تعتقدون هذي نتيجة الاستخاره ام مجرد صدفه ؟ ابي رايكم

تصدقين اني بعد صار ليي مثل سالفتج ..والى الحين سالفتي ما تمت..وكتبت قصتي بعد في المنتدى..بس اني فيها اختلاف عنج وهو اني اعرف الشاب من قبل..

تصدقين دايما تطلع سوالف تخلي جيتهم تتأجل (مرة صارت عندهم وفاة..ومره امه مسافرة ومره ابوه مريض وما يقدرون يجون..) حتى ان بيتنا شكوا وقالوا الظاهر ما بيجون وخلاص بينتهي الموضوع ..لكن الحمد لله تحملت وصبرت لين الله فرجها وجوا عندنا امه واخته وخالته ومرت خاله..والحين الرجال اتصلوا للوالد وحددوا موعد..قولي ان شاااء الله ما يصير شي ويتأجل بعد..


يعني حبيبتي اصبري ..وتوكلي على الله..واعرفي ان اللي الله كاتبنه بيصير واذا هو من نصيبج مهما اتأجل الموضوع مابيروح نصيبج عنج مكان..
ومثل ما تعرفين ترى كل تأخيره فيها خيره.وكل شي ما يجي الا في اوانه اللي الله محددنه..

الله يوفقج حبيبتي..وييسر امورج..وخبرينا باللي يصير بعدين ..ترى احااتيج من الحين فلا تبطين علينا..


مع تحياااااااااتي:smile:

السلام عليكم ورحمة الله وبركاته

أختي الحبيبة

الاستشارة ثم الاستخارة ... اتمنى ان تقرأي كلامي لانها خلاصة تجربة وايضاه هو هدي من الحبيب المصطفى صلى الله عليه وسلم ....

آداب الاستخارة وكيفيتها في نقل مبسط ان شاء الله

قال جابر بن عبدالله – رضي الله عنهما- : كان رسول الله صلى الله عليه وسلم يعلمنا الاستخارة في الأمور كلها كما يعلمنا السورة من القرآن، يقول: إذا هم أحدكم بالأمر فليركع ركعتين من غير الفريضة، ثم ليقل : (اللهم إني أستخيرك بعلمك، وأستقدرك بقدرتك، وأسألك من فضلك العظيم فإنك تقدر ولا أقدر، وتعلم ولا أعلم،وأنت علام الغيوب، اللهم إن كنت تعلم أن هذا الأمر- ويسمي حاجته- خير لي في ديني ومعاشي وعاقبة أمري -أو قال: عاجله وآجله - فاقدره لي ويسره لي ، ثم بارك لي فيه ، وإن كنت تعلم أن هذا الأمر شر لي في ديني ومعاشي وعاقبة أمري - أو قال: عاجله وآجله - فاصرفه عني واصرفني عنه، واقدر لي الخير حيث كان، ثم ارضني به )… [رواه البخاري ][/COLOR]

الاستخارة تشرع في أي أمر عظيم أو حقير إلا:
1- فعل الواجبات.
2- فعل المستحبات.
3- ترك المحرمات.
4- ترك المكروهات.

وهناك استثناءات يمكن أن تدخل فيها الاستخارة في الأمور السابقة الذكر وهي:
1- الواجب : كفارة اليمين.
2- المستحب المميز: صيام الاثنين أو زيارة أم الزوجة ( هنا أبين نقطة أن زيارة أم الزوجة مستحب أما زيارة أم الزوج فهي واجبة).
3- فيما كان زمانه موسع: مثل حج النافلة.

أمور يجب أن تعلمها أخي المستخير وهي بإيجاز :
1- ركعتا صلاة الاستخارة ركعتين من غير الفريضة .

2- أن لا تكون في حالة من التردد … عليك أن تعزم على أمر ثم تتوكل على رب العالمين وتصلي الاستخارة… مثلا :: إذا تقدم إليك أخيتي القارئة شاب وأردت أن تستخير الله سبحانه وتعالى في الأمر … عليك أن تعقدي النية في أنك ستقبلينه أو سترفضينه ثم تصلي على النية المعقودة وليس فقط تصلين دون أن تكوني قد حددت موقفك من الأمر .

3-إذا صلى الاستخارة مضى بما عزم عليه سواء شرح صدره أم لا … والخيرة تظهر بعد ذلك بتدبير الأمر.

4-لا يتعين قراءة سورة معينة في صلاة الاستخارة.

