مرحومٍ يا شيخٍ غدر فيه صهيـون

السلام عليكم ورحمه الله وبركاته

وفااااااة الشيخ احمد يس رحمه الله




كم تأثرت لمقتله ..... وكم احزنني الهوان الذي وصلت له الأمه



نسأل الله ان يقيض لهذه الأمه من يعيد لها العزة والكرامة




مرحومٍ يا شيخٍ غدر فيه صهيـون

مرحوم يا تاج العـرب يـا فخرهـا

مرحوم يا شيخٍ غدا اليـوم مدفـون

تبكيه نسمات الهواء مـع بحرهـا

يبكيك غصن البان مع غصن زيتون

والقدس والصخره ومعظم شجرهـا

ويبكيك كل اللي على الارض يسعون

والشمس تبكي والسماء مع قمرهـا

ويبكيه نهر النيل مع نهر جيحـون

والبحر الأبيض والبحـور ودررهـا

ابكيه وادموعي على الخد يمشـون

من يوم سمعت مقتله فـي خبرهـا

ابكيه والعالم مـن الحـزن يبكـون

وتبكي عليه الأوديه مـع حجرهـا

شيخٍ شجاع وسيف للحق مسنـون

رمز الجهاد اللـي ليالـه سهرهـا

رمز الوفاء رمز النقاء مات مطعون

من يأخذ الرايه بعـد مـا نصرهـا

من يأخذ بثاره ترى غيـر شـارون

راسه وراس الكفر منهـو دمرهـا

تكفون ياعيال العرب كيف تمسـون

والدم فار وصاب الأنفـس قهرهـا

حصن العرب هزه ضعيفٍ ومجنـون

كل على روحـه يخـاف يخسرهـا

وين العرب يا ناس ياللي تصلـون

ما فيه نفس تمـوت قبـل قدرهـا

قوموا على صهيون فزعه لمديـون

من لا فزع هالوقت نفسـه حقرهـا

اليوم اشوف إن العرب دون في دون

تقول ليمونه وجاء مـن عصرهـا

يالله يامنجي من الحوت ذا النـون

إنك تجيب النصر حـزت سحرهـا

وترفع لنا الرايات والنصر مضمون

نبغى الشهاده قبل يظهـر عورهـا

:confused::confused::confused::confused:







((ملطووووووووووووووووووووووووووووش))