهم...
ارميثه:يدوووووه وسارت صوب يدها وقعدت فوقه...
بوشهاب:انتي شو اللى موعينج الحينه...
ارميثه:رقدت وااايد...بس ماماه وزايد بعدهم رااقدين...
ام شهاب:ارميثوه تعالي هنيه بصبلج حليبه...
ارميثه:ماااااباااااا...بعدين ...بعدين...
فاطمه:ارميثووه نزلي عن باباتي...عندج ابوج...
ارميثه:لااا مااابااااا...كيفي...
فاطمه:خقاقه...مااحبج...
ارميثه:هههه حتا انا...
بعد اشوي يت ميثه...
ميثه:السلااام عليكم...
الجميع:وعليكم السلام....
ميثه:وااااااااو اليوم بنروح دبي....جاااااااااااااااان اتشقق...
ام شهاب:بسم الله علييج من شو بتتشققين...
فاطمه وميثه:ههههههههههههههه
فاطمه:امايه من الوناسه....
بوشهاب:والله ياميثه انا ماحييد الوناسه اتشقق...
فاطمه:ماعليك ابويه...اونها مصطلحات اماراتيه هاي...
ميثه:لاابويه...ترا يقولولك كثر الفرحه ودك اتشقق عمرك...
بوشهاب:ههههه انزين وبتروحون فيا سلمان ولاه غيث...
فاطمه من قالو غيث تعكر مزاجها:لا بويه هب غيث بنسير فيا دريول حصووه...
بوشهاب:بس لاتبطوون...ولاتلعوزون بختكم...
فاطمه:ابويه والله هالرمسه قولها حق ميثووه تراني اكبيره وفاهمه...والله..
ميثه:لاااااااااااااوالله حلفي انتي بس...جيه شو جايفتني نونوه احذالج...
وجيه يكملون سواالفهم............
...........................................