5-شيخ الإسلام قال إن الدعاء قبل السلام ولا بأس أن تكون بعد السلام.

6-لا يجوز أن يستخير لك أحد ( نيابة ) ويشرع التكرار.

ملاحظة ::
المرأة التي منعها مانع شرعي من اداء الصلاة … يشرع لها أن تتوضأ ثم تستقبل القبلة وتكتفي بالدعاء دون الصلاة.


أخيتي .. كثرة صلاتك للاستخارة يدل على انك لم تفوضي أمرك لله تعالى تفويضا كليا ... لقد استشرتي - اتمنى ذلك - فاستخرتي على الموافقة ومن ثم فوضتي امرك كلها لله ... بل انتي عندما استخرتي فقد فوضتي ... فليكن عندك ايمان يقيني صادق ان ما سيصيبك هو ما اختاره الله لك ... وتوجهي الآن الى الدعاء ... فادعي الله اذا خيرتك مع هذا الانسان فلييسر لك المولى الامر كله وان لم يكن فالله هو الحكيم العالم بالاحوال ...

وانا حاسة باللي تمرين فيه ... والحمد لله لقد مررت بموقف صعب جداً ... فصبرت ودعيت الله ... فالحمد لله والحمد لله عوضني الله بأخير منه ولله الحمد والمنة ... سبحان الله الواحد ما يعرف خيرته وين؟!!!



-------- التوقيع --------



أنك ضيفي الــ لمواضيعي ومشاركاتي

فحياك الرحمن وبياك .. وجعل الجنة مثوانا ومثواك

حبيبتي لاتحزنين بالعكس المفروض تفرحين لآنك أستخرتي كذا مرة وصارت عقبات أخرتهم عن الجية معناتها خير لك انك ماتاخذين ولدهم ...أنا صارت لي هالسالفة كذا مرة وماحصل نصيب بالأخير...دايم يصير شي يعرقل جيتهم أو أحد يمرض او تتعطل سيارتهم:eek2: الخ....وفعلا بالأخير ماتتم الخطوبة....لآني أكثر من الإستخارة وادعي ربي يكتب لي الي فيه الخير.....وبالاخير ارتاح نفسيا لما تتفركش الخطوبة لآني بعد الإستخارة ماعاد أرتاح للموضوع وما ابي اوافق على الخطوبة...:up:

شوفي يالغالية ..

الي صار لك مايعتبر شيء مهم وأنا اقولها لك عن خبره لأن كثير يتقدمون لي واستخير وسبحان الله يصير شيء ( حدث أو موقف ) ولا يتم الموضوع
بس أكبر بكثير من الي قلتيه

متى تقدرين تحددين أنو هذا وقت الرفض ؟

اذا سمعتي خبر مثلاً عن الشخص الي متقدم لك يكون سيء

او لما قابلتيه ( حتى لو كانت المقابلة وقت قصير وسريعة ) تحسين بضيقة جتك أو انك كراهه هذا الشخص .

انتي لا تحتارين .. والواجب في الأستخارة انك توكلين امرك لربك وهو بيختار لك الأفضل وأذا كان هالشخص مو كويس لك فصدقيني ساعتها بيصير شيء أقوى من الي حكيتيه كله ويخليك يا توافقين يا ترفضين


لازم تفرقين بين شيء أسمه صدفة .. وشيء اسمه استخاره

من الممكن يكون كل هالأمور الي صارت في صالحك لبعدين .. وبعد فترة بتتمسكين فيه

نصيحة لك من قلب اخت تبغى لك الخير

اذا الرجال محافظ على صلاته ويخاف ربه واخلاقة كويسة ولا عليها اي كلام توكلي على الله ووافقي واتركي الخوف عندك والشيطان ولا تضيعينه من يدينك .. لأن الرجل الصالح نادر وجوده في هالزمان وهو الي بتعيشين معاها سعيدة بأذن الله :smile:

والله يوفقك ويوفق الجميع لما فيه خير

[السلام] السلام عليكم ورحمة الله وبركاته[/السلام]


أختي Miss.B...


أختي الأمور لم تأخذ مجراها بعد....يعني إنت إستمري في الإستخارة و توكيل أمرك لله...


في الوقت الحالي...لا تستطيعي أن تقبلي أو ترفضي...لأنك أصلا لم تجلسي مع الرجل و تعرفيه...لذلك...لو طلب أحد منك رأيك في الموضوع...قولي لهم لم آخذ فرصتي بعد...


