تعالو نتكلم عن منتجات بودي شوب

ش

شمعة حب

عروس مشاركة

11-06-2002 | 09:07 AM

كيفكم يابنات انشاء الله طيبين
ايش رايكم كل وحده تقول ايش جربت من بودي شوب وعجبها عشان نفيد بعضنا ابدأ أنا فيكم
انا بصراحه امس رحت واشتريت من عندهم روج جديد اخر شي نزل حلو مره لونه برونزي بلمعه واخذت الظل معاه كمان حلو اخذت كريم للجسم من توباكو فلاور كمان جدا رائع واخذت جل تحطي قبل المكياج يكون عازل للمكياج يحمي البشره وفي نفس الوقت يساعد كريم الاساس على التوزيع هذا جدا جدا رائع

هيا هاتو ماعندك افيدونا ;)

ا

العبره

مشرفة سابقة

11-06-2002 | 02:20 PM

هلا اختى شمعه حب...
اشكرتج على اتاحة لنا الفرصه لنتكلم عن منتجات بودى شوب..
الصراحه...بالنسبه لي شخصيا...
احب اخذ من عندهم...بعض الالوان للايشدو...
ولكن...مااحب اخذ من عندهم الروجات...مع انه الوانهم حلووووووووه..
بس تدرين لانها تسبب الى تقشير الشفايف..
طبعا هذا بالنسه لي شخصيا..بس ماادري عنكم؟؟؟
بس احب اخذ من عندهم ادوات التجميل للاظافر..البدكيير..
وبعض العطور للغرف...اللى تستخدم مع الشموع...والورود المجففه..

يعنى اتجنب انى اخذ من عندهم ادوات المكياج...

ع

عضوة

11-06-2002 | 03:01 PM

هلا شمعة الحب. .

شكرا لج على المعلومات الحلوه ;)

أنا صراحه خذت من عندهم روج مره وسبب لي تشقق مثل أختي عبره

بس اللي دايم أخذه أمممممم انسيت اسمه للعرق :o

وهوخاص بالبشره الحساسه روووووووووووووعه كلنا نستخدمه. .

وبعد معطر غرف مثل أختي عبره اللي خاص بالشمع. .

حلو اللي بريحة الشمام روووعه . . .

وتسلمييييييييين

تحياتي(l) :)

ر

روح الورد

عروس مشاركة

11-06-2002 | 03:40 PM

أما أنا عندي عطر تاباكو فلاور
وعندي روج بنفسجي فاتح حلو
وشريت من عندهم فواحة وعطور للفواحة (انانيا , تاباكو فلاور , أوشينس )
ورشاش للشعر يعطي حجم للشعر
وخافي العيوب
وملمع للوجه
هذا اللي أذكره حاليا
على فكرة أختي شمعة حب وش اسم الجل الي ينحط قبل كريم الأساس أبغى اسمه لو سمحتي

مع محبتي

م

مناهل

عروس متألقة

11-06-2002 | 04:24 PM

اهلين بالحبايب ..................ممكن ياروح الورد تقولي لنا عن البخاخ حق الشعر وهل لون العلبه ازرق ................... اما انا استخدم من البودي .......... ادوات التجميل والبلاش رائععععععععععععع

ع

عروس قديمه

مشرفة سابقة

11-06-2002 | 08:53 PM

انا اشتري من عندهم المناكير...وفرش المكياج...

استخدمت روجاتهم لكنها تقشر الشفايف؟؟؟

ل

ليل

عروس جديدة

12-06-2002 | 12:56 AM

موضوعك حلووو اختي شمعة حب ,.. وبودي شوب من افضل المحلات عندي هو وزهور الريف :)
منتجاتهم جد مميزه.. بالنسبه لي استخدم روجاتهم لنها ممتاازه ومافيه رائحه او طعم مثل بعض الروجات وماتقشر مثل ماقالوا الأخوات :s يمكن يختلف تبعا لنوع الشفايف ,وسكراب الجسم افريكا سبا, وشامبوا جسم رائحته جدا حلووه اسمه نسيت والله بس لونه ازرق شفاف, غير العطور الفواحه تباكو فلور حلوو ايش بعد ياربي؟؟؟؟؟اذا تذكرا اقولكم انشاء الله :o :o :p