فاااطمه...بطلت باااااااب حجره ميثه بقوووووه....
ميثه:حوووووه....اشفييييييييييييج ماااتعرفين ادقين الباب.....
فاطمه:الحقييييييييييي ميثووووووه...
ميثه:شوووه...شوووه صار.....
فاطمه:تذكرين ذاك اليوم ....
ميثه:أي يوم ...
فاطمه:ميثووووووه اخااااااااف....يويلي من اخوااااانج....اليووم بيذبحونيه....
ميثه:شوووووه....ارمسي ياااهالرااااس تقولين يحه....
فاطمه:جاااااب..انزين انتي وين وانا وين...آخ بس لوتعرفين السالفه مايلستي تتمصخرين عليه ....والله بصيييح...
ميثه:فطوووووم والله ان ماقلتي.....اهاااااا عرفت السالفه ماشي روحه دبي صح...انا قلت جيه اصلن لازم ........
وتقاطعها فاطمه: شف...صج سبااااله اطااااع هالتفكير التعبااان ....انتي كله بالج دبي....ميثوووه السالفه اكبر عن جيه....
ميثه:انزين شو ارمسي والله اعصابي تعبت....
فاطمه:ميثووه تذكرين سالفه الريال اللى شفناه في المول ....اللى في محل العطور....وذكرتها بالسالفه...
ميثه تحاول تذكر:بسم الله ....شوهالرمسه الحين شو يخص الريال...
فاطمه:ها تذكرتيه...
ميثه:هيه...هيه هذاك الحليو بلاااه...
فاطمه:ترانيه حطيت البوك في الجيس اللى خذاه....
ميثه:اوييييييييييل...يعني الحين البوك وياااه...
فاطمه:هيه...
ميثه:اشووو هالبلشه....
فاطمه:اسكتي بصيح...
ميثه:امبيييييه...فطووووووم صورتج هناك....
فاطمه:هيه وصورت شهاب وغيث وابويه وخليفه وحارب...
ميثه:مب سايره دبي...
فاطمه:ليش؟
ميثه:بس جيه...تدرين لاازم تخبرين شهاب...
فاطمه:لالالالالالالالا مستحيل شو مابا عمريه....بيذبحنيه عقب...
ميثه:خلاص بسير بخبر مريووووووم...يالله نروح حقهااااا....
فاطمه وهيه زايغه:يالله انزين...
وجيه ساروا حجره مريووووم...وخبروها كل السالفه....
مريم حطت ايدها بثمها:حسبيه الله عليييج...انتي تعرفين شوها يعني...يعني صورنا ويا وااحد ماندري اذا هو يخاف ربه ولا لأ....والله شباب هالايام مامنهم أمااان...عاادي يفضحوون بنات ابلااادهم....
وهنيه فاطمه صاحت....صدقها مريووم ماجذبت شباب هالايام يسوون أي شي فمابالكم بصوره بنت تكون ويا شخص تجهله...وماتعرف اذا هو على اخلاق او لأ....
ميثه:بس هذاك اللى شفنااه...ماشالله عليه وااايد زين حتى انه كان يزقرنا خواته....
مريم:انزين شو يعني يزقرنا خواته...غصب عليه اصلن..الحينه الصور وياه ...نحن لازم نخبر اخوانا هاشي المفروض مانتساهل فيه...الحين استوت عالسالفه اكثر عن اسبوع...لازم نخبرهم....
ميثه:خلاص فطوم لاتصحين..
مريم:انتي ليش اتصحين الصياح مابيفيدج...نحن لازم نخبر شهاب...
فاطمه:شهاب عقب بيتغير عليه...بيهزبني...
مريم:عاادي يهزبج...ولاه نسكت عن الصور....فطوم حبيبتي لازم نخبر اخوانا اذا ماخبرناهم....عقب يمكن بيستوي شي...وبيحطوون اللوم علينا...
ميثه:هيه صح فطوم بس حبيبتي لاتصحين عورتي قلبي تراج...
مريم:تدرون مابنسير دبي...ميثاني دقي حق حصوه ..قوليلها مابنروح...نحن لاازم نخلص هالسالفه....
ميثه:اهووووه ...كله تامرووون عليه...اوووف..
مريم:هيه تامرون ..قولي متغايضه عسب كنسلنا الروحه...
ميثه:والله مب جيه...عادي اذا خبرت شهاب بيوديني...انا اصلن احاتيه صورنا اكثر عن الروحه....
مريم:روحي انزين...عقب بتحتشر علينا وتقول ماخبرناها ...
ميثه:لاتخططون بعدكم اتريووونيه...
مريم:فطوم اذا انتي خايفه من شهاب..عادي ترانيه مستعده اخبره....
فاطمه كانت خايفه من رده فعل شهاب كيف بتواجه...وكيف بيكون رده فعله...اكيد صورتها ويا واحد غريب مب اشويه...
................................................

شهاب وام شهاب قاعدين في الصاله....
ام شهاب:انزين شو راايك بنت محمد...ماشالله عليها بنت ناس وعرب وعاقله ودااارسه ... تقولون تبون بنات دارسات...هذي هيه ....
شهاب:يااااميه...فكينا من هالرمسه ...
ام شهاب:ماااااادري ليييش انته عااااااف العرس جيه...خلاص ابويه مهره عرست خذت علي ولد عمك.. ويمكن عندها اعيال بعد....
ام شهاب ماتدري انها جرحت شهاب بهالرمسه:اذا صدق مثل ماتقولين الله يوفقهم...بس بعدنيه ما بعرس...
ام شهاب:خاطريه اشوف عيالك قبل لا......
يقاطعهاشهاب:امااايه دخيييلج لااتبين هالطاريه...بعييد عنج انشالله...بس والله لو شفت الانسانه اللى ارتاح الهااااا...الحينه بخليج تخطبينها لي....صدقيني...
فاطمه:شهااااب...
شهاب:لبييييه....
فاطمه شافت ويه شهاب ارتاحت وراح الخوف عنها....واتشجعت اكثر وقررت انها تخبره السالفه واللى بيستوي يستوي....