و صدقيني أختي...لو الله كاتب هذا الزواج يتم....راح يتم مهما حصل....و لو كاتب له ما يصير...لو كل الكون وقف قال لك اتزوجيه...ما راح يصير حتى لو لآخر لحظة...


لذلك...اطمئني تماما....و اعلمي أن الله سيُـيَـسّــر لك الأمور طالما أنت توكلت عليه و استخرتيه في أمرك...


و إن شاء الله ما يصير إلا كل خير :smile:



.................................................


مـخـتــــارات من مواضيعــــي :

يا بنات ماني عارفه شلون اشكركم و الله انكم ساعدتوني واااايد و طمنتوني و الله يوفقكم كلكم و يرزق الآنسات منكم الزوج الصالح اللي يستاهلها و يقدرها و يتمم على المتزوجات سعادتهم .. اللهم آمين :smile:

صمت الأمل : الله يرزقج اللي في بالج و يوفقج و خليج على الاستخاره داااايما مثل ما انا سويت و لا تحاتين و تشغلين بالج .. بعطيج آخر الأخبار و اصلا ماعندي احد اثق فيه و اقدر افضفضله غيركم

***
الطيبة : الصراحه اسم على مسمى .. ما قصرتي يا اختي و كفيتي و وفيتي و الله يعطيج العافيه و يريح قلبج مثل ما ريحتيني و نقلج لتفاصيل الاستخاره يبين تعبج و اهتمامج .. الله لا يخليني منكم يارب

***
عروس السماء : مشكووووره ما تتخيلين شلون كلامج طمني لاني كنت اغصب نفسي بدون ما احس لكن معاج حق مدام اني صليت الاستخاره ليش اتجاهل الامور اللي تصير ؟

***
رحيل الشوق : صح كلامج الرجل الصالح نادر هالايام .. لكن بعد صلاة الاستخاره الاخير بديت احس اني كارهه الموضوع كله و بيني و بينج مو كل رجل صالح معناه زوج جيد .. و هذا اللي يخوف

***
مرموم : كلامج درر و الحمدلله انا متوكله على الله و عارفه ان نصيبي بيوصلني مهما صار و اللي ربي كاتبه بيصير عاجلا ام آجلا
و من ناحية اني ما خذيت فرصتي بالكلام معاه .. نسيت اقولكم ان اخته اهيه اللي استلمت القياده بالدقايق اللي شفته فيها .. كان ساكت و مكتفي بالمتابعه و اخته تسويلي استجواب

تبون آخر الأخبار ؟

بعد ما كتبت هالموضوع ( امس بالليل ) رحت صليت استخاره و توكلت على الله و تجاهلت الامور اللي صارت
سبحان الله اليوم فعلا حسمت امري و نتيجة الاستخاره كانت واضحه بنفسيتي لان بعد ما تجاهلت هالمواقف كلها فجأة اليوم انقبض قلبي من ناحية هالشخص بدون سبب و بديت اتخيل شكله بوقت المقابله و ابداااا ابدااااا ما اتخيل ان هالشخص راح يكون زوجي .. مو لنقص او عيب فيه لكن من داخلي متأكده 1000 % انه مو نصيبي و ربي يوفقه مع بنت ثانيه

الراحة النفسيه اهم شي ولا تخافون انا ما تسرعت بالقرار بالعكس ماخذته عن اقتناع و الحمدلله حاسه براحه كبيره

لاااااااااااااااااااااااااااااااااااااااااااااااااااااااااااااااااااااا




لا تعتمدي على نفيسيتك ... امضي في خطى الموافقة كما استخرتي ... لان نفسيتنا قد شابها امور الدنيا ... ولا تعتمدي على حلم يضايقك ... لاننا لسنا وبصدق اقولها من اولياء الله - نسال ان نكون منهم - ... اذا جميع الامور تيسرت الى الملجة والزواج فامشي معها ولا تحاولى ان تكوني انتي سبب فربكتها ... فاذا كان خيرتك معاه يسر الله لكم الامور على اسرع واسهل ما يكون ...

هذي نصيحتي لك ٍ...

