أشار المنجه

السلام عليكم ورحمة الله وبركاته


مـــراحـــب أخــتـــي



اتـفـضـلـــي الـطـــريــقــة,,,,,,,,




المقادير
=========

3 كيلو منجة اخضر غير طازج : تزال النواة وتقطع المانجا الى مربعات صغيرة ( مع الابقاء على القشر الداخلي الصلب ليحمي المنجة من التفتت اثناء التقليب ) ثم ترش بالملح و تترك بالثلاجة ليلة كاملة
كيلو طماطم تبشر بالمبشرة ثم تخلط مع نصف كوب صلصة طماطم
كأس زيت
نصف ملعقة طعام من الحبة السوداء
ملعقة طعام من كل مما يلي ( حبوب الخردل - بذور الكزبرة - بذور الكمون - بذور الفلفل الاسود )
2 ملعقة من اوراق الحلبة الجافة
7 فصوص ثوم مدقوقة مع ملعقة طعام ملح
4 قرون فلفل أحمر مجفف
2 قرن فلفل اخضر حار طازج
5 ملاعق خل

الطريقة :
========
يسخن الزيت و يضاف له الحبة السوداء و الخردل .. و يقلب حتى تتفتح حبب الخردل فيضاف الثوم و جميع البهارات و الطماطم .. عندما ينشف ماء الطماطم تضاف المنجة بعد تصفيها من مائها , يغطى القدر مع التقليب بين الحين و الآخر حتى تنضج قطع المنجة , يترك على النار مدة خمس دقائق اخرى ثم يرفع و يترك ليبرد تماما .. يعبأ في برطمانات نظيفة و جافة و يحكم غلقه جيدا



وصـحــتـــيـن وعــــافـــيـة

تسلمين اختي احلى_عيون

ومشكوره وماااااتقصرين

بسويها انشاءالله اليوم وبرد اقوووولك كيف طلعت

وانا متاكده انهااا بتطلع طعمه<<<<<<<الثقه مكسرتها


:shy:


أم مهند

خلاص حبيبتي ولا تزعلين ان شاء الله بحطلك كم طريقة بس انتظريني ما راح اتاخر :smile: انا كاتبتهم بس ما أدري وين حاطتهم بدورهم وبجي

يسلموووووو

:up:

السلام عليكم ورحمة الله بوركاته

كيفك اختي ان شاء الله تمام

اسفة تاخرت عليكي بس لحد ما حصلت الدفتر الي كاتبه فيه الوصفات...بكتبلك قصة حياتي

احنا سويناهم بالبيت طلعوا كثير حلوين


------------

اشار المنجا بالكاتشب

المكونات

واحد كاتشب من الحجم الكبير احنا نستخدم نوعيه هينز افضل

واحد شطة من الحجم الكبير احنا نستخدم نوعيه كريستال

اثنين كيلو مانجاطبعا الي يكون اخضر لسى مش ناضج الي يستخدم للاشار

ملعقتين طعام سكر بني

ملعقة شاي سمسم ...بس مب مطحون يعني حبيبات

ملعقة فلفل احمر او حسب الرغبة

ملعقة شاي كركم

نص زجاجة زيت الخردل من الحجم الصغير

زجاجة وحده صغيرة صلصة الصويا

زجاجة صغيرة خل

كوب واحد تمر هندي بس طبعا ما مزجتيه بالماء يعني يكون قوامه غليظ

الطريقة

تقشري المانجا وقطعيه للشكل الي ترغبي فيه

حطيله ملح وخليه على جنب لمده 4 ساعات

بعد الاربع ساعات حطيه بمنخل أو مشغل ما ادري احنا نسميه كذا وهو القدر الي يكون مليان فتحات صغيرة يسمح للماء بالنزول منه

المهم حطيه بالمنخل لحد ما ينشف تماما من الماي او عصاره المانجا

بعدين لحد ما يجف من الماي اخلطي المقادير الثانية وحطيها على النار مع التقليب بس لحد ما تحسيه انه بدا يسخن

حطي عليه المانجا بعد تكون نشفت لمدة 10 دقائق خليه يبرد بالقدر وأول ما يبرد حطيه بعلب الاشار الزجاجيه

ان شاء الله يظبط معاكي ويعجبك

--------

مانجا بالتمر الهندي

المقادير

خل على حسب المانجا الي عندك

تمر هندي

ثوم على حسب الرغبة

فلفل جاف غير مطحون

ملعقة شاي سكر او على حسب الكمية يعني ما يكون كثير

ملعقة حبة سوداء مطحونة

كزبرة مطحونه ملعقة صغيرة

الطريقة

خذي المانجا وقطعيها عادي حتى تكون مع القشر

وحطيلها ملح بس أكثر من الطريقة السابقة يعني يكون مملح بزياده

خليها على جنب لمده 6 ساعات

وبعدين حطيه بالمنخل لحد ما يجف من الماي بالمره

بعدين جيبي صينيه واسعه وانثري عليها المانجا لمده ثلاث ايام تحت الشمس او لحد ما ينشف بالمره

يعني أول ما تحسيه انه جف بالمره وصعب انك تاكليه يكون جاهز

بعدين هاتي خل وامزجيه بالصبار لحد ما تحسيه انه صار زي الكريما متماسك

حطيه على النار وزيدي من كمية الخل اول ما تحسيه انه سخن وبدا يفوح حطي عليه الثوم والفلفل الجاف
والكزبرة وشوة حلبة مطحونه والسكر

وبعدين حطي عليه المانجا لمده 15 دقيقه ونفس الشي بعد ما يبرد حطيه بالعلب

-------

هذي عاد سهلة وما يبغيلها شغل

المكونات

منجا الكمية الي تحبيها

ثوم الكمية الي تحبيها

ليمون على حسب الكمية الي عندك وتقدري تستخدمي بداله الليمون الحامض الي ينباع جاهز

خل نفس الشي على حسب الكمية الي عندك

فلفل احمر الي يكون حبات صغيره دائريه على حسب العديد الي تحبيه طبعا

ملعقة طعام حلبة

كزبرة مطحونه فنجان قهوه واحد


الطريقة

خذي كل المانجا بس حطي 5 منهم على جنب

الحين قشريهم وقطعيهم بالشكل الي تحبيه

حطيله ملح وثوم على حسب رغبتك في الثوم

حطيه تحت الشمس لمده 6 ساعات

خلال ها الوقت

خذي المقادير السابقة كلها وحطيها بخلاط

وبعدين هاتي ال5 مانجوات الي فصلتيهم بالبدايه وقشريهم

وقطعيهم قطع صغيرة وحطيها على المقادير

الي بالخلاط لحد ما يتجانس معاه

اول ما تشيلي المانجا حطيها بالمنخل لحد ما يجف

وبعدين اول ما ينشف حطيه المانجا بروحها بالعلب الي بتحطي

فيه الاشار وبعدين هاتي الخلطه الي عملتيها بالخلاط وصبيها على المانجا لحد ما تغطيه

تماما

وبعدين حطيه بعلبه ويفضل انه تكون زجاجيه حطيها تحت الشمس لمده 5 ايام تقريبا وبعدين

استخدميها بس ها النوع لازم تحطيه بالثلاجة عشان ما يعفن

--------

شوفي حبيبتي انا عارفة ان المقادير نوعا ما مب مظبوطه بس انا كلها كتبتها

من جدتي فكنت كل ما اقولها طيب يما قوليلي المقادير بالظبط وهي كثير تعصب من حكايه المقادير

فما قدرت كثير أدقق بسالفة المقادير هذي لا أرفع ضغطها :D2

فانتي اذا ما فهتمي شي اساليني وانا بحاول اني ارد عليكي

اتمنى انك فهمتي الطرق

وان شاء الله تكوني استفدتي

اهلاااااااااااااااااااا


جربت طريقة الاشاااااااااااااااااااااااااااااااار
والنتيجه
.
.
.
.
.
.
.
.
.
.
.
.
.
.

لذيذ بالمره والف شكر




اهلااا اختي malaak

وتسلمين على هالوصفااات الرائعه
احس ان الطريقه الي فيها التمر الهندي بتطلع لذيذه

و الف الف الف شكر لك