شهاب سحب ايد فاطمه وسار بها حجرته...اما مريم وميثه يلسو يراقبونها من بعيد وهيه ادش الحجره...
شهاب يرتب اغراضه اللى كانت محطوطه عالشبريه:ها فطفط...شوبغيتي...
فاطمه تتطالعه بنظرات استغرب منها شهاب:اشفيييييج...
فاطمه:مافيني شي...بس ابا اسولف فياك...
شهاب يلس عالشبريه وسحب له مجله سيارات وقعد يتصفحها:تعالي انزين ليش واقفه هناك...شورايج بهالموتر...
فاطمه مب منتبهه حقه كانت تصارع الخوف اتخبره ولا لأ:شهااااب...
شهاب اطالعها:بلاااااااااااااج...
فاطمه:شهاب بخبرك شي...بس والله العظيم وقسم بالله اني مالي خص...
شهاب بدت ملامحه تتغير اول مره فطوم تكون بهالجديه لا وتحلف بعد:والله العظيم ان طلعتي تتمصخرين....براويج شي ماشفتيه لانج صدق خرعتيني...
فاطمه خافت وطاحت دموعها بعد ماكانت متجمعه في جفنها:انزين انا شووويخصني....
شهاب عدل يلسته وسار صوبها:شو مستوي...خبرينيه....وكانت نظرات اعيونه سهم خرق اعيون فاطمه...
فاطمه زااغت من نظرته وردت على ورا لين ماطيحت جره كانت محطوطه لزينه وفتحت الباب وركضت...
ميثه ومريم كانوا قاعدين في الصاله اللى احذال حجره شهاب عسب يعرفون كل التفاصيل من فاطمه يوم بتظهر...بس اتفاجو بخروج فاطمه وهيه تصيح...ووراها شهاب ....
شهاب وهو مستغرب: فاطمه افتحي البااااااااب...اشفيج من منوه خايفه...
مريم وميثه اجدمو صوب شهاب....
شهاب:مريم فطووم ماأدري شو بلاها...ماادري وهيه ترمسني يالسه اتصيح...
ميثه:يعني ماقالتلك...
شهاب:خبروني السالفه...
وهنيه مريم خافت اتخبره صدق شهاب معصب ويستوي يذبحني ان عرف السالفه...بس بعد لازم تخبره ها شي ماينسكت عنه....وقالت له السالفه كلها...
شهاب دارت به الدنيا من سمع السالفه...يعني صورتها ويا غريب...صوره اخته ويا واحد الله يعلم منوه هو...
شهاب: الله يلعنها...ويلعن اليوم اللى وديتها فيه...هيه منوه خبرها تحط صورتها في البوك...يعله العووووووق انشالله ولااايخوز منه...وهو يطالع مريم...والله والله ماشي طلعه من البيت من اليوم وساير...واليوم بتسيرون دبي تتحلمووون...وسار حجرته ورضخ الباب وراه...
مريم:اللى كنت خايفه منه استوا...
ميثه تناظرمريم بكل أسى...
سرينا:شوفي...ليش بابا شهاب سوي جنجال...
مريم:اهووووووو....ماعرف وسارت حجرتهااا...
ميثه:عقب ..عقب بخبرج...
...................................
بيت سيف السويدي...
حمده:سلاااااموه بشكاره قوم ميسون...تباج...
سلامه مستغربه:تباني ليش...
حمده:شدارنيه...روحيلها...
البشكاره عطت سلامه ورقه:هدا مال ماماه ميسون....
سلامه تقرا الورقه"سلاااموه حبيبتي اسمحيلي على هالحركه البايخه... بس بغيت اخبرج اني من اليوم مااقدر ايي بيتكم ولاادق تلفون كرامتي وعزه نفسي ماتسمحلي ...بس اذا تبين تشوفيني تعالي بيتنا حياج الله فاي وقت....اليوم انا سايره بوظبي ويا اخويه...تحياتي العامريه..."
سلامه"ماتنلاامين ياميسون"
سارت الحجره وكتبت حقها"مسموحه الغاليه....حتا انا بسير بوظبي بيت عمي...أحبج وايد سلامه"
عطتها حق البشكاره وزقرت شما عسب تروح فيا البشكاره البيت...
بعد الغدى الكل قاعد في الصاله يشربون جاهي...واخوان سلامه وفياهم فلاح قاعدين في الصاله الثانيه...وبعد نص ساعه تقريبا زهبت سلامه اغراضها اللى بتاخذهم فياها بوظبي بتبات البيت عمهم جم يوم ومنها بتروح تشتريلها أغراض...وعقب دقت حق فاطمه...بس فاطمه ماردت عليها ..خبرت ميثه بانها بتروح ببوظبي يومين وبترد...سلامه سلمت على هلها ...وهيه تقود يدتها بتروح...تناظر اخوها منصور فيا فلاح سولفون احذال الموتر...اتجدمواصوبهم...
فلاح:عنج...عنج..
منصور:فكه منج...يالنسره...
سلامه:يدتي...شوفيه ...حرمتك النسره...
يدوه:انته بلااك على خويتك..نهي قبظلك مونه...
فلاح يطالع سلامه....ويضحك ...
منصور:فداااااعه الله...
وتظهر من البيت موزه ووراها عيالها حمده ونوره وقايد وبطوي...
نوره:مع السلامه خالي...
منصور:الله يسلمج...يالله بسرعه تلاحقي السياره عن يروحون عنج...
............................

هاااااااااااااي منجااااااااا


تعبناااااج ويااااناااا :confused: ومشكوووووره على الاجزاااااء:clap:

وننطر منج الاجزاااء الباقي:smile:


والى الامااااام دائماا والله يوفقج:up:

شكرااااااااااااااااااااا:clap:

وينج إختي تعبنا وإحنا ننتظر؟؟؟؟؟؟؟؟؟؟؟؟؟؟؟؟؟؟؟؟:confused:

منجووووووووووووووووووو

وينج تاخرتي واااااااااايد:down:

السلام عليكم ورحمة الله وبركاته
:clap: :clap: :clap:

مانـــــــــــــــــــجا بلييييييز كملي القصه انا قاعده على نار


:up: :up:

وينك يا عسل يلا ننتظرك

:s2 :confused: :s2

مانــــــــــــــــــــــــجــــــــــــــــــا طولتي الغيبه

وين بقيه القصه

بسم الله الرحمن الرحيم

منجا بلييييييييييييييز والله ما أقدر انتظر

حتى أني حملت القصه ونسختها بلييييييييييز كمليها

شكرا على القصة أختي بس إنها وايد ومافيها أحداث خشنه قصة حياه عادية وأحس إنها بالتفصيل الممل لأني قعدت أقراها وحسيت انها مالها هدف ومافيها حدث مهم ياريت أختي لو تختصرينها شوي عشان نوصل للنهاية بسرعة ويعطيج العافية .

:confused::confused::confused::confused:
:confused::confused::confused:
:confused::confused:
:confused:
وييييييييييييييييييييييييييييين البقيه

مشكووووره

:confused:

وين بقية القصه

:confused:

سبحان الله هذي قصتي وماتوقعت انها بتكون فالاروع منتدى عندي ..بس العتب للي ماذكر اسمي عالقصه ..

عالعموم هذي القصه كاتبتنها يمكن اكثر من ثلاث سنوات طافن يالله ايااام واللحين بعد عندي قصه مب مكمله كله جي اكتب قصص ومااكملها اعلق القراء خخخخخخخخخخخخخخ

فديت هالايام والله اتذكرت اياام حلوه ..صدفه حلوه صراحه