d

dmoo3_el7ob

مشرفة سابقة

12-06-2002 | 01:47 AM

سلام يا أعز الناس...
شكرا على هالمعلومات الحلوة..
بالنسبة لي.. أنا أحب أشتري من بودي شوب بودرة الأساس المضغوطة.. أحسها طبيعية وتغطى العيوب.. وأفضل فرش مكياج استخدمتها اشتريتها من عندهم و مثل باقي خواتي أشتري شموع وعطور.. ريحة عطور بودي شوب مميزة و تظل مدة طويلة.. يعني اذا تبين ريلج يسويلج اللي تبينه وهو مغمض عطري حجرة نومج بعطور بودي شوب... هذه المعلومة بس للمعرسات...

تحياتي

ش

شمعة حب

عروس مشاركة

12-06-2002 | 08:58 AM

اهلين حبايبي والله اشكركم على ردودكم الحلوه وعلى تجاوبكم معايا اسعدتوني جدا

ياروح الورد اسمعي حبيبتي بالنسبه للجل اسمه mattifier
وانشاء اكون افدتكم
بس قولولي ايش اسم البخاخ الي يزيد حجم الشعر وهل لجميع انواع الشعر كمان الفواحات للغرف كيف شكلها عشان ابغى اجيبها شكلها حلوه

تسلمو حبيباتي:)

ر

روح الورد

عروس مشاركة

12-06-2002 | 08:00 PM

مرحبا خواتي

بالنسبة لبخاخ الشعر اسمه THINK BIG
أما عن الفواحه اللي عندي لونها بني وانتي اسأليهم عن الفواحات وهم بيورونك إياها
لكن إياك أنك تشتري منهم الشمع الصغير اللي يجي مع الفواحة لأنهم غالين
أنا شريت منهم ثنتين وبعدين لما رحت لإيكيا لقيت عندهم يبيعون مائة شمعة ب11 أو 13 ريال والله ماني ذاكرة

مع محبتي

^

^SwEeTa^

عروس نشيطة

13-06-2002 | 03:41 PM

عزيزتي شمعه ..
اشكرج على اثاره مثل هذا الموضوع الحيوي
و الصراحه انا احسن شي جربته من البودي شوب هو المسكره المكثفه .. اللي تكون الفرشه مالتها ضعيفه من النص و سميكه من الاطراف.. و فعلا مشت معاي .. قبلها جربت مسكرت لانكوم لكن رموشي تقصفت بعدها و حرمت:o .. ما لقيت شي يمشي معاي غير مسكرة البودي شوب ... :)

(l) مع الشكر (l)

}

}{الـرقـيـقـة}{

عروس مبدعة

14-06-2002 | 03:21 PM

<center>
<font size="3" color=#FF00FF>
غريبه تقولون ارواجها تقشر !

جربت روج منها ترابي على بيج على كريمي شوي مره روعه وناعم على الشفايف

وبرضو جربت كريم مرطب واحد بالليل وثاني بنهار بس صراحه مالاحضت اي شي حلو او تغير في بشرتي :(

ولي خوفني زياده اني لما اسال خبيرة التجميل يقولوا لي بودي شوب خذي منها عطور ميك آب خفيف زي ارواج مناكير شدو لكن كريمات عنايه بالبشره لالالا :s

غير اني سمعت برضو انو في فتره صارت سالفه بخصوص كريماتها انها سببت بثور بالوجه ومع الوقت حفرت بالبشره وصارت شكوى عليهم شي زي كذا

صراحه خفت وتركت الكريمين حرام وهي لسا جديده بس الاهم بشرتي مهما كان :o

ان شاء الله نكون افدنا بعض

تحياتي

ث

ثريا

عروس جديدة

14-06-2002 | 05:56 PM

اخواتي نسيتوا اهم شي عندهم وهو..................

الكحل السائل حقهم مررررررررررررررة روعه

وللي شفايفها تعاني من التشقق عندهم حل لهالمشكله..

مرطب شفايف بعلبه صغيرة (مو على شكل روج)بنكهة الفريز و نكهات ثانيه للي بيغى

الحلاوه حقتهم حقة نزع الشعر كلهم يمدحونها ..بس انا شخصيا ما استعملتها

و

وهج

مشرفة سابقة

15-06-2002 | 02:00 AM

هاااااااااي خواتي

انا استخدم عطور وكانت وايد حلوه مثل (انانيا وتوباكوفلاور)
واستخدمت كذ ا حمره (روج)خصوصا الالوان الترابيه تجنن عندهم
وهم اشتري من عندهم فرش المكياج وايد زينه

ع

علايه

عروس جديدة

25-08-2002 | 07:15 PM

انا اشتريت مره حمره بيجيه حلوه..

بس بعدها شفايفى ورمت و انتفخت صارت مثل اللى

يسوون عمليات تجميل للشفايف ..و بعدها حرمت اشترى شي

من عندهم...اشلون يقولون منتجاتهم طيسعيه و اهيه تسبب

حساسيه

ش

شيخة الحلوين

عروس جديدة

25-08-2002 | 08:13 PM

اهلين بالجميع
اسمحولي اقول لكم وش لفت نظري فبدي شوب اكثر شئ وعلى فكره هو اكثر محل ارتاح اشتري منه
عموما فيه مرطب للشفايف فعلب دائريه بنكهة الصبار والفراوله ..الصبار ياخذ العقل ماكانه صبار ابددددد ;)
والسكر حقهم بعد الكل يمدحه:cool:
ومحددات الروج لاني احب الالوان المات
البلاش بعد حلو والوان البرونزاج وكريم خاص بلبرونزاج حلو وماله اثار جانبيه
بالنسبه للاخت اللي سالت عن الفواحه هي اسمها فواحه بس ولها اكثر من شكل وعطورها من جد مميزه فعلا مثل ماقالت وحده من الاخوات اللي بريحة الشمام وبعد الفانيليا وواحد مدري وش اسمه بس ازرق من برى... عموما ميزة عطور بدي شوب وزيوته هي الهدوء والخصوصيه ...يعني ريحتك لك..وماانسى منتج رهييييييب عندهم للاظافر له ثلاث وجوه..واحد للبرد والثاني لمدري وشو والثالث للتلميع..يعطيك نتيجه على الاظافر كانه ملمع بالضبط....
بصراحه لو قعدت اقول وش يعجبني فالبدي شوب ابطول لاني معجبه فيه مره ماعدا الاي شدو ماحبيته

تقبلوا تحياتي(l)

ع

عبير الوفا

عروس مشرقة

25-08-2002 | 08:14 PM

حبيت اشارك معكم في موضوع بودي شوب انا من المغرمين في محلات بودي شوب
اخذ منهم المكياج كامل ( كريم الاساس "الميك اب" , والارواج بدراجاتها ، محدد الشفايف ، ملمع الشفايف ، الكحل السائل وكمان القلم ، وحاجه مدري ايش اسمها بضبط بس الي بتبرز عظمه الخد ومنطقه ماتحت الحاجب ،الشدو ، والمنكير ،) وكمان جربت حول ثلاثه عطور ووكمان الشنطه الصغيره حقت الارواج ، كريم العنايه باالارجل وهذا الي اتذكر وانا عمري ماسببت لي منتاجاتها اي مشاكل عشان كذا انا مررررررررررره احبها واستخدمها على طول

ف

فواكه

عروس مبدعة

27-08-2002 | 12:36 AM

انا جربت من بودي شوب عطر انانيا و ريحته وااايد حلوة و مرطب الشفايف يالصبار عجييييب

د

دخـــــون

عروس متألقة

27-08-2002 | 08:49 PM

هلا خواتي ان شالله كلكم بخير...
انا استخدم اكثر شي من بودي شوب مستحضرات العناية يالجسم ... مثل مقشر الاقدام..و مقشر الجسم من نوع شجرة الشاي..و مقشر الشفايف من شجرة الشاي..و مقشر البشرة الذرة الزرقاء...و مزيل لمعـــة الوجه..للمنطقة الدهنية... ..

لاني ما احب ماكيجهم...

ش

شمعة حب

عروس مشاركة

05-09-2002 | 09:13 AM

شكرا يابنات هيا مين يزيد اعطونا اكثر خلينا نفيد بعضنا