يا حبيبتي الطيبه لا تحاتين :smile:
انا مقتنعه برايي و هالشخص ما دخل قلبي بالمره و هالشي ما اكتشفته الا اليوم و الحمدلله للحين على البر مثل ما يقولون .. مافي سبب يجبرني اني اسوي شغله مو حابتها و لا شنو عيل فايدة الاستخاره ؟ خصوصا هالموضوع مو لعبة و الشعور ما حسيت فيه الا بعد ما صليت الاستخاره من اول ما تقدمولي للحين فوق الخمس مرات و بكل مره يصير موقف لحد ما كرهته مع انه مسكين ما سوالي شي لكني خلاص مو قادره استمر بالموضوع اكثر و متأكده انه مو من نصيبي و بالعكس مرتاحه بقراري الحمدلله

دامج من الحين حسيتي بعدم الراحة عيل خلاص لاتربطين نفسج بيه لانج بتتعبين وبتعبينه معاج..واعرفي حبيبتي ان نصيبج مع اللي بيسعدج وتسعدينه..اتمنى لج من كل قلبي التوفيق..وحتى يوم خلص الموضوع بعد ما بنساج من الدعاء يالغالية..

تحملي بروحج..

مع تحيااااااااااتي:smile:

[السلام] السلام عليكم ورحمة الله وبركاته[/السلام]


الله يوفقك للي فيه الخير يا رب و يسعدك دايما إن شاء الله :smile:



.................................................


مـخـتــــارات من مواضيعــــي :

السلام عليكم ورحمة الله وبركاته

الله يوفقك مع اللى احسن منه

قريب

ان شا الله يا Miss.B

(u)

صمت الأمل
مرموم
الملاك الحزين

الله يوفقكم ياااارب و يسعدكم و يرزقكم اللي في بالكم قولوا آمــــــين :smile: الصراحة ما قصرتوا معاي و ريحتوني واااايد

السلام عليكم ورحمة الله وبركاته

امييييييييييين


يا Miss.B

وانتي و يانا

:o

حبيبتي Miss.B أرجو انج ما تكوني تسرعت .. مثل ما قالت أحد الأخوات ظنتي الطيبه يكفي انج تصلين استخاره لو مره وحده وبعدين وكلي أمرج لله ... ولا تقولين لا لمجرد شعور بانقباض أو شي من هالقبيل. أي انسان في هالفتره من الإرتباط وخصوصا اذا مر بعراقيل راح تتأرج مشاعره وتكون هذي المشاعر غير أكيده حتى لو شعر هو أو هي انه متأكد منها، خصوصا عاد نحن النساء مشاعرنا تيبنا وتودينا.

صارلي فتره أصلي استخاره من أجل شخص وادعي الله انه يتم الأمر على ما يراه خير لي مع هالشخص أو من هو أفضل منه لي... والله العالم انه هالشخص ينوزن ثقله ذهب في الأيام بس لين الحين الأمر مب راضي يتم ويحصل اللي في بالي ،،، أدعولي بنات فوادي بدى ينبط من هالسالفه ، عسى يتم الأمر بدعوة وحده منكم :confused:

ولو تعرفين يا حبيبتي يا Miss.B جم تغيرت مشاعري ناحيته بين المد والجزر ! ما راح اتخيلين ، يوم اكرهه ويوم أقول الله يوفقني ويكتبه لي كزوج ويوم تيني حالت لا مبالاه.... بس في الخلفيه دائما أكون متيقنه انه اللي مكتوب راح يتم وكله بالصبر والتقوى. لكن الوحده شو تسوي هذي مشاعر متركبه فينا وساعات هي اللي تتحكم فينا وتخلينا نتخذ قرارات خاطئه وأحيانا تعمي بصيرتنا عن أمور صغيره بس مهمه.

حبيت بس أشاركج التجربه اللي لين أحينه أمر فيها عشان تعرفين ان مثل هالأمور تسير واذا ما كان في الرجل عيب ظاهر ومشين فأحسن اتريين شوي وتخلين الأمور تسير بهدوء ومثل ما الله مقدر

والله يوفقج ويوفق الجميع ويرزق كل وحده ما عرست فينا لين أحين بزوج صالح يصونها ويعفها وبذريه صالح تكون لها قرة عين.... آمين

ذات الخمار الله يوفقج و يرزقج اللي تستاهلينه :smile:
لا تخافين انا خذيت هالقرار باقتناع و كل شي قسمة و نصيب .. و لا تنسين ان حتى البنت لها راي بالريال اللي بتزوجه و الصراحه اهو ان ما دخل قلبي ولا حسيت انه نصيبي

السلام عليكم ورحمة الله وبركاته

امييين

يا ذات الخمار

الله يوفقك و يوفق Miss.B
و يوفقني

وكل البنات

يارب


(u)

اللهم آمــــــــين اجمعين يارب ..
مشكوره حبيبتي الملاك الحزين :smile: